盛記

Open Now

Now Closed

跟朋友來盛記吃晚飯。枱枱都有人，也等了一會才有位。點了畺蔥雞、椒鹽鮮魷和涼瓜班腩，連啤酒白飯，一共$150幾。認真抵食。鑊氣十足，雞件鮮嫩惹味，就連畺蔥也是一掃而空。涼瓜有點苦，不過班腩就炒得好正，不會散件，不會韌皮，好好味。沒有清碟的是那碟鮮魷，因爲大塊的我們吃落覺得有點生，這是唯一的敗筆。後記：盛記有位老伯夥計跑上跑落，好賣力，但畢竟人多，左又叫，右又叫，又要落單，又要執枱，又要上菜，有時兼顧唔到都係人之常情，但係個四眼仔（少東？）一句喝埋去‘做少少嘢都做唔到’，唉，都幾十歲了，又唔係懶懶閒無做嘢，就體諒下啦。

THIS RESTAURANT IS NOT GOOD. TESTE IS NOT GOOD. DECORATION IS BAD. THE CHEF IS OLD.

買咗薑蔥雞同椒鹽排骨返屋企加餸，雞件大大舊，多汁夠香，唔單只啲雞，連啲薑蔥都搶清埋！椒鹽排骨好夠鑊氣，用嘅係青辣椒，加埋爆香咗嘅蒜頭蔥段，香氣撲鼻，當然亦都係清碟收場！兩個餸都超好味，食完唔覺口乾，應該無乜味精，讚！寫單嘅阿哥好好人，我趕時間，麻煩快上，佢立即叫師傅先做我嗰兩個外賣，加多一讚！！兩個餸夾埋都只係68文，重無收外賣飯盒錢，真係名副其實嘅 ！！再加多一讚！！！

HH後，有人建議大排檔。香港大排檔已買少見少了，在中環還有幾檔的仍可生存。在大排檔除了有風味外，鑊氣最為重要，生炒骨-這款小菜在大排檔基本上好少失手。除了鑊氣夠，又是即叫即炒，炸出來的排骨一定出色，這裡亦不例外。炒出來的半生熟洋蔥及辣椒，亦夠惹味。只嫌甜酸汁份量不夠。椒鹽鮮魷-大家似為是,酥炸的，原來是用椒鹽來炒，另有一番風味。滑蛋蝦仁-是我最愛的滑滑炒蛋，可惜炒得帶點燻黑。蝦仁炒得半透明，夠爽口。雞煲-雞肉又滑又入味、豬潤厚切夠爽口，但Rita略嫌大蔥不夠多，缺少了香蔥味。蒜蓉西洋菜及灼芥蘭略為多油，但兩者夠嫩綠、芥蘭更為脆爽。5個人食了6款小菜，埋單也不需$200，十分經濟又抵食。

突然轉涼的天氣，加上涼薄的人情下，只想吃點熱辣辣的東西補暖。附近食肆已近飽和時，痞街邊也是不錯選擇，旺火燒著、伙記整日在兜炒、洗鍋然後兜炒，這團火也不知燒了多少年頭。佩服伙頭以極速炒出一鑊三客（涼瓜牛肉)的技術，速度雖快，然而要「等齊腳」卻花上了十五分鐘，也是「一鑊過」的特色。鑊氣不用說也是到家，原粒豆豉夠火候也爆得夠香，沒有加辣椒只有少少蒜味及甜醬油味，撈埋中度化學的牛肉及圓身質感似吃「泡水」涼瓜，味道談不上出色，勝在汁底夠味撈埋白飯吃也可吃上大半碗，再加埋廚子拋鍋的show off，精彩。

去左中環食大排檔喇，在陳泗記及盛記下我地揀左盛記，因見openrice0的相幾靚﹗真正街邊大排檔feel，好在唔算超焗，點了....薑蔥雞同埋魚球炒時菜，兩樣都好好味，雞好新鮮，配上我好耐都未食過的薑蔥調味，勁似十幾年前屋企食的味道﹗魚球無咩修飾，就係原汁原味﹗好有家庭feel，一個送都係三十幾蚊吧﹗加多兩支大啤埋單都係八十蚊﹗抵到爆，如果未試過中環大排檔的可以去試下﹗不過如果你怕蟑螂的話，就不要來了，因四周都有好多攻埋黎，兩個無懼的人食食下見到也有點心寒﹗

27/9(四) 5:30pm下課後到中環辦點事宜.其後,步行到SOHO區醫肚.不想吃西更對連鎖餐廳沒大好感;大排檔,正中我的下懷.陳泗記,水記皆嘗過,首嘗盛記倒是個好主意.時間無多,甫坐定後匆匆點了滾湯勝瓜滾泥鯭$25及白粥$4.勝瓜滾泥鯭--要了細的,但戶看那巨大的鐵湯碗,我想足2個女孩的份量!先呷一口湯,奶白的湯頭十分鮮甜,真味十足!爽嫩的勝瓜份量其多,泥鯭也不遜色!三數條小泥鯭極鮮,肉質嫩滑,絲毫不腥!白粥--其實滾湯的份量足以飽肚,畢竟有粒米落肚才像樣.潮州白粥要了少渣多水;白粥入口富米香,也具一定程度的綿滑,$4是超值!令人樂道的粗茶淡飯!

昨晚專登去, 好懷念食生炒排骨, 之前食過好好味.所以一到就即刻叫左, 再加個煎釀三寶個生炒骨, 來到已經覺得唔同上次, 點知食落真係唔同味, d骨好多粉, 個味又唔好, 好失望.但個煎釀三寶都好味, 如果唔係真係掃與.

身處中環此國際都會心臟地帶,講到吃真係好多選擇,單係國際菜式,差不多講得出都有其蹤影.罕有如荷蘭菜,匈牙利,北非,阿根庭等另類菜式,一樣在此品嘗到.單講呢樣,上海台北要追香港,有排在後面食塵.(近日睇到單軟性新聞,上海網上流傳將交通卡放在微波爐加熱,就可替其增值.結果有好多人上當.中招者不乏大學生.)死牛一面頸話上海短期內超越香港,只係自欺欺人之說法.除左眾國際菜式,當然少不了眾老牌,無須再多講.身為全港歷史背景最濃烈的地方,點可缺少一些鐵皮大排檔此等活化石?昔日維多利亞式建築一早已成陳跡,但大排檔依然繼續安守本份,見証幾十年來此地的興衰.士丹利街倔頭路,就是此等活化石的聚居之處,每天風雨不改,火光熊熊地上演情陷夜中環之Behind the scene.開面陳四記,以粉麵為住,四個人的話,當然行到去後面的盛記,吃小菜隊啤酒.四個人,廿幾度的濕熱晚上,坐在露天位,大家絕不介意.睇個餐牌,最貴果味都係四十幾,求其點五味,應該無難度.番茄勝瓜魚雲湯,$28四個人分,湯渣多過湯,湯汁呈奶白色,先搭一口,很鮮甜,味道勝瓜代替豆腐,感覺更清新.如果一個人來,單叫此湯,再來碗靚仔,咁就一餐,幾好.腰

第一次在中環食露天大排檔, 去了盛記, 叫了椒鹽鮮尢, 生炒骨, 蒜蓉白菜仔, 白飯...地方ok, 食物好味, 吃到鑊氣的味道。希望這些店不會消失就好了。

隔左幾日又心思思想食, 今次仲捉多一個同事C tim!!!呢日叫左時菜牛肉、椒鹽雙魷同豆腐魚雲湯(大)時菜係芥蘭，好嫩好鮮甜，無苦味，芥蘭是難炒的菜，可見呢度功架有番咁上下;牛肉反而是梳打粉lar過的，無味道...椒鹽雙魷只得土魷，鮮魷失蹤了，有點失望，兼且味道太咸了最好是豆腐魚雲湯，裡面好多白菜仔，魚雲都係落足料，清清地幾甜，同事C 又幹掉了3大碗(飯後, 同事C 見有咁多麻甩佬一路食飯一路飲啤酒，竟串我地"你地兩個洗唔洗啤啤佢先?")

有人說食大排檔要去SSP，但其實，論水準及種類，中環也是一個大排檔專區，茶啡有勝香園，糖水有玉葉，粉麵有水記，炒粉麵飯又有波記，如果晚上想吃小炒，當然是來這裡~盛記。是日氣溫驟降，得番9度。與太座吃晚飯，本想去蛇王芬，但不知幾咁多人，諗起凍凍地去食大排檔小炒都唔錯，就來了「坐樓梯」。來這裡也不用看餐牌，因為通常問阿姐就知有咩好食，可惜今天太座在座，大部份推介菜色她也不合口味，只好叫她想吃的，分別是咕嚕肉、涼瓜鮮魷及蒸水蛋，再滾個西洋菜鯪魚球湯，兩個人吃已經很豐富。湯先來，一大窩的，湯面飄著零星油份，好街坊風味。湯夠味，亦有鯪魚及西洋菜的鮮味，當場亦有味精的作用，但可以接受。撈渣上碟，西洋菜新鮮翠綠，鯪魚球亦粒粒結實彈牙，加點胡椒粉及醬油去吃，幾滋味。這個滾湯，小的25蚊，我們要大的，才32蚊，已經是好夠份量，當然我作為「湯王」，是喝完又喝，暖笠笠又好滿足。其實如果一個人來吃，一窩滾湯加白飯，經濟抵食的；小炒即叫即炒，當然熱辣辣夠鑊氣。咕嚕肉其實是生炒骨，因為粒粒都有骨。幾脆口，味道亦酸甜合度，可惜排骨沒有肥肉，吃得不夠過癮，是晚的咕嚕肉是不錯的；涼瓜鮮魷用豉椒去炒，幾有風味，可惜茨汁杰

想黎試下大排檔風味好奈架啦，但真係無機會，無理由lunch time 人多車多套老西黎出到成身汗咁架。必試椒鹽鮮魷，唔係炸到金黃色大大隻果種。係用好多香料炸到好香。離開幾條街都聞到。小小辣，多多脆。老闆suggest我地叫生炒牛肉飯, 飯好香，好夠鑊氣。好香好大碟。記住叫佢比碟豆瓣醬比你。ｄ豆瓣醬唔太辣架，但係好香，必試。sigh, 唔知以後仲有無咁既機會。我幾壇project叫苦連天，燒雞兄又要遠飛他鄉讀書。

中區鐵皮大排擋都幫襯過幾間,喱間環境都算惡劣,坐滿後巷斜路,地面超濕,但眼見唔小OL及西裝友幫襯,所以都試下(我就坐坑渠蓋上面).坐底見人地一兜二兜,即刻唔識叫,亞姐介紹"西洋菜湯啦!大眼雞啦",唔知咩意思,但都好啦!就試.上原來係西洋菜湯煮大眼雞,睇落相當核突,但食落不得了,超正!大眼雞首先去皮,然後兩面煎兩煎,鎖住魚肉,到煮o個時唔會煮散晒,而且煎香小小再煲就令到啖湯更鮮甜,難怪碗西洋菜湯好飲成咁!極鮮甜.大眼雞並唔係最新鮮,但食落都ok.最重要係每兜(湯+魚)都係即叫即整,雖然等得耐D,但完全值得.另外,喱兜野$25,白飯$4,超大碗,建議將湯倒入飯中做成湯飯,超正.

放夜斑,一支公四處搵野食,沿威靈頓街行,眼尾'目及'到八九點都未收檔,仲有四五檯客,心諗差極有限掛?雖然四週濕漉漉,有點烏煙瘴氣feel,不過有特色嘛,點了一個蕃茄豆腐大眼雞湯,只見大厨刀法伶俐,將三四條手掌咁長既大眼雞劏得乾乾淨淨,有時坐係度睇大厨的手藝,都係一種欣賞.唔駛十分鐘滾熱辣又充溢魚香既湯用銻砵仔上,賣相真係唔得,但自有一番吸引力,魚細又多骨,食得幾狼狽,不過d湯用黎泡飯好正.