盛記

Open Now

Now Closed

某星期五與數名同事來這裡吃午餐，真的怕怕，決定以後不會再來叮第二次。叫了幾款小菜，平均三十幾蚊一款，包括︰蒸魚、腰果肉丁、蒸雞、苦瓜炒排骨，炒排骨同蒸雞都不錯，不過蒸魚條魚好鯹，腰果肉丁D 腰果好林，出水，肉丁超鞋....我把口其實都唔係好嘴饞，不過呢餐係絕對唔值30蚊! 可能因為係大排檔，實在是太有"露天"風味......蒼蠅在飛.....地下又濕....裝飯的那個碗....好像也不太清潔.....與同事決定了眼不見為淨，是是但但半閉上眼就吃下去.....一定不會再去。

尋晚8:45pm去到 勁多人坐低 等左好耐都無人拎menu過黎 等餸等左成大半粒鍾先黎第一碟 大排檔仲耐過食法國餐上菜 等到人到炆埋叫左3個餸-薑蔥雞 >> 原來係炒既 唔係好似燒味個d咁上-時菜牛肉-蒸魚雲 >> 不錯食物ok, 但衛生環境惡劣 等左咁耐咩mood都無晒 無第二次~~~

一月路過探班作交收，已近凌晨附近除夜夜笙歌的蘭桂芳外，從前「為食街」的一角，入夜後水盡鵝飛，只有盛記、陳泗記等大牌檔，高速炒爐傳來熊熊炒菜聲，聞聲而來一頓街頭宵夜。春天濕雨、夏天就太熱，都不好，所以痞盛記從來都是入秋後，街頭涼風送來，打幾味小菜同朋友送啤酒。豉油皇大蝦雖是冰鮮貨，$10／隻勝在夠平，大海蝦肉紮實爽嫩，痞街邊粗魯地大啖吃著肉厚大蝦，實在是入形入格。更多的街頭風味分享＠http://foodxfile.blogspot.com/2010/02/blog-post.html

今天上日帶我去陳漢記的朋友從大埔出來港島，傍晚時份來電相約食飯，就讓我投桃報李帶他在中上環尋味，最後我決定去中環士丹利街碩果僅存的大牌檔吃飯，到達時在士丹利街對正牌檔的座位都坐滿客人，我見吉士笠街窄巷那邊較少人便坐在那邊的枱，這天晚上一邊吹着由大道中吹上來的冷風，一邊吃着熱騰騰的大牌檔小菜，實在風味十足，一切環境及衛生問題也不重要，其實食具也頗乾淨，衛生也不是一般人想像中那麽差。 兩個人先來了兩餸一湯再追加一碟炒餸及三碗大白飯才夠喉，前後吃了一碗細的芥菜煲猪什湯、啫啫鷄煲、薑葱蒸魚頭雲及芥蘭炒鮮魷。芥菜煲猪什湯 ($27細)芥菜跟猪什都很新鮮，不透铜碗中猪什中有很多猪腎片及猪潤，只是豬肚不多，下了不少薑片同煲，猪什沒有血水也不覺有血腥味，芥菜煲過後仍然爽脆綠，碗內有很多湯料，雖然只是滚湯但湯水都很有鮮味，喝後不覺唇乾燥，相信沒有落味精同煲。啫啫鷄煲 ($40)啫啫鷄上枱時一打開煲蓋便熱氣騰騰、香氣四溢，除了燒鷄的香味，我聞到有大蒜、洋葱及燒酒的香味，煲內的鷄件及香料仍在滋滋泎響，是名乎其實的啫啫煲，入口時仍覺熨咀，鷄肉骨少肉多頗有頭，只是稍嫌份量少了些而已。薑葱蒸魚頭雲 ($34)

諗住同男友撐檯腳架, 點知D米奇米妮都出黎拍拖!!叫左白菜魚湯, 紅燒豆腐及牛肉炒菜心魚湯奶白色, 好鮮甜, 少味精, 紅燒豆腐及牛肉炒菜心就一般啦, 無乜驚喜膽小的女仕們記得坐近光猛處, 小心D米奇出黎!

今日放假由TST 搭天星小輪去中環,諗住行下街影下相夜晚就去呢間盛記 食晚飯,每次嚟親都要等等先有位坐,我同HONEY 都鍾意呢度D鍋氣夠,又有風味,但就有少少油膩.總共叫咗3個餸:鯪魚肉滾湯 ~ 正啊椒絲腐乳通菜 ~ 好味道,但要記得叫佢少油蝦仁炒蛋 ~ OK LA我去開中環都會係呢食埋晚飯,食完就行去碼頭搭船.

入夜後的中環,總是在寧靜中透出午夜的迷人魅力.街角窄巷彷彿隱藏著一個又一個故事.態態的爐火聲,偶爾夾雜著鑊鏟拷打聲之中.坐在街中一角,嗅著空氣中跌宕的"食送"菜味,肚子不期的作樂.三數好友的飯聚,既不須要華麗的裝潢,亦不須要什麼古法懷舊的巧立名目,總之好食就可以了.菜,湯,河三重奏:大眼雞滾白菜仔湯 : 當然不是什麼貴價貨色,簡簡單單的一條下價魚,加入豆腐白菜仔一齊滾,湯是奶白色,呷一口是有少許師傅,魚肉白菜蘸點豉油食,完全唔覺腥,原因是加入適量的薑片,,再加碗白飯,又是飽肚的一餐.P.S : 比笑面係因為我實在太鐘意呢D就黎湮沒的本土飲食文化.豬什炒菜 : 豬潤火侯掌握得好,有少少血絲透出,遊走於生同熟之間,肉片醃得無乜肉味,芥蘭大兜亂但來貨好,菜本身帶甜味,咬落又爽脆,真係唔錯.乾炒牛河 : 鑊氣夠,所以香口,豉油上色均勻,加入少許芽菜,更增加口感,但油份太多,能乾身一點更好.好可惜搵唔到人同我去 bonheur 好好享受一下燭光晚餐,亦無一張俏面對住我傻痴痴,只有幾個"麻甩"對住我XYZ........................

呢日晏晝同我個friend去左深水灣~游左陣水之後同埋佢去食飯,不過我九龍人,對港島區真係一d都唔熟~友人帶左我去利源東街行~有衫買,仲有套好靚GE泳衣呀!!!!!不過BB SIZE,我點著呢...好在~我都有收穫~~行到餓,去左行人天橋下面有間連菜欄先生都推薦GE盛記大排檔...呢度未行過黎...細個次次去表哥屋企都係行天橋...都係第一次黎呢度第一次見到一個又唔濃妝又笑得好開心GE生力啤妹cat,我地都開心到飲左3支生力~主要都係食野送啤酒~飯都係1碗SHARE食2個女仔食左6個送!!!仲要係清碟!!!椒鹽蝦好惹味,因佢落左淮鹽...就咁啜蝦殼好咸...送啤酒一流...但而家諗返其實我都好有興趣想食茄汁蝦...時菜珍肝...呀姐話通菜韮菜,我梗係以為叫我揀咩菜啦...點知諗諗下...2樣菜其實咪同一樣野??呀姐你玩野.....不過好好食...珍肝係雞潤佢話...但係佢炒左...我地食落好明顯係雞腎...好爽喎...豉椒炒蜆一行過個檔口已經聞到勁正炒蜆味,當初我地諗住食斜路麵檔搵緊路咁巧合行過,最終我地都係比呢陣炒蜆味吸引返去坐低食野蒜茸粉絲蒸扇貝--每人2隻,好大隻...蒸得剛好,

耳語相傳，中式廚房有兩味考牌作，一道是乾炒牛河，另一道是咕嚕肉，都是在街外不難找到的食品，可惜找上一碟像樣的出品，也著實不多。在碩果僅存的大排檔當中，「盛記」在中環可算是薄有名氣，旺場時間永遠坐滿人；週五夜一個人獨坐之下，心目中也沒有一些指定的食譜，既然想起上一段的傳聞，也就暫充考牌官一名，點選了這兩味。結果就是當牛河上桌之時，心中已暗呼「出事」，事前已事先明言要少油，可惜仍然甚有光澤，用的河粉是窄身的，類似金邊粉的幼度，也是不對題的標準。這樣的一碟炒牛河，明知不會有好結果，硬著頭皮之下，除了甚有鑊氣之外，滿口也是油，其牛肉也沒有甚麼味道。至於咕嚕肉，印象較佳，也只是合格之上而已。外表有一層薄薄的脆漿，酸甜汁味道也算均衡，其肉也嫩，當然和以前吃到炸成松子般，外面香脆，內裡鬆化的程度，尚有一段大距離。吃到尾還發現一些不快事，有幾件炸骨，吃入口的味道，似有變異的跡象。埋單不貴，加上啤酒，八十元有找，可惜其食物過不到自己的關口，早輪在蔡生的節目中，提到大排檔露天進食的氣氛，和其即叫即製的重鑊氣，是有其存在的價值，可惜在我來說，味道始終是成敗的關鍵，難道在室內，就沒有鑊氣嗎?! 況且烹調技巧，

與6位朋友黎食飯，慶祝我的生日!自己已經係第5次黎食，到依家都係我最喜愛的大排檔!!! ^.^1. 蝦仁炒蛋 - 蝦大粒，雞蛋又滑!2. 時菜鮮魷 - 清D，比較鐘意食椒鹽鮮魷3. 牛腩煲 - 裡面有牛筋(成個煲好快比朋友清曬!)4. 白飯 - 永遠都係大大碗的，好有白飯香味，聞到都想快D夾餸撈飯食5. 雞煲 - 第一次食，熱辣辣，雞又滑，good!6. 炒蜆 - 好野味啦!7. 生炒骨 - D肉un左D..8. 時菜班腩 - 依個我好似無食到，因為唔係太鐘意食班腩9. 勝瓜牛肉 - 勝瓜好味!!!10. 椒鹽鮮魷 - 佢同人地出面個種椒鹽好唔同，味道好特別，未食過真係要試下!另外朋友們買了Tiramisu蛋糕，係大排檔分埋黎依...呵朋友們請

週日晚，在大會堂看異人實現劇場的《生物不可思議的生存大搜奇》；雖然非常有趣，不過由於開場前顧住shopping, 來不及吃晚飯，肚子一直在打鼓，笑得未夠盡情暢快。猶幸九點半便散場，太公和太公之公即以最快的速度，衝去覓食。在登山電梯下走著，見盛記那小巷仍然燈火通明，就鎖定地點向前進發！餐牌的選擇不算多，不過最基本的家常小菜都齊全。我們點了：涼瓜勝瓜炒鮮魷 - 勝瓜和涼瓜都炒得非常腍，而鮮魷爽口鮮甜，加上豆豉吊味，香氣撲鼻。番茄紅衫魚 - 紅衫魚的肉質不是滑溜型，不過經炸後較為香口，送飯吃不錯；最精彩還是餸汁，混了豉油、點點魚汁和茄油，撈飯吃實在好；只嫌番茄炒得不夠腍，若再腍一點，滲進汁裏的茄香更多，相信會更精采。盛記小菜的價格雖是約三、四十蚊左右，比牛頭角的更便宜，不過份量實在少得多 - 我們兩個人吃，問題不算大，叫個飯就好了！那碗飯的份量，卻大得嚇了一跳；以一個中型的公雞碗盛著，而且還推得相當高的！吃小菜不飽，吃飯一定飽了！兩個人，兩餸一飯一啤酒，才$76，夠晒抵食；不過這個大排檔在巷仔裏，不夠開揚風較少，大熱天光顧，要有「出一身汗」的準備！

與同學仔食飯，同學仔第一次黎，讚口不絕，哈哈...!我第三次食都覺得好味，好有風味!!! =]兩個人叫了4個餸，加一個白飯 (白飯係非常之大碗)!1. 啫啫雞煲 - 熱辣辣，好野味!2. 豉汁炒蜆 - Yummy呢! 不過好快食完!3. 蝦仁炒蛋 - 正字一個!4. 涼瓜炒牛肉 - 夠熱又食香 每人五十幾到六十蚊到。

不要以為只有深水埗才有大牌檔吃，在港島區中的表表者可說是在中環，雖說是現在全港租金最高的地方，但由於很早發展了，至今仍在斜坡的大街小巷中有大大小小的牌檔。今天天氣還未熱，也把握機會吃一吃牌檔，來到後，以以往的經驗，一個人，叫個湯，再叫白飯，已很夠吃及美味的了，今天多人一點，也可試多一點小炒，所以點了蕃茄豆腐大眼雞湯、生炒骨、涼瓜排骨及味菜鵝腸，當然也要有白飯呢，若果不是咳，叫啤酒就更一流呢。此處的食材羅列在外，任君選擇，而且可看到師傅在炒餸的情況，在等吃時，也都是賞心悅目的事情。先來的不是湯，是生炒骨，也是正宗的港式作法，有洋蔥、青椒配以酸甜汁與炸過的排骨快炒，不過排骨炸得不夠透，酸甜汁好像是不太平衡，是過甜了一點，總括來說很多地方也比它的好。再來的還不是湯，是涼瓜排骨，一吃兩口，已知自己真的犯錯了，是犯了不時不食的原則，明知冬天還吃什麼涼瓜，本以為可以一時僥倖，而且真的不知怎地今天很想吃涼瓜，所以點了此品，涼瓜不夠甘爽飽滿，但排骨肉質軟腍，肥瘦並兼，而豆豉也下得足，味道也不錯，唯一的缺憾都是要怪自己了。終於湯來了，點了一個中size的已經是很大的了，而且也用上一尾不小的大眼雞來煲，大

特地來試一次中環的大排檔，已過了下午二時，見到這裡仍然有不少人，就坐下了。碗筷都是早放下了的，看到筷子上有一點點，看清楚原來是煙灰，杯也有一點臟了，勉強用那杯完全不熱也不暖的茶洗一洗，阿Q心理一番算了。原想要椒鹽排骨飯的，要四十元，但老板好像自己也覺得貴，告訴我這個比其他貴，我想了想便轉了個時菜排骨飯好了。時菜排骨飯一出來，熱氣騰騰，真不愧是大牌檔，鑊氣厲害得很。菜夠爽嫩，足見炒工超卓。排骨略嫌咸了點，骨或軟骨都比較多，不太好食。汁亦比較咸和油膩，撈飯還好。分量對我來說是多的，以二十八元計，這是非常抵食，但又不算很好食，而且這裡的衛生情況頗差，午餐應有更好選擇。看到這裡的好評大部分都是寫晚餐而不是午餐，看來應該會來晚膳試多一次。

和豬豬女友7點倒來到.行到街尾, 剛巧哥哥在擺檯, o岩晒啦, 一開檯就坐下了.店舖又掛了個牌, 原來此店又係蔡瀾經常光顧的餐廳之一, 問你怕未! 看完menu, 豬豬女友話想食大排檔野, 最後叫了:椒鹽鮮魷拼豆腐, 生炒骨, 蒜蓉炒白菜炒白菜先上, 味道一般, 菜都幾新鮮.炒得幾油, 預左.生炒骨方面, 40蚊黎講, 又真係太細碟了!可能係個翠華碟太大, 型式錯覺?味道都係一般, 豬肉略肥.椒鹽鮮魷拼豆腐等了幾耐, 飯都食晒才上.d鮮魷冇落咩粉才炸的; 食落感覺似係炒多過炸的, 唔太韌, 鮮味, 很好.豆腐切到好似筷子咁薄才炸的, 但又不太咸.反而, 碟底的油和椒鹽聚晒响度, 食到下面的豆腐就勁咸...d椒鹽分佈非常唔平均呢.服務方面, 人客太多, 阿姐又唔係成日行過黎, 要揾佢都要等.除此之外, ok 啦.2人食了100蚊, 幾經濟.但味道一般.見好多人都係食個例湯+個飯便算了, 個湯看落又倒幾正, 再來的話要一試呢.