星記海鮮飯店 (一號廣場)

Open Now

Now Closed

今日同舊同事慶祝生日，帶咗佢去呢間穩陣嘅餐廳！米芝蓮推介，食物質素果然有保證！✨老火例湯:西洋菜羅漢果煲豬骨湯味夠濃郁煲得夠火候, 材料方面亦好足料, 完全冇落味精, 西洋菜正值當造期, 食落清甜冇揸,絕對有媽媽湯的感覺✨椒鹽大尾魷大尾魷夠厚身, 肉質彈牙味鮮, 炸粉醬上得夠薄身, 炸得䢀身夠脆, 面在灑上椒鹽炸蒜, 令我食唔停口😋✨輝哥煎鹹雞半隻食得出呢味係用新鮮雞做, 雞肉都算滑嫩, 只糸簡單咁調過味再煎香, 入口鹹鹹香香, 呢味菜式特别好餸飯☺️✨甜品八寶茶材料有蓮子百合雪耳杞子紅棗圓肉紅腰豆及無花果, 帶少少甜味, 飲落清甜潤喉, 好適合依家個天氣飲用👍👍餐廳啲位都坐得幾舒服，好適合成大班人嚟或者兩個人嚟撐枱腳都適合😝

今日黎左一間連續多年獲米芝蓮必比登美食嘅-星記海鮮飯店lunch 時間果然都要book位，好彩有book枱，如果唔係真係冇得食🥹原來飯店重開左兩個幾月😀唔怪得知裝修好新😍而且座位與座位之間都幾寛敞，坐到好舒服喺中環黎，呢個lunch set Menu已經係抵，$88蚊可以食到米芝蓮推介嘅野正係好正😌仲要每一日有唔嘅老火湯飲😋今日係星期二，老火湯係青紅蘿蔔粟米煲豬骨，個老火湯好濃郁，飲得出非常足料🔺紅燒豆腐炆魚柳魚柳酥脆可口，豆腐大件同淋身，而且仲係好滑嘟嘟，而且豆腐同魚柳朔吸哂d紅燒汁，非常之入味😆最適合送白飯食🔺滑蛋蝦腰扒上湯菜心蝦仁爽口彈牙，而且仲有唔少蝦仁😍個滑蛋好滑好香😍而個菜心非常翠綠😍差唔多比我食晒😆搞到朋友冇得食 🔺八寶糖水呢個糖水，非常足料非常養生😙入邊有紅棗、桂圓，杞子，雪耳等等，都係非常滋潤嘅🤪好適合冬天食用

前排同女朋友屋企人食晚飯，uncle安排左呢間位於中環擺花街嘅「星記海鮮飯店」。Uncle係呢度嘅熟客，所以佢最後都噏得出呢度嘅招牌菜，所以呢一晚食嘅都係由佢拍板。餐廳裝修簡單、舒服，光線明亮。店員服務殷勤有禮我哋先嚟咗一個西洋菜豬骨湯。值得一讚嘅係，西洋菜好多、而且豬骨大大嚿好足料，所以碗湯係好好飲嘅！跟住係Uncle私心想食嘅「椒鹽大尾魷」。呢度用嘅鮮魷應該係幾大隻嘅，肉夠厚，而且口感彈牙。配埋椒鹽去炸，好惹味！跟住我地食「馳名鳳梨生炒骨」。叫得做「馳名」生炒股，佢當然有過人之處啦：同平時外面食嘅生炒骨唔同，佢呢度外層嘅炸粉唔會好厚好硬，用嘅肉亦好嫩。而最正嘅係，佢嘅醬汁應該係獨門配方，酸酸甜甜嘅程度恰到好處，一試難忘！至於小炒王方面，廚師整得好有鍋氣，蝦乾夠曬鹹香，配合埋啲腰果食同啤酒，非常正另一個主菜係「輝哥煎鹹雞」。俾大家睇下，賣相相當吸引。佢呢度嘅煎雞用嘅雞好好肉地，而且肉質幾鮮味。佢用左啲蒜去煎，夠曬香！總結：雖然Uncle叫嘅菜式都係家常便飯，但經過米芝蓮推介嘅大廚炮制，果然非同凡響！

今日同屋企人出去食飯，爸爸比較鍾意食大排檔嘅菜式，所以今日專登帶佢嚟呢間米芝蓮級嘅海鮮飯店😋首先叫咗個椒鹽大尾魷，隻隻魷魚都好大，非常新鮮同埋惹味，炸粉唔會好厚，所以啖啖都食到魷魚嘅鮮味。之後嗌咗個招牌小炒王，好香口，而且好足料，啖啖都食到海鮮，好夠獲氣！作為咕嚕肉控嘅我當然要試吓呢度嘅生炒骨，可以話係食過最好食嘅咕嚕肉😍😍調味調得好之餘唔會太多骨，啖啖都係肉，外層酥脆，內裡肉質鮮嫩，食到呢度已經即刻叫左兩碗飯🤤🤤最後仲叫左個輝哥煎鹹雞，係類似半煎煮咁嘅，之前都冇食過咁嘅口感，但係又好特別，既有煎嘅香，又有煮嘅嫩滑，值得一試！最後經理仲好好咁送咗每人一碗糖水俾我哋，真係非常滿足😋😋

時近年尾會喺多咗啲飯聚，有大有小，今次同老同學短聚食餐晏晝飯，就番小弟就梗喺晌中環啦，而大家都想靜靜局傾吓偈，所以，搵咗「星記」。雖然佢喺中菜館，但有別一般酒家，午市有啲小炒套餐，所以，都幾划算。踏出電梯門，第一眼除咗大大個店名之外，其次就喺啲「米芝蓮」獎狀，雖然未摘星，但都多年獲選為推介餐廳。不過，個人而言，小弟搵食就從來都唔睇「星」，口味嘅嘢都喺講個人嘅。  走入餐廳，地方唔算話好大，但裝修雅致，唔會太俗氣，而且，枱與枱嘅分隔都OK，無話太逼、太侷促嘅感覺。 呢度跟附近嘅酒家唔同，午市都喺做小菜，完全無點心供應，而且，仲有唔少喺貴價嘅菜式，如鮑參翅肚、龍蝦、龍躉都有。 咁又唔使擔心，經濟實惠啲嘅有小菜套餐，一款喺多人組合嘅「午市超值套餐」，睇落貴就貴在有道龍躉；再經濟啲，仲有款「特價午市小菜、粉麵飯套餐」，包老火湯及甜品，定價都喺$88，啱晒我哋。當然，嚟得飲茶，仲有茗茶$15位，另收加一。 老火湯落好單，先嚟就梗喺飲啖湯先啦，老火湯每日不同，是日就喺西洋菜，呢排當造，啲西洋菜好嫩、好甜，飲落夠老火，又無添加，清甜滋潤。 馳名鳳梨生炒骨我見好多人都會點呢道菜，餐牌亦好標榜佢，所以，

今日同屋企人去咗米芝蓮餐廳食飯，好似都係第一次帶佢哋去啲星級餐廳食🙈餐廳雖然係樓上店，但其實入口隔離除咗樓梯都有電梯，所以就算帶埋老人家，或者小朋友去都唔會唔方便🤓除咗一本大大本嘅餐牌之外，都仲有呢啲酒樓唔少得嘅紙仔介紹緊是日推介因為有小朋友嘅緣故，我哋今日食嘅都偏向細路仔口味。首先叫咗個馳名鳳梨生炒骨份量唔少，啖啖肉。生炒骨嘅肥瘦好平均，唔怕食到成口油，鳳梨同埋整體嘅調味都啱啱好，唔會過酸過甜，好岩送飯，細路又鐘意我哋另外仲叫咗舖頭嘅特色菜，椒鹽大尾魷呢個菜真係大人細路都好鍾意大大碟，全部都係大大件嘅魷魚塊。佢係好似炸過咁樣，但個炸皮唔會好厚，亦都唔會同啲魷魚肉分開咗，確實係比較高質。而且仲有埋一疊喼汁俾我哋點停唔到手如果驚熱氣嘅話，其實都可以揀佢其他做法啲細路仲要左碗糖水，甜甜地，結結地，裏便又有雪耳又有紅棗，冬天暖肚一流

➡️食盡中環之中式 — 星記海鮮飯店 (1號廣場)————————————————喺中環返工日日諗lunch食咩諗到頭痛，想要食得平但係又唔想排隊，又想好食，搵搵下居然俾我發現咗一間米芝蓮樓上飯店🤔小菜連飯同老火湯／甜品款款$88炸！🔸 馳名鳳梨生炒骨生炒骨表層夠實，內層夠遠軟， 肥瘦均稱，唔似得出面成日食生炒骨入面好多都係肥膏多肉小， 配埋菠蘿酸酸甜甜好味道😛👍🔸 香芋栗子滑雞煲呢碟餸一上臺勁香！熱辣辣既雞煲人人都岩食， 芋頭同栗子炆得好淋， 雞亦嫩滑唔多骨！🥰 而且應該落咗豆瓣醬， 令個味道更濃郁，推薦！☺️💭Overall comment:呢間飯店冇平時嘅茶樓大， 不過唔使擔心因為有得book位，好岩傾計長談，而且waiter非常有禮貌， 老火湯亦都好飲，相信好快會再黎食!🍽食物: 8/10🌌環境: 8/10👔服務: 8/10🎖CP值: 8/10

今日另一伴話帶我食好嘢，的確未去到餐廳見到咁大個米芝蓮牌就都幾期待下坐低嘅時候叫咗壺茶，枱面都放咗一個小食開胃。話明係開胃，味道就梗係酸酸甜甜，但我哋都食唔出佢究竟個味似咩🤣🤣🤣，不過個蘿蔔片就好爽脆入冬之後就想飲番啲滋補老火靚湯潤一潤，佢餐牌每日都會有唔同，今日係我鍾意嘅青紅蘿蔔粟米煲豬骨湯嚟到嘅時候，服務員就已經將啲湯渣不晒出嚟，仲拎咗碟豉油方便我哋食。而湯佢都另外分好晒～冇咗渣嘅湯好清甜，一啲都唔似有落味精，抵飲蒜蓉炒西蘭花每一棵都切得細細地，入口幾方便。食落似係生炒西蘭花，因為佢唔係煮到勁林～咬落仲食到西蘭花嘅嗰種爽脆，基本上每一棵都會食到蒜蓉味依個係輝哥煎鹹雞， Menu上好似係推介菜，每一件雞肉嘅size都好平均，一樣係方便入口size😋😋每一件雞都鹹香鹹香咁，佢雖然係煎，但係唔會煎到冇晒水份另外都想特別一提嘅係，佢每一件雞斬嘅時候都唔會斬到啲"骨慘慘",食落更舒服外加白飯一碗雖然今日叫嘅餸嘅食材都唔係啲特別矜貴野，但要整得好食都唔容易。侍應喺進食期間仲好勤力幫我哋換咗啲裝骨嘅碟，亦都好留意我哋個壺仲有冇茶水雖然係樓上店，但現場都幾爆，幾好生意，如果真係想來試嘅朋友最好約定

因為疫情關係成年冇去星記，佢啲海鮮好新鮮，隻聖子蒸到啱啱好，好鮮甜。大蝦雖然係急凍嘅，但係老細會講明俾你聽，同埋整出嚟一啲都唔會鞋。最欣賞佢哋啲炸嘢，粉漿唔厚，又冇油溢味，炸到脆卜卜，又唔會太鹹😍😍😍豬肺花膠湯非常足料，淨係啲湯渣都面盆咁大盆。炸子雞，安格斯牛，薑蔥蠔，芥辣煎鮮魷，椒鹽九肚魚等等等等，依然非常之好味，仍然保持到水準👍🏻👍🏻👍🏻最緊要服務態度非常之好，上至老闆，下至員工，每位都有求必應！十分讚！

約左個 friend 嚟中環食晏，心血來潮想食小菜，由朋友帶路，嚟左擺花街呢間「星記海鮮飯店」。據說餐廳係中環出名嘅「名人飯堂」，以扎實烹調技巧同新鮮食材見稱，而且更連續多年榮獲米芝蓮「必比登美食」推介。我哋每人揀左個午餐，原來呢度嘅午市小菜都幾經濟，每款只係 $88，仲會送埋火老湯同甜品，以中環區嚟講，已算十分抵食。今日嘅火老湯係青紅蘿蔔豬骨湯，滿滿一碗，真材實料，無落味精，入口鮮甜味美。馬蹄蒸鮮肉餅，肉餅用上本地新鮮脢頭豬肉炮製，三分肥、七分瘦，食落肉質好嫩滑，夠鬆身又有彈性。馬蹄好爽口，同肉餅一齊食，充滿住家風味。香芋栗子滑雞煲，雞煲熱辣辣，送上時還冒著煙。芋頭食落好粉，栗子炆到很入味，入口甘香軟糯，夠晒腍身。雞件分量不少，肉質嫩滑，加上索滿了醬汁，吃起嚟倍添滋味！壓尾仲有每人一碗八寶糖水，材料有圓肉、紅棗、雪耳和杞子等，用料十足，據說有寧神安睡功能，飲完成身暖笠笠，非常滿足。聽朋友講，飯店設有五間貴賓房，方便好友們私密歡聚，或生意應酬，下次有時間要同屋企人上嚟食下晚飯。

呢間中菜館連續五年成為米芝蓮推介， 啱啱喺9月份重開，位於中環扶手電梯附近，地點都算方便，所以中午都好多人幫襯。 樓面算係幾大，有幾個廳房，檯凳擺放得唔太密，都幾好坐 。 呢度中午同一般酒樓有啲唔同，係冇點心嘅，但就有推出88蚊嘅小菜午市套餐， 套餐包咗一個小菜、 老火湯同埋甜品， 價錢相宜，仲有得嘆下茶，喺中環嚟講真係好抵食。 ❤ 菜乾老火湯傳統老火湯嘅味道， 標榜冇味精，味道濃郁，湯料好多👍。 ❤ 馳名鳳梨生炒骨生炒骨大大碟， 肉嘅份量唔少， 外層炸得好香脆，淋上甜酸汁係好啱送飯嘅一道菜。另外亦都有好多新鮮菠蘿塊，唔會炒得太腍，保留咗菠蘿本身嘅水份，幾鮮甜。 ❤ 紅燒豆腐炆魚柳不嬲都好鍾意食酒樓整嘅紅燒豆腐，呢度嘅豆腐 好有水準， 又大嚿又入味，裏面滑嘟嘟。魚柳亦都有好多塊，每一塊都係煎過之後再炆，所以好香口， 而且入面完全冇骨，啖啖肉可以放心食。 ❤ 八寶糖水以為贈送嘅甜品係一嚿糕，原來係足料糖水，都有啲驚喜。有紅棗、雪耳、蓮子等等，感覺好滋潤好適合就秋冬天飲🥰。

今晚約咗朋友去米芝蓮星級的私房菜餐廳。入到去餐廳，第一感覺係餐廳裝修好新淨。老闆同職員都好熱情招待。叫咗幾道菜，其中深刻印象係家鄉生煎蓮藕餅，咕嚕肉。家鄉生煎蓮藕片，煎出嚟金黃色，咬落粒粒脆口蓮藕粒，唔太油膩。咕嚕肉伴隨菠蘿粒，甜酸味啱啱好。咕嚕肉咬起身好有口感，脆而不軟。

位於中環擺花街的「星記海鮮飯店」，係一間連續7年榮獲2016-2022港澳米芝蓮推介餐廳青紅蘿蔔粟米煲豬骨湯當晚老火例湯係青紅蘿蔔湯，店員另外放起了一碗湯渣，用料充足，鮮甜味美輝哥煎鹹雞(半隻)雞件份量十足，皮光肉滑，鮮雞味濃。配上蔥油及蒜頭粒一齊爆炒，鹹香滋味，好好食呢椒鹽大尾魷炸到金黃卜卜脆的大尾魷，表面撒滿椒鹽，鹹香滋味，佐酒一流蒜蓉炒時菜是日精選時菠係白菜，新鮮碧綠，簡單的加入蒜蓉爆炒，好香口呢，滋味又健康

今晚收工去咗中環擺花街「星記海鮮飯店」食晚飯，店內裝修雅緻舒適。餐廳連續獲選榮獲米芝蓮美食推介，質素必定有所保證餐牌上的選擇種類幾豐富無味精老火靚湯老火靚湯系列，每日不同。惠顧當日係青紅蘿蔔粟米煲豬骨湯，無添加味精，火候十足，清甜滋潤，秋天飲就啱晒輝哥煎鹹雞餐廳其中一款拿手招牌小菜：輝哥煎鹹雞。用上了半隻雞，加入香蔥、蒜頭、薑、青黃椒等等煎香，色香味俱全，啖啖鮮雞味馳名鳳梨生炒骨排骨炸到外脆內軟，半肥瘦肉，豬肉味濃郁。加入三色椒、洋蔥、菠蘿及醬汁等等一齊炒，酸甜開胃，好好食哦紅豆沙最後每位奉送中式糖水紅豆沙一碗，甜度適中，紅豆粒粒都好飽滿，為晚餐畫上完美句號

呢間酒樓係9月重開，係米芝蓮飯店，而且聽講成日有名星過黎訂座食飯添架！主打小菜為主，有別於其他傳統酒樓，並唔係食點心～食左個鳳梨馳名生炒骨lunch set $88 (包例湯+甜品): 例湯飲落去清甜解渴，亦都無落任何味精。生炒骨炸我好香脆，食落去啖啖肉，師傅將酸甜程度拿捏得岩岩好！肉嘅份量亦都非常多，岩晒我呢啲食肉獸！而鳳梨亦都係清甜，配埋白飯食一流！紅燒豆腐炆魚柳: 魚柳炆得好淋，食落去啖啖肉，亦都岩晒我呢啲平時食魚怕骨嘅人～而豆腐亦都炆得好入味，間餐廳標榜無用味精去煮，食完之後真係一啲口渴感都無！最後，個甜品係八寶糖水，飲落去微甜，尤其解渴～為呢餐飯畫上完美句號！另外，茶芥每位$15，再加一服務費～