星記海鮮飯店 (一號廣場)

Open Now

Now Closed

朋友推薦我一訪位於中環擺花街嘅星記，最初唔知其特別之處，原來係連續七年榮獲米芝蓮必比登推介，失覺了。雖然星記係一間細小的中菜館，但店員服務殷勤，人情味滿滿，試咗佢哋推介嘅椒鹽大尾魷，馳名鳳梨生炒骨。由於午市套餐包埋老火湯，店員火速送上蓮藕湯，對於呢啲長期冇住家飯食嘅我，搵番家嘅感覺！先講講椒鹽大尾魷，有別於一般鮮魷，大尾魷價格偏高，質感彈牙，食得出係新鮮貨，聽店員講食材係每朝拎貨，再加上唔死鹹嘅椒鹽，薄薄的脆槳，真係好好味！另一道推介菜式馳名鳳梨生炒骨，粉槳唔厚身，個醬汁酸酸甜甜恰到好處，豬肉肥瘦適中，一啲都唔鞋！小棠菜炒上海年糕就正常啦！朋友叫咗欖菜肉鬆炒涼瓜，我唔好涼瓜都試咗啖，都可以接受呀！黑椒荷蘭豆龍鬚絲粉絲煲，惹味之餘，粉絲乾濕度適中。成餐飯以一碗紅棗雪耳糖水做結尾，住家菜感覺番曬嚟呢！

平日係中環飲茶既選擇唔算太多~今日黎到星記海鮮飯店, 係門口已經見到大大個牌寫住係米芝蓮飯店~馬上超級期待入到係店員都唔同D, 熱情招待入去坐底~午餐價錢比我想象中抵食好多~大約係一百蚊左右就有個小菜﹑茶﹑甜品等等午市套餐有老火湯, 我平日對於味精味道好敏感, 所以一試就知道喱到既老火湯真係煲出黎既清甜, 並無加任何味精~小菜方面, 店員極力推介左喱到既鎮店之寶--生炒骨。黎到一試果然係名不虛傳生炒骨外皮沾滿酸甜醬汁, 配料有鳳梨同青椒, 鳳梨甜青椒又爽主菜生炒骨同出面餐廳最唔同既地方就係做到外皮脆卜卜, 入面一D都唔鞋口~~啖啖肉少有生炒骨可以保持內裡既嫩滑, 又同時做到表面勁香口仲有就係份量一D都唔米芝蓮!!一份午市套餐, 一碟生炒骨竟然有十幾舊肉, 係滿滿既一碟唯一不足就係個小菜太好食啦, 一個飯實在唔夠, 但又唔好意思再加, 哈哈哈~順帶一提就係午市套餐有老火湯/甜品, 我就兩種都試哂~甜品今日係中式既紅棗桂圓糖水不得不讚就係用料超足~啖啖都食到雪耳同桂圓, 味道係淡淡既甜, 應該冇落好多糖~~正喱間飯店真係值得推介畀大家~特別有機會可以黎食午市, 超抵食!!

今日中環呢邊俾自己過一個小旅行🧳 當然想食一啲高質素嘅菜式啦 同行嘅朋友帶咗過嚟呢間有米芝蓮美譽嘅中菜館😗 都有好多呢頭返工嘅人士過嚟食飯🍚 老火湯見到店員喺個瓦煲度攞出嚟 即刻加咗不少風味😳 呢個湯唔會太鹹 完全唔係出面嘅味精例湯 店員冇𢳂啲湯渣俾我哋 等我哋可以好好享受湯嘅全部精華咖喱醬炆牛筋腩呢度嘅牛筋腩炆得好腍 好入味🐮 啲牛筋腩係未煮之前應該有雪花❄️ 食物質素真係唔錯 隔離仲有一啲煮得好軟身嘅白蘿蔔 仲有牛筋㗎😻 送飯一流呀蝦醬京蔥爆鮮腩片呢一碟都相當有驚喜 蝦醬嘅味道非常香 上碟嘅時候已經覺得呢味餸好有鑊氣🥰 豬腩片層次分明 入面仲有京蔥絲 洋蔥絲等嘅配料 簡簡單單已經好考師傅嘅功夫啦 豬腩片仲有啲軟骨部份真係啱晒我呀🐷甜品呢個係一個好養生嘅甜品 一家大細都啱食㗎 係蓮子百合雪耳糖水 入面除咗啱啱講嗰幾樣材料之外 仲有紅棗 桂圓 杞子 同埋紅腰豆🫘 飲完都覺得喉嚨舒服晒茗茶我哋嗌咗鐵觀音 味道清香 店員仲好主動加水🍵覺得呢間飯店嘅店員非常主動 又樂意幫忙 果然中環區嘅食肆服務質素有返咁上下😆 如果想食高質素米芝蓮嘅中菜 不妨可以嚟呢度試吓

星記海鮮飯店中環擺花街1-7號1號廣場2樓2/F, Lyndhurst Tower, 1-7 Lyndhurst Terrace, Central金鐘返工簡直是美食沙漠, 一是排隊買外賣OR 叫求永遠唔準時又攤到凍曬的外賣APP, 所以我下定決心, 今天去中環吃一頓好豐富同坐得舒服的LUNCH。獲得米芝蓮必比登推介星記海鮮飯店, LUNCH 可以用一個很化算的價錢食到中式小炒。個LUNCH SET $96 包湯/ 糖水 及白飯老火湯-西洋菜蜜棗生魚湯鳳梨生炒骨個糖醋汁味道酸咪咪甚為開胃, 個排骨炸到酥香, 就算有層汁都唔影響脆身架口感, 仲有鮮菠蘿同三色椒, 顏色靚視覺上好睇。同事點了栗子北菇炆雞煲，超級下飯，個汁收水很濃郁，栗子口感很粉，北菇吸曬醬汁味道。食物不含味精, 一位茶芹 $15, 加一服務費, 真是一個人一百多元就享受到米芝蓮必比登推介美食了, 絕對要再來!!!!

喺日本旅行返嚟，平時有癮食日本菜都減少咗。平日放工不如搵吓中菜，行到上擺花街三叉口，1號廣場上樓搭電梯有間星記海鮮飯店。飯店比一般酒樓細，但都有廿零張枱。平日晚上七點已經滿座，裝潢新淨，有啲仲高端嘅感覺。先嚟個青紅蘿蔔老火湯，唔覺有味精有足夠豬骨味。差不多每台都有燉湯或老火湯，見到隔籬枱有杏汁花膠豬肺湯非常足料。食中餐我通常order屋企少煮嘅餸菜，例如菠蘿咕嚕肉，炸野出街食方便啲。咕嚕肉剛剛一口唔會太大件，有新鮮豬肉香味。椒鹽鮮魷係要讚，粉漿薄薄的，魷魚肉都有五毫米嘅厚度。這碟係最快清。輝哥煎鹹雞賣上，雖然冇錢兩碟咁靚，識落都好有爆炒鑊氣。之後輝哥仲喺廚房出嚟同某啲食客打招呼。

同事推介米芝蓮粵菜飯館吃午膳，去了中環擺花街1至7號1號廣場2樓星記海鮮飯店粵菜/海鮮中菜館，港鐵香港站C出口，步行6至7分鐘。星記多次獲米芝蓮必比登食評獎，是間相當有分量的粵菜館，店內環境清潔整齊，陳設懷舊簡約，服務員禮貌招待推介是日套餐或其他佳餚。午膳菜譜很多元化，多款不同價錢的套餐，也有單點撚手小菜，琳琅滿目任客人自由配搭。老火靚湯每天不同，是日西洋菜紅蘿蔔豬骨湯，果然火喉十足，不加味精，入口舒服順喉，清甜滋潤，很好飲。馳名鳳梨生炒骨套餐$96見到每枱都點這道菜，想必是這店的招牌菜，上枱時色彩奪目，顏色鮮明，皮脆肉嫩，入口很鬆軟，酸甜味道極佳，餸飯一流。蓮藕炆燒腩肉套餐$96這個煲仔菜上枱時會叫人，不斷發出啫啫聲，汁醬隨著熱騰騰翻滾著，蓮藕入口粉綿，沾染濃濃的南乳香味，燒腩肉炆得又香又淋，燒腩皮浸透醬汁，味道好食到呢~套餐甜品~雪耳蓮子圓肉百合杞子紅棗糖水火喉十足，蓮子百合圓肉杞子煲到完全出味極淋，雪耳吸透糖水的清香，飯後一碗感覺非常滿足。

呢頭比較多西餐，中高檔少少又好食但又價格個合理嘅中菜唔算多選擇。 朋友介紹呢間， 試下又ok 喔！環境夠寬敞又光猛， 裝修正正常常， 最緊要是容易到達～ 都幾多中環OL過來同同事食lunch! 1️⃣中湯夠鮮甜，而且不會太鹹 唔飲食緊味精湯～ 仲有足料， 比我預期的有驚喜！2️⃣ 雞煲唔係嗰啲好大埔嘅雞煲，但係兩個人食份量啱啱好。佢嘅冬菇好大粒，配菜同埋雞肉都煮得好琳。計嘅肥肉同瘦肉分配都啱啱好，味道好濃郁，送飯一流～3️⃣紅燒咕嚕肉甜酸甜的，好開胃。我鍾意佢比較多肉，粉嘅比例唔算多，內是啖啖肉 外面是脆脆的，所以食落去好有口感！2-3人份量食啱啱好～4️⃣飯就正正常常啦， 粒粒分明， 唔似某d 餐廳咁太濕一Pat。 滿意！ 整體來說都好滿意， 是有服務 有質素既中式茶樓～

情人節日，一家四口到中環一間米芝蓮的中菜食晚飯，7:00pm已經爆棚，估唔到情人節都咁多人食中餐😂。先來個老火湯（青紅蘿蔔），再來是馳名鳳梨生炒骨🍍，嘩！真係睇到師父功架，抄汁抄到一絲絲👍🏻，味道酸酸甜甜，回味無窮😋。之後有星記小炒王，一上怡已聞到好惹味（蝦乾夠香口），而且夠鑊氣，蝦仲要大大隻👍🏻。再來是椒鹽大尾魷，炸到金黃色，賣相都已經好吸引，最緊要炸粉唔厚，咬落去脆口，魷魚亦都好彈牙，堅好食🤤。之後有輝哥鹹雞半隻，雖然話半隻，但個份量都唔少，幾抵食，雞又滑👍🏻，仲有爆香左嘅蔥油，撈飯食好正😋。滿足😚。

收工去左星記食飯，星期一晚上7點鐘已經全場爆滿。餐廳位於中環擺花街，主打海鮮類中菜，至今連續七年榮獲米芝蓮推介餐廳，質素獲得肯定。🏅✨招牌椒鹽大尾魷 $178大尾魷肉身夠厚，入口嫩滑不韌，炸漿夠薄，表面炸到金黃色，非常香脆出色，足見廚師功力十足！👍🏻💯✨輝哥煎鹹雞（半隻）$230雞件煎得夠乾身，表面帶微微焦香，不會太鹹。✨馳名鳳梨生炒骨 $188生炒骨食落啖啖肉，外皮鬆脆，酸甜度調較得剛剛好。✨星記小炒王 $198炒得好有鑊氣，韭菜花夠爽嫩，用料十分豐富，有大大隻鮮蝦、魷魚、腰果、蝦米等配料。 ✨西洋菜豬骨湯 $96西洋菜湯清甜，潤肺止咳一流！味道：4.3/5賣相：4.1/5環境：4/5性價比：3.9/5🏠 星記海鮮飯店 (1號廣場)📍 中環擺花街1-7號1號廣場2樓☎️ 29700988

🎀星記海鮮飯店⭐西洋菜蜜棗生魚煲豬骨湯⭐椒鹽百福豆腐⭐馳名鳳梨生炒骨⭐星記小炒皇⭐輝哥煎鹹雞星記一向係中環都好出名, 同朋友做完野夜晚想食餐好嘅, 就揀左呢一間餐廳啦。首先叫左個西洋菜蜜棗生魚煲豬骨湯, 個湯好濃郁又健康, 仲會俾番成碗煲湯料俾你, 真係幾唔錯。飲完湯之後第一個菜係椒鹽百福豆腐, 豆腐炸到啱啱好, 外脆內嫩, 加上椒鹽味同埋清爽嘅醬汁, 做前菜啱啱好。而個馳名鳳梨生炒骨係驚人地好食, 豬肉味好香, 個醬嘅酸甜味又夠balance, 忍味住食完一件又一件。星記小炒皇亦比一般大排檔出色, 蝦球爽彈有口感, 韭菜炒得好香口, 加埋d 果仁真係可以送成碗飯。最後嘅輝哥煎鹹雞亦都好出色, 半隻雞份量好多, 外皮煎走曬d 雞油, 但係肉質依然嫩滑, 微微鹹味加上蒜味真係好出色, 冇諗過呢度所有嘅小菜都咁好食。Address:中環擺花街1-7號1號廣場2樓

香港被譽為國際之都，飲食選擇上亦多不同國家既特色😉反之傳統中式菜式並不多，今次係中環搵到間有米芝蓮稱號既星記海鮮飯店午市主打餸菜套餐，一湯一飯一餸一甜品價錢亦統一，唔洗左度右度😎😎😎每日既老火靚湯都有所不同，而我今日既係紅蘿蔔菜乾湯湯頭清澈而不油膩，紅蘿蔔菜乾配料足夠，相當下火馳名鳳梨生炒骨見枱枱客人都叫左碟，我地都唔汁輸生炒骨炸得好酥脆，肉骨比例約73👍🏻👍🏻酸甜醬汁較甜，十分引人食慾栗子北菇炆雞煲熱辣辣上枱香氣撲鼻😎值得一讚係雞肉鮮嫩無任何雪味粟子同北菇炆得好淋欖菜肉鬆炒蘭度芥蘭爽脆冇渣，配以欖菜肉鬆超級惹味😋😋😋送飯一流龍眼雪耳紅棗糖水難得一間餐廳有糖水食真係好滿足，糖水清甜潤喉，簡直冇得輸☺️☺️另外見到亦有唔少嘅小菜揀相信夜晚都多人食

今日下晝同同事出去食lunch 最鍾意食中菜嘅我 捉咗同事陪我去食星記喺繁忙嘅工作入面叉叉電午市有好多款小菜揀 仲有炒粉麵飯不過我就最鍾意食小菜千挑萬選 最後都係揀咗生炒骨同埋鹹魚雞粒茄子煲本身都會送例湯 正常水準 唔會好重味精 咁已經好好㗎喇先講菠蘿咕嚕肉好明顯佢係有二炸因為只有二炸過嘅咕嚕肉先可以一直維持脆口喺呢度去食到最後一舊都仲係脆嘅👍🏼另外鹹魚雞粒茄子煲我都諗咗好耐先叫 因為啲茄子通常都好油膩 油浸嗰種 好似好唔健康 但最後都係揀咗點知嚟到又唔係喎睇得出佢啲茄子係烚咗先炒 當然可能有啲人覺得冇咁惹味 但我反而覺得好好心理上食得好安樂 因為如果係生炒嘅茄子煲 基本上成條茄子都係用油浸熟 係好香口呀 不過都食咗好多油落肚但佢呢度唔係 有驚喜🤩最後食晒飯仲有糖水送添係紅棗杞子燉雪耳 好潤 冬天飲啱晒 加分！

今晚跟同事放工去咗附近呢一間星記食飯，一出lift記見到好多「 米芝蓮 」牌掛喺牆，即刻有點期待。地方唔太但好快就坐滿人。前菜幾好食，茶位每位$16。由同事發板嗌咗四餸一湯：時日老火例湯(例) $48/位 係 蓮藕章魚煲豬骨，幾清潤。輝哥煎鹹雞 $230 / 半隻見枱枱都有食，應該係招牌之一。賣相麻麻，但味道都幾好，雖然叫鹹雞但其實只係微鹹，唔會太濃味。馳名鳳梨生炒骨 $188呢個好食，一口一件，外面脆又酸甜好開胃，啲肉無骨又嫩。椒鹽百福豆腐 $118 香口薄脆又豆腐又滑，好岩送酒食。星記小炒王 $178 好多料，最惹味係啲蝦乾，又有大蝦等等。最後仲有糖水送，幾好。

好友推介中環中菜 - 《星記海鮮飯店》，餐廳出名係名人飯堂，2016-2022 連續7年榮獲米芝蓮推介餐廳，平日lunch time full 哂，記得要book 位呀！小菜就非常出色，下次晚上約人嚟食海鮮先😍呢度主要食小菜，冇點心食㗎！🥢章魚蓮藕蘿蔔湯老火例湯，足料好飲🥢馳名鳳梨🍍生炒骨考功夫小菜 - 生炒骨啖啖肉，炸皮夠薄，酸甜醬味道平均😋🥢椒鹽大尾魷🦑炸漿薄脆，鮮魷嫩滑，香口食唔停👍🏻🥢小棠菜🥬炒上海年糕呢個清清地幾好，年糕煙煙韌韌🥢黑椒荷蘭豆龍鬚粉絲煲粉絲炒得夠乾身，配上荷蘭豆、魷魚鬚，用黑椒炒夠惹味🥰🥢欖菜肉鬆炒涼瓜涼瓜爽口、味咁吾苦，厚肉大大塊🥢是日糖水紅棗雪耳桃膠糖水，十分滋潤

Lunch time 友人話帶我去間米芝蓮中式店食，咁就let's go啦！12點零去到，門口都唔少獎，仲要幾多人等緊入座，唔訂枱其實真係會無位，食食下週圍都坐滿晒人。平時中午食中菜，多數都係點心飲茶，們原來呢到出名食小菜，枱枱都係叫小菜，我地2個人就叫2個lunch set啦！老火湯-西洋菜紅蘿白飲落一定唔係味精湯，都市人得閒飲吓湯水潤潤佢，呢排天氣時冷時熱，中午有個湯飲下都幾暖胃😜精美小菜1️⃣ 馳名鳳梨生炒骨賣相唔係特別好，I mean 佢無好靚的碟，好fency咁，但係其實食物係講功力的，有得馳名2個字應該唔惹少。我見佢招牌菜，所以就叫黎一試。唔會骨多肉少，酸甜汁恰到好處，其實都有成10件肉以上，一路食一路覺得好好味，好味到想繼續食幾多件😂 不過同咗朋友share，學會少食多滋味！精美小菜2️⃣酒糟滑雞煲除左豬肉，都想試下d煲款菜式。藥補不如食補，酒味濃郁，有齊糯米、雪耳、雞肉、粟子及紅棗，一次滿足多個願望，用黎送飯都very good😋午餐餐牌：