星記海鮮飯店 (一號廣場)

Open Now

Now Closed

呢日同幾個朋友都好想食下中菜🤣我地就約左去中環一間菜館😂飲下茶、叫下白飯小菜一齊食😋菜館燈火通明，環境乾淨企理。同場有唔少一家大細去食👨‍👩‍👦‍👦我地4個人叫左4款菜式，好夠飽👍🏻❥ 椒鹽大尾魷魷魚份量好多😍椒鹽味好香口，食落爽口彈牙😚炸粉唔會好厚，點埋喼汁好好袋，一件接一件食唔停😝❥ 馳名鳳梨生炒骨每次去酒樓食小菜必叫生炒骨🤩呢度既生炒骨都好有質素，甜甜酸酸，啖啖肉，唔會剩係食到d骨🤭配埋白飯食一流👏🏻👏🏻❥ 星記小炒王小炒王大大碟，好有穫氣！材料豐富，有蝦仁、韭菜、魷魚、腰果，好香口！❥ 輝哥煎鹹雞(半隻)呢碟都係大大份🤩雞件好多！食落充滿鹹香，雞肉嫩滑，不錯👍🏻❥ 老火例湯好夠火喉，味道濃郁，清清地唔會太多味精！最後仲有糖水，有蓮子、雪耳、杞子、紅棗，滋補又暖胃，為呢一餐畫上完美句號🥰

今日經過，見到呢間米芝蓮推介嘅酒樓，想去試吓門口有少少難搵，上到嚟仲有見到好大個招牌，好有以前舊式香港風味嘅感覺午市嘅小菜款式都算多，價錢就一般 湯嘅款式就唔會一日都唔一樣，都係老火湯，而且寫明冇味精，係住家老火湯喎今日係西洋菜湯，果然冇味精，純天然材料，西洋菜味好濃，好夠火喉魚香茄子煲，份量都幾大，送飯食就最啱啦。最特別係茄子煲唔係用豬肉碎，係用雞粒炒香，除咗茄子之外，仲有雞粒食添滑蛋蝦仁炒叉燒：火候十足，滑蛋鮮嫩，蝦仁又係新鮮嘅，加上大大嚿叉燒，炒埋一齊，每啖都有叉燒香味。份量都幾大下，兩個人未必食得晒兩個餸姐姐好好人，見我哋第一碗湯飲晒，但未食完飯，主動話幫我哋添湯飯後甜品去雪耳紅棗燉龍眼：清甜潤肺，好好飲。

一年又就嚟完喇，每年我哋屋企人都會出去食團年飯，由於屋企人鍾意食中菜，所以每年都係揀茶樓黎食，今年睇到呢間星記海鮮飯店，所以一早已經book咗枱，不過我嚟嘅時候唔係正日，所以餐廳都唔係特別多人，但係好多都係家庭客黎。一入到餐廳，見到餐廳寫住米芝蓮推介，先至知道原來餐廳係拎過米芝蓮一星嘅，我同屋企人叫咗三個小菜，分別係呢度嘅鳳梨馳名生炒骨，星記小炒王, 同埋椒鹽大尾魷👍 呢度既生炒骨真係唔錯，粉薄肉多，炸得唔會太過火，而且菠蘿嘅酸甜剛剛好，另外，生炒骨唔會太淋，食到真係啱啱炸出嚟嘅😍食下食下，覺得唔係好夠食，所以另外叫咗鹹雞半隻，咸雞都好值得推介，咸雞一上到嚟就聞到好香嘅蒜頭味，因為雞一係用咗香蔥同埋蒜蓉一齊炒，另外雖然係得半份，但係份量係冇手軟到㗎，一食落去鮮雞味好出，果然侍應冇介紹錯。最後要介紹一下呢度嘅湯，呢個係湯水每日都唔同，嗰日咁啱就係蓮藕章魚老火湯，啱曬全家一齊飲，蓮藕粉中帶爽，另外我哋叫咗一煲，呢度係叫做例牌，分量真係唔少，都夠我哋四個人每人飲兩碗，另外，仲有啲湯渣食下🥰🥰

因為食後感比較一般，提5起勁寫食評，眼見今日係除夕，係時候清理一下未寫既食評呢間食店算係老友既飯堂，今次我第一次跟隊去食 dinner。當晚約咗6:30，去到只得幾枱客。枱距係ok，幾適合吹水。員工都好nice，笑臉迎人。今晚我地5條，所以叫咗6碟 (我已5太記得餸名，只能說出係乜材料)：1. 蟶子配油泡米粉餅：呢個一定要襯熱食，因為涼咗 d 汁會比較稠，咸度會增加，而且米粉餅涼咗會靭。味道係幾好，d汁混米粉餅一起吃係好好味。可能酒家要俾食客數得出蟶子數目，所以條條蟶子皇就一抽抽。如果呢碟5係按蟶子數量來計錢，而是按例牌來算，咁蟶子可以切細件點，就會更完美。因為可以一啖蟶子，一啖米粉餅，感覺更正～2. 椒鹽九肚魚：口感太削，比較稀巴爛。椒鹽味也不足。3. 海中寶：食賣相。我地研究過隻蝦5係鮮活，所以味道一般。4. 咕嚕肉：係呢度 signature dish，的確係6碟中最好食～酸甜適中5. 豉油皇炒面：係炒得爽，但我自己覺得味道略為淡咗d6. 蒸雞：我睇食評大部份都讚雞，但我真心覺得色澤可以，但雞係無味，肉質5滑。差d講句。。。我覺得平時食白切雞 or 豉油雞會滑d。呢碟真係失望架。

本來諗住就咁食餐晚飯，但係入到餐廳，就發現咗呢間其實係咪芝蓮推介，所以梗係要坐低試一試佢嘅手勢。餐廳係香港站附近，如果有c出口行過嚟，唔到六分鐘，另外餐廳有兩個入口，所以約人等嘅時間要講清楚邊一個入口啦😂😂一入到嚟侍應姐姐就好熱情同我哋打招呼，我哋入到去大概七點鐘左右，基本上餐廳都坐爆曬人，我哋等咗一陣位就有，大部分都係家庭客為主。所以我都唔例外，要返啲家常小菜先，首先我叫咗呢度嘅老火例湯，佢嘅例湯每一日都唔同，我叫咗例牌，大概可以裝到八至九碗細碗，而且餐廳仲會幫手筆啲湯渣出嚟，當係一味餸。👍我嗰日叫咁啱喺蓮藕章魚湯，飲落好清甜，而且蓮藕好粉，好味。另外我叫咗4個小菜，分別係咕嚕肉，小炒王，椒鹽魷魚，一份例牌雞。小炒王好有鑊氣，分量好多。魷魚都新鮮，炸粉唔會太厚👍👍而且食完之後，餐廳都有免費送上甜品，我嗰日係蓮子百合糖水，飲完好滿足，總括嚟講餐廳都值得推薦

俗語有云：「冬大過年」，冬至當然要同屋企人食番餐好。我就特登揀左呢間位於中環嘅星記海鮮飯店同屋企人做冬。餐廳曾多次獲得米芝蓮推介，非常把炮，屋企人同我都好期待。可能因為近住冬至嘅關係，我地去到當日都滿席，好彩有預先訂位。我地分別揀左幾款家常菜式，全部味道都唔錯。✨椒鹽百福豆腐椒鹽豆腐係一道幾花技巧嘅菜式，屋企平時都好少煮，出到黎當然要點。豆腐外皮香脆，炸粉唔會太厚，豆腐嫩滑豆香味濃。✨ 豆豉粹爽蝦蒸鮮肉餅平時食開都係咸魚或土龜蒸肉餅多，爽蝦蒸肉餅就比較少見，非常岩送飯嘅家常菜。✨ 輝哥煎鹹雞同樣非常家常嘅一道菜，雞件以蒜頭同香蔥炒香，鍋氣十足。✨ 星記小炒王小炒王都係好岩送飯嘅一味菜式 我最鍾意入面幼嫩嘅韮菜 味道唔錯。

朋友小聚，食中菜總有一種團圓嘅氣氛椒鹽豆腐炸得外酥裡嫩，切粒嘅大小比一般嘅餐廳大，成塊磚頭咁，更考驗師傅嘅功夫（其實都係考驗大家嘅筷子功，同朋友研究過要用陰力夾起）炸皮調味適中，加上炸蒜一齊食，好邪惡，但係作為前菜好開胃小炒皇一上檯香氣飄散，白色嘅霧唔係熱氣，而係鑊氣！韭菜顏色翠綠新鮮，用料足，魷魚同蝦仁，蝦米嗰啲炒得好香又唔油膩，加埋畫龍點睛嘅腰果，菜甫等去調味，簡直係港式嘅「米飯小偷」輝哥煎鹹雞雞嘅菜式最怕鞋口，佢呢度每件雞球都夠嫩滑，雞皮煎得好香脆，痴住香蔥因為夠鑊氣，所以爆炒完嘅雞肉都仲係夠juicy豆豉爽蝦整肉餅肉餅有驚喜，食得出係用新鮮嘅肉混合而成，再加上鮮蝦仁嘅鮮甜味，豆豉吊一吊味例湯係青紅蘿蔔菜乾豬展湯，湯底清甜滋潤，重點係加上蜜棗，甜而不膩，仲有得refill

臨近冬至都係食返中菜的時候 中環區其實內街都有唔少好野食 傳統酒家中菜格局 可以選擇星記✨今次一行4 人 七點黎到已經見到有d家庭客差唔多食完😂 基本上餐廳都以家庭客為主點左幾道菜和中湯品嘗老火例湯- 連湯料上 湯底非常入味清甜 份量一點也不失禮 等於間接多左個菜 😌椒鹽大尾魷每人都有大概4-5 舊 炸得酥脆 魷魚彈牙 加埋椒鹽粉惹味好多 係一道我認為適合後生小朋友的必點菜式😂鳳梨生炒骨開胃之選 都係小朋友最愛 生炒骨配上菠蘿三色椒 送飯一流 酸甜味的調控的恰到好處 我認為炒得幾出色輝哥煎鹹雞(半隻)傳統中菜屋企人都會想叫返碟雞的菜式 煎鹹雞蔥炒香味濃 雞件都斬開適合上年紀人士 大小適中 星記小炒王小炒王係雜錦之選 滿足要食菜的老一輩但又照顧到年輕人士的口味 炒魷魚 蝦仁配上韭菜花上菜都仲熱辣辣 有鑊氣最後傳統中式酒家都會有糖水結尾今次係清潤的雪耳糖水 清甜潤喉 非常滿足星記都係一間適合家庭式聚會飯局的好選擇 可以一試✅

要數到連續拎咗好多年米芝蓮嘅中菜，星記應該係當中比較經濟實惠又有水準嘅選擇，好啱同屋企人黎食。煎咸雞用咗大量蔥蒜起鑊香到爆，話明煎咸雞當然係有鹹香味，我好鍾意佢夠入味得黎咸淡啱啱好，空口食都唔會太咸。 生煎嘅雞肉完全唔會乾，水潤嫩滑，重點係非常乾爽，夾起完全冇油，好健康。好鍾意椒鹽鮮魷用咗大大隻嘅魷魚，食得出係今日即劏嘅新鮮貨，爽口扎實，炸到脆一脆點喼汁食一流。自從自己煮飯之後就少食蒸肉餅，出街見到都會叫，發現用嘅肉靚唔靚真係食得出好大分別。 呢度肉餅好有彈性，半肥瘦得嚟剁得好仔細，唔會食到明顯嘅肥豬肉，如果住附近嘅話真係有衝動成日買返屋企加餸。 但份量真係比想像中多好多，我相信夠四個人用嚟餸哂碗飯。老火湯同八寶茶都好唔錯，服務殷勤，會同屋企人再黎。

去中環搵朋友食個快飯，佢話呢間係佢新嘅飯堂，原來係米芝蓮推介嘅中菜館。午市有$88套餐包例湯，一個餸，一碗飯同埋糖水。見佢係馳名凰梨生炒骨就叫黎試下，同埋一個臘腸粒扒菜苗。馳名凰梨生炒骨: 上菜嘅時候已經覺得好有鑊氣，佢唔似平時出邊酒樓食開嘅生炒骨，通常嗰啲會好多汁係隻碟到，但係呢一個夾起嚟嘅時候會見到一絲絲嘅。雖然冇乜汁，但係每一粒都係啱啱好，而且新鮮炸起，豬肉亦揀得好好，唔會話特別多骨，肥瘦剛剛好絕對值得一讚。凰梨亦都唔覺得係平時食開嘅罐頭菠蘿。臘腸粒扒菜苗: 份量好多，而且菜苗都夠兩個人食。上面嘅臘腸粒芡汁臘腸粒唔會吝嗇，加埋菜苗啱啱好。呢個會較濃味，所以配埋飯啱啱好！甜品: 冰糖蓮子紅棗雪耳，啱啱入冬夠晒潤，雖然只係酒樓嘅糖水，但係每一碗佢都俾足哂料！總結：呢度坐得舒服，雖然係酒樓，但係地方乾淨，而且所有侍應都好好禮貌。我哋平日嚟，大概一點過少少，已經見到全場滿座啦。中環以呢個價錢有咁嘅質素絕對值得嚟！有機會再試埋佢嗰晚市先！

以前喺灣仔經常食星記午餐，原來而家只係得返中環店，念念不忘當時留下嘅美好印象，今晚同朋友嚟回味下。椒鹽大尾魷可以話係我人生食過最厚嘅炸鮮魷，厚肉得黎好彈牙，鮮味好濃，粉漿仲要超薄但都做到甘香酥脆，三兩下就同朋友搶住食晒，必食。鹹蛋蒸鮮肉餅真係做到名副其實，並唔係普通嘅蒸肉餅，好明顯咁食到肉嘅鮮味香甜。 平時呢啲家常菜都食得多，我鍾意師傅好有心機咁將成隻鹹蛋黃平鋪喺肉餅上面，連鹹蛋白都融入左係肉餅，蛋黃起沙，完全滿足到我對鹹蛋嘅慾望。小炒王好多時因為韭菜花夠香，其他配料普通都已經好食，但呢度完全刷新左我對小炒王嘅要求同想像，每一款配料都做到極致咁好食，夾埋一齊真係無懈可擊。 尤其鍾意炸白飯魚酥脆唔過火，脆得黎仲感覺到白飯魚嘅質感，食到尾都依然咁脆。 當中無論海鮮定乾貨質素都好好，包括蝦仁、鮮魷、蝦乾，用料比起屋企不計成本咁煮更加靚，真心物超所值。

同事個個都話呢間餐廳好食，今日終於有機會過嚟呢間餐廳食晚飯😎原來呢間餐廳係多界米芝蓮推介餐廳❤️❤️❤️西洋菜羅漢果煲豬骨(老火例湯）味道清甜👍👍❤️❤️❤️馳名鳳梨生炒骨鳯梨用新鮮貨味道天然酸酸甜甜, 而排骨就帶少許肥肉, 炸過後肉質就更甘香酥化, 絕對係新鮮即炸即做❤️❤️❤️星記小炒王小炒皇食材一般都是蝦米, 菲菜花, 炸腰果及銀魚仔, 而星記特别之處就是將蝦米換成了大蝦, 大蝦新鮮肉爽, 韭菜夠嫩不會起渣, 呢味鑊氣小炒特别有睇頭✨糖水八寶茶估唔到唔算好甜，而且味道好真實唔會好假！好潤喉飲得好舒服！今天所揀選的菜式, 都是平日一般的街坊小菜, 呢度師傅手勢認真唔錯, 食物質素亦夠新鮮, 就算只是幾味家常小菜亦能盡心去做, 令人食得出呢一份誠意

今日同舊同事慶祝生日，帶咗佢去呢間穩陣嘅餐廳！米芝蓮推介，食物質素果然有保證！✨老火例湯:西洋菜羅漢果煲豬骨湯味夠濃郁煲得夠火候, 材料方面亦好足料, 完全冇落味精, 西洋菜正值當造期, 食落清甜冇揸,絕對有媽媽湯的感覺✨椒鹽大尾魷大尾魷夠厚身, 肉質彈牙味鮮, 炸粉醬上得夠薄身, 炸得䢀身夠脆, 面在灑上椒鹽炸蒜, 令我食唔停口😋✨輝哥煎鹹雞半隻食得出呢味係用新鮮雞做, 雞肉都算滑嫩, 只糸簡單咁調過味再煎香, 入口鹹鹹香香, 呢味菜式特别好餸飯☺️✨甜品八寶茶材料有蓮子百合雪耳杞子紅棗圓肉紅腰豆及無花果, 帶少少甜味, 飲落清甜潤喉, 好適合依家個天氣飲用👍👍餐廳啲位都坐得幾舒服，好適合成大班人嚟或者兩個人嚟撐枱腳都適合😝

今日黎左一間連續多年獲米芝蓮必比登美食嘅-星記海鮮飯店lunch 時間果然都要book位，好彩有book枱，如果唔係真係冇得食🥹原來飯店重開左兩個幾月😀唔怪得知裝修好新😍而且座位與座位之間都幾寛敞，坐到好舒服喺中環黎，呢個lunch set Menu已經係抵，$88蚊可以食到米芝蓮推介嘅野正係好正😌仲要每一日有唔嘅老火湯飲😋今日係星期二，老火湯係青紅蘿蔔粟米煲豬骨，個老火湯好濃郁，飲得出非常足料🔺紅燒豆腐炆魚柳魚柳酥脆可口，豆腐大件同淋身，而且仲係好滑嘟嘟，而且豆腐同魚柳朔吸哂d紅燒汁，非常之入味😆最適合送白飯食🔺滑蛋蝦腰扒上湯菜心蝦仁爽口彈牙，而且仲有唔少蝦仁😍個滑蛋好滑好香😍而個菜心非常翠綠😍差唔多比我食晒😆搞到朋友冇得食 🔺八寶糖水呢個糖水，非常足料非常養生😙入邊有紅棗、桂圓，杞子，雪耳等等，都係非常滋潤嘅🤪好適合冬天食用

前排同女朋友屋企人食晚飯，uncle安排左呢間位於中環擺花街嘅「星記海鮮飯店」。Uncle係呢度嘅熟客，所以佢最後都噏得出呢度嘅招牌菜，所以呢一晚食嘅都係由佢拍板。餐廳裝修簡單、舒服，光線明亮。店員服務殷勤有禮我哋先嚟咗一個西洋菜豬骨湯。值得一讚嘅係，西洋菜好多、而且豬骨大大嚿好足料，所以碗湯係好好飲嘅！跟住係Uncle私心想食嘅「椒鹽大尾魷」。呢度用嘅鮮魷應該係幾大隻嘅，肉夠厚，而且口感彈牙。配埋椒鹽去炸，好惹味！跟住我地食「馳名鳳梨生炒骨」。叫得做「馳名」生炒股，佢當然有過人之處啦：同平時外面食嘅生炒骨唔同，佢呢度外層嘅炸粉唔會好厚好硬，用嘅肉亦好嫩。而最正嘅係，佢嘅醬汁應該係獨門配方，酸酸甜甜嘅程度恰到好處，一試難忘！至於小炒王方面，廚師整得好有鍋氣，蝦乾夠曬鹹香，配合埋啲腰果食同啤酒，非常正另一個主菜係「輝哥煎鹹雞」。俾大家睇下，賣相相當吸引。佢呢度嘅煎雞用嘅雞好好肉地，而且肉質幾鮮味。佢用左啲蒜去煎，夠曬香！總結：雖然Uncle叫嘅菜式都係家常便飯，但經過米芝蓮推介嘅大廚炮制，果然非同凡響！