小菜王 (福榮街)

Open Now

Now Closed

4個人可以點好多款餸菜。首先我最喜愛椒鹽魷魚，椒鹽魷魚大大碟份量很多，魷魚新鮮彈牙好味。蒜蓉蒸勝瓜，味道十分好，比想像中好吃。生蒜和熟蒜味道深入勝瓜入面。小炒王大大碟夠鑊氣，味道有水準。魚腸砵仔蒸蛋有濃濃陳皮味在蛋入面，味道就見仁見智，各花入各眼😂。豉椒炒蜆又是大大碟，夠曬惹味，同啤酒是絕配。整體來說是平靚正！！！

我們坐下後，心情已然變得舒暢。餐牌上的菜式種類繁多，終於選擇了「黃金蝦」、「蒜蓉蒸勝瓜」以及「豉椒炒蜆」。先來一道「黃金蝦」，上菜時那香氣撲鼻，令我肚餓難當。大快朵頤後，我們開始分享今日的所見所聞，瞬間忘卻了外頭的高溫。接著上來的「蒜蓉蒸勝瓜」真是出乎意料。勝瓜的鮮甜和蒜蓉的香辣相互輝映，味道絕佳，大家不禁讚嘆連連，紛紛稱讚這道菜是店中的招牌必點。「豉椒炒蜆」的鮮甜香辣，也成為我們的最愛。蜆肉嫩滑，入口即化，令人回味無窮。

一行八人到這𥚃食晚飯，因為尋晚先訂位，所以只能安排坐在閣仔，要經過廚房邊再行上一層，衞生情况比較差。咕嚕肉，冇乜汁，肉都脆口但比較乾身。韮菜豬紅，微辣好惹味。椒鹽鮮魷，大大件炸得好脆。豉油皇炒麵，洋蔥好多，炒得比較濕，凍左都幾肥膩。薑蔥魚腩煲，大量蔥段，魚腩也多好香口。瑤柱扒豆苗，這個比較差，豆苗好老，而且好油。金銀旦波菜、芋頭排骨煲，冇試，家人話芋頭好粉好食。加3罐汽水，埋單$875/8位，抵食而且每碟份量也不少，但食完之後比較口渴，而且環境真係好一般。

冬天最岩食羊腩煲。睇到呢間好多人排隊，咁就試吓呢間，足足排了一個鐘唷。五人行，叫了一個細煲，好香，羊肉份量都好多，羊味重，但無乜羊羶味，味道適中，少少咸。市面的羊腩煲都跟一碟生菜，呢度就無跟，要另叫。椒鹽九肚魚，新鮮炸起，唔夠椒鹽，淡味咗啲。焗魚腸因為製作過程好麻煩，好多地方都已經冇咗，或者限量好快賣晒。所以每次見到都會嗌，呢間又整得真係幾好吃。焗到好香。蛋唔會好實，魚腸亦都唔少，無苦味。充滿魚油嘅香味。連唔多食魚腸的朋友都不停食。

11月終於秋風起有涼意, 步入可以瘋狂食羊肉煲嘅季節, 家父提過小菜王嘅羊肉煲出色, 加埋米紙之前都有報過, 今次試試佢呢家佢地由鐵皮檔做到入鋪, 再由1間變5間, 好彩早少少到, 晚市繁忙時間真係要等位坐低二話不說就叫一個細羊, 價錢比坊間貴仲要唔包唐生菜, 要菜就當火鍋料, 48蛟起跳, 我地就反而要咗魭魚腩, 試下會唔會魚加羊會"鮮"D羊肉煲 - 雖然係細, 但相當足料, 個鑊滿到差D撈唔到留意返佢地係羊"肉"煲唔係羊"腩"煲, 羊肉係有骨同偏瘦, 唔算係好濃羊味同羊膻, 柱侯醬同其他香料味都剛剛好, 唔會搶咗味或者死鹹; 配料相對比較少D得腐竹同馬蹄, 如果唔係用腐竹墊底拓起D羊肉會更好, 賣相雖好但會痴地同會燶, 一影完相就要撈底夾起最失望係腐乳, 唔知係咪米紙講完有麻油更好, 呢兜落咗海量麻油, 濃到搶哂羊味, 唔適合跟羊或者配料隔離枱小菜都好吸引, 特別係牛油白飯魚、奄仔蟹同枝竹炆原條魚, 下次再嚟試試佢

一行五人到呢間小菜王，地點都唔難搵到既，大約7.30左右去到，當日不接受訂枱 ，去前打左電話去問，帶蛋糕有冇得雪，職員答有，仲話免切餅費，點知當日帶左個蛋糕去，多位店員不耐煩叫我等等，喺冇嘢做嘅情況下都唔幫忙拎去雪，比起同區同類型既食肆服務較為遜色。食物方面確是不錯的，同行長輩叫咗焗魚腸，第一次食，好香，入面仲有米粉。花竹蝦都揸得好乾身，好香口。豉汁嘅食物都好惹味。炸物炸得好好。每款食物份量多，order得返嘅時候，阿姐都好識講笑，叫我哋自己裝，跟住就行咗去。由於我個蛋糕冇冷藏嘅關係，食完飯後只係用嚟影相，食唔到浪費了。

去到大排檔小炒店，最鍾意就係叫煎炸嘅食物，叫咗幾款椒鹽食物，椒鹽白飯魚，椒鹽九肚魚，簡直係中伏，唔明白點解炸嘢拎到出嚟都唔係超級熱辣辣😢😢，真係有啲失色，不過始終屋企好難整煎炸食物，間唔中出街食下都還可以嘅😆😆

菜！冇味！扇背！冇味！又唔新鮮！豉油王蝦！蝦就可以！但有一隻唔新鮮！味道？差！冇鼓油咸香味！唔會食到要啃手指！聖子！過熟！整體係不知所謂！自己整好食過佢！佢地真係要檢討下！唔好一味擴張生意！唔理質素！

不評價味道，因每個人口味唔同，今次我只想講。食物質素非常差。味精多到未食完餐飯已經口渴到不得了。之後幾日就屙到七彩，高燒！ 今次係我第一次評論餐廳，就係因為間野簡直劣食到無話可說。焗魚腸係無魚腸，粉絲扮魚腸，加d魚油扮魚腥味。豉椒炒花蛤，臭！非常唔新鮮！openrice要200字先可以評論。甘就。垃圾餐廳食物發霉，落鬼死咁多味精就係希望客人嗌多d啤酒。服務態度極度惡劣，落單無回應，重複多次就叫你收聲。簡直八婆到一個地步。至於環境方面。本身就係大排檔，無讚無彈。講真，去食大排檔預咗無服務，但係呢間極品餐廳唔係無服務，係一個唔覺意分分鐘妖返你轉頭。同住係附近居民了解，晚晚d餐檯鋪滿條街，好心你搵咁喇多。要求你個食材新鮮小小都唔係過分要求啦。食到我屙足整晚。差差差差差！極度差！非常差！劣食到無底線！簡直係收買人命！奉勸各位去之前做足心裡準備。

星期日同家人前往欣澳遠足後，夜晚當然係要擦餐勁既！出門搵揀餐廳，揀人多既地方就實無錯。一係好抵食，一係好好食！終於，我地響深水埗搵到呢間好多人圍住既小菜王，並引證左上面果句說話！碟碟份量足夠，大件夾抵食！絕對係親朋戚友既聚會首選！好多張枱都有叫羊腩煲，下次一定會試埋佢！

🤩 深水埗｜小菜王｜丁丁探店人均：155 HKD地址：深水埗福榮街43號-一年前班长请我爱文生送我走谁能想到今年我回来送班长了深水埗大排档扎堆这次试试有名的小菜王（不是容记小菜王！）总体评价是分量很足！味道也很不错-「小炒王」这是香港很经典的下酒菜不同店的风味也不同芹菜虾干榨菜腰果不同食材一起炒吃一整盘也不会腻-「椒盐九肚鱼」自从去年吃了这个菜之后我基本每次大排档都会点鱼肉很嫩油炸的很香脆-「鼓椒炒蚬」这也是经典菜式之一适合下酒-「黑胡椒牛仔骨」朋友点的这个菜味道还是不错的牛仔骨的肉有一点肥反而里面的洋葱很甜很好吃

行完街突然想食炒菜，就openrice random揀一間大排檔，我地最後揀左深水埗都出名既小菜王。由於當日係weekend，餐廳都幾好多人，所以等左一陣位先入座，不過都唔算耐🥢豉椒炒蜆炒蜆都幾大碟，唔會好多空殼，蜆肉都新鮮，但真係好多沙，有一半都係沙，仲有啲咸，我不停飲水🤢🥢椒鹽鮮魷魷魚較彈牙亦夠厚身，我好怕有啲地方魷魚細細，但咬落去成舊粉。佢上粉上得均勻，炸到金黃色，相當香口，呢碟係最好食🥢薑蔥魚腩煲魚腩厚身大件，肉質唔錯，但淨係食到白胡椒味，好彩有薑葱味搭救，但係唯一呢碟咸淡度適中🥢腐乳炒通菜炒通菜完全冇穫氣，似係灼咁，炒得過熟，都冇咩蝦醬味雖然食物質素一般，但服務唔錯，唔似其他大排擋通常都係邊食邊受氣

疫情下我真係好怕呢種大排檔做唔住，所以有時間就落去幫襯下。見到仍然超多人等位就知道唔洗擔心。人少少兩人叫咗「豉椒聖子王」$45/隻合理價錢，聖子王啖啖肉唔腥又爽脆，自己係企唔識整過曬火，都係在大排檔食先正😅，「油鹽水花甲」，粒粒都有肉，完全冇沙，份量又多，湯底有冬菜少少粉絲超級甜，叫埋個瀬粉一齊食一流。仲有必食「豬大腸配酸姜」冇菠蘿🍍😋！之前食過「黃金中蝦」同「蒜蓉牛油白飯魚」兩大名菜。真係要一食再食😃

又再一次食我最鐘意既小菜 ， 講到到小菜 一定要去一去深水埗~，不過人人就多左啲，可能要等耐啲不過好在我哋嗌咗菜之後，好快都上菜，我哋嗌咗個椒鹽白飯魚同埋炸雲吞，都係職責非常脆口

去到深水埗冇理由唔食吓「小菜王」，環境雖然係一般，不過有冷氣又乾淨都算係咁，而且阿姐熱情豉椒炒蜆 - 大大碟，嘢味又新鮮，其他食肆好多時都係殼多，但係依家唔係，空殼情況少豉汁鵝腸 - 呢啲功夫多嘅菜喺屋企真係唔會做，洗得好乾淨，而且肥膏唔多，鵝腸食落爽口椒鹽鮮魷 - 魷魚🦑肉厚大，自己去街市買都唔平，佢嘅炸粉唔厚，唔會食到一口粉，正👍🏻白粥 - 喺潮州粥嗰種，有粒粒嘅飯，冇特別不過送餸減鹹就剛剛好平時夜晚係好多人食嘅，不過今日比較早，所以唔使等位，而且佢有冷氣，喺夏天嚟食都唔怕食到身水身汗。最緊要街坊價，碟碟都好大碟，食唔晒記得打包