Slow House

Open Now

Now Closed

第一次和朋友黎到新開無耐既西餐小店，裡面環境裝修簡單舒適，服務員有禮。 我地叫咗幾樣嘢食share，當中最值得推介係牛肉芝士漢堡包，材料份量十足，牛味重；而珍寶虎蝦意粉，十分野味。不得不提係自家製既chesse cake ，好好味。 回頭率十分高！

平時番工咁趕 生活節奏咁急速放假就要好好享受下慢活嚟到西環呢間主打煙燻 低溫慢煮嘅餐廳裝修佈置好溫馨清新 仲有窗邊位可以望下街景晚市套餐大部份都係百幾蚊有交易包左starter+main+drinks 幾抵食Starter揀左炸大啡菇同蒜茸包大啡菇嘅粉漿炸得好脆口 咬落去爆汁點埋大蒜忌廉醬好香好惹味蒜蓉包落左勁多蒜茸 仲有少少生蒜帶啲微辣 煙燻安格斯西冷牛扒經過煙燻處理 每一啖都食到煙燻香 同牛扒好夾用慢煮更加keep到肉質軟嫩多汁伴碟嘅烤南瓜深得我心 超甜超好味自家製煙燻豬肋骨Baby Ribs係我嘅最愛 見到餐牌有就一定要叫同樣都係慢煮菜式 豬肋骨肉質夠腍又juicy煙燻香同燒烤汁令成道菜式好惹味仲有炸粗薯條同沙律菜 份量超大嘅dishChocolate Brownie with Ice Cream跟餐可以用優惠價加配甜品 呢個一定要食 微暖嘅brownie口感濕潤 朱古力味極濃 入面仲有合桃粒 口感豐富配埋冰凍嘅雲呢拿雪糕 一凍一熱好好味本身包左普通餐茶或汽水我地加錢轉左香蕉奶同蜜糖茉莉花茶香蕉奶用新鮮香蕉打成好濃郁 貓貓造型好可愛花茶夠清香 加左蜜糖感覺健康

大家黎之前記得book定位啦🤗呢間位於堅尼地城，以煙燻、低溫慢煮肉類菜式為主嘅小清新西餐廳 揀咗兩個set dinner，焗蒜蓉包充滿粒粒蒜蓉，外脆內軟 煙燻美國安格斯西冷牛扒$208建議選擇5️⃣成熟，牛扒充滿煙燻香味，半熟嘅口感好香滑，而且肉味濃郁，值得一試👍🏻 德州慢焗牛腩漢堡配粗薯條$158本身想加$10轉蕃薯條，可惜已經賣晒漢堡🈶️2個size👉🏻regular / large，揀咗large，牛腩份量好多，配埋芝士同新鮮蔬菜，食落好juicy好滋味😋薯條唔會炸到好油，咬落亦唔會太heavy 飲品揀咗士多啤梨奶，士多啤梨味重之餘，飲落有粒粒士多啤梨，十分香滑

🌊今次同朋友行開堅尼地城附近，見到呢一間西餐廳嘅佈置同氣氛幾舒適😍，好似唔錯，就入咗去食𝐝𝐢𝐧𝐧𝐞𝐫~ 呢間餐廳原來主打🤘🏻德州煙燻風味菜式，主打低溫慢煮肉類🥩，保持食物嘅原汁原味♥ 餐廳以🪵木系裝修風格為主，光線柔和，空間感十足，坐得幾舒服(=´ω`=)♪♪有興趣嘅朋友可以用✨優惠碼𝐛𝐨𝐨𝐤位啊👇🏻~ 🌌 𝐃𝐈𝐍𝐍𝐄𝐑 𝐒𝐄𝐓 ~ 𝐗2-𝐒𝐭𝐚𝐫𝐭𝐞𝐫𝐬-是日沙律🥗💚沙律係新鮮嘅嘅藜麥蔬菜黑醋沙律🥗幾清新，幾開胃☺️🍄炸大啡菇配大蒜醬🧄呢個前菜好有驚喜，🤩大啡菇炸到脆卜卜，配上佢哋香濃嘅大蒜醬🧄，味道超夾，食落一口爆汁💦，外脆內軟，口感十足🥰，滋味可口❤️-𝐌𝐚𝐢𝐧𝐬-🇺🇸煙燻美國安格斯西冷牛扒🥩(8𝐨𝐳) ($208)揀咗𝐦𝐞𝐝𝐢𝐮𝐦，💖西冷牛扒經過慢煮方式烹製，肉質超級鮮嫩多汁，一啲都唔韌🤤，牛扒表面真係用咗🍎蘋果木去作煙燻，每一啖牛扒食落都帶蘋果木嘅煙燻香🔥，煙燻味道好香同牛扒好夾😆，牛味更香濃，之前都冇試過煙燻過又可以𝐤𝐞𝐞𝐩到軟熟嘅牛扒👍🏻，價錢抵食又好味，的確唔錯＼(●´ϖ`●)／🦐珍寶虎蝦意粉🍝 ($158)有三隻煎香左剝咗殼嘅珍寶虎蝦，😚好貼心唔使剝殼😂，意粉香濃入味，充

最近和朋友試了主打煙燻 低溫慢煮的餐廳🎈Slow House 🌟 位於堅尼地城 小清新設計環境舒服寬躺 服務態度非常好💓前菜沙律🥗新鮮好食😋 炸大啡菇口感一流 切成條狀容易入口外面鬆脆 入面冬菇汁湧出來 配合大蒜醬惹味可口定要叫來試吓 推介✌🏻✌🏻✌🏻作為主打煙燻&低溫慢煮烹調肉的質素非常重要 Slow House不會令你失望店員說很多菜式也慢煮了9小時💞⭐️招牌菜🐮煙燻厚切牛腩 🧸 肉汁鮮嫩又淋又Juicy 必叫 煙燻那種特別的味道直擊味蕾🪄🍖煙燻豬肋骨 份量多有6件 🐷夠晒淋嫩滑入味 煙燻味道配上燒汁好滋味 完全沒有豬腥味 配菜炸薯條好脆 香口🍰布朗尼蛋糕✨朱古力味濃不會太乾 剛剛好雪糕淋上焦糖醬 一起食也太match 了🍓🍓 FruitMilk士多啤梨味🍓🍓啖啖鮮士多啤梨香 一啲都唔膩大人細路都最鍾意❤️❤️❤️✨✨✨

[ Slow House ]有個住西環嘅同事介紹呢間西餐廳，今次放工跟佢嚟食晚飯🤤 晚市套餐包括前菜+主菜+飲品。前菜揀咗焗蒜蓉包& 炸大啡菇。焗蒜蓉包熱辣辣好脆口，蒜味夠重🧄🧄而炸大啡菇切成條狀🍄，炸得好脆而且鎖得住菇嘅水份，配埋大蒜醬更加滋味🤤主菜就order咗以下兩款✿ 珍寶虎蝦意粉 🦐🍝$158三隻去殼虎蝦調味適中，大隻到差點蓋過意粉😮 扁意粉醬汁好濃縮&帶龍蝦湯鮮香味，而醬汁無加cream唔會有油膩感👍🏻✿ 煙燻美國安格斯西冷牛扒(8安士) 🥩$208餐廳主打低溫慢煮烹調肉類，緊係要試下😄慢煮西冷牛扒帶煙燻香味，口感有肉質而保持到鮮嫩口感。上碟時牛扒表面放咗牛油，牛肉味更香濃🤤飲品✿ 熱茉莉花茶 套餐+$25茉莉花茶加上蜜糖份外滋潤，仲可以解膩👍🏻✿ 凍士多啤梨水果奶 🍓🥛套餐+$25水果奶有啖啖新鮮士多啤梨果肉，飲落口感似乳酪，好清新🌿🌿總結🫦西餐嚟講價錢公道，食物有質素👍🏻 餐廳提倡慢活慢食嘅概念，平時返工節奏咁急速，收工嚟食吓嘢享受下生活。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Slow House地址：西環爹核士街28-32號安發大廈地舖電話：592099

周六中午来吃的，厨房只有一位小哥，上菜速度偏slow，口味普通，很咸lower than average，pasta很咸，pizza很小，不是很抵食。。。服务态度很不错。but可能不会再来了。

繼續周圍幫襯同支持小店，今次揀咗一間主打煙燻，低溫慢煮嘅餐廳，性價比高。我同朋友都叫set dinner，小食揀左蒜蓉包同埋墨西哥脆片配牛油果醬，主菜揀咗煙燻美國安格斯西冷牛扒（8oz)、德州慢谷牛腩漢堡配粗薯條，加左份是日甜品 - Brownie 配雲呢拿雪糕，飲品叫左比較特別既士多啤梨奶。小食蒜蓉包有驚喜，麵包表面有原粒蒜蓉，配埋香脆麵包，食落去熱辣辣，一定要試吓。煙燻美國安格斯西冷牛扒（8oz)煙燻產生色、香、味滲入牛扒，產生獨特風味，牛扒食落去有少許煙熏味道，香氣濃郁同時保存食物原本口感，牛扒煎得火侯剛好，選了店家推薦既5成熟，肉質鮮嫩，值得一試👍🏻德州慢焗牛腩漢堡配粗薯條（可加$10轉番薯條）漢堡分2種size，regular / large，我地兩個女仔食量吾大，揀左regular，慢焗令牛腩口感特別軟腍，牛腩份量好多，食完好滿足。跟餐可以揀水果奶，分別有香蕉奶/士多啤梨奶，都係用上新鮮生果整，飲落去軟滑，健康之選。是日甜品 - Brownie 配雲呢拿雪糕超好吃，巧克力味道香濃，有少許可可粉的苦味，入口紮實濕潤，連埋雲呢拿雪糕一齊食，口感豐富，雲呢拿雪糕甜度剛好。

去西環探朋友 先發現原來畢業後已經好少再嚟呢度其實西環呢個小區幾好 未有地鐵前一直自成一角無論人定事物 相對亦保留到更多嘅“純” 坐電車一路慢慢「叮」到總站 再步行2分鐘 嚟到今日慢活旅程嘅第二站－Slow House係一間以慢煮為主打 行「慢活慢食」態度嘅餐廳******************************食物s：(設有加一服務費)我哋點咗2份set dinner🍽️🥦是日餐湯：椰菜花西湯 飲落感覺味道清清哋 唔會太膩細嚼之下飲得出有纖維感 質感頗佳作為第一道前菜非常適合🍄前菜：炸大啡菇大啡菇炸得熱辣辣 十分香脆輕輕咬開 菇嘅香甜肉汁立即溢出 配埋特製嘅大蒜忌廉醬 酸酸甜甜咁 又香又滋味👅🍝青醬日本帶子意粉 ($158)見到是日套餐有青醬意粉 即刻好心動😍上次喺第二度中過伏後 總係想食返個有汁版今次終於圓夢喇 呢個意粉真係好掛汁❣️青醬好濃好香 蒜香味亦好濃 係享受呀😋日本帶子夠新鮮 略略煎過 食落更香口特別欣賞店家喺意粉面上加咗松子仁 原來同呢個意粉可以咁夾 真係好鐘意呢碟呀💕🐷自家製煙燻豬肋骨 ($188)呢個係餐廳嘅招牌菜式之一份量好大❣️ 有成6條骨 而且肉量唔少經煙燻

正所謂慢功出細貨，喺位於堅尼地城新開嘅「Slow House」就可以體驗到，餐廳主打用煙燻及低溫方式烹調。😊餐廳環境走小清新路線，座位都算闊落，坐得舒服。晚市套餐包咗前菜、主菜及一杯飲品。前菜嘅蒜蓉包好夠蒜香，而且好酥脆，好味呀！餐湯紅菜頭湯味道都唔錯。👍♡煙燻慢焗牛腩漢堡 （$158）呢個係餐廳Signature，用牛腩慢焗，然後將牛腩切成薄片疊起放入漢堡，加入餐廳自家製醃紫椰菜，非常特別，配埋大量蔬菜及特製燒烤汁，食落同平時嘅漢堡不一樣，整體口感好好而且醬汁幾惹味，唔錯呀！另外粗薯條炸到外脆內軟，好好味呀！☺️☺️❤️♡珍寶虎蝦意粉 （$158）虎蝦無論調味同埋烹調都剛剛好，同時餐廳為咗比客人品嚐到食材原本嘅味道，佢地烹調時用龍蝦殼熬湯，而且煮意粉時無加茄汁調味，所以食落有非常濃郁嘅蝦味，好有心思呀！🦐😉♡綠茶鮮奶（套餐加$25）綠茶味幾香濃，又有少少甘香，加埋鮮奶好滑溜。♡士多啤梨奶 （套餐加$25）呢個好好飲呀，飲品用新鮮水果蓉混合鮮奶做成，滿滿士多啤梨味道，又唔會太甜，喜歡！除咗士多啤梨，仲有香蕉同青瓜兩款味道，有機會想試試❤️

Have been to this restaurant for a few times this month - our go-to dining place lately. While they are promoting their slow cooked meat burgers, I appreciate other of their dishes as much, regardless their “slow-cooked” beef brisket or fish and chips. While there isn’t a 100 dishes to choose from the menu, the chef puts much effort and detail to every food they list on their menu, at a very reasonable price. Not serving fancy dishes. You will focus on their food quality and taste. Tonight we tr

Was in the hood a few weeks back for dinner and picked this one based on its decor. This restaurant specializes in slow cooked food hence its name.My order of garlic bread was ‘slow’ because I was told the chef put in the ribs from the other customer into the oven first and we’ve waited a while. The staff apologized for the arrangement and was kind enough to offer us ice cream to compensate the wait.Overall dining experience was pleasant. The food was decent especially the tiger prawn linguin

今日黎到位於西環既slow house食飯，餐廳岩岩開張冇耐，但係區內都幾有名氣，今次我就專程黎試吓。香煎比目魚配薯菜比目魚好香魚油味，表面煎到金黃色，有少少焦香。自家製煙熏牛腩漢堡依個漢堡既配搭好有創意。牛腩係厚切，肉味好得出，入口又好軟滑，仲有煙熏香味添，配上洋蔥等等既材料，真係好正。布朗尼蛋糕配雪糕朱古力味好香濃，入口鬆化，配上雪糕好正。卡邦尼意粉意粉份量都唔少，入口又彈牙，經過調味之後，每一啖都有香濃既忌廉味。整體黎講，雖然餐廳只係岩岩開張無耐，但食物質素已經好有保證。

平時wfh, 已經好少出街食飯。今日難得出開街，即刻搵下有咩野食。西環近年開咗好多餐廳，今日一個人就搵啲可以坐得ok, 又啱一個人食嘅地方。今日去咗呢間slow house, 主打西式食品。有burger, pizza, 扒之類。最後老闆（我估）介紹咗餐牌冇嘅prime ribs burger 俾我，套餐價錢$148(未加一），包湯或沙律，及飲品。我下次應該會再幫趁，試吓其他野食。順帶一題，老闆態度殷勤。我用餐時發現大部分食客都好nice, 啲野食未嚟到係唔會除口罩。所以我食得好安心😀。

門口post寫住卡邦尼有溫泉蛋味道，等左半粒鈡上來么都无，味道麻麻，so amateur，不如食薩莉亞，失望。服務好慢，落單慢上菜慢，名副其實slow house.