Soi Eat Thai Cuisine

Open Now

Now Closed

上星期老細叫咗我哋食團年飯，叫我地一行8人由灣仔OFFICE 過咗去長沙灣office, 做左陣嘢hea咗陣就落樓去食lunch。老細選擇呢度, 一來近office, 二來佢話上次食過唔錯, 亦有個幾nice的靚女老闆。靚女老闆我就見緣慳一面, 可能喺因為午飯時間啦, 不過見佢地D lunch sets 都ok, 只是5,6十蚊分量都夠, 灣仔好似都無呢個價嘅泰菜lunch。叫左個辣肉碎煎蛋飯，同冬蔭公湯，個飯ok，不個湯就好夠味，問番waiter原來師傅是來自泰國，咁唔怪得啦。我地12點幾食到2點，越食見越多人來，見到d waiter都好忙。下次可以試埋晚餐, 反正見個MANUAL 都唔係貴，又近我, HEHE

長沙灣新屋邨入伙，几個新樓盤也陸續入伙，附近的食肆也多了得多，多左嘅都係中上價的餐廳，經過這裡，看門面好似high high地，留步看看門口的menu，又可以接受喎，lunch set 56-68，免加一。進內試試先。地方不大，但坐位安排挺好的，不會太迫，燈光柔和，長梳化加几個小cushion，舒適的坐著，店裡播著不會吵耳的歌曲，環境不錯哦。Order了兩個Set Lunch，我點了個香葉肉碎炒飯，賣相不錯哦，吃落滿滿的香料味，辣辣的，喜歡！朋友點了青咖哩雞飯，賣相更美，好吸睛，飯是分開上的，朋友最喜歡這樣，青咖哩香濃，配料及醬汁做得剛剛好，值得推介。我們各點了一杯正常的泰式熱咖啡，一杯泰式齋啡，出奇的啱我們口味，小小一杯，很想續杯呢.....初次感覺不錯呢！定會再來。

我好鐘意食泰國菜，今日一行六人專登去試一間新嘅泰國餐廳。我去到接近一点點左右好多人等，又好想食，就問一位肥哥哥要等幾多张枱？幾點再來會好些？他回答我要一點半后才不用等位，我们就轉頭再去。過了約半小时我们就回去睇下，仍是否太多人。 回到餐厅見到肥哥哥，他好利害，一眼就認得我们，即刻有位就安排我们入座了。我看了餐牌，就叫了辣肉碎飯，有些朋友就食青咖喱雞…………餐來啦😳😳 真的不负期望，雖然不是什么大餐廳作品，以地点，餐廳裝修環境，足料夠份量，味道又似係泰国当地的味道😋😋😋好味啊！差不多吃完的时候，肥哥哥過來問我们食物意见，跟我们說声抱歉，因之前太忙同地方淺窄，希望見諒等得太久🙏🙏 我要再來試晚上的菜式！😋😋😋 有跟進有質素的餐厅一定要再来試啊！

HAPPY FRIDAY 星期五與同事外出食LUNCH, 唸住試下新野,一行八人, 食泰國菜.等候當然唔講啦, 要到八齊個先可以入坐, 都唔好講啦.坐低叫餐, 待應姐姐黑口黑面. 句句說話都有骨落地.我同事叫熱檸檬水, 佢馬上回應 “ 呢到唔係茶餐廳, 唔會有架“講到食物更差, 冬蔭公米線沒有味到, 飯分量比普通少, 應該辣唔辣.應該酸唔酸, 樣樣食物味道完全唔係泰國菜講到價錢LUNCH要每人HKD70, 亦唔平. 唔會再幫襯

屋企附近新開泰國菜中午去試吓黃咖喱牛腩飯用料算多分量比普通都算多係不錯，但是要$68，性價比唔高有點貴了，中環價錢想問侍應攞杯水都話冇呢個價錢好多選擇試過一次就夠了

長沙灣竟然有一間水準高嘅泰國餐廳，價錢相宜而且環境舒服。餐廳雖然唔大，目測可能得四十至五十個位到，但係佢有個埋露天位，都幾舒服。真係你唔會諗到喺長沙灣會有一間泰國餐廳環境咁特別。跟住我留意到餐廳師傅係正宗泰國人，諗起去到呢度可以食到正宗泰國菜，真係別有一番之味。而且用料真係好新鮮!!!!!餐牌上比起平時嗰啲泰國餐廳款式比較特別而且選擇又多。完全冇諗過經過長沙灣竟然有一間咁有特色嘅餐廳。正ahh! 而且門口可以泊車，勁方便。

聽老友推介，成班人柴娃娃去幫襯呢間新開張嘅泰菜餐廳。食物質素果然一流，絕對物有所屬，我嘅最 like 之選有泰式生蠔同埋燒牛排。個蠔至正係用 shooter 杯上，「嗗」一聲吞落肚，鮮味之餘，呢種食法亦令我好回味。燒牛排燒得啱啱好，同個醬汁超夾，食完第日已心思思 👉🏻👈🏻 諗梗幾時再去回味一下 😋。其他食物都色香味俱全，但呢兩款已經完全俘擄我嘅味蕾同個胃！😅泰式生蠔燒牛排美中不足係食唔到「賣非佛」嘅芒果糯米飯，一早售罄！見到隔離枱食梗，用樣係用杯上，賣相精緻，下次要試！至於環境方面，店內店外都好有格調，座位舒適，唔會迫迫夾夾，真係多得老友推介，一定會再嚟幫襯！

最近發現青山道元州街交界開了一間泰國菜，即管試一試。簡直駕喜，不但裝修靚，音樂動聽，菜式很有水準，特別喜歡shooter 蠔。打聽得知是老闆專程從泰國請來大廚主理。下次一定再去