相馬日式火鍋 (Closed)

今日同男朋友喺火炭食放題，呢間餐廳出名係大閘蟹海鮮加火鍋嘅放題，大閘蟹任我哋食，完全冇節制，而且保證每一隻鮮甜多膏好有水準，食多幾隻都已經為返本。我哋都唔執輸，每一隻拆開蟹殼，拎住蟹蓋食蟹膏，兩個人食吓食吓唔經唔覺都識咗十幾隻蟹。除咗大閘蟹好味，個海鮮蒸鍋都一樣咁好味，呢個海鮮蒸鍋就冇得任食啦，只係一次性，食完唔會再添加，雖然份量有限，但夠多，所以已經非常夠食，佢係用蒜蓉清蒸，有唔同海鮮之外，仲有粉絲做底，粉絲吸晒蒜蓉味，真係好好味。海鮮有灰蜆，鮑魚，蟹棒，聖子，帶子，廣島號仲有好多其他嘅種類，多到講唔晒，食都食唔晒！當然我哋有食晒佢啦，唔可以浪費啲咁好味嘅海鮮。🦞🦑🦀🦐🦪🐚🦪🦞🐚🦑🦀🦐🦞🐚🦪美國特選牛肩胛呢個牛肉一定要食，甘香又新鮮，鮮紅色簿簿一塊，放落火鍋轉左啡色之後就好夾上嚟食，肉嫩嘅狀態下食牛肉入口溶化，成口都係牛肉鮮味。🐂🐂🐂🐂🐂🐂🐂🐂🐂🐂🐂🐂🐂🐂🐂

唔驚唔覺又到左秋天時間，聽聞火炭山尾街18-24號沙田商業中心附近呢間餐廳系好多網紅既打卡熱點，所以放假就要過去試下，食好D！😆😆首先******蒸鍋食開邊龍蝦。用牛油以小火煮香蒜茸至微微金黃色，下糖及豉油吊味，最後拌入炸蒜。龍蝦蒸好後，肉跟殼已分離，有需要可再將背上部份的殼剪去，方便進食。*****任食大閘蟹，美味秋季大閘蟹: 個個體肥爪壯， ~鮮味撲鼻 ，掰開蟹殼:哇!滿滿的蟹膏、肉厚肥嫩，好肥的蟹膏~肥而不膩；人間美味佳餚啊******蒸海鮮入面有，螺，好大粒，鮑魚好爽口，青口同埋海蝦都好新鮮。每一口都帶給我豐富的味覺享受。****粟米筍同埋西蘭花都好新鮮。成晚，我地飲左胡椒花膠雞湯，再食海鮮蒸鍋同埋火鍋！超級飽！

屋企人近排揾咗一間新餐廳試吓✔️但原來不只是一間餐廳仲有幾間分店🔥今次就去咗火炭分店一家人食咗一餐大滿足晚餐🥣有成6-7個類別可以任食💛我地一家四口去食飯所以就可以一次過食到多啲唔同嘅食物👨‍👩‍👦‍👦真係建議多啲人去食會更好💖就咁係打邊爐就已經有好多食物食了🥳有海鮮🦞肉🐷其他配料~海鮮食得最多係蜆同蠔🦪兩者都唔係細細隻係肥肥的會啖啖肉🎈菇類有金菇同雞髀菇🍄細妹超愛食咗超多💦然後就係一次性蒸海鮮🦞爸爸媽媽超滿意佢地認為海鮮都偏新鮮同大份☺️係有平時比較會少食嘅蒜蓉蒸龍蝦❤️餐廳仲要處理好晒就咁啖啖肉食真係慳返好多時間又好爽😄另外仲有大閘蟹任食點心串燒炸物任食就唔詳細講了✨最後甜品有雪糕可以自己任食🍦當日就有綠茶🍵牛奶🥛作為一餐的結尾就完美了😍

訂咗枱係火炭呢間相馬食放題，4個人食任食大閘蟹海鮮火鍋放題，蒸鍋係食龍蝦嘅，超正呀！龍蝦大大隻，肉又甜又彈牙，用蒜蓉蒸嘅有好香蒜蓉味。呢度仲有其他嘢都好好味🤤今日真係大食特食。🦀首先係任食大閘蟹先，當造期間大閘蟹蟹膏特別多，又鮮又甜，蟹肉雖然唔多，但係都好好味。火鍋放題嘅湯底係胡椒花膠雞湯，有胡椒喺入邊飲落去好暖胃，而且花膠雞湯養顏又滋補，非常足料就咁飲都好好味，用嚟打邊爐啲肉更加鮮甜，牛肉🐂雞肉🐓豬肉🐖，呢啲基本肉一定有，每一款都新鮮，牛肉同豬肉甘香鬆化，雞肉非常滑好鮮甜。🦑呢個一次性極上蒸海鮮鍋有勁多海鮮，同龍蝦一樣係用蒜蓉蒸嘅，日本帶子，灰蜆，螺，小蟶子，蟹棒，大頭蝦，水魷和鮑魚，鋪滿成個鍋，見到就好吸引，一路蒸香味一路飄出嚟！🐔仲有佢哋嘅單骨雞翼，好方便食又好好味，有幾種唔同口味，原味，香辣味，燒烤味，蜜糖味，海苔味，咖喱味，真係地表最強嘅單骨雞翼。

秋風秋意濃🍁，最啱就係食大閘蟹啦！有咩開心得過可以任食大閘蟹之餘又可以食海鮮🐠🐟🐬又可以狂食串燒🍢🍡🍢🍡呢！🦀大閘蟹嘅蟹膏相當之濃郁，色澤亮麗，令人口水直流🤤🤤！味道鮮味，令人食過返尋味！🥳🥳的確一流！食完大閘蟹，仲可以食海鮮蒸鍋，雙重享受🙌🏼，開邊蒸琵琶蝦，超新鮮，琵琶蝦甜美彈牙！蝦肉好彈，有嚼勁！😽🍲🍲🍲火鍋配料，無🉐頂。豚肉，彈牙Juicy! 🍢串燒party , 正正子🫶呢個套餐真係超抵，仲可以任叫串燒！燒菠蘿超甜，美味爽甜！其他串都燒得好，爽口惹味！燒翠玉瓜都好唔錯啊！🌞

我搵到火炭既相馬日式火鍋👁️‍🗨️就係見到佢舖頭賣相好掂👁️‍🗨️成日都咁多人排隊👁️‍🗨️再望到佢既放題好多野食👁️‍🗨️仲有指定既食物👁️‍🗨️然後仲有勁多可以係出面拎👁️‍🗨️一個價錢已可以食到一餐👁️‍🗨️仲要係任食👁️‍🗨️所以我地幾個人👁️‍🗨️真係唔洗驚唔岩食👁️‍🗨️呢度既環境真係好正👁️‍🗨️等位之後就入得✔️🔘大閘蟹放題🔘最近成日都有朋友話今年既大閘蟹好食👁️‍🗨️終於有機會可以食到啦👁️‍🗨️如朋友中所講真係好好食👁️‍🗨️不論係蟹肉定蟹膏都一樣咁豐富👁️‍🗨️好幾隻都係蟹黃特別多👁️‍🗨️食得好滿足🔘海鮮🔘食海鮮既話最好係度食👁️‍🗨️因為夠新鮮👁️‍🗨️同埋好方便👁️‍🗨️只係用蒸既方式👁️‍🗨️之後就食得👁️‍🗨️海鮮既鮮味仍然係度，蝦好新鮮👁️‍🗨️蟶子亦都好爽口👁️‍🗨️鮑魚都好肥美👁️‍🗨️用來打邊爐同樣唔錯🔘美國特選牛肩胛🔘呢種牛肉真係好靚👁️‍🗨️無錯呀係好食到瘋狂地落單，我地就係食呢一隻牛肩胛👁️‍🗨️好食到係咁追加

幾個朋友諗住季節啱一齊食大閘蟹放題因為相馬offer好 就特登搭車過去食由5點可以無限時坐到10點last order9點鐘售前服務好好 我哋改人數同時間都好快覆wtsapp好主動咁幫我哋改星期六收$580.8(已加一) 對於大閘蟹放題嚟講唔貴但係！🥲大閘蟹全部都係公 全部都唔足三兩冇乜膏之於 每開幾隻就有一隻係臭咗(灰色膏)🥲打邊爐又冇乜料可以揀自助吧嘅嘢食又少(丸都只有4款)蔬菜望落去唔係好新鮮QR code落單揀牛同海鮮 但係帶子生蠔都唔靚🥲自助吧冇乜碗 唔係話冇乾淨嘅碗 係冇碗🥲冇態度可言啲侍應基本上唔會同我哋有任何眼神接觸 舉晒手都唔會理你 避得就避啲侍應之間嘈交就大大聲 我哋坐低食咗兩個鐘都冇比到個QR code我哋🥲好多嘢都唔清唔楚冇同我哋講邊度有得攞蟹醋 有自助薑茶飲所有嘢都係去到最後我哋自己發現🤢最最最過分嘅係 我哋食到就快10點的確佢地要收舖趕人走但係點解要全舖播鬼新娘呢首歌！$580嚟講要服務冇服務要食物質素冇食物質素如果淨係為咗個量而食 我都唔會揀佢哋總之永不覆桌

大閘蟹無味又煤 又無膏 勁難食 食到唔會想再食 呢間野無下次，打邊勞d海鮮又唔好食 送果隻龍蝦又細隻 牛肉又唔新鮮 d拉面又一餅野 跟本食唔到 個胡椒湯 又淡 花膠比果一兩塊你，服務就不錯既 雪糕 野飲呢d咪可以囉

今日試食左個無限時火鍋放題多部曲$298 加一首先係茶碗蒸：依個都正正常常，面頭有粒帶子，蒸蛋入面有啲蟹柳粒，ok嘅，普通蒸蛋。然後係雞煲：普普通通，味道一般，好油膩食完之後職員會換煲花膠雞湯：個湯幾好飲入面有幾舊花膠，每人1-2舊飲左小小湯之後，職員就會幫我地放個蒸架係花膠湯上蒸海鮮：不過啲海鮮唔太新鮮有沙，蜆又唔鮮甜，蟶子又有怪味，啲魚片又好大鹼水味，個人覺得唯有鮑魚係ok食完海鮮之後就火鍋炸物燒物任食火鍋用返個花膠湯到左依步已經比前面果啲搞到無咩心機食火鍋不過試左佢地啲燒炸物，覺得燒炸物比火鍋好除咗肉串燒得太老，其他燒物都ok即叫即整熱辣辣總結：得個花膠湯同部分燒物炸物唔錯盛惠$3xx/位依個價錢出面大把更好的

今日過嚟相馬食火鍋放題晚餐，任食120分鐘。在一個甜醬油湯底，咁就大人細路都食得，而且我覺得甜醬油湯底，用嚟煮肉的味道更加甜👍。晚市120分鐘放題套餐有送一份比較高級嘅牛肉，美國特選牛肩胛，脂肪比例均勻，肉味濃郁。除咗呢隻牛之外，其他牛肉🐂，豚肉🐖及雞腿肉🐓，都係任食嘅，食肉獸都唔驚唔夠肉食。除咗肉之外，仲可以自己喺自助火鍋吧任拎海鮮，包括日本帶子，青口🦪，廣島蠔🦪，蜆，海蝦🦐，螺肉🐚，魷魚🦑。點會剩係得肉和海鮮？仲有面類，菜類，丸類，小朋友勁鍾意食烏冬麵，烏冬麵同公仔麵，我哋都食唔少。唔想烚住等，都可以喺自助吧拎熟食，熟食都超多種類，有炸牛丸，芝士丸，墨魚丸，粟米🌽，排骨🍖，春卷，雞翼等等，仲有無限飲品及雪糕🍦甜品！

之前已經聽好多人講過相馬，但食就真係第一次食～我地叫左120分鐘放題，價錢出乎意料實惠，但食物質素同用餐體驗都好好❕🍲湯底//中華辣湯+番茄湯- 我地試左中華辣湯同蕃茄湯❕中華辣湯既香料好多，麻麻辣辣但唔會食完口乾～番茄湯就好香濃，有好多原粒番茄❕🍲火鍋料推介//海鮮+雞腿肉- 火鍋料方面其實有好多選擇，仲有好多炸物同串燒可以任食，但我個人就最推薦海鮮同雞腿肉❕推薦海鮮係因為佢唔止選擇多，而且非常新鮮，冇雪味冇腥味，而且每個海鮮既肉質都好飽滿❕雞腿肉就大大份，冇太多筋，好嫩滑可以大大啖咁食肉❕除此之外呢間既環境亦相當乾淨，座位亦都好闊落，座得好舒服，嘢食又上得快，性價比真係好高❕

這家火煱店是我寫食評以來，感覺最糟糕的一家食店。1. 我們order了無限時套餐，一開始來那個雞煲，和那個蒸蛋。雞煲的味道可以，但是那個過程很麻煩，什麼多久要客人揭蓋處理...2. 跟住什麼花膠魚肚湯，淡如水，我們素性叫他們用來當火鍋湯底吧。3. 跟住來了什麼蒸海鮮，全晚的高潮，腥味嚴重，基本上那些所謂海鮮，半點都不新鮮。聖子滿口泥沙，魚塊腥到無可能吃。4.正常的牛肉火鍋，以為應該無問題吧。當你去拿醬汁，他們稀如水豉油，極度不衛生的任取食材，我接受不了。很污糟。通知那些員工，他們的態度讓你覺得 ： take it or leave it. 5. 最後來的牛肉，根本就是茶餐廳牛肉面的品質。放棄！受不了$328 一位換來這種素質，算了吧，no next time.， 去其他質素有保證的火鍋放題比較安全。大部分員工都是年青，也OK 有禮貌，但工作的主動性欠奉，玩手機，聊天……這個價錢，可以選擇的太多，不要拿自己的肚子出氣。各位，不要中伏。

睇到咁多好評就帶埋小朋友去試啦點知好伏。首先入去就感覺間鋪其實有種油笠感，覺得唔多乾淨，果日係食午市，d女員工冇介紹又冇餐牌，入去坐低後呆坐，有d評論話員工叫極冇人係真嘅。雖然係1點幾已經，但自助位已經冇咩嘢食，夾咗d丸啊，豆卜呀菜等等。頂啊，d丸係有小小壞咗嘅味，豆卜都係。明顯佢當時雪櫃係唔夠凍，應該係唔凍先岩，我屎忽痕每款丸都試，結果真係每款都壞，我見隔離枱係幾個同事lunch嚟食，聽到佢哋都討論話唔掂d嘢食，話下次去返沙田食算。我大仔話菜係ok嘅，隔離枱亦只係個個都拎菜🤣點解冇相，平時一去其他地方食嘢,如果d嘢品相ok間鋪冇驚喜我一定閘刻影相留念先。呢間嘢真係我連影都冇心情影。真係得牛肉算係咁。好耐冇食過一間咁差嘅鋪。真心覺得就算係平日午市都唔好咁hea 呀唔該。返到屋企仲要幾個人都肚屙。我果日仲要特登坐的士去食，覺得好失望真係

上星期冇假放抽唔到時間同媽咪慶祝母親節🥹，唯有今日抽時間同佢食飯，近近地去咗屋企附近嘅呢一間相馬火鍋店，兩母女好好地食住嘢傾吓計😆今次我哋揀咗呢個好抵食嘅套餐，有120分鐘任食任飲，平日星期一都只係$278，另外再收加一服務費！不過啲食物都幾高質，性價比又幾高👍🏻豚骨湯〰️豚骨湯底好好味，奶白色嘅湯底未飲已經知道超級濃郁！泡菜湯〰️食唔到中華辣湯，又想辣辣地就叫咗呢個泡菜湯！日本鹿兒島黑豚肉〰️豚肉口感真係好軟腍，而且好厚肉！海鮮〰️勁多唔同嘅海鮮，我最鍾意食嘅日本帶子同蟹棒都有呀，帶子真係大大粒又清甜！

第一次食呢間《相馬日式火鍋🍲》，食完之後就明白點解朋友咁鍾意呢間，價錢唔算太貴，不過任食嚟講，啲食材都好高質，食得出唔係啲平價肉，算係一間幾有質素嘅火鍋店！必食湯底👍🏻豚骨湯我本身唔食辣，佢哋呢到唔辣嘅其他湯底我都試過，不過自己鍾意濃郁小小嘅湯底，我覺得豚骨湯係比起蕃茄味嘅湯底更加香濃！必食蔬菜👍🏻我自己好鍾意食翠玉瓜、菠蘿，因為佢哋好清甜，燒完之後，有少少脆脆地仲好味🤤必食肉類👍🏻一定係美國牛肩胛，發現呢到啲牛肉質素真係幾好，唔會浸晒血水，顏色仲好鮮艷好吸引，肉質仲叫非常之嫩滑！必食海鮮👍🏻全部海鮮試過都覺得係新鮮，我自己就最鍾意食蝦，再點蒜蓉辣椒豉油，真係一流！