相馬日式火鍋 (Closed)

放題都有好多種😋最多人食就一定係邊爐放題而今次去呢間嘅邊爐放題就多左樣野就係串燒同炸物食仲要都係放題任叫架👍緊係每樣都點啲嚟試試啦 ------------------------------湯底有6款揀👀每一款都好似好吸引咁既然係咁就揀鴛鴦鍋🥘試兩款湯底🍄黑松露牛乳湯同黑豚湯底黑松露牛乳湯🎈黑松露味超級香加上牛奶湯底🥛配料浸係濃郁嘅黑松露同牛奶湯底好特別又幾好食😦🎈黑豚湯底雖然望落普通但味道原來一啲都唔普通浸係肉類嘅話啲鮮味提升不少因為味道比較適合大眾口味😳絕對值得一試 ------------------------------🎈揀豬、牛、雞方面同樣都有幾款選擇由普通牛肉至到和牛🐂想食咩類型嘅肉就自己揀喇 ------------------------------🎈串燒類日式照燒汁搽係面👅再加上海苔粉燒得算係平均打下邊爐又食到串燒🍢錦上添花 ------------------------------🎈炸物類炸物應該係即叫即炸🍤脆口得嚟入面又唔乾身加上醬汁同紫菜絲🎉水準不錯有好多日式放題亦都有上面嘅野食🍱但自己唔係太想食刺身🍣有打邊爐又有炸物同串燒嘅話呢間餐廳係可以考慮下

之前已經黎食過，見好似都好耐無食過就去食下啦，點知原來新加左串燒既菜式，令我同朋友加添一點新鮮感。咁我地就叫左美國特選牛肉 120分鐘放題 包埋豚肉同雞肉，炸物同串燒都係任叫。咁會先嗌湯底，我地叫左豚骨湯底，覺得幾香幾濃郁，係唔錯既選擇。然後今次覺得佢既雞肉好食左好多，非常嫩滑，牛肉亦都唔算"韌"，幾薄身易入口，不過如果豚肉可以嫩滑d就更好。各類基本火鍋配料都有。串燒都嗌左好多黎試，特別欣賞燒雞皮、雞肉串、薄燒牛舌串，雞皮炸得卜卜脆，好惹味，雞肉串肉質亦都係好嫩滑，仲有點燒汁既味道，牛舌唔"韌"幾有咬口。至於炸物仍然係咁好食，雞翼、炸雞唐揚、餐肉、蝦都係必嗌，外脆內軟，雞肉肉質嫩滑，加埋沙律醬，加添一點美味。今次主打食佢地既串燒同炸物，不過都一定要襯熱食先最好食。另外仲有甜品同飲品都係任食任飲，牛肉有另外幾款，有機會會試下其他。

大鴻輝一向都係任飲任食餐廳集中地，前幾日見到呢間日式邊爐放題評價唔錯，就同朋友一齊試試！——————————🔹火鍋湯底同朋友打邊爐揀湯底意見有分歧點算？呢間餐廳就提供一人一鍋，選擇番想食嘅湯底，我就揀左蕃茄湯中和一下油膩感；朋友揀甜醬油湯底，甜度剛好，好有日本風味～🔸即叫即製炸物/燒物話明即叫即製當然係新鮮熱辣辣，首推炸雞翼，外脆內軟，食落一啲都唔乾身，上面灑上紫菜絲，好有和風雞翼嘅感覺！金菇肥牛卷燒得很出色，滿滿燒汁，食落夠晒甜，正😋🔹美國特選牛肉/丸類/蔬菜牛肉丶豬肉和雞肉任點，丸類和蔬菜可以出去拎。呢到嘅牛肉雪花分佈均勻，唔會話冷藏到硬晒，牛味夠濃😍 丸類和蔬菜🥬好多元化，其中有我最愛嘅響鈴卷🤪🔸甜品食完主食當然要食返啲甜嘢，呢到嘅甜品相當多元化，有朱古力火鍋、雪糕、雪條、涼粉、甜點，朋友就自製左個雪糕涼粉配朱古力芒果，為呢餐畫上完滿既句號🥰

如果早場5點幾通常都唔會有走單既情況出現。但一到咗繁忙時間約7點幾開始多人就出事喇...... 叫嗰啲炸物、串燒通通走單問題嚴重...... 可能因為佢要新鮮整，全場客人個個寫幾多幾多串，幾多幾多炸物，廚房不勝負荷就算我寫幾多張既串燒紙，炸物紙佢都係完全無視...... 最後終於黎咗轉炸物串燒仍然無黎過...... 但我同朋友早已經比啲牛肉食到飽曬...... 已經無胃再食落去......最後比錢走人，好在有折扣優惠又可以任飲啤酒......算係性價比高。

繼上次來大鴻輝中心食雞煲，今次就同朋友放工來打邊爐💕坐得闊落舒適，d 枱好夠大張，夠大胃王晒擺野食🤓 價錢合理❗️自由度高❗️鍾意點配都得👍🏻免費湯底🥣有6款，另有加錢湯底～係open area 仲有菜、丸類，蔬菜新鮮，丸類有個下拉式嘅透明屏障隔一隔塵，確保衛生👍🏻仲有個甜品corner添😍 呢度仲特別在於➡️ 有炸物➕串燒任點❗️❗️我哋今日揀咗$258 套餐，可以任食美國特選牛肉、豚肉同雞肉～.叫咗雙拼湯底➡️ 蕃茄湯➕甜醬油湯蕃茄湯足料味濃甜醬油湯味道適中，用來淥牛肉➕食烏冬好Perfect❣️牛肉偏瘦，幾啱唔太鍾意食肥肉嘅朋友😆我反而比較鍾意個豚肉，切得夠薄，而且相對肥瘦分布得更均勻🤓.丸類除咗衛生之外，仲保存得幾好，冇結冰，所以淥熟咗之後，口感依然彈牙爽滑😌.蔬菜新鮮選擇多❗️.炸物盤上菜啦❣️我地點左炸冬菇、炸芝士丸、炸墨魚丸、炸洋蔥圈、炸蝦、炸雞翼、炸甜薯及炸餐肉💕炸物仲另配有黑松露沙律醬😍 用嚟蘸洋蔥圈同炸蝦一流💕由於大部份都係用七味粉調味，所以其實炸物表面都係差唔多嘅味😝特別推薦炸雞翼、洋蔥圈、墨魚丸❗️炸雞翼香脆多汁，油膩感唔重，肉質嫩滑❣️食起來微辣又開胃👍🏻洋蔥圈炸得通透，容易咬開，

終於換走左部陳年舊電話，喺荃灣trade埋部機，就食埋飯先番屋企，又來到呢間最高層嘅火鍋店，係人都知呢頭火鍋店多，我地多數來呢間。相馬CP值幾高，一直都有食開。呢度環境幾好，夠哂闊落，大玻璃望到外面，算坐得幾自在。menu方面，揀左性價比幾高嘅套餐，星期一至四每位258，牛肉、豚肉、雞肉、配料任食，飲品任飲，炸物串燒任食，即點即製，幾有誠意蕃茄湯底幾濃郁，有好多茄粒。牛肉上左兩碟，仲有豚同雞，全部任食，質責ok嘅，厚厚地一片，食落有嚼勁，幾有彈性，加少少麻醬食會滑D。豚肉同雞都可以，唔錯，但當然我地主力食牛。其他配料自己拎，我地最鐘意秋葵同蟲草花，之前來過呢度有羽衣甘藍添架，而家冇左嚕。食埋烏冬勁飽。炸物串燒即製，不過比較小家，唔係放張紙喺枱面俾人任寫，係入座時店員會派一張俾你。雞翼、洋蔥圈、炸蝦呢D全部好香脆。仲點左燒雞皮同金菇牛肉卷，有燒烤香氣，幾入味。

今晚收工同男朋友又去食好野，去左荃灣食相馬日式火鍋！佢有好多款套餐，我地叫左「美國特選牛肉」$258果個套餐，佢有特選牛肉、豚肉同雞肉放題。佢有好多款湯底，我地揀左鴛鴦鍋—醬油湯同豚骨湯，其實黑松露牛乳湯、海老湯都勁吸引，下次再試佢其他湯底！其實一坐低，個侍應已經超有禮貌，好主動同我地介紹唔同套餐同湯底，仲有炸物同串燒任食，即點即整。因為男朋友真係好鐘意食炸野，我地叫左炸物先—冬菇、蝦、墨丸、餐肉同雞翼。都炸得幾香口，佢仲有黑松露沙律醬，好好味。跟住出去睇下佢D其他任食食物，都有好多款蔬菜（有我鐘意既萵荀同油蜜菜！）、配菜同丸類，仲有我最鐘意食既日本拉麵。同埋幾鐘意佢有埋透明簾遮住D食物，幾衛生。揀完其他野食之後，就係肉肉肉登場了～豬牛雞都好靚，D肉幾嫩滑，但係可能食得太多丸類，我地飽到叫唔到第二次肉！真係樣樣野都不錯，最後當然要食返個拉麵先得！同埋食埋枝紫米雪條（唔記得影相），好好味！不過仲有樣可惜既係，因為太飽，食唔到佢既串燒！下次一定要試埋。

友人生日想食日式火鍋放題，睇左好多食評做功課，最後揀左各方面評價都唔錯既相馬，睇相d牛都好靚，應該唔會揀錯~我地揀左中位價既任食套餐，除左有美國安格斯牛可以任點，亦有黑毛豬同雞肉，亦有多款配火鍋料，甜品，飲品可以出去自取~另外亦有燒物，炸物即點即做~揀好湯底後，店員為我地送上每款肉一份，食完可以再order~牛肉薄薄的，只要卓幾秒就食得，牛味濃口感軟嫩，是放題界的高質牛~友人則喜歡這款，他覺得這部位牛味更是濃郁~蔬菜類超多選擇，特別一題竟然係度見到花生芽！花生芽不易種植，所以每一顆都很珍貴，不是輕易會遇見既食材，花生芽比綠豆芽粗大，食落十分爽甜多汁，推介一定要試試~丸類亦有不少選擇~一定試唔哂咁多款~炸物炸得金黃可口~蔬菜新鮮香甜~飲品選擇繁多~甜品方面有朱古力噴泉，以及一些糕點~亦有馬來西亞產雪條~

相馬日式火鍋餐廳環境闊落, 幾大幾多座位，坐得好鬆動又舒服 中間有幾排座位用一人一爐形式。放題麵分幾款， 根據牛既品種同湯底分錢價.打邊爐仲有炸物&串燒任點，好似好正。而且自助區，有好款蔬菜, 丸纇等海鮮拼盤越南海蝦，爽口彈牙，非常之有質素!! 好難得食放題有咁好食既海鮮，重點海鮮也是無限追加的肉類豚肉好香，牛肉都薄薄的。唔會有雪味串燒串燒有醬燒同鹽燒兩款，一次過可試唔同口味。超過十款例如有牛、雞、豚肉等。炸物都十款飲品甜品多款飲品提供！整體都好滿意。另外榴連冰條絕對係必選，超級入味呢道食物高質, 服務又好, 兼坐得舒服~無論服務、環境、食物都中高位，價錢合理絕對要返食推介⭐️⭐⭐️⭐⭐ ——

在荃灣區內，大鴻輝中心一向都是匯集各式美食的集中地，最近，BeautySearch 便來到位於21樓的一家日式火鍋店 - 《相馬日式火鍋》。 晚餐時份，120分鐘的放題也有多款選擇，而我們最終選了中價的美國特選牛肉，$258一位，也算合理。湯底方面，有 6款免費自選湯底，另外也有一些特選湯底可加錢升級，我們就揀了蕃茄併甜豉油。 單是套餐提供的特選牛肉、豚肉及雞肉，已令我半飽了! 雖然只是特選牛肉，但雪花也相當均勻相當美，肉味香濃，以甜豉油湯底勺熟，充滿日式味道; 不過個人更喜歡以濃濃的番茄湯底勺熟，更添滋味。 餐廳內還設有自助區，備有多款蔬菜及丸纇供選擇等，而且乾淨企理，令人食得安心! 我們另外還點選了一些炸物，炸雞翼、炸雞，還有炸蝦，即叫即製，熱洪洪上桌，相當香口！尤其炸雞翼，外層香脆，內層嫩滑又Juicy，相當味美! 串燒方面，有醬燒同鹽燒兩款，我們雖然很飽，也忍不住試了數串，最愛那鹽燒雞腎，爽口有咬口，而且真的十分香口喔!  再飽也好，別忘了最後來一杯冰凍香滑的雪糕，為火鍋降降溫之餘，亦為這餐畫上完美的句號。

去OpenRice訂左枱話叫晒湯底/食物，突然又話小孩無任何折扣，真係第一次遇到咁既態度，隔離枱都一樣有小孩因同一情況一前後腳未食己離開，做生意手法不在話下差，真係咁既態度望得出係唔歡迎你，再好食又如何！

很久沒吃火鍋了， 尤其是牛肉火鍋放題， 就選了這間在家附近旳相馬。這大廈餐廳林立， 相馬位於頂樓， 坐電梯時可以睇到荃灣市夜景， 好快就到達餐廳門口。 店員好有禮貌， 好快安排我們入坐， 睇完菜單後決定點 - 《美國特選牛肉$258》包括美國特選牛肉、豚肉、雞肉放題 時間為120分鐘。之後選湯底， 有多款特色湯底可選， 但這次想先試試基本的番茄湯和甜豉油， 點完後馬上去選火鍋醬汁， 基本配料都有， 另外竟然有芝麻醬、日式胡麻醬、和柚子醬！另一邊還有很多自助火鍋料任食， 蔬菜類 丸類有好多選擇！回到坐位， 肉很快就來了！牛肉薄片， 真係一碌下就食得，肉質新鮮， 牛味濃， 脂肪不算多， 多吃都不擔心有罪惡感！ 很多點了差不多10盤！ 也是因為這次主要是想吃牛肉！之後是豚肉， 也是薄片， 肉質帶點爽脆的， 豚肉味適中， 肥肉也不多。最後嚐嚐雞肉， 肉質也是新鮮的， 沾上醬汁比較好吃！ 也拿了不少的蔬菜， 特別推薦南瓜，超甜粟，蘿蔔，菇類！這次丸類吃得比較少，特別推薦芝心丸！除了火鍋外， 還有炸物和串燒 炸物選了炸雞翼， 外皮炸得很脆， 肉好嫩， 加上特製

日式和川式火鍋就吃得多，台式就較少試吧。看這間介紹的環境和裝修不錯，很融合日式和台式元素，就選擇來這一間了。餐廳空間感十足，全以卡座形式設計，所以顯得座位寬敞，十分舒適。餐廳有一枱一鍋或一人一鍋做選擇，我們選擇了一人一鍋，可以吃到自己喜歡的口味。豚骨湯濃郁鮮甜，泡菜湯即酸辣醒胃，可按照自己喜愛的口味作選擇非常好。火鍋配料種類繁多，有各種蔬菜，菇菌類，肉丸，豆類製品等等。其中，菇類和蔬菜非常新鮮，清新可口，火鍋必須要吃多點蔬菜去中和油膩感。美國牛肉的顏色很鮮豔，油花的分部也十分漂亮，肉味濃厚，不愛吃牛的朋友可吃日本北海道雞片、美國自然豚肉片。最吸引的地方，火鍋餐廳竟提供炸品及串燒，種類亦非常豐富，有炸蝦、炸多春魚、炸雞球等，串燒即有金菇肥牛券、韭菜豚肉卷等等。全部即叫即製，非常出色。走到餐廳自助區也有很多選擇，肉類丸類和蔬菜都有充足供應。反而飲品款式選擇即不多，若果有無糖飲品提供相信會更好。

今日同朋友黎試食間日式火鍋放題，朋友之前食過話唔錯，今日就搵埋我再encore!餐廳响大鴻輝頂樓，之前都黎樓下果D餐廳食過，相馬係第一次黎。餐廳座位同走廊都好闊落，好好坐。帶位哥哥態度好好，俾餐牌果陣會主動介紹有咩湯底。有好多特色湯底，不過我地唔岩口味無揀到。點完湯底就去左攞野飲，每次去唔同餐廳都發現到新飲品，今次試到荔枝烏龍茶同蜂蜜柚子好好飲。之後出左去攞野食，好鍾意d野食放得咁整齊，選擇都唔算少，每樣夾左少少返黎，好開心有好多蔬菜揀，又要食又怕肥既實在好啱食攞完野食返黎火鍋同肉已經上枱，先黎左4碟肉，1碟雞肉，1碟豬肉，2碟牛肉。肉既質素好高，特別係牛，所以我地飽住咁都encore多一轉牛。另外有炸物同串燒食，我地又每樣叫左少少黎試，串燒同炸物算高質，十分好味，又細細份唔會攪到太飽肚。呢度仲有雪糕雪條蛋糕同朱古力噴泉，可以作一餐完美的餐後甜品

今天有個同事生日，我們為了跟她慶祝生日，便選擇了她摯愛的日式火鍋放題，而且餐廳地方位置在大鴻輝，方便我們下班便去。餐廳位於大廈的最頂層，內裏寬敞，全以卡座形式設計，裝修走日式風格， 非常乾淨整齊。而且可以選擇每人一鍋或一枱一鍋的，我們選擇了一人一鍋，可以吃到自己喜愛的口味湯底。湯底選擇非常之多，有韓國泡菜湯鍋、蕃茄湯鍋、豚骨湯鍋、麻辣湯鍋等等。泡菜湯鍋裡面的泡菜非常之多，味道濃郁帶點微辣。蕃茄湯有大量的切粒蕃茄，如不夠的話還可以到自助區取蕃茄繼續淆製。美國牛肉，每塊大細適中， 雖然薄薄一片但好重牛味， 非常鮮甜。自助區還有還多肉丸類及蔬菜類，任君選擇。食材排得井井有條，而且每位客人夾取完都會拉下帳幕，感覺非常乾淨衛生。額外還有串燒及炸物可選， 我們隨意點了炸蝦，金菇肥牛卷，天婦羅炸蝦等等，全部即叫即製，所以需時較長，但打邊爐還有串燒和炸品食，真的是大滿足！