快靚正燒味粉麵茶餐廳 (Closed)

今日屋企有客人，收到order斬料，放工就去左附近搵地方斬料，叫左燒腩仔，兩隻乳鴿，半邊燒鵝同叉燒。都幾快手，唔洗十分鐘搞掂走人，埋單竟然只係四百幾蚊！好抵！！重點係一返到屋企打開發現佢仲要超大份！！啲又燒係滿滿一個飯盒，個飯盒仲要係大飯盒黎。屋企人都比佢嚇親。半肥叉燒仲要幾好食，肥厚仲要好軟身有汁！好正！忍唔住食左好多！超曬標！燒腩仔都好正，唔太咸，好香！重點係肥瘦均衡！❤️乳鴿分別係滷水乳鴿同埋燒乳鴿。係我嘅至愛，雖然係話乳鴿但係一啲都唔細隻，肉質好厚！好正！燒鵝都好好食，不過個人就覺得多咗小小肥油。但因為有乳鴿所以都冇點食燒鵝。好爽！估唔到佢嘅餐廳名叫快靚正，啲燒味真係做到快靚正！平時喺元朗買，依個價錢只可以買到佢嘅一半！值得推薦！！

看到了這間燒味茶記的評論，感覺是有點"誇" ---- 一所絕對貌不驚人，極度市井街坊而又看似普通的燒味舖，怎會有著如此壓倒性地好的評語 ?店內坐滿了在附近工作的工友，當然少不了大量街坊扶老攜幼去光顧。一如所料，是絕對市井味濃的地方....叫得自己做"快靚正"，東西美味；上菜要快，固之然是重點....果然，下單後不到五分鐘，湯和燒味飯就上桌了....湯的好處是沒有太多味精存在，內裡亦有蠻多料的。口無聊時用匙掏起一兩件豬骨來啃，挺ok的....但許多人交口稱譽，說"快靚正"的燒味，水平就真的一般過一般，燒肉皮硬多過脆，可能剛燒起時是不錯，但凍了後吃就令人吃崩牙，慘不忍睹；燒鵝皮不是走脆香的style，不是我愛的那杯茶；肉雖甚厚身但咬起來乾爭爭欠肉汁且帶韌，一點都不"正"....十分無奈，此時唯有撈多一點蔥油來伴飯，心才好過一點....這裡號稱 "快、靚、正"，但看來只有"快"這一點才做得到而已....

近年來位於深水埗嘅西九龍中心進行左唔少嘅改變，位於深水埗嘅西九龍中心進行左唔少嘅改變位於8樓嘅食堂，更有不少地道美食以及唔同國家嘅食物。但今日想同大家講嘅並唔係西九龍中心嘅美食而係喺西九龍中心旁邊的燒味餐廳，店舖名同嘢食同名，快靚正！鍾意食燒味又鍾意食茶餐廳咁我諗依間鋪實啱你口味。叫咗豉油王乳鴿，相比起油炸會健康少少而且冇咁熱氣。雖然係冇咗嗰種香口嘅感覺但係都不失乳鴿嘅柔嫩度。燒腩仔皮爽肉嫩配上特色芥辣汁，用嚟送飯簡直係一流。叉燒燒得剛剛好，而且密汁鎖住喺肉入邊但又唔會令到叉燒嘅味道失去十分之唔錯。仲有最後一款豉油雞，口感嫩滑而且色澤鮮明10分開胃。食到完全唔想停落嚟。去開深水埗嘅朋友不妨去試一試。當然唔好忘記依家唔餐廳唔只係食燒味，仲有茶餐廳㗎，早午晚三餐唔同款式嘅選擇都有㗎。最重要嘅係座位好舒適。因為今次我選擇左食燒味所以並沒有機會嘗試茶餐廳但據我所見人流都比較多，希望下次有機會可以嘗試一下

最近電話成日用到冇晒數據，逼住去深水埗買電話卡頂住先！行過見到呢間燒味店，掛住唔同嘅燒味，望到我流晒口水，於是決定買兩樣返屋企食。我點左一隻切雞，佢呢度嘅切雞同平時出邊買嘅有少少唔同。同平時出邊買嘅有少少唔同。係佢哋自家嘅配方整出嚟嘅！隻雞由斬完，直到拎返屋企再打開，都保持住靚靚，油光滿滿！雞肉極嫰，中間可見絲絲黃油，嘩咬落直係好正！雞味十足，肉嫩得黎又有口感！另外點左燒腩仔，外皮脆口，肉同肥高比例適中，一啖咬落唔會太油，但又不失脂肪嘅香味！正！

想食得飽一餐當两餐?(早↙午餐)我呢排都會嚟呢度食車仔麫，三個餸連餐飲(仲有红豆↙菠萝↙什果冰揀)都係$40蚊(外賣同價)而材料份量亦足，炸雞翼有兩隻，豬扒一件大大塊，牛腩又係大大舊又多，我推介牛腩，蘿白，豬皮↙扒必食，加上公仔麫底落牛腩汁，冇得輸!

常在深水埗出沒, 看見 OR 的食友對這店的評價很不錯, 竟然有躍躍欲試的感覺.其實在這區的燒味店早已經心目中有定案. 這麼多的好評實在少見, 要看它有多少能耐.下午三點半, 去到門前, 發現原來這店佔地兩鋪位, 一個是專賣外賣的燒味, 另一邊是餐廳, 於是直入餐廳那邊.是一般茶餐廳的格局, 枱面有菜單, 牆上亦有一般的餐和小菜. 顧客並不多, 只有兩三位.由於有下午茶供應, 可以用最少的價錢, 享受燒味雙併和飲品.於是叫了义雞瀨和熱咖啡.阿姐也算勤快, 可能是老闆娘在坐鎮吧.五分鐘有得食. 咖啡只是普通行貨, 不好也不壞.今次的目的是燒味. 雞是髀的部份, 半隻, 义燒是瘦的, 但不黏牙. 味道偏甜. 雞是精彩的, 肉嫩滑, 有肉味.湯底味道偏淡, 但沒有味精. 瀨粉不錯, 很爽滑. 整體來說, 真的是不錯的. 唯一不足的方面是份量太少, 大男人吃不飽.服務嘛, 是標準的大陸式, 不好也不壞, 阿姐自顧談天說地. 只有基本服務.

好久已經沒有回家食飯，今晚約齊兄弟姊妹回家食飯，當然要斬料加料先夠warm，今日就落平時行深水埗食開的老字號燒味粉麵茶餐廳，鐘意佢地D燒味全部自家出品，食落零捨不同。老闆特別好傾又好客，我才知道已經14年老字號，更在元朗自設廠房，所以先控制到每天的出品日日新鮮，而且不會放隔夜，讓人食得安心又放心，今日等我斬多D料比屋企食先。《燒肉 $90/斤》燒肉個皮好酥脆，不是硬繃繃的，肉質肥瘦相間好平均，食落好嫩滑，味道不會過咸亦不油膩，不用點任何醬料，本身的味道已經好正。《燒鵝 $190/半隻》現場睇住師傅斬，肉汁好豐盛，外皮油潤，還傳來陣陣鵝香，睇到聞到真令人垂涎欲滴，真想馬上整碗燒鵝瀨醫醫肚先。回到家第一時間已經偷食，還是暖暖的，皮香肉嫩夠汁潤，本人覺得跟本不用到某知名燒鵝店食，性價比一流。《叉燒 $90/斤》叉燒亦不錯，半肥瘦，蜜汁香甜，肉質細嫩，送飯一流。《乳鴿 $50/隻》乳鴿入味，冷了也不會乾硬，依然保持到水準，肉質同樣夠嫩，食到大家食指大動。其實餐廳除了燒味外，還有早餐、快餐、飯餐、車仔面餐等等，有很多選擇，所以我每次去深水埗都定必光顧。

屋企人放假，最開心莫過於齊齊整整係屋企食餐飯，今日經過深水埗，決定斬返一啲靚燒味返屋企，慰勞下嘅屋企人，特別係每晚返夜班嘅爸爸。茶餐廳櫥窗裏掛滿一排排各式各樣的燒味，轉個街口都聞到一陣香噴噴的鮮肉味道🤤🤤。企喺度諗揀咩燒味嘅時候，已經有唔少街坊一盒盒咁買走，難怪店主要準備同大量現貨。望都望餐牌，見到售價比一般嘅燒味舖貴少少，一於試吓，睇吓有咩咁特別。老闆娘好好人，見我望左咁耐猶豫買唔買燒腩仔，即刻食咗一舊俾我試食，omg我從來冇試過咁新鮮熱辣辣脆卜卜的燒腩仔，外皮鬆脆，又有輕微bbq嘅火烤味道，皮下脂肪層嫩滑而不油膩，入口甘香，在下層的肉也有十足鮮肉味，係食得出既新鮮！至於豉油雞嘅重點就在於個充滿玫瑰露酒嘅豉油醬汁，豉油雞到到都有得買，但醬汁做得這麼出色的就少之又少，拎返屋企俾阿媽食，佢都讚口不絕！烹煮時間恰到好處，肉質鮮嫩多汁！個人來講最喜歡食燒鴨，呢度嘅燒鴨特別在於肉嘅鮮味，啖啖肉都食到新鮮嘅味道，我諗如果新鮮燒好即食，香脆嘅外皮會令到成隻燒鴨更吸引，我諗想食到新鮮嘅燒味，大家不妨嘗試堂食。我也叫了叉燒和油雞，老實講有啲失望，叉燒味道較為單調，而且偏鹹，缺乏醬汁，油雞也普普通通，冇

呢間係老字號黎嫁啦, 已經開左好耐, 基本上由我讀書起已經見到呢間野,佢地做既食物幾用心, 因為燒腩仔個d都係整一腳一手包辦,我好中意係佢個到斬料返家食! 個到既店員同老闆都好熱情~另一邊同樣都係佢既店, 就係for堂食既, 車仔麵, 飯呀, 我比較少堂食通常都係斬下料咁,呢到d叉燒都好靚, 個人比較中意食瘦叉多d, 可以見到燒得係比較靚小小, 係色澤上可以望得出黎,肉都可以望到唔係老既肉, 味道整體黎講不錯, 份量也很多^^乳豬係我媽最中意食既, 呢間乳豬肉質比較鮮嫩外皮都係脆,外脆內軟既感覺啦, 質量方面絕對無問題嫁啦,我知道到佢地有D燒味係有用瑤柱去沉過黎,味道會鮮甜D , 食真D 其實味道會同出面有小小唔同,所以我先講佢地整燒味係比較認真做, 值得再去幫親!整體黎講我比較中意係佢地D燒味, 自己一手一腳整,同埋制作都落足料同用心!

媽媽懶得諗煮乜餸,就叫我買燒味加料, 同時好多親戚來也我家食飯, 所以要買多D 呢! 剛巧經開這快靚正燒味,也目測到燒味都幾靚下,就決定買了三款燒味加料。**【燒鵝】 (半隻) 吃入口燒鵝,鵝味香濃不俗,皮薄帶脆,中間夾著更甘香的鵝肥油,不算太肥膩,而肉質多汁嫩滑,帶煙燻甜甜焦香,回味無窮 。** 【燒肉】 燒肉的肉瘦一層夾脂肪一層,入口的皮非常脆, 肉質好嫩,簡直是皮脆肉滑肥而不膩, 十分滋味。**【叉燒】 叉燒肉肥瘦適中,瘦肉香嫩可口,並有少少肥肉甘香得來不油膩,具有香濃蜜味,燒得剛剛好,仲有陣煙燻香氣。

身為一個地道嘅香港人 我都好鍾意食燒鴨同燒鵝等等嘅燒臘所以今日出開去行街見到咁靚嘅燒鴨燒鴨燒肉叉燒等等 自然食指大動 即刻入去斬料返屋企食囉其實週街都係燒臘舖 點解我要喺呢間度食呢？原因好簡單 因為我行過呢間舖頭見到入面啲叉燒 嘅蜜汁一滴一滴咁樣滴落去下面嗰啲鐵兜嗰度 我啲口水又係一滴一滴咁樣滴落去個胃嗰度 真係唔食都想奶番口呀！咁靚嘅叉燒我真係好少見 好難抗拒㗎燒鵝更加係燒味嘅經典 最貴價嘅燒味亦都係佢 呢隻燒鵝燒到個皮香脆可口 皮下嘅脂肪非常之豐富 油脂嘅味道滲入去鵝肉入面 成隻燒鵝味道極之好 我都食到停唔到口雖然燒肉喺燒味嚟講算係普通 但係呢舊燒腩 燒到個皮非常之脆 而且唔鹹 用嚟送飯亦都非常之一流 值得一讚

又要去買電腦產品，一定去深水埗，行完電腦商場就順便去埋街市睇下有冇咩啱，經過深水埗這間燒味茶餐廳，見到掛係櫥窗好多剛出爐的燒味，一於決定斬料做晚餐加餸。 餐廳好大，分開兩邊，左邊係堂食，右邊係外賣燒味部，門口已經有好多份已斬好的，方便街坊揀好就可以俾錢門口燒味餐牌：好多選擇，應有盡有燒鵝剛剛出爐，皮薄肉厚多汁，散發出陣陣燒鵝香味，鵝皮下脂肪較多，食時會比較油膩 燒肉皮夠脆，肉厚身，肉質夠鬆化 （一斤）叉燒色澤紅潤，一半瘦叉，一半係半肥瘦，瘦叉肉較實，半肥瘦比較香，亦都較鬆化，表面有甜甜的蜜汁 （半斤） 切雞肥美，肉夠厚，肉質又滑，雞表面滲出雞油，令到切雞味道更加濃郁 (半隻） 全部燒味都配有酸梅醬，蒽油，同埋芥辣醬份量足夠，價錢合理，師傅刀法純熟，好快就全部斬好入盒，又快又方便街坊可以隨時加餸~

突有來賓到訪，受屋企人之命，要斬料返屋企加餸。見到招牌快靚正，真係想睇有幾快靚正。街窗掛滿各類斬料，任君選擇，而家色澤唔錯。店內好多街坊客，可見人情味甚重。炸乳鴿有滷水乳鴿，可以原隻即炸。轉個頭師傅已經拿咗去炸，新鮮滾熱辣，香味飄逸。叫師傅幫手一開四，手起刀落，已經完成。返到屋企一試，肉質幼嫩，而且因為滷過，好入味。燒鵝外層香脆，內層鮮嫩，中間夾住薄薄嘅油脂，唔會太油，恰到好處。燒鵝識食一定要配酸梅醬，可以將味道升華，而且有助解膩。燒腩仔係骨腩而唔係腩肉。骨腩近骨，所以肉質較滑，而且層次分明。表皮好香脆，沾上芥辣，另一番享受。

深水埗 由遠至近都係美食集中地當中更加有好多唔同既神秘食肆 隱世得黎又係街坊聚所周知既大有舖在我諗香港人個個都會食燒味 應該無咩人會唔喜歡 而家每個人都有一間心水我自己當然都唔會走漏 都有一間長期光顧開先唔好講深井乜記 中環乜記或者大集團講到深水埗一定要「快-靚-正」無他既 呢三隻字已經係香港人所追求既極致位處中心 近街巿 又近商場屋村街坊行過都會見到 門面大 又乾淨排列整齊 簡單清潔 衛生係我其中一個安心原因脹卜卜既燒鵝 色澤光亮又有份量有招牌既燒鵝之外 叉燒可以話係我最愛蜜汁滴住落 真係令我忍唔住！！想一淡咬落去乳豬同燒腩 脆卜卜既樣 都令大食指大動迫得我今日要開殺界了！！見夜晚人齊 斬料返屋企 與眾同樂 好野係要分享價錢公道 份量有厚度半隻燒鵝一家五口絕對夠食 啖啖肉 外皮更加係脆又香 仲有一陣木香味 師博教路 如果凍左想整返熱食 記得淨係煮熱燒鵝豉油淋返係鵝上面就得喇千祈唔好亂咁成隻整熱 會淋晒脂肪唔算好多 肉感強 唔洗怕太肥 岩晒全家食乳豬原來可以咁好味 外皮極脆 肉仍嫩滑多汁 無多餘脂肪既入侵 皮同肉就係緊緊相連 無一層令人會停頓既脂肪心動不如食指大動 每一口都係脆夾肉 好

深水埗係一個錢認既美食天堂，各款美食應有盡有! 今日就無意間俾我撞到一間燒味非常出色嘅餐廳!話說今日出深水埗行街，突然收到阿媽電話話今晚要請客，請晒啲親戚黎屋企食飯， 叫我馬上去斬定料返嚟， 於是我立即係深水埗搜索一下， 發現咗呢間叫做快靚正嘅燒味茶餐廳， 店入面共分兩部分，左邊係平常嘅茶餐廳， 而右邊就係專賣燒味嘅專櫃!見到佢喺櫥窗展示嘅燒味全部都燒得非常之靚， 而且亦算非常整齊， 感覺亦都比起其他燒味舖頭衞生， 所以最終決定係呢間舖頭斬料 而呢間燒味舖頭嘅燒味屬於中位價格, 之後就馬上同老闆娘落單， 老闆娘話畀我聽呢間舖頭已經開業12年有多， 同其他燒味舖最唔同嘅地方就係佢哋會堅持自己燒， 唔似其他鋪頭咁同出面攞貨， 所以望落啲燒未確實唔同， 淨係見到都口水流!親戚大讚燒鵝有水準， 雖然放到夜晚先食， 但少我依然惹味， 燒鵝一啲都唔肥， 而且係勁有鵝味， 皮脆肉嫩有口感!呢隻雞望落已經同平時見到嘅好唔同，燒到金黃色 ，雞有雞油但唔算太肥， 唔係雞髀位都好嫩滑!燒肉係我最欣賞嘅燒味， 用皮脆肉嫩嚟形容一啲都唔過份， 表皮依然非常鬆脆， 輕輕熱咗咗依然好食!今次呢度嘅燒味令我外觀，