快靚正燒味粉麵茶餐廳 (Closed)

飲完double bubble 要行去橋底間“快，靚， 正”幫阿媽斬料😁😁。全個深水埗街坊都愛去橋底斬料，一講橋底一定知道邊間去斬料，快靚正在我哋心目中是斬料界的米芝蓮。其實佢哋仲有得堂食，但我屋企太近只係相隔幾條街，多數喜歡買回家慢慢嘆。🤣🤣斬料啲阿哥同收銀嘅阿姐我哋一家都好熟絡， 佢哋態度友善，大家會打招呼同吹吹水。大時大節條人龍都好長，不過勝在好快手等15分鐘左右就可買到，好多時晚上7點前已沽清，叉燒同燒肉最快賣曬。今晚媽咪話要休息抖下，叫我去橋底斬料要加餸食飯，我買了阿爸最愛的鹵水乳鴿🕊可配啤酒🍻，阿媽喜歡燒肉🐽🐷🐖， 我同細妹鍾意叉燒😋😋，家姐一家話好耐未食過乳豬🐗🐽🐽好掛住喎～唯有都要買少少啦～😂😂加番碟菜🌱🌱同白飯，今晚餐飯已解決，果然快靚正。🤣🤣

今日放平日，朋友就約我一齊去睇電腦，當然電腦梗係買到啦， 同朋友一齊往西九龍方向出發。本身諗住食西九龍中心，點知畀我發現有間燒味好似好抵食， 原來朋友一早買過，唔使諗，買啲今晚加餸。我就嗌咗燒腩仔， 本身諗住叫乳豬食，好可惜原來已經賣曬，朋友話佢乳豬值得一試。今次我就無緣份梗係試下燒腩仔，燒腩仔外皮夠曬鬆脆，當然肉汁滿載。 冇諗過性價比咁高，鬆脆嘅外皮，充滿肉汁嘅豬肉，加上肥瘦分明， 每一啖都充滿意義。 另外，我更加見到乳鴿只係50蚊一隻， 點解平時喺街度賣到咁貴， 當然都買咗一隻試一試，鹵水乳鴿夠曬入味，但係肉質依然鮮嫩，如果我住深水埗一定日日去。下次去深水埗，又有新地方，一定要再去。

放假經過深水埗 又未諗到今晚食咩既時候 見到呢檔燒味排滿人 就決定今晚斬料！即刻打比呀媽叫佢煲定白飯碌兩條菜 其他咩都唔洗準備！見到檔口一排排燒咪掛住 叉燒仲漏哂汁 咁新鮮就決定簡叉燒 另外燒腩仔見佢切出尼個皮好脆 又加埋燒腩仔先 最後檔主極力推極燒鵝話係呢度主打 咁再order 埋 一共三款！題外話呢度其實有堂食 不過可能出面太多人排外賣 以為得攞走其實如果連飯都唔煮 大可以落尼堂食！燒腩-份量非常多 足足有5層 肥瘦分佈好靚 皮非常脆口 大大推介叉燒-半肥瘦叉一定係最好食 中間啲肥都係爽既 加上小小汁 就咁叉燒都食左一碗飯燒鵝-個皮好薄好脆，而且唔算好肥 成舊食好juicy 好食！食完呀媽即刻問係邊間話下次要encore!

媽媽話今晚屋企作客，想斬啲料返屋企。難得嚟到深水埗，緊係唔可以空手而回😁見到兩間舖位大大隻字寫住快 靚 正，仲要望落非常之乾淨企理，一於黎加料😎位置一啲唔難搵，大大個紅色牌寫住快靚正，黎到佢哋門口，首先梗係睇下有啲咩料岩食😁仲可以跟飯食！但唔好諗住佢哋只係得燒味食呀！其實佢哋仲有其他早餐常餐湯麵等等😎所以選擇真係非常之多，一間茶餐廳絕對可以滿足到你所有嘅願望❤️而且對於一間有14年老字號嘅燒味店，竟然可以接受支付寶。呢個服務其實真係好方便，所以真係唔好睇小佢哋，以為係一啲好舊式嘅餐廳，冇乜特別。其實店主佢哋都非常之緊貼呢個市場動態，盡量令食客食得開心又方便😎睇見都流口水唔講咁多喇，一於黎睇下我叫左咩食❤️燒腩仔💝外皮十分之香脆可口，而且肥瘦適中。呢個價錢有成一大盒咁多，真係非常之抵食㗎！配上佢哋嘅芥末醬，更加惹味❤️ 同埋拎到返屋企記得一定要開盒蓋等佢通風，如果唔係啲倒汗水會滴濕燒腩仔嘅皮，就會唔香脆㗎啦😎燒鵝💓首先佢真係鵝嚟㗎！因為試過幾次係其他到買返黎變左鴨脷😭而呢隻鵝味香濃，亦都肥瘦適中， 薄薄既鵝皮加上嫩滑嘅鵝肉用黎送飯一流😋😋油雞💝切雞💝可能今日唔係好舒服，所以兩隻雞嘅味道都差唔多

晏晝喺深水埗買完野，就同埋阿爸斬料返屋企，之前都試過喺呢間茶餐廳斬料食過都唔錯，所以今次再嚟過我哋要咗燒腩，叉燒同埋一隻油雞學阿爸話齋，燒肉梗係要食燒腩先好食啦，我哋叫咗一斤，都有兩條骨架，見到師傅斬嗰陣已經好想食，所以我偷食咗一舊，外皮卜卜脆，下面嘅肉肥瘦啱啱好，果然係一分錢一分貨叉燒都好靚，要左半肥瘦差，件件都好厚肉，用黎送飯真係一流，我自己都食咗唔少媽媽就鍾意食油雞，睇佢嘅外皮油光唔少，雞肉好滑，姐姐仲好好人幫我包起左碟豉油，叫我返屋企整熱佢，淋上隻雞度食仲好味等緊斬料嗰陣，都見到佢外賣飯盒，都係$25個，呢個價錢真係算抵食

假日同屋企人去到深水埗尋寶，係人都知深水埗啲嘢平靚正，行都倦倦地竟然比我見到一間快靚正。鋪面開陽，燈光火著，離遠就已經見到，而且地理位置又好喺正西九龍對面嘅天橋底。見到呢燒味好油光，好似好好味甘，就覺得自己好肚餓，就入去試吓呢間快靚正呀⋯⋯點左個油雞河粉，師傅竟然俾咗隻雞比我，真係好運啦有雞唔會有雪藏嘅雪味，而且皮脆肉滑，又夠入味，連我平時吾食雞皮既都邪惡到食咗幾件燒鵝皮燒得好脆身，而且吾厚肥肉，大大件，而且份量好多，鵝味好重，令人垂涎三尺，食完之後鵝油嘅香氣充滿口內每一個細胞。叉燒好軟好淋身，而且充滿蜜糖嘅甜味，半肥瘦啱啱好，入口香甜，大大件，真係細食啲都食唔晒加$4可以轉特飲紅豆冰，夠晒冰涼，而且紅豆好多粒粒分明，消暑解渴一流。

今晚屋企飯聚，特登去深水埗北河街街市加餸，呢個街市，無論海鮮、蔬菜、生果，樣樣平、靚、正，所以人流特別多，連帶周邊各行各業都特別好生意加料又點會少得斬料（燒味）吖，呢間近西九龍中心嘅老字號，屹立呢區十幾年，自設工場，全部自己泡製，絕非市面一般來貨可比，真係食得安心好多，我自己都幫襯唔少由於距離今晚開飯仲有時間，有理無理，整番個堂食先，一於食招積少少，整碟「燒鵝脾飯」，呢度D燒鵝，質量有保證，熱騰騰，肉汁豐富，鵝同鴨絕對唔同架，鵝肉厚而不韌，脆卜卜的皮層，帶著適量油脂，鵝脾就更加啖啖肉，滿足極了表妹就叫左個「乳豬三寶飯」，呢度D乳豬係佢至愛，每次來都要食，脆卜卜嘅皮層，入口有溶化感覺，又有燒鵝、叉燒，滿足幾個願望，睇住佢食得咁滋味，好搞笑由於係老字號，眼見好多街坊，老主顧幫襯，店員同客人都好親切，有傾有講，好有街坊情，呢D絕不是一些倒模連鎖店可比食飽飽之後就斬番D靚燒味，燒腩仔、半肥瘦叉燒，仲有燒乳鴿，明碼實價，雖然剛剛食飽，但睇見咁靚自己都想偷食番舊燒味絕對係香港人嘅文化遺產，呢度嘅出品令你食得安心又放心，繁忙時間仲會大排長龍，正所謂有麝自然香，真係冇講錯

陪老爸逛深水埗北河街買電話卡， 先知道原來電話卡係可以 有咁多花款同埋咁平。唔覺唔覺行到黃昏， 不如食個早飯，對身體都健康啲。一見到呢個門面，老爸就話食燒味， 呢間舖頭好大有兩邊舖， 入到去姐姐就話茶餐廳嗰邊涼啲, 於是我哋就去咗左邊嗰間鋪坐低。深水埗畀我感覺都係老人家多, 感覺係殘舊的， 但當我坐低咗發覺四周都異常乾淨，最出奇係有 網上外賣平台紙袋， 果然好新潮。食好啲， 老爸叫咗燒鵝髀飯，我叫咗乳豬三寶飯，就送來一碗例水， 呢碗湯真係好住家，完全冇味精，讚。開飯喇， 一人一碟碟頭飯，$ 65蚊一大碟， 份量超級多，好好食…… 我啲乳豬超脆， 燒鵝好香， 仲有油雞都好滑， 值得一提嘅係年青老闆重過嚟同我哋傾下計， 佢有介紹佢哋舖頭自設燒爐， 絕對唔係來貨加工， 食物質素衛生有保證 。 佢亦都會問下食客意見，員工招呼都好好， 燒味界來講真係好有heart。由於燒味太好食， 於是買咗燒腩同叉燒返去宵夜。 所以差唔多全部燒味都食勻曬， 誠意推介燒腩。

今日去開深水埗買汽車用口， 買完沿途行去巴士站搭車回家之際， 在西九龍中心對面基隆街見到這間快靚正燒味粉麵 茶餐廳, 畀其店內掛起的各式燒味吸引住， 尤其是燒腩、叉燒、 乳豬、燒鵝和乳鴿， 款款色澤都好靚,香氣四溢,忍不住流曬口水, 結果買了三盒回家佐飯吃。這間燒味店分開兩部分， 一部分是茶餐廳形式， 各式炒粉麵飯，以至車仔麵都可以食到， 價錢更是街坊價。另外一部分是傳統燒臘店形式， 前面是斬料外賣，內裏可以堂食。 問他們店員，他們的豬肉來源全部來至五豐行，加上自設工場即燒即賣， 新鮮材料簡直是信心嘅保證。燒鵝半隻175, 燒鵝脾光澤亮麗，食落皮脆肉香,加上肥膏不多,肉質幼嫩，尤其是鹅脾部份，肉質更滋潤，酥化而不韌。至於燒腩148蚊/斤, 燒腩我最喜愛食，所以未待回家前，在途中已偷吃了兩嚿， 還熱辣辣的，燒腩皮做得很鬆脆，咬落卜卜聲。而肉質很鬆軟，味道鹹,啱啱好， 點上芥辣醬好正。另一盒時叉燒，90/斤， 叉燒色澤紅潤, 半肥瘦最啱我口味， 豐厚嘅肉質，加上口感軟稔，味道甘甜，燒得很有水準，好食。這快靚正的燒味, 新鮮即場製造,肉質來源上乘， 加上價錢適中， 值得下次經過再幫襯。

Went to friends’ home for dinner on a Friday. We were all craving for BBQ meat, and wanted to try this popular shop located at Sham Shui Po. We decided to buy take outs from the shop and bring it home for dinner.I arrived at the shop around 18:00, and there was a line up already. Waited for about 5 mins until it was my turn. Order half of a goose, half pound of pork belly meat, half pound of baby pig meat, half of a soy sauce chicken. Will definitely come buy take out meat again ; as all me

名符其實快靚正燒味，真係好快上菜，以為食物質素一般，但又唔係喎，有驚喜，叉燒有汁唔會乾，而且夠腍身，燒鴨雖然冇叉燒咁好食，但都唔差，可以位於貧民區價錢都唔算貴。

平時經過見到好多人排隊買野斬料，所以今晚都決定去試下。 西九龍天橋一落就會見到大大隻字「快、靚、正」，樓面乾淨衛生，食得放心。我哋叫咗隻招牌燒鴨、隻油雞、燒腩、蜜汁叉燒，都係四百蚊左右，唔掛得之咁多街坊幫趁。燒腩比普通燒肉肥美，如果唔怕肥嘅，不妨一試！至於燒鴨，即使係由買去到開嚟食已經隔咗2個鍾，層鴨皮食落仲係脆卜卜。隻鴨唔算好肥，連皮食都唔會好有罪惡感！鴨肉軟嫰juicy ,完全冇鴨膻味，唔會差過連鎖燒味店！叉燒同油雞不過不失。見到仲有堂食添，下次都可以試下。

再次光臨呢間食肆，店員招呼態度唔錯，見到早餐牌俾呢個0餐吸引到，就係炸鷄翼出前一丁配吉列豬扒跟油包,呢個都算係至邪惡既早餐,豬扒炸完即上碟俾你,外脆內嫩,凍飲又唔洗加錢,全餐都係$39蚊,抵食啦👍👍👍

叫左個乳豬叉燒瀨粉，分湯外賣一D都唔馬虎乳豬好香個皮仲要好脆真係好好味叉燒唔乾，幾淋好食！分湯既湯仲要大大碗，瀨粉又好多，又有幾條菜食下正呀加埋杯涼粉冰，正常！個杯底都幾多涼粉喎 埋單$ 70

今日全家都開OT就叫左我去斬料，聽聞呢間燒臘店燒味都唔錯，原來外賣堂食都有，佢地係自家燒，唔似d啲燒臘檔係交貨黎，所以品質可以控制得好啲。媽咪好鐘意食乳鴿，咁就買左二隻乳鴿，一隻炸，一隻滷水用來送酒一流，佢仲比平時買到既大隻，唔會話皮包骨一啲肉都冇。半肥瘦叉燒，燒得好靚，肉質好嫩，唔似外面買咁，得啲肥膏淋肉就韌。燒腩仔個皮係脆嫁！仲要係一層肥一層瘦肉，瘦肉唔會好咸又夠鬆軟，食多幾舊都唔怕。老豆鐘意食燒鵝，又斬多半隻，好味！仲有乳豬，皮夠脆同埋唔會話得皮冇肉，啖啖都有肉食，正！