快靚正燒味粉麵茶餐廳 (Closed)

太耐冇探公公婆婆, 今晚收工打算斬料加送上婆婆屋企食飯。媽咪平時買開送都會幫襯呢間"快靚正", 所以媽咪吩咐落去呢間斬料。平時斬料, 燒味都係開放式係無遮無檔既環境下賣, 但呢度衛生情況值得一讚, 有屏風跟外界做阻擋, 免得出面既塵埃細菌沾污。而且望入師傅斬燒味既地方都很清潔, 令人食得放心。最好食既叉燒莫過於半肥瘦, 但唔係周圍可以食到, 呢度就有喇!!!叉燒上加上唔少叉燒汁, 肉質好林, 而且入味, 特別邊位帶有焦香味。港人斬料另一必斬既一定係白切雞:油雞表皮金黃, 肉質嫩滑, 不會有太厚既肥油層乳豬 看似幾脆, 所以買少少黎試試, 不過買到返屋企都開始林, 但肉質幾嫩, 建議堂食, 皮脆口感味道會更佳。當然唔少得妹妹至愛, 千吩咐萬吩咐都要order既乳鴿:雖然乳鴿價錢有點偏貴, 但一看乳鴿size絕對覺得值得! 非BB鴿, 相比較返大隻, 幾墜手。可以要求餐廳即炸, 但我就揀左鹵水乳鴿, 買返去都唔怕外皮變林。乳鴿很入味, 而且厚肉, 味道稍為偏鹹, 不用額外調味已經夠哂味, 肉汁豐富。很喜歡原隻食, 別有一番風味!

放幾日假，決定招呼朋友回家gathering一番！無奈大家都無暇準備食物，說好的美男美女廚房就變了落街斬料今晚有8個人，可以斬多幾款！不過我們比較遲才去斬料，大家都想吃的乳豬已售罄靚姐推介燒腩！皮脆肉嫩！於是我們叫師傅斬了一盒。燒肉皮的確鬆化，但燒肉的味道就略為淡了一點。靚姐亦推介剛出爐的燒鵝！果然沒有介紹錯皮薄肉厚多汁，鵝肉亦不算太肥，我亦冒著膽固醇超標之險吃了幾塊燒鵝皮～最後再加半邊油雞！油雞略為肥左少少，不過煮得夠味又嫩滑，$60半隻份量都唔少，幾抵食

較早前有親戚來屋企作客, 所以就去了深水埗的快靚正燒味粉麵茶餐廳買外賣燒味. 最後我還了半隻燒鵝, 半隻白切雞, 半隻油雞和一斤义燒. 义燒. 我特別講明要瘦义燒. 我自己鍾意食义燒, 所以必買這個. 肉質夠稔身, 又夠肉汁, 完全唔覺得乾, 咸度又適中, 啱晒我味. 燒鵝. 食燒鵝, 一定要食皮, 皮還保留少許微脆. 肉質也算可以, 唯獨隻鵝唔算大隻, 唔夠多肉. 見到有兩款雞揀, 所以就兩款試齊晒. 白切雞. 我自己唔食雞皮, 但屋企人話帶點爽身, 幾有口感. 雞肉幾嫩滑, 時間控制不錯, 唔會太硬身. 油雞. 同樣雞肉也唔會硬和乾身, 同白雞有所不同之處係多了一份淡淡的豉油味道. 這兩款雞的整法, 各有各的支持者. 這間燒味店仲有燒鴨, 乳鴿, 燒肉等選擇, 下次可以試下, 我見有唔少人買燒肉.

今天放假，去左行西九，今晚去探阿爸，佢最鍾意食燒鵝，一於買D比佢食，從西九天橋行去，落橋口有一間燒味店，望到廚窗掛滿燒味，有雞有鴨又有鵝，還有乳豬和燒肉、义燒等，所有燒味都掛或放廚窗内，好衛生，除左外賣，還可以堂食，但我要買比阿爸食，所以就斬料外賣。所有燒味放在廚窗內，清潔衛生，值得一讚！燒鵝半隻：皮薄脆，不會太肥，肉質鮮嫩，鵝香味濃郁！見到成盆义燒剛剛燒好拎出來，甘靚忍不住買了一些，瘦肉帶少許肥肉，肉質入味不會硬，加入甜甜的蜜汁好惹味。燒腩，阿爸除了喜歡燒鵝，也喜歡食燒腩，所以我又買了，肥瘦均匀，拎到返屋企個皮重脆，阿爸大讚好味！

認真，最近search深水埗就見到好多人係呢到斬料返去俾屋企人加餸。咁岩行開，所以決定都斬埋一份。鋪頭係西九龍條行人天橋出口，好易揾。原來除左有得斬料，仲有茶記，望入去都幾多人。燒味部就係隔離鋪。D餐牌價錢大大隻貼係門口，睇岩先入去。半隻都叫有D概念，斷斤計真係有點難搞。好彩佢都係我面前磅，覺得多左少左可以同師傅講。燒味檔當然係男人既天下。師傅幾下手勢就斬好我要既乳豬燒鵝。佢仲係咁叫我下次試埋燒腩，話燒腩都好食。個乳豬皮真係好好好脆！咁樣睇落去仲係金黃閃閃令。同酒樓食既乳豬皮唔多同，我一開頭以為佢俾錯左腩肉我。不過都係一樣咁脆！一咬就斷。而且下面層肉都係好滑好肥美！有D仲有少少軟骨咬下，好有口感。豬仔有好香既豬仔味道！呢到$100，都幾多，個人覺得唔算貴。另外因爲呀媽鍾意食燒鵝，所以買左一邊脾位俾佢！D油脂都幾多。個皮燒得好脆，仲有好香！燒完係好薄既。肉好嫩滑，食落都幾香口。不過我個人就嫌隻燒鵝肥左D，媽媽就話覺得岩岩好。咁就$200，我都係覺得乳豬抵買D要提既係，店員係咁提我回家要快d打開乳豬俾佢透氣，仲幫我meet左個孔。好貼心！

同朋友行完西九龍中心，對面就見到呢間燒味茶餐廳，於是入左嚟試下，估唔到竟然咁抵食又好食我地叫左一碟乳豬例牌同燒腩、另外叫左碟叉燒飯加咸蛋，呢度的燒味真係相當唔錯，首先豬肉質素幾好，食落好嫩好易入口，乳豬皮同燒腩皮都非常脆口，乳豬皮切得非常薄，乳豬同燒腩都做到皮脆肉嫩，皮肉之間的脂肪亦都好爽口，叉燒亦都燒得好香，暖烘烘的食落真係覺得好幸福。另外我地仲叫左一碟椰菜同一碟生菜，都算唔錯嘅。另外除左燒味之外呢間茶餐廳仲有其他野食，我地叫多左個公司奄列試下，蛋同火腿都煮得恰到好處，以茶餐廳來說都算係不過不失。至於野飲方面我地就叫左一杯熱杏霜同熱檸蜜，飲完個胃即刻暖哂整體嚟講呢度的燒味真係一流，水準非常高，而且價錢唔算貴，以後再經深水埗呢頭都可以嚟返呢度斬料返屋企加餸了

呀媽話今晚有親戚上黎食飯，俾左幾百蚊我去斬料加送。就落左街去平時食開果間茶餐廳斬幾味啦！舖頭一邊主要係堂食既粥麵茶餐廳，另一邊係燒味粉麵同外賣斬料。燒味有好多款選擇，因為樣樣都想食，所以就每樣斬啲。燒鵝脹卜卜，好肥美，叉燒紅當當，有肥有瘦。有切雞有油雞，大大只。先先斬左叉燒同燒排骨各半斤。個磅向住客人，幾重幾錢一目了然！蜜汁沾滿每一寸，甜甜地。燒骨同叉燒啲肉都好林，肥瘦適中，食落個邊有少少焦焦地，好味！乳豬 一斤平時多數去飲先會食到乳豬，難得可以斬料，就二話不說要乳豬啦！斬果時已經聽到chock chock聲，好脆！職員提我地返到屋要打開個蓋，以免林左。只乳豬都幾好肉，擺到食飯時啲皮都仲係好脆口！點埋個甜醬食一流！乳豬真係燒味既一哥！燒鵝 下庄夠晒肥美！肉質食落去較實淨，個皮好薄，可以同肥肉分開，好香燒鵝既味道！油雞 半只油雞肥美，半只都好多下，雞肉好嫩滑，爽口。個人中意食油雞多過切雞，因為較惹味，個雞皮充滿住醬油既味道！平時都係係度食粉麵多，今日食埋佢個斬料，都唔錯！呀媽都好滿意！斬料個老細都好好講，會介紹下食咩好，下次唔知買咩送時可以落黎斬幾味！

就快清明節，今日公司同事討論邊度嘅燒味好食，有位前輩就極力推介呢間位於深水埗嘅街坊老店--快靚正燒味粉麵茶餐廳就咁望過去仲意為係燒味專門店，因為釣到廚櫃滿滿嘅燒味金黃色嘅香妃雞，(老闆講解，香妃雞不白切雞有大不同，就係浸雞嘅係瑤主上湯)油貓，脆皮乳豬明爐吊燒燒鵝 蜜汁叉燒老闆神推介嘅燒腩骨仲有$50乳鴿，聽起有啲貴但比起一般燒腊嘅大隻，所以一望落點會唔意為係專門店但其實除左燒腊快靚正仲係一間粉麵茶餐廳，一般常餐，粉麵都有形合反附近街坊而今日所點嘅就係乳豬，沙皮皮薄，香脆皮下肉肥瘦均勻確實好香口香妃雞，肉滑皮薄無多餘嘅雞油，食落又確實同切雞有所不同。燒骨大能斬得太大件，所以咬落有啲un，但蜜汁濃度剛好，掛住肉身我的最愛燒鵝好呀，皮脆肉香，一咬落去油香填滿口腔，配上酸梅醬好食得感動

今日放工和同事往深水埗探望還正在放產假的同事，睇BB之餘，同事說加雙筷一起吃飯。我們就決定要買點熟搶食加餸。不太熟路的我們在西九龍中心附近見到這間燒味茶餐廳，見到掛起的燒鵝油雞都很靚，正正是斬料加餸的好東西！我們買了半隻燒鵝、一隻乳鴿和一條燒腩骨。燒鵝半隻二百元有找，肉厚，啖啖肉。燒腩肉主要是買給新手媽媽吃的，因為豬肉正氣，結果皮脆、肥瘦得宜的燒腩肉在開飯前已被我們偷吃了一半！很少在燒臘店買到乳鴿，原來斬開都有很多件，是一隻大鴿！朋友還笑說這鴿的size跑贏了很多雞！很多人都說深水埗區在很多美食，果然不錯！而且全店的人都好nice，女店員好好，連切燒味的叔叔都好友善有傾有講！

熟識筆者的朋友都知我是個無飯煮婦，所以平日絕少會喺家中宴客，不過有時避無可避，最佳的解決辦法，當然就係斬料。之前有朋友幫襯過西九對面呢間叫「快靚正」嘅燒味粉麵茶餐廳，話佢嘅燒臘，水準唔錯，買外賣的人絡繹不絕，放工時間更會有長人龍來排隊「斬料加餸」，叫我經過開，不妨買嚟試下。店子位於深水埗基隆街 383-385 號地下，原來餐廳地方頗大，佔兩個鋪位。先看看近門口玻璃櫃吊掛住嘅燒臘，幾款色水都唔錯，尤其是燒鵝同叉燒，前者外皮泛紅、而後者亦帶有光澤，旁邊的燒腩仔，外皮更滿佈像芝麻的粒粒花紋，非常吸引，就一於買幾款返歸。先講下盒燒鵝 ($190/半隻)，鵝皮色澤赤紅帶光澤，皮肉飽滿，入口酥香，油脂豐盈不膩。鵝肉食落有濃郁鵝味，肉質嫩滑，完全唔韌，而且腹內的香料味不會太搶風頭，恰如其分地將濃郁鵝香勾引出來，吃得人津津有味。燒 ($45/半斤)，叉燒揀左半肥瘦，雖然有部份看起來仍屬偏瘦，幸好食落肉質鬆化軟腍帶蜜味，食得出並非雪藏貨，加上切得夠厚身，有口感，而且最開心就係有好幾件叉燒竟然有燶邊，多咗份焦香，用嚟送飯一流。至於燒腩仔 ($148/斤)，外皮咬下脆卜卜，口感香脆鬆化，脂肪及瘦肉層層相間，

同朋友行完深水埗西九，臨走經過一間燒味茶餐廳，想入去食埋飯先回家，但朋友趕時間，陪吾到我食，望到d燒味都幾靚，就斬料返屋企先食。見到乳豬、燒腩燒得好靚，一於買多一點返屋企大家食。燒腩肥瘦相間，但不會太肥，肉質鮮嫩又夠味！斬料當然少不了我最喜歡的乳豬，皮脆肉嫩。望到師傅斬乳豬時，皮脆卜卜發出聲音，真令人唾涎。本來有燒腩和乳豬已夠了，但我臨走時見到師傅將燒鵝掛上架，他說是剛出爐的，見燒得咁靚，我又忍不住買了半隻回家，鵝都幾大隻，半隻已好大盒，鵝肉入味又嫩滑，鵝的香味令人齒頰留香。

今晚老豆打本叫斬料， 緊係要有大食大啦XD 收工去附近斬料， 貪佢「快靚正」~ 逛完西九龍中心， 過條天橋一落就見到快靚正， 非常方便！ 店內掛滿各種燒味， 油光閃亮好吸引！ 忙碌的師傅手起刀落， 仍然熱心推介，笑容可掬， 原來快靚正的燒味都是自家燒製， 不是工場來貨。 快靚正既賣燒味，又做茶餐廳， 外賣又得，堂食亦得， 價錢仲好實惠！ 乳豬皮薄香脆， 香滑的脂肪層下， 是軟綿的乳豬肉， 連皮帶肉沾上乳豬醬吃最完美！ 最愛肥瘦均稱的燒腩仔， 肉質又軟又滑又香， 一餐食唔曬， 仲可以整多餐豆腐火腩， 性價比最高，正！ 滷水乳鴿$50一隻，尺寸不小， 選擇炸的話還會即場油炸， 新鮮炸起特別香口。 乳鴿皮脆肉厚， 口感豐富， 推薦一定要油炸！ 比起白切雞個人更愛油雞， 厚身啖啖肉， 雞脾肉極之嫩滑。 一家大細偶爾來一場燒味放題， 其實也不錯~~

最近頻頻到婆婆家家族聚會，一家人歡聚除左嘻嘻哈哈乜都傾，食飯都係一大環節，次次我同老豆都會論流斬料加餸，今次到我，出完西九買野，就順便係天橋下面間快靚正斬料~以前住深水埗都成日食~除左可以外買，左邊仲有另一鋪位係佢地既餐廳，可以堂食~燒味價錢大眾化~掛到滿滿既叉燒牆，色水靚到見到就流口水，我就最愛半肥瘦，但親戚怕肥，所以今次要左瘦叉~當然要請師父加d蜜汁啦雖然係瘦叉燒，但唔會乾硬，食落軟熟，入味，個蜜汁甜甜的好惹味另外斬左一斤乳豬，師父係個盒度開左個洞，到夜晚食時個皮仲係脆卜卜，隻豬肥瘦適中，脆皮下一層薄薄的脂肪，食落甘香，肉質嫩滑~見到燒腩靚，又斬一斤，個皮超級酥脆！油脂同豬肉，油脂薄身，肉厚身，層層相間，食落鬆化，肉味香，沾芥末食，味道好夾，仲減輕膩感~~除左叉燒，仲有燒排骨，排骨比叉燒焦香，喜歡啖啖肉的就食叉燒，喜歡較為香口同有骨"選"下的就岩食燒排骨，兩款都夠入味，兩款都好吃~

燒味，港式的燒味，那也是我特別喜歡的食物，經過友人推介下，今午，我特抽閑前往此位於西九龍中心天橋口側，有14年長之的老字號，此為一一＂快靚正燒味粉麵茶餐廳＂👍👍👍餐廳宗旨特點是，每日自燒丶自斬，此絕對保證了每曰高貭數的出爐！👍👏👍好給客人們一同嚐到那美味佳餚的同時，一同樂享那滿足感啊！😁😁餐廳分為2個舖面，一邊是純茶餐廳式的模式，可供客人們在堂食時，有極為舒適的環境，看看報，聊聊天，都絕對不受任何噪音影響呵！😜噢！😜恍然大悟呀！原來，隔壁又是外賣形式的，即人們所講的，＂斬料＂的鋪面啊！另又有幾張餐桌為小型的茶餐廳的一闆啊！真是👏👍我就來了個外賣的，帶回去，邀上好友們，好好的樂享此各式不同的燒味是那樣的一一快丶靚丶正啊！😁👍😁師傅快手極的，👍斬料！一眨眼的，一份份那些引人垂涎三尺燒味，也就斬件排放好的在我眼前啦！😁👍😁豉油皇乳鴿如此地夠入味儿，皮滑肉還是嫩嫩的呀！👍👍👍乳豬 ＄180圓1斤 ＄650圓1隻外皮簿脆，而內肉同是香甜可口！👍👍👍燒腩 ＄148圓1斤外皮酥脆的，而內层肉質鮮美，多汁，肉機之嫩嫩的呀！👍👍👍👍👍燒鵝 ＄190圓半隻 ＄380圓1隻皮香，脆口非凡的，肉質感夠肥

今天與媽媽深水埗之行快結束時，弟弟忽然打電話給媽媽說他的女朋友今晚會來家裡吃飯，媽媽當然立即快去斬料加餸回家，不要待慢人客。媽媽去了平日跟爸爸吃燒味飯的快靚正燒味粉麵茶餐廳斬料，她說這裡的燒味不少都是新鮮烤製，所以爸爸很喜歡快靚正那新鮮熱辣好滋味。另外快靚正燒味的價錢亦比一般燒味店便宜，可能因為紮根深水埗基層地區，所以價格略低。我最愛吃乳豬，弟弟也是，我嚷著媽媽務必買乳豬加餸，媽媽亦回應我的嘴饞，跟師傅說來一斤乳豬，師傳快手快腳，手起刀落斬斬斬，不一會已把乳豬斬好，與店名一樣快靚正。看這乳豬外皮酥脆的模樣，多令人心動不已，勾起我們的食慾，乳豬皮吃下去時還有脆脆的聲音。乳豬肉質不死硬，吃起來紮實有嚼勁，肥而不油，越嚼越香。媽媽絕不會遺忘爸爸每次必食的燒鵝，買了下庄燒鵝，有燒鵝腿嘛。鵝皮脆不可擋，鵝肉軟嫩多汁，再加上兩者間一些些的鵝油，多層次的嚼感，使爸爸愛不釋口，而且醬汁不是走重鹹路線，更合他的口味。燒味除了有燒烤類的燒鵝與燒乳豬外，也不少得滷味類的豉油雞，全家無不喜愛。不過我們已買一斤乳豬，下庄燒鵝，豉油雞買半隻就剛好。豉油雞有著討好的焦糖色雞皮，想必滷水已完完全全滲透雞肉的裡裡外外。