素.喜.館

Open Now

Now Closed

話說我係好細個嘅時候已經有接觸素食，因為媽咪會喺每個月嘅農曆初一十五食齋。只不過佢食嘅就係比較傳統款式。而我近年都睇唔少素食養生嘅書，知道素食對身體嘅益處其實真係好大，只不過仲未接受到全素食。但我就成日會捐窿捐啦去搵素食館今次嘅樓上店，室內裝修十分簡約。室內光線充足，見到我未睇過嘅書，即刻忍唔住要睇返幾個 chapter 。抗衰老對女人幾咁緊要⋯⋯素.喜.館位置就係銅鑼灣登龍街，交通十分方便，Lunch set 價錢一律 $88。沙律或者湯，我就選擇咗 salad ,奇亞籽紅莓沙律。係我近年食過最清新的沙律菜式份量唔多，女仔食啱啱好，千祈唔好睇小細細粒嘅奇亞籽，都是 super food 的一種，營養價值極高，紅莓甜美。我的主菜是日式海苔蟹味菇意大利麵海苔蟹味菇鹹香味適中，入口一啲都唔會覺得太清淡。意大利麵軟硬適中，口感不錯。最後簡單的添上一杯熱情果汁。我自己覺得素食令我心情比較平靜，菜式簡單唔會太複雜，super food 更加係潮流，係對我身體好有益添

間唔中都會吃得清清地嘅選擇，今次就去了間樓上店，可以在這裡吃得清而且健康嘅選擇！這裡都係聽朋友介紹，以素食為主，起初已為係食齋傳統齋店，原來唔係，係以西式煮法嘅素食店，而午市有午市套餐$88，A-F 款式選擇，我就點了B 餐羽衣甘藍芝士亞麻籽意大利麵，選了跟餐湯南瓜甘筍湯，跟餐飲品蕃石榴汁落單後店員好快上湯及飲品，南瓜甘筍湯配上一塊亞麻籽飽飽，入口個湯味道充滿南瓜味道，濃郁之餘同十分鮮味，浸了一浸塊飽入湯中，就見到南瓜容附在飽飽上，飽飽入口軟熟！而餐飲鮮果汁蕃石榴汁嘅味道充滿蕃石榴嘅味道，唔會太甜，夠晒開胃健康！之後羽衣甘藍芝士亞麻籽意大利麵上枱，上面放滿了羽衣甘藍，而羽衣甘藍上亦撒滿了亞麻籽，入口時好有口感又甘，唔講唔知，原來呢種菜喺超級健康，被譽為超多食物，蘊含豐富抗氧化物質同營養嘅食物，重要原來這種菜重有預防某些癌症嘅功能，真係清得呢對個人又健康，真係有雙重着數嘅感覺！而個意大利麵煮得好煙韌彈牙，加埋芝士入口味道好香，而且個分量都足夠，加埋個開揚環境，又係另一個素食新選擇！

潮流興食dry但依家食dry 一啲都唔dry 架～～～Green Monday 嚮應一吓 同姐妹們食dry🤣今次揀左銅鑼灣一間樓上舖 貪佢夠靜🤔是日推薦個set~~唔洗諗 就試試佢開餐個紅菜頭前菜小食 好開胃雪耳仲好養顏桂花雪梨蜜沙律估唔到桂花同雪梨咁夾！好清新好好味意大利牛肝菌鮮菇濃湯+麵包個湯好濃好香麵包應該是自家製的好好味黑松露芝士炸薯球松露香味四溢同芝士薯容好夾（芝士是真芝士）烤焗香草甘荀腐皮卷香脆青醬松子仁米型意大利粉我以為佢係意大利飯🤣🤣🤣 但因為佢係綠色感覺好健康 是日甜品好surprise!!!! 係一個玫瑰味好出的啫喱！！呼吸間都充滿玫瑰香氣🌹

近來愛上素食，特別是西餐素食，每次也是有驚喜的。今晚，大人帶我來到一間頗隱蔽的小店，環境很舒服，很安靜，正好給自己一個放鬆的地方。一坐下，店主就為我們送上牛蒡茶，聽聞對身體很好的大人一早為我預訂的套餐，好期待呢！先來個紅菜頭雪耳小食，味道很清新，雪耳也很爽甜！桂花雪梨蜜沙津雪梨是淋淋的，好像充滿了蜜糖水般，甜而不膩，好好味！感覺很潤喉呢！牛肝菌湯我一向都很喜歡牛肝菌，這湯帶有牛肝菌獨特的香味，而且很creamy，裡面也有小小的蘑菇，味道很好。黑松露芝士薯球炸粉很薄，一咬開就有濃濃的黑松露香氣，雖然有芝士，但一點都不膩口！薯泥也很好味！腐皮卷加上了少少香草汁，新鮮的甘旬，脆脆的腐皮，口感一流你以為佢係意大利飯？佢其實係米型意大利粉！入口一粒粒的，好快就食晒！帶有松子香味，也因為有青醬，很開胃呢！人類的誤解以為食素唔飽，我說你知，真係可以食到好飽！

前兩日去FITNESS 磅重教練同我講我內在脂肪都幾高平時大魚大肉的我今日(Green Monday)係時候要食得健康D~ 在銅鑼灣登隆街, 有幢景隆商業大廈看似普通商廈，原來都有食店唔係朋友介紹都真係留意唔到今次朋友已幫忙預訂晚餐，仲有9折優惠套餐食物豐富多樣化牛蒡茶排毒恩物，便秘的煩惱倒是一兩天便可排除健脾、開胃、通便、滋陰、補腎小小既牛蒡茶有咁多功用,仲要一直REFIL到最後服務好好呀～前菜小食素吞拿魚(自家制)+青瓜素吞拿魚味道好似吞拿魚撈沙律醬口感就似豆蓉紅菜頭菠蘿內有紅菜頭粒、菠蘿粒、雲耳再以紅菜頭汁撈拌鮮紅色既前菜吸睛配搭不錯桂花雪梨蜜沙律一上枱已聞到桂花香外型不錯，食落雪梨好軟身，加上少少蜜糖　甜甜地意大利牛肝菌蘑菇濃湯好香牛肝菌同蘑菇味，味濃，非常喜歡加上微熱面包餅乾一齊食一大碗湯瞬間飲完黑松露芝士炸薯球炸薯球炸得不錯，火喉控制得好，　可見吸油紙上沒有太多油份黑松露味唔重第一口咬落去，外層卜卜脆內裏ＣＲＥＡＭＹ烤焗香草甘荀腐皮卷青醬松子仁米型意大利粉上枱時以為係意大利飯原來係飯粒型意大利粉底汁完全包住意大利粉，好滑甜品玫瑰花啫喱

以往寫食評都以菜式為主，但好想提呢間銅鑼灣隱世餐廳位置...朋友的姐姐果然無介紹錯🙄因為放工由銅鑼灣時代地鐵A出口行去登龍街街頭行到街尾都搵唔到..😂最後查google map先發現係登龍街 小巴站 側邊～～正門同普通商業大廈無分別好難諗到9/F 會有間素食店呢～ 係隱蔽地方開店 我諗一般靠熟客支持和口碑吧？ 第一次飲牛蒡茶，味道清香淡淡回甘（貼心Refill ☺️）前菜紅菜頭雪耳爽口菠蘿酸甜 好開胃 另青瓜配仿真度高吞拿魚醬 味道偏清淡 ⭐️⭐️⭐️⭐️😍相機食先 沙律無諗過素食沙律會好似星級餐廳咁靚腌制雪梨清新香甜 淡淡桂花香 意大利牛肝菌蘑菇湯味濃郁份量偏多 配麵包飲完湯其實已經七分飽感覺⭐️⭐️⭐️黑松露芝士炸薯球 熱辣酥軟 ⭐️⭐️⭐️青醬松子仁米型意大利粉 從來飯都唔係主角 今天確實有意外驚喜大家一直以為的意大利飯 ...先發現 係「米型 」意大利粉 意大利粉比飯硬，口感粒粒分明外面餐廳好似比較少見 感受到廚師用心制作今晚比較深刻既一道菜⭐️⭐️⭐️⭐️⭐️最後還有甜品當然....相機食先☺️地方隱蔽 老闆娘親切 味道清新 唔太甜膩 好岩減肥做姊妹既我地 ☺️

打風前夕，天朗氣清藍天白雲，最適宜外出用膳、逛街購物。今日找來這家餐廳午膳，餐廳雖然坐落銅鑼灣鬧市當中，但找起來也不容易，大概是沒有想過商業大廈這裏有一間素菜館吧。走進餐廳，牆身有幅可愛圖畫，枱櫈整齊舒適，貼牆的位置是沙發櫈，店內有幾只窗透入光線，使室內光線充足。先來看看餐牌，簡單而清晰，只需用鉛筆點選你的心水食物，然後前往付款，廚師會即時為你烹調，稍等片刻食物便送上。點了午市套餐，包括：是日沙律、紅菜頭香草芝士意大利麵、玫瑰蘋果茶、是日甜品。亞麻籽啤梨沙律：青綠色蔬菜墊在底部，中間有新鮮清甜啤梨，上層灑上亞麻籽，再配上甜中帶酸的沙律汁，好味到跳舞。沙律旁邊還有片小多士，脆而香口。紅菜頭香草芝士意大利麵：沒想過意大利麵也變成紫紅色，跟紅菜頭一樣色彩，整碟紫紅色主食，賣相吸引之餘，味道也不錯。唯一要主意的是，紅菜頭略有點草青味。在點餐時，我選擇不要蔥蒜，怕蒜頭為我口腔帶來氣味，正因為走了蔥蒜，紅彩頭的草青味得以繼續保存。所以怕草青味的朋友，不要走蔥蒜啊！玫瑰蘋果茶及是日甜品：套餐飲品可以選擇果汁或者茶類，我點來玫瑰蘋果茶，略帶一點酸，自覺有開胃功效。至於今日甜品是一個果凍，上面配有一片奇

今日想健康啲行左去登龍街揾野食，本來唸住食日本野，但真係太多人啦，得一個鐘食飯時間嘅我即刻係openrice 睇下有咩唔好咁重口味哈哈，俾我揾到呢間話食素嘅食店😜嘩！$88有湯或沙拉，意粉，飲品及甜品😋好適合我想食得健康啲但又驚唔夠飽嘅我個湯好好味，但我唔記得左佢叫咩，其實我好鐘意飲湯個陣隔離有個包跟埋一齊，因為每次我都會拎個包加湯一齊食，本身見到個包有小小硬，但連埋個湯一齊真係好夾呀個意粉俾我心目中好味，其實食素係我心目中係得草味，因本人真係好小食素，但原來都咁有驚奇，我全碟食哂呀，😮😋😋，整碟意粉啲味好夾，無草味，雖然個意粉名叫意大利乾蕃茄羅勒意大利麵，但個啲蕃茄一啲都唔乾，好多汁。食完個意粉，佢仲好主動俾埋個甜品我食😛差點忘記：佢杯飲品唔係一般嘅O茶O水咁普通，而係花茶！仲要唔駛加錢，真係要俾十個like 呀同埋上到去唔駛等位，啲野食order完都好快到

食傳統西餐，牛扒，大魚大肉就食得多，同班friend 想食素少少，於是，我地決定左試試素食一番。 餐廳環境好寧靜，十張桌左右，感覺似係一間樓上cafe, 做的是訂座客人的生意。 位置非常方便，只是橦大廈都幾難搵，大家要認真望住google map先搵到。食物方面，每晚既晚餐會有2個選擇，而我就覺得二個都好吸引，揀左好耐終於都揀到啦。 頭盤係一盤好精緻既沙律，賣相好好，味道都不錯。意大利菜湯有好濃既番茄味，同埋落左紅菜頭去煲，味道十分濃郁，飲頭二啖會滿腦子問號，但愈飲就覺愈好飲，成碗飲曬，仲有無限供應的面包提供。前菜有醬燒茄子同埋黑松露芝士炸薯球，呢個薯球真係值得推薦，外脆內軟咪就係呢啲囉，內內包住左黑松露，超正。我的主菜是花椰菜黃薑飯伴冬蔭杏鮑菇，一邊食一邊飲返杯玫瑰花茶，好寫意，吾留言都吾知自己食緊菇，菇既味道& 口感同雞真係冇分別。 味道淡淡的，吾會太濃，令人有一陣清幽的感覺。話明係dinner set 當然吾少得有甜品，香脆熱辣辣的窩夫配上一球凍冰冰的雲尼拉雪糕，再配上芒果醬，係一個完美的落幕。價錢來講，二百幾吾算貴，有一個靜靜地既地方俾成班人聚下，老闆夥計們又會同客人傾下，了

邊個話食素會唔飽? 邊個話素菜好寡? 大家都開始注重健康，吃素的人也增加了，難得還找到一家素菜私房菜 - 素喜館，每道菜都是老闆精心炮製，美味又飽飽。話明私房菜，所有食材都是最新鮮的，所以記得要預約呀!  未來餐前小吃，先來杯花茶靜一靜心，還有那咸脆的餅乾條啊！以焦鹽杏飽菇 及 熱情果冬瓜作小食， 熱情果冬瓜像醋酸蘿蔔，好爽口又開胃。再來是青木瓜石榴籽沙律， 通常吃泰式沙律時才會吃到的青木瓜絲， 今次可以嘗到其真正的味道，爽脆清新，吃得挺涼快舒服的一道沙律。羽衣甘籃南瓜甘荀湯，羽衣甘籃這個夢幻的名字，其實是一種蔬菜；甘荀湯有南瓜蓉，口感味道剛好。一直覺得炸薯球會油膩兼飽滯， 但吃過黑松露芝士炸薯球後，完全改觀了，薯球好幼滑， 黑松露味比芝士突出， 最重要是不肥膩嘛！醬燒海苔甜辣豆腐， 以醬燒方式處理，既保留了豆香，又帶出惹味，好滑溜呀!每碟份量少少， 看似不太飽嗎？  不用擔中，套餐有飯麵的，在炎夏天，我當然來碗芝麻牛蒡伴蕎麥麵啦！  蕎麥麵沒有煮過火，加上爽脆牛蒡，口感一致。最後，別要錯過是日甜品，這晚是菠蘿雪糕窩夫，窩夫柔軟中帶點Q 彈， 加上清甜菠蘿雪糕，超好味呢!晚市套餐，每位

上星期朋友介紹我到了一間在CWB的素食私房菜。這是一間不接受Walk－In的私房菜，所有食物也要預訂的。由前菜到甜品也是新鮮即日買回來的素食材料。 先來一杯健康的紅棗玫瑰茶，放鬆心情以享受接下來的美食 前菜：熱情果冬瓜及椒鹽杏鮑菇 最值得一讚是這個熱情果冬瓜，酸酸甜甜很開胃，加上賣相晶瑩通透，未吃已覺得特別透心涼。 椒鹽杏鮑菇是不經油炸的，好吃得來又健康。 青木瓜石榴籽沙律 青木瓜十分爽口，石榴籽酸酸甜甜，總之一口吃下去很有清新的感覺。 羽衣甘藍南瓜甘荀湯 南瓜甘荀是一個絕配，再加上這裡的湯沒有加入忌廉，不會易有飽滯的感覺，加埋新鮮的羽衣甘藍，味道也是十分清新的。 黑松露芝士炸薯球 這個原來是素喜館的招牌菜，用上了新鮮的薯蓉，中間包著香濃的芝士與黑松露，味道十分配合，炸得芝士剛剛溶化，薯蓉香口但又不會一口油。 醬燒海苔甜辣豆腐 滑滑的豆腐，配上日式的醬燒汁與海苔，味道也是很夾的，醬燒汁味也不會太濃。 芝麻牛蒡伴蕎麥麵 蕎麥麵有口感同淡淡的蕎麥味，加上香口的芝麻牛蒡，味道更是一流。 是日甜品 ～雲呢拿雪糕窩夫伴芒果醬 首先要說的是個芒果醬，很有果味的芒果醬，

不知不覺覺得呢一排嘅素食潮非常之強，好多地方都開咗好多素食鋪頭，連我屋企樓下都開左一間新嘅專食素嘅店舖，而且佢嘅生意仲非常之好。見佢嘅潮流咁好就特登同朋友來試一試素菜。點解我會塭到呢間？係因為一個食左素好耐的阿姨介紹的，佢話呢一度嘅素菜食得非常之有心思，同埋味道都好好，值得去試一試。一坐低俾咗一杯紅棗玫瑰茶，我感覺已經覺得非常之清新，喺淡淡的玫瑰香之中有不妨有一啲紅棗嘅甜味，既滋潤又養生。先來兩個前菜，第一個就係熱情果浸冬瓜。非常之好嘅味道，入口有種酸酸甜甜嘅感覺，仲會有種淡淡的熱情果清香。但係呢一種酸嘅感覺比起用醋浸嘅小食會嚟得更加自然。第二個就係涼拌萵筍，淡淡的麻油味道加埋芝麻嘅香，配埋冰涼爽脆嘅萵筍，清新。亞麻籽鮮淮山香芒醬沙律，如果唔鍾意食淮山嘅人可能會覺得佢有啲痴苙苙，唔係咁舒服。但係呢種淮山係天然嘅食材，而且有藥效，好值得去試。香草紅菜頭蕃茄湯，其實我個人就唔係好鍾意紅菜頭，好驚佢嗰種草腥味。入口講真都會有少少嗰陣味，但係因為有蕃茄嘅襯托，所以更加容易接受。再諗起紅彩頭有補血功效，所以飲到一滴都無剩。黑松露芝士炸薯球，果然係呢一度嘅名菜。圓轆轆嘅炸薯球入面包住左好飽滿嘅黑松

素菜健康又有益，但是好食肉的朋友驚唔館，今次我為左製造驚喜，決定食素菜，銅鑼灣素菜真係唔多，數數手指三四間咋。睇過OR決定試下呢間餐廳。的確，就咁睇個地址係唔知係邊，其實就係登龍街，以前40號車後面的商業中心。比較難找，地點私隱。坐位舒適，冷氣通爽。上到去開揚舒適，由主廚一位女生主理，宣傳素菜的健康，晚市只接受booking 和小量意粉素菜，各位要留意啊！前菜小食2款: 熱情果冬瓜和椒鹽杏鮑菇熱情果冬瓜美味得很，酸甜又開胃，冬瓜四四方方又爽脆，好好吃，精美得像高級菜。不用油炸的椒鹽杏鮑菇也很好吃，天然又健康。青木瓜石榴籽沙律，帶點泰色味道，配上金不換，爽脆花生和青木瓜，小蕃茄，很清新。羽衣甘籃南瓜甘荀湯，感覺超高級的湯，用上新鮮的南瓜和甘荀打制，不加其他忌廉啊！味道質感很好，又滑，配上我喜歡的新鮮羽衣甘藍。清新選擇。黑松露芝士炸薯球，這個是招牌菜，听説每個客人都一定會必點，每天用上新鮮的薯蓉，內裡包住是香濃美味黑松露醬和濃厚芝士，味道融和，熱辣辣又不會炸得太油。很正啊！醬燒海苔甜辣豆腐呢個係除咗柞樹頭之外另外一個我好喜歡嘅菜式，滑滑嘅豆腐外層包上一種啫喱質感，配上醬燒味道和海苔，好有日

係得銅鑼灣返工，好處係好多餐廳揀，一年365日都可以唔同，壞處係好易肥。所以今日同同事們吃素餐廳冇咩宣傳，只係上open rice見食評唔錯，所以即管去試，同事們都好like環境靚，職員都好有禮貌，食物，飲品都唔錯，價錢貴左少少，平啲會吸引啲，佢依家有買八送一做緊，不過直接減價會開心啲

香港近年的確係出現多左素食餐廳，不過依然有好多人對食素無咩概念。好多人都會問：食素？食齋呀？係咪即係酸齋呀或者油淋淋嗰d餸菜呀？聽見都驚其實食素相比起食齋係無咁嚴格，簡單黎講就係唔食肉，海鮮等有生命嘅動物。但都有分不同種類，大家不防上網查下。再者其實食素依加已經多左好多選擇，好多素食店都以健康為賣點，呢間餐廳就係一個例子。餐廳係上樓的，環境都算舒適，係open kitchen的形式。lunch係做set lunch, 有前菜、main course、甜品同飲品。前菜可以㨂湯或salad ，main course係以意粉為主。是日餐湯係牛油豆蔬菜湯    。湯非常足料，好滑！main course 都是即叫即炒，非常fresh 的感覺。甜品係紫薯茶粿，皮夠qq，餡料係芝麻花生等，好香。如果唔係胃口特別大，係會食得好滿足的。$88 包括咁多野其實都算係抵食的lunch坊間的素食店都比較多採用製成品，但其實食素的人比較喜歡食蔬食，所以我都支持老闆娘的方針。再者，好多人會覺得食蔬菜都要用咁貴嘅價錢，唔值得，但實際上蔬菜的保鮮期好短，成本都相對較高。所以，說到底，要唔要付出多少少，食d新鮮又健康