新漢記飯店 (Moved) New Location

四小時第三餐,真難為MM夫婦伴我粉嶺通處走,但一餐愜意的晚飯,多少總能抵消一下罷!畢竟小弟初次到訪,而原先訂了七位亦因囝囝扭計,只能與麵包夫婦共五人力拚新漢記.可能大家都因olivian的食評所吸引,亦不想將有限既食量浪費,所叫的菜大抵以olivian為依歸:1)白切走地雞: 只能叫半隻既菜,有雞味及黃油,可惜細隻少少,上檯時黃油好似凝結左,所以賣相”爭”d.2)咕嚕肉: 其實本人絕非專家,但我想講一定係即炸,因為上檯時熱到辣口,我都好少見,不過好酸,菠蘿應該無浸水,而且用上新鮮貨色,但反而令人失望.3)魚腐浸菜芯苗: 咸左d,但菜芯好嫩.4)酥炸生蠔: 曾經有人同小弟提過, 生蠔在沾麵粉炸之前,應該經過用熱水汆水,再用毛巾將水份吸乾再炸,但食落我唔覺.不過都好有蠔味,最敗筆係我食最後一啖時,竟然有火水味,難道旦凡本地生蠔必有此現象?5)水瓜蝦米煮魚鰾: 魚鰾好爽脆,味道清新.6)雜錦炒鱔魚麵: 用菜花,洋蔥炒鱔魚麵, 鱔魚麵彈牙,香口,辣椒油大路貨,但撈落麵到好’野’味.7)狗仔炆羊肉: 炆得好淋,入味,但味道濃郁似乎不及”快車”吸引,畢竟此處是吃客家菜.8)例湯: 其實係’牛大力’

之前看過Olivian的食評,就很想去試試.昨天約了爐爐和MM1970倆夫妻(一共五個人)去吃晚飯.我們叫了和Olivian一樣的食物,有狗仔炆羊肉(羊肉鬆化,很入味,好吃),酥炸生蠔(都唔錯,好鮮甜,可惜太油了),水瓜蝦米煮魚鰾(魚鰾好好味),雜錦炒魚麵(好彈牙,唔錯),咕嚕肉(波蘿新鮮,可惜太酸了,麻麻地),白切走地雞(好有雞味,好味),例湯(好味,但忘記了名),菜心苗沉魚腐(麻麻地).最後多謝MM好味的酒.

一班朋友行完山，終點係粉嶺，朋友提議話呢間唔錯，比一般的客家菜特別。橫掂未試過又有人推介，當然舉手同意la!地方麻麻似舊式酒家，我o地未夠六點半去到已經要坐樓上，到7點幾已經有好多人係門口排隊。我o地10個人叫o左十幾樣，碟碟都有水準，真係要寫底如果唔係記唔得晒。當中我好欣賞有狗仔炆羊肉-非常入味之餘仍可保留羊羶味，羊肉鬆化羊皮彈牙；酥炸生蠔-仲要打孖兩碟，炸過後仍好鮮甜，好大隻好香口；水瓜蝦米煮魚鰾-係用沙爆魚肚，所以好夾脆；雜錦炒魚麵，話係用門鱔肉攪成麵條，好夠彈牙，加埋d辣椒油一齊食，真係一流；當然仲有我必叫的咕嚕肉，一定係即炸，除了汁係熱外，肉一入口好熱好脆，可與“港大校友會”一決高下。而較失望有醬烤豬千骨，朋友推介話係招牌菜，而我覺得醬汁味道ok，豬骨唔夠入未；海膽炒飯除了少海膽之外，飯亦炒得唔夠香，比起布袋澳差好遠。其餘白切走地雞、羌蔥珍珠蠔、乾煎涼瓜、魚湯浸白菜同菜心苗，雖然唔係好特別的，味道好夠水準，可媲美上等的酒樓，估唔度粉嶺有間咁正酒家(唔知爐爐去過未呢)。我o地食到8點幾行，仲有好多人等位，而隔離兩間食肆只得5成客。