新漢記飯店 (Moved) New Location

今天從灣仔山長水遠來吃飯，訂了七點半檯但六點半已到達，櫃檯染金髮阿姐叫我們在門口稍等。於是我們在門口等，天氣炎熱，漸漸的客人愈來愈多人。我們發現WALK IN 的可以立即進入，而我們卻要等候，這實在不合情理。於是向阿姐查詢，阿姐卻黑口黑面粗聲粗氣地指我們重新取了飛 (事實上她並沒有給我們任何飛，也沒有叫我們取飛)，要按 NUMBER 等位。我們好聲好氣卻換來不禮貌對待，感覺不好，但因為山長水遠來到，於是重新取票等位吃飯。這一晚樓下的一層有一個妹妹侍應、黑面阿姐及另一位阿姐，兩位侍應都正正常常，惟獨黑面阿姐派杯碟時也粗粗魯魯，基本上是把杯碟碗筷扔在桌面。我們走的時候老闆也出來招呼客人，亦有禮親切。整晚食物不俗，但我吃得不大暢快，因為一開始受了氣。

有次無意中見到TVB介絡哩間野, 見佢D野好似幾有特色就想去試試, 去之前都醒BOOK定枱, 以為一定安全, 但....BOOK就真係比我BOOK到呀, 果日BOOK咗8點, 好準時去到, 點知去到收銀果個金髮肥姐指住個鐘話我地遲咗一分鐘, 所以唔比枱我地, 好, 都算, 當我係遲咗一分鐘係錯, 咁我問佢佢係之後果張比返我, 佢話係...咁我都接受呀, 點知等呀等, 等呀等, 等到人地WALK IN果D都入埋去都未到我, 我就覺得奇怪, 再問個阿姐, 佢話係咁咖喇, 我話下...你咁都得, 唉...諗住同屋企人山長水遠入到咁遠, 條氣都頂都忍一忍, 諗住試下, 再問個阿姐係咪下一張到我, 佢竟然話人地BOOK咗9點, 早咗到要比人先, 再下一張先比我, 哩個時候我真係忍唔住問佢咁BOOK枱有咩意思!!!!! 佢又答唔到喎.....最後我決定走, 我覺得自己再入去食都唔係正常人, 一個人容忍有個限度麻, 你估哩個世界真係得你一間餐館咩!!!!!! 做生意做到你咁, 鬼唔望你快d執!!!!!!!!今日再望下open rice, 見到d人覺得果度不太整潔, d人態度差, 我本人真係好認同,

環境: 侍應人手不足 , 做到黑口黑面 , 我們入席時枱面還未清理. 待了很久才有人工作. 但侍應居然用上手客人飲剩d荼潑落玻璃轉盤, 再用上手枱布清潔. 但最後一d都無抺好, 又濕又肥膩.....十分污穢不堪....最後我們自行用紙巾再抺一次.食物:胡椒豬肚湯 - 淡而無味, 連胡椒味也極少.燒豬仔骨 -買相討好. 味道尚可.豬大腸 - 煲仔上, 無味道可言 . 一個字 - 咸.炒豬肝 - 味道尚可 , 可以接受. 但份量偏少 (食材價貴 , 或可理解)炒菜心 - 合格 . 但份量偏少 (食材價貴 , 或可理解)總結:地方不潔 , 不合小孩.味道不佳 , 價錢不平.當地球沒有其他食市, 才考慮再去.

見到tvb介紹 今日就訂左位 六點就入左去食 環境唔算好亦唔算差 坐底個呀姐就話哂事咁 我地7個人 叫左6個餸一湯 啲野好細碟 又唔係特別好食 埋單個時成千幾 真係嚇親左 大排擋可能仲好食

係粉嶺既農場玩左半天...夜晚就去左lee 間客家菜度食~我真係冇咩食過客家菜...如果唔係朋友介紹都唔會特別去搵呢!!d小菜都係朋友點的...所以菜名忘記了~但有d小菜係好值得推介0家!!1. 棒棒骨 - 好yummy...啖啖肉..好美味2. 醬煮尤魚 - 都好味呀! d 尤魚又唔硬~3. 腩肉 - 雖然都好大舊肥豬肉咁...但一d都唔覺得油膩...我成舊食晒呀!!4. 豬油飯 - 就稍嫌唔係好夠香...d 豬油冇咩特別...但價錢咁多人share 都算幾抵~服務都唔錯呢!!

當一個人愛上某一樣東西之後，便會開始拋棄身邊很多不同的事物。最近，愛上了日本菜，經常在一些日式餐廳打滾。相反，一些比較傳統的菜式如客家菜便比較少接觸了。農曆新年總是一個美食不斷的節日，所以，即使新年已過，大家仍會把握新年這個可以容易讓大家一聚的節日，吃一頓美味且享受的飯。這次到了一個比較偏僻的地區，交通可能不太方便。話雖如此，小店附近行人也不多，可是進入小店之後卻是另一番景象。正值晚飯時間，大廳的每一角落也塞滿了客人。幸好我們有預先訂桌，而且人數較多，所以被安排到二樓的一間廂房。簡約的裝潢，白色的牆配上木質的裝飾，給人一種懷舊的風味。由於此店每天的菜式是決定於每天所得到的材料，所以只要給老闆一個大約的消費，他就會替你安排適合的菜式了。先來一個砵仔飯，甚少能夠接觸的一碗飯。伴上豬油和豉油之後，便可以開動了。飯粒煙韌，但有點飯粒則過硬。豬油伴上豉油的確是伴飯的好拍擋，可是最底的飯濕氣較重，吃起來也不夠暢快。貴妃鵝首先送上，當大家打算用刀把原隻送上的鵝切開的時候，便被老闆叫停。他說這隻鵝不用刀切開，只要用匙羹便能輕易地分開了。果然，鵝的肉質相當腍，而且相當入味。由於大家食用的時候也只是靠匙羹

The few days after my braces have been tightened are often the most painful. But the food at this restaurant was so nice I kept chewing and chewing despite the pain!I'm usually not that keen on fish - but I ate this fish until it was all bones left! Apart from having the seasoned tasted in it, it actually still tasted quite fresh. Oysters tasted awesome, and were deep-fried to the right level. The bean-curd in the beans were really nice too - it had a really strong and pleasant taste in them.

父母居住在上水沒有什麼好食,睇食評就去新漢記試吓.1)在這種地方食嘢不要要求有好的服務提供.2)價錢同意其他食評人所言真係略貴.3)餐牌列有很菜式,但很多都是無的.4)重點:晚飯途中,其中一位成員肚痛,要去厠所,本人亦在第二朝早,肚痛同肚呵,呵咗三次,要立即食喇叭牌正露丸.5)10人晚餐好評:1)黃酒煮雞-超好味,陣陣酒香味,好入味,雞很嫩滑,細細件容易入口2)鴨下巴-超好味,夠入味,夠軟,冧,d汁很好味3)炒魚麵-超好味,好彈牙,但記住要熱食,不過底下個d會好油4)蒜香蒸吊桶-超好味,好容易咬,唔老,細細隻,一口過5)咸鮮鴨-好味,好瘦,完全冇肥油,鴨皮唔肥膩6)水蟹粥-好味,好鮮味,清香,清甜7)炒吊桶-好味,但好油8)醬爆豬什-好味劣評:1)咸菜勁楜椒豬肚湯(已加辣)-完全沒有香味,有一般奇怪味,很難飲,勁差2)炸乳鴿-唔夠香口,炸得唔夠火喉.,仲要$58隻3)咸豬骨芥菜-唔香,唔夠味,不過大芥菜入口唔若,冇渣4)豆豉蒸鯪魚-勁咸,冇人吼5)豆豉蒜頭炒蕃薯葉-炒得好嫩,但好油,份量很少,價錢都唔平,唔記得($58 定$68)不過不失:煎墨魚餅,因為無乜煎炸嘢食可以叫

嘩!!! 琴晚一大班人去新漢記食餐飯 叫野食果陣已經有d不滿 meun上面好多野都話無 d野黎到又細碟喎(已經嗌左佢加大-_-)埋單既時候先至離譜 check單既時刻發現一碟普通不過既鼓油王鵝腸竟然要176蚊!!!仲要超級細碟!! 真糸我食過最珍貴既鵝腸呀 176蚊 仲貴過一隻鵝 完全唔知想點!以後都唔會再幫襯新漢記 勸你地都唔好再幫襯 搵笨到死!!

早前的新界谷飯局,在老遠的粉嶺"新漢記",早前曾經來過兩次,第一次感覺良好,上一次就覺得水準不如第一次來.是次搞手爐兄拍心口說近期水準有回勇之跡像,好,信你一次,就跟機遠征.當然,冷眼旁觀的古某,經常明抬暗踩,常說這些局又打正旗號.又大叫口號,又乜又七.試想想,我們有邊次真係學示威者般大叫?又會否拿住支旗在飯檯上插旗?倒轉過來,還不是打正貴網之旗號,來大搞什麼飯局巡禮?無非都係"跌左落地都仲要拿x番乍沙",賣盤之後與幫主割蓆,便拿拿臨用貴網個名來開谷.好像這類人,對自己身份地位有危機感,便要看扁人來抬高自己.現實世界大把呢類人,估不到在網上也大把,回到現實,的確有危機,十幾年的工作不保已是有力証明.好,言歸正傳,說回當晚爐兄為我們安排的菜式,大多是沙頭角客席人之菜式.有:水瓜煮魚鰾客家梅菜扣肉魚腐菜心苗 客家咸鮮草鵝 炸墨魚棗紅蔥生爆吊桶炒魚麵 薑汁米酒煮豬腰沙薑焗豬粉腸蕃茄豆卜煮雜魚黃酒煮雞走地雞 煎蠔餅 苦瓜煲隔山豬肉丸津白 手撕雞煎墨魚餅 砵仔飯 十幾人一張檯坐晒,開席前子陵兄更帶來一廂橙來,與大家分享,幸好是夜沒有杏仁之類,否則杏加橙,極唔老黎也.首上上的是水瓜魚鰾,湯甜而魚鰾

兩年前食到成班朋友XYZ出晒,點知同阿火早兩三個月前試試,又覺得水準回升返,就借"為食到新界"個名攪一次,又遠又隔涉,都有十幾人捧場,老板又著意留左幾味菜,食得盡情又盡慶.可能生意太好,就連旁邊另一舖位亦收歸其下,老實講是乾淨舒服得多,十六人一張大檯亦不覺逼挾.紅叮先行送上日本手信,再有子陵的棄餐酒轉飯後果,實在有點驚喜.水瓜煮魚鰾 : 鹽爆魚鰾爽口之餘多了一朕海水的咸香味,再吸收肉碎湯的鮮甜,水瓜清新鮮嫩,可以話我每次必叫菜色.客家梅菜扣肉 : 雖不至於大榮華級數,但五層肉分明,入口軟糯,送飯一流.魚腐菜心苗 : 魚腐可以話一般,魚味唔濃,菜苗亦唔覺鮮甜,可能是貨源的問題.客家咸鮮草鵝 : 第一次試,可以話有驚喜,咸香的鵝肉嫩滑,完全無常犯肉質死實的毛病,同咸雞是兩種不同風格.炸墨魚棗 : 其實仲有一種蝦棗,但店方好耐無做,只得墨魚棗獨挑大樑,墨棗新鮮熱辣炸起,入口彈牙又充滿墨魚的味道,再蘸點甜酸汁就加好.紅蔥生爆吊桶 : 新鮮吊桶用紅蔥頭,蔥段及洋蔥快炒,時間掌握得好,魷魚剛剛熟,墨汁將魷魚包裹,墨汁的鮮甜味將外表缺點蓋過.炒魚麵 : 魚麵可以話係呢度名菜,用上大量洋蔥絲,冬菇絲,

首先多謝爐兄的安排，在這個新漢記的飯局裡，吃了一頓頗豐富的晚餐，飯店所標謗的，是主打傳統的客家菜，但當晚出來的菜式當中，個人總覺有少許潮州菜的風格。當晚菜式甚多，先不說食物的好與壞，最深印象反而是其上菜的節奏，既多且快，不一會桌上已鋪滿一碟碟的菜餚，總結之下吃得出廚房的的功夫甚為紮實，上湯浸勝瓜魚飄和菜心浸魚腐，是湯濃料鮮，用蕃茄來煮雜魚，另有一番滋味，梅菜扣肉和香口的炸墨棗，亦沒令我眾失望。南京有道鹽水鴨，這裡則有異曲同功的鹽水鵝，皮爽肉嫩，亦保持鵝肉的鮮味，蠔仔煎蛋的蠔味和蛋香，不比潮菜的蠔烙遜色，這店對內臟處理也佳，豬腰改用薑汁和黃酒來煮，味鮮之餘，也可將其「壓味」減至最低，沙薑炒豬腸也很惹味。雞的食譜也有三味，走地雞雖不算嫩滑，總算皮薄肉爽，主打是甚重的「雞味」，用黃酒和醬汁來炒的雞件，其調味之佳，贏得食友們的讚賞，相對下其手撕雞，口感和食味真的強差人意。飽肚之物有炒魚麵，炒得有鑊氣，摻進魚肉的麵條也十分彈牙，相對下雖然有砵仔豬油撈飯，可能因為菜式太多關係，論飯味和豬油之香，也比元朗的班霸「大榮華」遜色，有其形而欠其實。雖然以上式菜式，其評語大都偏向正面，說實在的，能令自己留下

住左粉嶺五年都冇黎過, 但見過門口擺滿私家車, 都知應該有d老饗黎搵食. 今晚冇出城, 上openrice見到幾多好評就不妨一試.我地六點就到, 知道呢d時間實有位, 但老闆娘聽到兩位又冇訂台都唔係咁想招呼, 將我地丟到最入面的一張窄窄的四人台(如果四個人坐係好迫), 旁邊就係放污糟碗碟的大盤細盤, 所以成餐飯都會聞到陣陣異味. 不過算啦, 一心想黎試新野, 我地都好識做, 諗住拿拿林點菜食完就走, 費事阻人發達(六點十五分門口已有人等位).點左五樣野:1) 炒魚面: 基本上除左魚面係冇其他餸既, 只有洋葱, 少少蛋, 芹菜, 紅蘿蔔絲, 味道ok, 叫做係出面食唔到, 魚面都爽口, 但其實冇咩特別.2) 自製魚腐浸時蔬: 餐廳只供應菜心同津白, 所以揀左津白. 湯好咸, 味道冇乜特別, 唔會難食亦唔覺得好食.3) 砵頭白飯: 特色地方係跟一枝豬油同豉油上. 我地怕死, 只落左幾滈豬油, 少少豉油. 味道唔覺有何特別.4) 自製黃酒炒雞: 當晚主菜, 但卻係我地食晒所有野都未黎, 要催. 味道幾甜下, 有少少酒香, 雞件肥但滑, 算係ok好味.5) 大啤酒一枝一餐咁既飯, 只係新界地

喺粉嶺返工返咗兩年都未嚟過哩間嘢, 諗唔到最後一個月留喺聯和墟既日子, 竟然一口氣幫襯咗哩度三次。第一次嚟食係晚飯, 第二次午餐, 都係同大食同事一齊嚟, 所以佢地嫌哩間嘢塞佢地唔飽。今次兩個人撐枱腳, 三個餸都食唔晒。前兩次試過幾味餸都覺得水準好好, 所以對佢個大廚好有信心。今次嚟擺明係玩嘢, 專登嗌啲出面唔常見既餸。1. 金牌咸香鴨外表似普通咸水鴨, 食落除咗鴨腳位有咸香外, 亦都唔覺有咩特別。但原來精粹在個汁, 話甜又唔係甜, 話酸又唔係酸, 好詭異, 但夾埋個鴨食又好好味喎~~~2. 醬油焗鴨下巴咸香鴨味啖, 哩個餸味濃, 所以剛剛好dun番勻, 令同行友人讚不絕口。3. 蒸蜆乾 (原本個餸名係有成八九個字, 我讀完個waitress好似聽唔明, 呆咗三秒先恍然大悟, 然後就話「哦, 蒸蜆乾」*_*)係一個驚喜。哩個應該係一個下酒餸, 或者用嚟送粥食, 所以下次都應該唔會專登再嗌。今次誤打誤撞試到, 覺得雖然蜆仔有啲乾同硬, 但用嚟送飯一流, 令人想食多兩碗。4. 綠豆沙送既。好多渣同埋好沙.. 又唔太甜, 好正。想呃多兩碗。次次嚟到都見到隔嚟枱啲餸好吸引, 睇嚟再嚟多幾次都唔

因為媽媽的朋友到訪，還邀請我們去聯合墟的新漢記共用晚餐。一看又是客家菜館，確是有點兒失望，心想來來去去都是那幾味，換第二樣好嗎？當然作東的不我，我也沒有甚麼發言的權利，只能乖乖坐在那等吃。姨姨們點了一份酸蘿蔔煮石狗公，咕嚕肉和魚腐浸菜仔。先上的酸蘿蔔煮石狗公，蘿蔔絲酸酸的很是開胃，配上芹菜蒜同煮，使石狗公的鮮味更為突出，清淡得來又不失魚鮮味。而且魚的骨不算太多，連同行的兩位小妹妹也吃到要爭奪那剩下的幾條魚呢！而那煮魚的湯汁用來送飯，也少有地使我能吃完一缽缽仔飯。順道一提這兒的飯，還奉上豬油和豉油撈飯，喜愛豬油香的你一定不能錯過。之後的咕嚕肉相對比較遜色，份量不多，粉漿又有點厚，咬下去沒有甚麼吃肉的口感，不過味道還是可以的。雖然咕嚕肉有點失望，但魚腐浸菜仔卻又令我不禁一喜。平時在海港飲茶，總少不了點一碟浸湯浸菜，最愛的就是那帶點豆香和鮮甜的上湯，想不到這裡的浸菜更為出色，滑溜的魚腐鮮甜，煮出的上湯使每一條菜都充滿了鮮味，那湯又是一下飯佳選。菜不太夠吃，我看了看Ｍｅｕｎ，見到芝士年糕大蝦，雙眼就在這芝士二字上面閃閃發光，想不到客家菜也會有芝士的出現喔！不太好意思地提出加菜，好在同桌的姨姨們