新漢記飯店 (Moved) New Location

老細難得今日請食lunch,佢話呢間客家菜好食,於是一行十一就o黎試.叫好多食,都唔記得晒食咩,我覺得最好味有胡椒豬肚湯,走地雞,墨魚餅,咸菜煮懵仔魚,炒蕃薯苗,燒豬仔骨,仲有一個好似叫客家粉絲,真係好正呀~我老細話夜晚好多人食o架,記得要預先訂位喇!

聖誕大餐食中菜(魚村菜);1.蠔仔粥~ 蠔仔size算幾大隻啦,份量亦唔少,但都幾味精feel.2.三杯雞~ 好咸而且好細碟.3.狗仔羊~ 又係好細碟,顏色已俾鼓油蓋滿,好黑.4.蜆仔葛粉絲~ 好大鍋的,其實幾特式,但好重胡椒味.5.脆玉瓜魚標~ 都係幾大碟的,魚標用了細size的,而且唔夠鮮味.

年尾最後一個圍內局,一行十人,揮軍北上作客"紐卡素",地點為新漢記,就是我們今夜的St Jame,s Park.其實係自己想一嘗此沙頭角客家菜,難得爐兄肯安排一局,所有菜式不用操心去想,真是衷心多謝.菜式非全部所有客家菜,菜式眾多,實在很難逐一記起,走地雞細細隻,雞味濃郁,肉質嫩滑,一吃就知係鮮雞.蝦棗是用蝦打到起膠,炸到金黃,點上酸甜醬汁,深慶得人.石九公湯,煲到湯汁呈奶白色,用魚去煲湯,一定甜,當然這條石九工,煲出來鮮甜又好喝.紅荵爆吊桶,吊桶又鮮又爽,狗仔羊肉煲,煲放在gas爐上,雖然沿用順德人炆狗肉方法去做之,不過感覺上似吃地道羊腩煲多一點,羊肉稔熟,炆得入味.其他如水瓜魚膘,水瓜的甜,同魚膘的爽,兩者很夾.湯汁亦非常鮮甜.炒魚麵點上辣醬,很好吃.缽仔飯,飯沒有大榮華蒸得粒粒分明,豬油亦沒有那麼香.因為"愛華頓情意結"之關係,難得有酒家promo 泰象啤,心裏歡喜.兩支幾個人分,我們正身處在"紐卡素",應該喝Newcastle Brown Ale才夠地道嘛?實在不能一一品評所有,總之一大班人,吃得高興,多謝爐兄的勞心勞力.雖然路途比較偏遠,但在香港,並不是一回事,坐火車也只是3

大澳之旅暫時都要束之高閣，讓路這篇先行，怎說都是成班好友除夕及新年倒數，過了氣就失卻了內在的意義了！差不多三四十人在圍村的歡聚，先來盆菜後來BBQ，外賣盆菜就落實在這裡；這裡的盆菜是正宗的客家盆菜，海蝦、切雞、燒鴨、炸門鱔、門鱔乾、鮫魚魚蛋、鮫魚魚片、南乳炆五花腩、乾魷魚、鵝掌、豆卜、蘿蔔、豬皮、芹菜、金蠔、發菜…，加上出名的芡汁，令到整個盆菜生色不小。雖然沒有名貴的材料，全是地道的粗枝食材，但這亦是正宗客家盆菜的特點！在吃盆菜之餘加上一碗熱辣香噴的白飯，再添上二三瓷匙的芡汁，天上美食也；而兩盆盆菜足夠令到眾人棒腹，份量可想而知！飽餐一頓後，閑聊近況，小朋友就在圍村大光地自成一角，然後再來BBQ、香檳、紅酒、陳年糯米酒、禮炮、倒數…！祝願大家新年新樂，身體健康！

很久沒有來這裡食了，最近約了朋友在這裡聚聚，原來已重新裝修完，比之前靚了不少。我們看完餐牌後，便決定了叫正宗走地雞、例湯、銀蝦仔泡菠菜、喬頭咕嚕肉、豬油這撈砵仔飯和紅蔥爆連墨鮮吊桶。正宗走地雞- 雞肉很有雞味，肉質也很鮮嫩，唔算肥，實在唔錯，價錢又平，值得一試。例湯- 忘記了是什麼湯了，只記得味道很濃，飲得出是老火湯，應該沒有落味精，非常好飲。銀蝦仔泡菠菜- 蝦仔細細隻，又脆又有咬口，菠菜鮮嫩很有菜味。喬頭咕嚕肉- 咕嚕肉炸得好脆，但偏酸、甜味唔夠，而且份量偏小，也可以一試。豬油這撈砵仔飯- 砵仔飯焗得好乾身，一粒粒飯很鮮明，可惜豬油和豉油唔夠香味和出色，比相差很遠。紅蔥爆連墨鮮吊桶- 吊桶內充滿墨汁，令吊桶味道更濃，吊桶很有鮮味，唯一比較麻煩的是，要很小心食，如不是，便很容易弄黑衣服。^.^食物出色，價錢平；可惜地方太遠，唔多方便。

裝修後第一次試食。亞姐介紹幾個小菜：客家咸鴨、清蒸聖子皇、胡椒豬肚燉湯、魚湯浸辣椒葉。三個人都好足夠。但係完全無驚喜。味道太淡。鴨唔夠咸，聖子一般、湯無胡椒味、魚湯無味。失望!

晏晝係沙田食到把幾火，夜晚就諗住同阿媽同女友去食o的好野，阿媽話不如去粉嶺新漢記，話之前去過，o的野好好味（我都食過佢打包果o的，真係幾好味）。點知我阿媽叫埋auntie A同auntie B去，結果就產生左一個好奇怪既飯局組合。七點去到，好彩auntie A同事頭婆熟，唔駛等位，出面個個排晒隊，我地行入去就有位，不過就窄O的，個四人檯坐五個人，得我一個男仔，焗住我要坐圓凳。講返野食先，auntie A話佢請，仲係咁叫送，先後叫左炒魚麵、半隻走地雞、一條蒸倉魚、四隻聖子、一碟南乳大蝦、炸豆腐、客家粉絲、豬油撈飯、仲有個肉碎湯之類既送，每味送簡簡單單，但係味道真係唔錯，我最鍾意條蒸魚，真係好新鮮好滑，個客家粉絲（auntie A叫既，個送叫咩名真係唔知啦）有O的好似粉絲湯既野，仲有肉碎、咸菜、蜆肉同少少辣椒，好惹味。個炸豆腐更係普通得來見功架，外面薄薄地一層好脆，入面軟滑又唔油膩，真係必食！！！

今晚走去粉嶺揾個好耐無見嘅死黨敍舊，想一想自己有差唔多成十幾年無入過粉嶺，去到真係成個路盲咁，好彩死黨有車，佢問我食乜，我諗起之前有人介紹呢間鋪，於是就叫佢揸嚟呢度試。一入到去，人山人海，差唔多full house，發覺側邊其他食肆水靜河飛，心諗呢度一定有D料到。叫咗四餸一湯，另加三飯及一枝啤酒。個湯係番茄薯仔豬潤湯，味道十分家常，豬潤大大塊，亦頗爽，無乜苦味，不俗；再嚟一個香口小吃--- 蝦棗拼墨斗棗。一上枱嘅時侯都有少少愕然，兩款棗嘅形狀係呈長條形，並唔係平時食開潮式嘅球形，墨斗棗食落有極濃嘅墨魚味，一食就知無乜加粉，夠晒真材實料，D蝦棗亦頗彈牙，不過可能之前食嘅墨魚味太濃，D蝦棗嘅蝦味反而無咁出；之後係落單阿姐推介--- 客家炆墨魚豬肉，成個餸放响一個雞公碗上，夠晒香土味，味夠濃亦夠油，係客家菜嘅特色，伴菜嘅木耳及荀比主角嘅墨魚及豬肉更精彩；食完個味濃嘅，就叫番個清D嘅魚腐湯浸白菜仔，魚腐做得軟滑，夠魚味，配上新鮮嘅白菜仔，不錯；叫咗三個飯，二個係普通嘅"靚仔"，我自己食嗰個就係砵仔豬油撈飯，呢味膽固醇嘅好朋友真係要係呢D新界菜館先至揾到門路食，可惜呢度嘅出品就令我大失所望，最重

11-1-2006 1838難得一日蛇曬王出黎去威，盡慶完之後當然要食番的好野補充體力，本來在第2個地方攪掂，有朋友話這裡會方便的，於是在這裡安排飯局，還記得上次黎既時候是某一年的初春，不過席上的朋友已經換成另一批的「新世代」。該晚連埋我共有7位，被安排近門口的檯，除了別人開門閂門要食風外，感覺上比上樓既一層好些少，連飯及湯我地叫了11道菜式，會逐一介紹。第1味係客家狗仔燜鮮羊肉，這味菜絕對沒有你地好想食的配料如枝竹及馬蹄，完全係靠羊的新鮮度、煮的方法及汁醬去完成，羊肉還有少少應該的鮮及羶味，還有係用gas爐上，汁醬收得好燶，如大火既時候，的汁會彈到周圍都係，要小心的，隨羊附上生菜一碟，可以與羊一齊去滾，汁的精華落在生菜上，非常好食，就算有幾好味的馬蹄枝竹羊腩煲也要行埋一邊。第2味係走地雞半隻，第1次見到個樣時，仲以為白斬雞，因為我媽媽鄉下的出品通常係好薄皮及瘦，這裡比較肥美，當然唔會肥到冇雞味，食落去係新鮮貨色兼有雞的鮮味，皮如果薄及瘦番既，會更加好，後尾我地都整多半隻。之後的上菜上檯速度也加快了。跟住黎既兩味比先前既清新既，前者就是水瓜煮魚鰾，魚鰾又名花膠/魚肚/魚膠，這裡用了沙爆

我今次係第三次去新漢記,我好鍾意食雞,特別係走地雞,仲意佢皮薄又有雞味,我山長水遠走入黎粉嶺都係為左佢,我食過兩次都唔錯,有一次果隻我明知係隔夜0既都照買,但味道都OK,係"鞋"左D 姐,點知今次入到離,佢比D成三斤重一隻0既雞比我食,唔識分0既朋友話幾滑ar,我就食到"銀銀聲"(我同"呀穌一樣,"去街市買雞,重來唔買重過兩斤半0既雞0既,因為一定皮厚兼夾唔好食0既) 仲用幾濃0既鹽水浸過tim,唔知係咪因為禽流感,所以無走地雞到,我打電話訂位時,佢同我講話半隻要加$20,我仲鬼咁開心諗住貴DD貨應該仲靚D,咁遠入到離真係好失望呀!

北上之後相約好友飯聚,難得山長水遠都入黎,佩服佩服!一行七人,九菜一湯,竟然可以清晒,味道可想而知:例湯: 係石九公湯,夠火喉,又鮮甜,正走地雞: 先黎半隻,雞味濃郁,又滑,最後追加半隻,但卻沒有之前半隻咁好味(在坐有人忍唔住order左半隻打包比阿媽,真孝順)蝦棗/墨斗棗雙拼: 甜酸醬好似同呢味用上等號, 不過要即刻食, 因為耐左會無咁脆, 但新鮮彈牙, 打到起膠至炸, 果然唔同.水瓜蝦米煮魚鰾: 水準依舊, 食過幾次,感覺同之前一樣,羌蔥珍珠蠔: 話明珍珠蠔,細粒就預左,難得鮮甜唔太油狗仔炆羊肉: 用沙煲另上,雖然要百幾蚊,但依然覺得物有所值,肉質鮮嫩入味,比之前所食兩次仲要好蕃茄炆狗仔魚: 老實講狗仔魚係乜魚我唔太清楚,但入口啖啖肉,魚味濃郁,應該唔係雪藏貨,用蕃茄同炆,令湯汁鮮甜畧帶酸味,胃口大開.仲有幾個菜唔係幾記得,但飲飽食醉又一餐,仲要開開心心,乜都係度啦!

其實本人十多年前,曾經跟過此店老闆漢哥學師三日,但短短三日己經學了很多東西,雖然本人己經冇做飲食業多年,但本人十分喜歡飲飲食食,也食過不少好的東西,始終常常回味漢哥的手勢,除了廚藝,漢哥多年一直堅持用料新鮮,菜式多變及以誠待客,去到新漢記就好有親切感,相信很多熟客也有同感,希望新漢記的客家菜繼續發揚光大~ 推介:墨魚餅,走地雞,蚊鯊魚,鴨下巴及每天新鮮海魚

19/08/2005 20:00今晚本應去打網球的，但天不造美，入夜後雨下得更大，所以決定以飯局代之。打波在上水，但附近似乎冇乜邊度有好野食，其後便想起曾在粉聯和墟吃過美味的客家菜，一於翻兜呢間！可能天氣關係，平時熱鬧非常的新漢記今晚只得四、五檯客人，樓上更見疏落。一行六人點了一湯五餸，分別是胡椒豬肚湯、手撕鹽焗雞($55)、客家豬肉卷($28一條)、蝦棗/墨斗棗雙拼($58)、蠔仔煎蛋及腐乳通菜。豬肚湯煲上，味濃而且足料，火侯亦夠，但要飲到較底才有辛辣的胡椒味。手撕雞有雞味但很瘦，當中只有一半是手撕，另一半是斬件上，怪怪的。還有奉上的是一碟薑蓉，若換上沙薑粉會更好。豬肉卷口感似扎肉，$28一條分量來說是頗足的。蝦/墨斗棗亦是最出色的一味，材料新鮮，炸的時間剛好，外脆肉軟，可以咬到啖啖的墨魚粒，不過$58只有若十件都幾貴，不過都係抵o既!蠔仔煎蛋用o既蠔好大隻亦好有蠔味。另外砵仔上o既白飯會奉上豬油同豉油，不過健康關係只係淺嚐。飯後有紅豆沙送，都係有水準的甜品。服務方面相當週到，介紹菜式亦見落力。整體來說十分出色，可惜的是人不多未能多試幾個菜式，當中炆魽魚同客家炆豬肉都是相當吸引的，下

kc都講晒,我都無野好講,不過d砵仔蒸飯粒粒分明有咬口,好香,雖然加豬油唔係太健康,不過真係好難忍,點都要提下~~哈哈!

一班食友去挑戰八仙嶺，最後終於都以不同形式嘗試及完成了。因為下午只吃生果，所以晚飯時份，個個都是飢腸轆轆的。天氣悶熱，加上不快事充斥，令人熱氣上冒，先來幾支冰凍啤酒降降溫，當然亦要多謝David兄及焚化爐兄的靚紅酒。菜單由店家代勞，我們只需聽及點頭就行了，好不輕鬆。點了不少菜，要一一記下也不是易事，包括栗子炆鴨、木耳炆豬肉、節瓜肉碎魚肚、薑蔥煎珍珠蠔、白切雞、豆豉蒸魽魚、蜆肉莧菜浸木薯粉、洋蔥炒墨汁吊桶、大芥菜煲豬骨、炒魚麵和少不了的~咕嚕肉。菜色一碟碟的來，人也實在太餓了，所以個人計是不顧儀態的狼吞虎嚥，各位食友們，真的失禮了。栗子炆鴨用上新鮮貨，好處是肉質緊緻鮮美，但肉就較少。栗子炆符又腍又粉，可惜我跟Thomas領隊一樣，喜歡吃硬一點的栗子；木耳炆豬肉用上了南乳，加上肥肉，是又濃又香，這味家鄉菜做得不錯。最好吃的當然是肥肉，是日行了六個鐘頭山路，什麼肥肉也不怕吃，真好。其次大塊的木耳索了肉汁，加上爽口的口感，都美味非常。我就兩碟的木耳也都包了底，絕對是不石錯過的菜色；蝦米節瓜肉碎魚肚是濕濕的，易入口。魚肚大塊又鬆軟，浸滿湯汁，加埋蝦米，得別好味；薑蔥煎珍珠蠔的蠔仔隻隻肥美，亦鮮甜