新漢記飯店 (Moved) New Location

起初新漢記並非在暴食之列,但從群記步出,見爵士拉麵又無開舖,總不成食麻辣米線吧?反正都有一段時間無光顧,試試又無妨.尚未到中午飯時間,得小貓三幾隻,揭開餐牌睇睇,又有些新菜上場,聽聞是不時不食下的成果.炒魚麵:水準依然,不單夠鑊氣,加上西芹絲,香菜兜亂,魚麵彈牙,蘸點辣油,香口到不得了.黃酒煮雞:上次是放湯形式上檯,已經好討好,今次經阿姐提議,改為炒件上,果然有意想不到的效果,雞肉盡將黃酒吸收,令到肉質帶有甜味,而汁液亦收得洽到好處,不得了的一道客家菜.難怪阿火讚不絕口.走地雞:雖然肉質不如大肥雞嫩滑,反而肉味更集中,加上不帶半點肥油,肉味更濃洌.水瓜煮魚鰾:魚鰾一般是用沙爆,所以有時過水唔清會帶有小沙礫,聽聞此店用上沙頭角魚鰾,而且是用鹽爆,多了一份咸香.魚鰾吸收肉碎及水瓜所煮的肉湯,爽口清甜.白飯:白飯都寫?..........無錯,一碗平平無奇的白飯,加入店方提供的豬油和頭抽,咸香之餘,飯煮得粒粿分明,雖然同大榮華尚有段距離,但在粉嶺已別無分號.第三站已經要食上海野,睇下蒸餾水滿唔滿意先?

星期六又同老媽子去新漢記，可能lunch晏食又食得太飽（沙田魚尾獅），晚餐兩味餸兩個人食，都覺得啱啱好．咸豬骨芥菜食過好幾次，真係好正，芥菜爽，豬骨有肉唔肥又唔硬，d湯入味，係今次好似咸左少少．　下次再去都依然會再食咸豬骨芥菜，超讚！叫埋蠔餅，白飯．　埋單一百廿幾．

我見識少，客家菜我剩係食過呢間同客家好棧（講真我唔覺客家好棧有幾客家），如果住北區嘅朋友都可能知，聯和墟無咩多，餐廳最多！（以前未曾火燒舊街市時代，聯和墟係有200+間食肆！）新漢記日日都仲爆到九彩，好唔好食唔洗多講．　禽晚早收工，八點幾返到粉嶺點知老媽子無煮飯，仲好！一於又去新漢記，去到好彩有張細枱，我地坐低坐出面都又有幾枱等緊．兩個人，食唔到幾多，諗左好耐一於試兩樣未食過嘅野．　黃酒炒雞好香，有種類似薑醋嘅味道，雞啱啱好，好滑！　送飯一流，最衰就係我最愛嘅雞尖焦左．．　可惜可惜　魚腐浸菜心正！　魚腐索晒ｄ菜湯，好好味，菜心唔會浸到"林"晒，ｄ湯好清甜，我飲左好多另外仲食左．　砵仔飯天氣凍左，連飯都凍埋　　蠔餅老媽子要食，唔係炸，軟身，似蠔仔炒蛋多ｄ．再加啤酒，圓滿結束唯一問題．．　　上菜等好ｑ耐

很久沒有來，一行9人，點了一些簡單的菜，蕃茄豬肝湯---清甜美味，極力推介老媽子苦瓜---童年的感覺返哂來沙頭角魚膘---馳名中外還有其他........

昨天北上完找肥仔三人到粉嶺新漢記晚飯。叫咗五個餸菜：1.梅菜皇蒸家豬肉($68)-----梅菜都幾好食，但豬肉就唔好嗱。2.一品炒鮮魚麵($68)-----都可以。3.生煎一夜紅衫魚($68)-----用鹽淹了一夜後才煎，香口好味。4.鮮蜆肉煮葛粉絲($58)-----太重胡椒粉。5.七味黃金炸豆腐($48)-----樣靚、味道普通。因昨日係假期，有好多人等位。所以好快食完，把枱讓回給下輪食客

次係我第2次嚟喱度食，感覺仲好過第1次。喱度啲嘢食真係唔錯，難怪咁多人等位。前菜酸木瓜片($5)大豆芽($5) 蕃茄豆卜煮勝瓜($38)啲蕃茄好新鮮，加埋我最鍾意食嘅豆卜，冇得頂！醬油皇焗鴨下巴($48)嘩！好大碟。有成8、9隻，個醬汁好得，唔會太咸，唔錯！正宗走地家雞(半隻) ($68)隻雞好瘦，仲好有雞味，唔會好似平時啲雞咁淋pat pat，推介！一品炒鮮魚麵($68)喱個又係要推介，啲魚麵好彈牙爽口，炒得好香，又唔會太油，真係一試難忘！ 我諗嚟喱度食飯最好訂位，地方唔算太大，有兩層，伙記亦唔算多，你亦唔好expect佢哋服務會太好，不過不失喇！因為佢哋實在太忙喇！你未坐定已經多番問你叫咩餸，好大壓力呀！

爸爸生日，去了屋企附近的客家飯店－－新漢記，豬骨保－－好好味，全部豬筒骨，湯底好香藥材同胡椒味，o岩晒凍既天氣魚麵－－好特別，麵好爽，不過太油走地雞－－好滑，好味缽仔飯－－有埋豬油同埋頭抽，不過飯唔夠熱，所以唔夾豬油佢地話食物不放味精，食完之後不太口乾，呢度既客家菜比起外面果ｄ客家菜無咁多咪精，同埋d食物幾有特色，我阿爸係客家都覺ｏｋ，但唔太正宗，如缽仔飯可看到佢地既誠意，另一方面價錢平食物ｏｋ

一間令人失望的食肆出現成名係咪代表可以亂咁黎?幫趁少說都有幾年,趁有食友老遠入黎探望小b,安排飯局少不免,早幾天已訂好檯,但當部份食友到達時,主理人竟然說電話唔係佢接而當無件事.........離譜,我點知邊個話事呀?幸好食友大方無計較,但已心中有氣.其實以往食開都知邊樣得,胡椒豬骨湯淡到你唔信,份量少得可憐,狗仔鴨煲食左幾年都係煲上加菜,但個阿姐當我第一次黎,仲話一直以黎都無煲上,我都無佢咁好氣,走地雞肥又無乜雞味,仲要過生,心頭冷左一截,忍唔住自己去指要邊隻,水瓜魚膘份量係以前既三份二,梅菜扣肉同蝦醬蒸肉青算係好d既兩個菜,但係一餐碟碟份量少,食極都唔飽,服務大倒退,食品不思進取,大可從我心中有特色食肆中刪除.

1月5日同老公約9點到此食店晚飯,叫了3個餸1個飯,真叫人失望.走地鷄~勉強接受白果煮豬肚~白果冇去芯,勁苦...豬肚有"壓"味...<差>炒聖子~勁多沙...<差>白飯~ok啦點知到埋單嗰陣同亞姐(估計係老闆娘)反映,佢就話D白果新鮮o架,點會苦...最後埋單$200 (但係唔知點計出嚟)...唉!!!到我們離開時,點知佢用D好差嘅語氣同第二個亞姐講"佢話D白果好苦喎,D聖子好多沙喎"...總結嚟講~<差差差>...你哋話啦,點會有下次呢??..

再北上"紐卡素",一大班人,自然去新漢記.假日晚上自然爆場.如果在非指定時間訂位,也要等上一段時間.這夜訂了七點,也要等上差不多半小時.一直對其炒魚麵念念不忘,諗住來到再吃,可惜沒有.實在可惜.其他如狗仔鴨,走地雞,水瓜魚膘,梅菜扣肉,也是必然之選.啤酒一如上次,在聖占士內喝泰象啤.例湯為胡椒豬骨湯,用瓦煲上,味道淡出個鳥來,再看旁邊有一小碟鹽,原來要自行落鹽,咸度要自行調教,真係幾神奇.上次吃過的走地雞,雞味極濃兼肉質嫩滑,今次見到的走地雞,仍充滿鮮血.好"新鮮".但雞味同肉質,也比之前的遜色.另一味雞黃酒煮雞,酒香極為濃烈.水瓜魚膘,仍保持上次的水準.狗仔鴨用碟上,風味頓失,爐兄問呢味唔係用缽仔上架咩?上次黎都係用缽仔上.)店員說唔係呀,一直都係用碟上架.)這位店員,應該是新來的.梅菜扣肉夠肥,瘦肉位鬆化.其汁自然地成為精華.豬油撈飯一向比大榮華遜色.其豬油沒有前者的甘香.話須如此,照吃.蝦醬蒸肉青,可算是全夜之最佳菜式.惹味的蝦醬,搭上爽口的肉青.真的好吃.番茄煮懵仔魚,味道很腥.薑荵生蠔,雖然生蠔不算很大隻,肉質亦Juicy.好像比上次來遜色了一點,希望只是純屬巧合.

山長水遠走入粉嶺做乜？為的是來看看爐兄剛滿月的兒子，在此祝福他永遠健康快樂。睇完BB，爐兄領班前往新漢記吃飯。訂位時，阿姐說明7時有位，去到則轉口風話頭輪做6:30pm，我哋粹之要等到7:45pm方可入坐，服務這一欄，扣分。講番食，整體上OK，但未致於好味到排長籠。是晚最出色的是蝦醬豬面青，絲瓜魚唇都唔錯，很鲜。胡椒豬肚湯很淡口，胡椒味奇弱。蕃茄浸懵仔魚很腥，我剩係食得落啲蕃茄，炆狗仔鴨我倆都不喜歡，味道很鹹。梅菜扣肉的肥肉都算鬆化，可惜瘦肉部份炆得不夠淋。薑葱蠔獲氣夠，新鲜厚肉；走地雞爐兄嫌不夠走地，但我認為OK，肉都算滑，雞味亦有。豬油撈飯以砵仔上，味道明顯不及大榮華，豬油、頭抽及飯都不香。個人認為不值山長水遠特登走入嚟食。

新漢記是粉嶺區內有名的客家小館，電硯台也曾採訪過它。因為有位同事不喜愛這店經常有食客在吸煙，平日午飯總是幫襯相鄰的豐味軒多，今天有人提出不如試吓新漢記，客人不多但仍要撘枱，我要了一客醬爆雞球飯，跟例湯和飲品，例湯是眉豆杞子煲廋肉湯，看來沒有落味精，雞球飯不錯但餸少飯多。食物水準合格，下次都會再來。

個日唸住去過度試下...去到大約7:00等到7:40先有位..見到咁多人排隊...心唸應該好好食掛..大約8點就落左order啦..點知等極都未有得食..人地遲黎ge都食飽啦..我地唯有問阿姐...原來係唔記得落單..最終等到9點幾先有得食...d食物並沒有想像中的好味而且都唔平.

山長水遠驅車8人黎食，訂7點枱，企到8點至俾張細枱。其間個老闆娘（我估）仲話唔關佢事，唔係佢接電話，係佢D伙計接，佢就唔會受7點枱！！如前文指出，有D人識得老闆唔駛等（或等少D），very bad ar！食物水準差錯，魚湯米線D魚湯好咸，D米線好硬。魚鰾又係好咸，仲92蚊咁貴！飯又硬又乾！最好味係果支燒豬仔骨同梅菜扣肉D梅菜，墨魚餅都OK！果度管理好亂，等位訂位你就知。好多人都食到一肚氣，昨晚就有兩枱投訴：一枱投訴叫左條魚唔黎，原來係冇哂，但果枱人口呆等都冇人話佢知，D人好火；另外一枱就投訴亂開前菜錢，張單又唔啱！所以我地都對左好耐單！

講真，我自己係客家人，但都唔好清楚有咩特色菜，我只知黃酒煮雞同埋蚊豬腩肉，哈哈！我知道聯和墟有一間幾出名飯店係食客家菜，身為粉嶺之友，終於有機會試！正宗客家黃酒炒雞- 半隻($88)喱個好香口，我好鍾意味道，再多酒味仲好，但雞就碎，大件就開心。魚腐煮時菜喱個係侍應推介，但魚腐咸，清清都唔錯。豆豉鯪魚煮大豆芽($38)o.k.啦，喱個唔咩難整菜式，但豆豉鯪魚油麥菜就食得多，豆豉鯪魚煮大豆芽就係第一次食。咸菜紅炆豬肉($45)哎呀！肥淋淋！坦白講，肥豬腩肉我就唔食架啦！但咸菜& 汁真係好正，送飯一流。豬油砵仔撈飯($8)砵仔飯好香口，不過唔算太大砵，我諗男士要食2砵先夠。同大榮華一樣自己撈，但豬油好稀，唔似大榮華咁傑。 我5個人，食4個都好夠，份量都算o.k.，味道都唔錯，係油膩，我諗間舖都有一定捧場客，佢話紅日要訂位。