新泰東南亞餐廳 (太子集團中心) (Closed)

展開泰國之旅！同朋友附近行完街臨時即興話食泰國菜，食6點半，係第一枱客，後黎陸陸續續都有其他枱入座。1. 青木瓜沙律，酸酸辣辣，好惹味😋青木瓜夠爽脆2. 泰珍珠椰菜苗炒香菇，本身以為係椰菜仔，點知黎到大棵既😂3. 椰汁青檸雞湯，好足料，雞肉草菇都勁多，湯偏酸，岩哂我呢d鍾意食酸野人，一鍋3人share, 每人都飲左2碗，份量足夠4. 椰青沙冰，最正！清清地，唔會太甜，仲可以食到有少少椰肉5. 泰式青咖哩雞配蒜蓉包同印度薄餅，咖哩偏咸，如果餸飯應該好d，6.泰式炸春卷，炸脆卜卜，但唔會成口油，好味！惟一美中不足就係背景音樂，如果餐廳播埋泰文歌就一流啦，果晚成晚都係播緊廣東話歌😂有d唔夾。

新泰係尖沙咀都有兩間分店，今次揀咗喺太子大廈嗰間食飯。晚市都幾多人，不過好彩book咗位。餐廳食物嘅種類非常之多，除咗一般傳統泰式嘅食物之外，仲有啲融合咗其他元素嘅菜式。價錢都幾平民，唔算話好貴。前菜分別叫咗個泰式柚子蝦沙律同埋香芒軟殼蟹米紙卷。兩個食落去嘅味道都非常之好，柚子味道好甜，蝦非常之大隻咬落去好有口感。調味非常之開胃。至於個香芒軟殼蟹米紙卷因為入邊包咗好多青菜令到成個米子卷嘅口感增加自之餘仲有淡淡的香芒甜味。然後叫咗個串燒，味道感覺唔錯，亦都燒得唔會太乾身，都叫做值得一試。而主食類我哋叫咗個日本南瓜焗海鮮飯，呢個飯令我哋為成餐飯大大加分，南瓜非常之香甜配搭埋濃厚嘅芝士，而海鮮嘅份量亦都多得驚人，一路食仲可以將南瓜肉同飯攪拌。性價比非常之高。至於甜品同飲品我哋分別叫咗芒果糯米飯，番石榴沙冰同埋珍多冰。為呢餐飯圓滿咁畫上句號。

樓上泰國菜地點方便易搵，一去到門口就見到泰式擺設，店員係泰國人，好似去咗泰國咁環境非常有氣氛，即使平日都好多人幫襯，所以建議要book定位，座位空間大，同朋友聚會就最啱頭盤先食串燒，豬牛雞各兩串，雞串非常Juice，牛肉好有咬口，豬肉燒得好香！串燒非常厚肉，同一般泰國串燒有啲唔同，好抵食呀泰式柚子蝦沙律超級鮮甜，柚子肉超多，仲有蝦同魷魚添，作為一個沙律超開胃，味道平衡得非常好，令人想一食再食重頭戲一定係麵包焗咖喱軟殼蟹，一上枱已經超級正，分量超多個包大過我個頭，唔好以為得麵包多年軟殼蟹都超級多啊，我同朋友一路食，食到最底都仲有軟殼蟹！入面嘅咖喱唔係水汪汪，而係泰式蛋咖喱潔身得來仲有啲蛋絲添，咖喱味非常香，辣度都比較溫和，適合一啲唔係食辣嘅人飲品就推介椰青沙冰，椰子水味香甜，配埋沙冰夏天就更解暑啦菠蘿沙冰都唔錯，所有沙冰都係即叫即做，非常好味馬拉盞通菜

呢間泰國菜館選址幾好，剛好喺北京道新iSquare，地鐵站一出行幾分鐵就到，超方便。上到去大大個「新泰」招牌，裝潢設計風格都以泰國風為主。大門口右邊就有張大大張嘅櫈，方便大家等位有得坐。好彩今日係星期一，而且好早就開飯，唔洗等位。窗口位置係卡位，目測幾寬闊下。雖然位於尖沙咀北京道，但餐廳食物嘅價錢唔高。1個人叫咗1前菜、1餸、1湯+油飯，大約$300。份量好足，夠晒飽。生蝦：好新鮮，咬落爽口。餐廳為左隔著蝦同冰，喺冰上鋪塊保鮮膜，咁就可以唔會食到冰味。冬陰公湯：叫咗個細份嘅，裡面有驚喜，一大隻蝦🤣都係新鮮爽口。湯都幾足料，好正宗，唔會偏甜。咖哩雞：個咖喱好香，送飯食一流。叫咗個油飯配，有啲搶咗味，所以建議咖喱可以叫白飯，咁就PERFECT！

放工時間同朋友約食飯，約係大家都方便既尖沙咀，上網搵到好多人推介新泰既野食又好食又抵食，就黎試試餐廳位於8樓，門面睇入去就係好闊落既環境感覺可以坐得好舒服廚房亦係半開放式，睇得到廚房既煮食情況係水吧見到一個個既椰青，即刻比佢吸引左，嗌返杯椰子沙冰！$58原個椰青上既椰青沙冰！ 味道好重椰奶香，好好味因為裝得太滿，店員仲提醒我地小心沙冰溶左之後會漏出黎，即刻飲兩啖先朋友嗌既就係菠蘿沙冰$38 ，一樣好重既菠蘿味道，飲得出係用新鮮菠蘿肉制成，而唔係罐頭菠蘿馬拉盞通菜 $75十分惹味既一道菜，通菜鮮嫩唔會過老，冇菜渣泰式柚子蝦沙律 $98 (少辣）勁足料既一個沙律，本身見到$98仲有少少唔捨得嗌，但上菜後覺得係值得既！因為真係好多柚子，亦有大大隻既蝦 味道酸酸甜甜，可能因為我地嗌左少辣，所以唔太辣，岩晒我地口味！重頭菜黎啦！麵包焗咖喱軟殼蟹 $208同其他鋪頭食既麵包咖哩唔同，呢到既麵包唔會好死死實實！外皮烘到有少少脆，但麵包質地十分軟熟咖哩質地較杰身，味道係甜甜地，唔辣既，亦有椰香味 軟殼蟹炸得好脆，份量亦都好多，我同朋友食極都仲有串燒（6串，牛，雞，豬）豬串燒肉質好嫩滑，唔會過老好jui

行開尖沙咀羅禮物，想食泰國菜，剛好係太子集團中心樓上就有一間，本住就近原則就上左來。電梯門一開發現裡面環境不錯，比較有浪漫的氣氛，同埋門口的裝飾就好泰國風情。見到菜單發現即使係尖沙咀甘既地段，滴野都五算太貴。2個人3菜一湯已經飽到五想郁。呢度既冬陰功湯，可以點大份或者細份，2個人點細份已經好足夠，我地飲完個湯就開始覺得有滴飽。服務員態度比較好，會提醒我地趁熱飲湯🙊🙊。個湯係好有味，同足料的，後期會感覺有滴辣，不過辣得好爽。無骨鳳爪沙律一直係我最愛，保持到一貫的水準，五會太辣，又好清爽。重點係68蚊好多鳳爪見到隔離檯有個南瓜，好新奇，就點左呢個南瓜咖喱海鮮，上來個造型睇得出比較用心。裡面有青口，魷魚，半邊蝦2只，同埋炸魚塊。咖喱好多，味道濃郁，早知廳店員講加個麵包或者薄餅，就五會浪費左滴甘好味既咖喱。平時都只會食泰國餐廳的鹽燒魚，今次想試新野，有驚喜。香茅炸魚外催內嫩，配上泰國醬汁味道不錯。奉送的芒果沙律，口感清新，不過味道同鳳爪差不多。最後想講個奶茶，五太甜，好適合我

今日同朋友去開尖沙咀，一時興起想食泰國菜，就搵咗一間新泰東南亞餐廳，原來佢都有幾間分店個喎哈哈，個人比較鍾意啲咁嘅設計，鍾意影相嘅朋友都可以坐喺張凳嗰度打卡影返張靚相。裡面環境都好闊落，啲枱唔會痴得好埋，燈光暗暗地，又幾有情調窩🙈咁我哋等咗一陣就有位啦，見到幾乎都滿座，員工啲效率都好快，我哋一坐低冇幾耐水同埋餐牌都準備好。上菜速度好快😆我哋一共嗌左四個菜兩杯嘢飲無骨鳳爪沙律佢放咗好多配料啦，同我平時喺街度買呀或者出去食嘅嗰啲都有啲唔同囉，佢入邊放左蕃茄，酸得來啱啱好，唔算辣，唔食得辣嘅人都可以試嚇，好嘢味，椰子水好清甜細份嘅冬陰功湯都夠我哋兩個人飲，佢裡面有一隻蝦，分開咗兩邊嘅，咁兩個人啱啱好半隻，裡面有雜菇，味道好濃郁南瓜焗咖喱海鮮一上菜見到個南瓜好似隻兔子🐰好有特色，眼見有青口，🦐，🐟，🦑，有小小菜，點餐時店員都有問我地要唔要配蒜蓉包，驚食唔使我地就冇配到，蒜蓉包點醬應該更正酥炸香茅魚配青芒果沙律條魚新鮮又大條，炸得岩岩好，點醬配埋青芒沙律一齊吃真係好好吃最後消費人均唔使300蚊，吃得好飽，下次再食

晚餐去左尖沙咀北京道食 新泰東南亞餐廳。之前都有食過其他分店，味道，環境都唔錯。今次呢間係太子集團中心8樓，卡位圍住落地玻璃，可以望到街景，座位闊落，特別係會同三三知己一齊share食物，足夠嘅空間真係好重要。今次叫左鹽焗鱸魚，本身想叫烏頭，可惜當日已經冇哂烏頭，所以叫左爐魚，肉質都幾滑，會多少少細骨，食落要小心d，不過大骨好易就起到，擺左一陣再食都唔覺有好強嘅腥味。燒豬頸肉沙律，比起沙律更似菜包，燒豬頸肉好惹味，味道較辣，配生菜都中和左少少，嗜辣嘅食客可以一試。最後，係麵包焗咖哩軟殼蟹，份量大，賣相好麵包份量好夠，邊上嘅包烘到脆身，就咁食都好好食，點埋咖哩更加係一流！咖哩係黃咖哩，質地厚身，好啱點包食。軟殼蟹炸到好香脆，同黃咖哩味道好夾。飲品我同朋友都叫左椰青，食比較重口味嘅野食，椰青會係個好選擇，清甜解渴，仲可以即時解辣。

星期一嘅晚上去左尖沙咀嘅 新泰東南亞餐廳 食泰國野，晚市較晏時份唔洗等短就有位座，坐得好舒服，店員都即刻斟定水。 我同朋友叫左麵包焗咖哩軟殼蟹同串燒羊肉。飲品就叫左椰青。 串燒羊肉，我本身以為會係就咁羊肉串。上枱先發現有串埋唔同嘅蔬果，洋蔥，青椒，黃椒，菠蘿，車厘茄等等，吸左肉汁，燒得好香，特別係洋蔥同菠蘿。而且一啖肉一啖菜，食落清新唔會咁易膩。羊肉調味偏甜，配左一個酸味重，帶D辣嘅醬汁，兩者都幾夾。羊肉肉質幾嫰滑，燒起嚟冇過火，仲保持到肉汁，唔錯！ 而麵包焗咖哩軟殼蟹，比想像中大份好多，擺盤都好靚，亦唔需要擔心唔夠咖哩汁點，因為超足料。咖哩汁濃郁香仲好香，帶微甜。麵包烘乾，再吸哂咖哩汁，好好食。 最後，飲埋大大個椰青水，食返啖椰青肉，即刻清爽返哂 新泰東南亞餐廳繼續保持一貫質素，環境亦好舒適。可以再返轉頭嘅選擇。

呢間餐廳之前已經食過一次，最近同朋友都想食泰國菜，第一時間諗起呢間野🙈我同朋友二人，叫既野食唔算多，但就超級滿足。我地叫左個南瓜焗咖哩海鮮，另叫左印度薄餅。呢個焗咖哩海鮮，份量好足夠，原個南瓜咁上，裏面有魚塊，魷魚，蝦同青口等海鮮，咖哩夠香濃惹味，有小小辣，南瓜肉都好容易整起黎食，再將印度薄餅沾上咖喱汁，令人忍唔住哇一聲，係超夾既組合，印度薄餅仲要新鮮熱辣，夠鬆脆！真係食完一片又一片至於小食方面，店員好貼心咁提我地，蒜蓉帶子要盡快食，因為有芝士係面，凍左就唔好食嫁啦！一上枱，就聞到好香嘅蒜蓉味，蒜蓉有少少脆口，同喺外面食嘅新鮮蒜蓉醬係唔同，呢個蒜蓉係比較有口感，帶子仲要係大大粒，成個比我地食得一乾二淨，實在太好味啦，一定要再encore另一樣小食都比到我地驚喜，就係燒鱔，好怕食到魚係有好大嘅腥味，但呢到就冇啦，仲要係厚身肥美同有油脂滲出來，燒得又唔乾身雖然食到好飽，但我地都堅持叫咗個芒果糯米飯做甜品，即叫即整，上枱嘅時候啲糯米飯仲出煙嫁糯米飯煙韌度啱啱好唔會太硬，仲有滿滿嘅椰汁，兩個人share就夠了每次食每次都有驚喜，我會再食過嫁

今日同朋友出到去尖沙咀食晚餐，知道尖咀有兩間新泰今次就去咗北京道嗰間。一入到去地方唔算大，燈光暗暗地，坐咗窗口位仲望到少少海景，都幾好feel。朋友食過尖咀嘅另一間分店，佢都話呢一間個環境比較好，可能係平日嘅夜晚所以人都唔算多。我同朋友兩個人就叫咗南瓜咖喱海鮮、印度薄餅、燒鱔、燒扇貝、兩個椰青、芒果糯米飯。我本身唔算超級鍾意食南瓜，但佢個咖喱配埋印度薄餅真係出色，非常香口濃郁嘅咖喱味由我口腔到爆發，認真唔錯。燒鱔、燒扇貝都好好食，除咗我本身鍾意食海鮮之外，佢嘅調味都幾出色，係非常適合重口味嘅人，正正迎合左我，兩樣海鮮我同朋友都讚不絕口。作為泰菜嘅愛好者，一直覺得食泰菜係一定要配椰青，佢哋先係best friend。椰青非常清甜，一飲落後就覺得好幸福。最後我已經飽到上心口，但朋友都覺得要嗌返個甜品先係完美嘅終結，於是我哋就叫咗芒果糯米飯。好彩好彩，即使好飽都頂硬上，個芒果糯米飯真係勁好味，熱辣辣嘅糯米飯仲冒緊煙，椰汁甜到適到好處，兩者配合得天衣無縫，芒果味唔算好甜但都唔錯，整體十分出色，簡直係為今日嘅晚餐畫上左個完美嘅句號。

呢個牌子嘅泰國菜我幫襯咗好多年由灣仔w square之前已經幫襯開嘢食不嬲都好有保證不過今次令人相當失望無論嘢食同服務都係穩陣嘢：柚子沙律椰青冬陰功湯開頭以為碼會用個椰殼裝住啲湯結果只係喺個湯加幾嚿椰肉雖然賣相無咩特別但確實多一份清甜海南雞係差啲肉質好粗糙未食過啲肉咁硬嘅雞另外個軟殼蟹都好麻麻粉漿超厚唔知食緊個粉定個蟹而且份量極少一人攞一嚿就無最多咪係啲乾蒜囉菠蘿炒飯又係失準食落整體唔錯有唔少菠蘿粒粒但都幾淡口原本好期待豬頸肉但又令人好失望啲肉一啲汁都無肉質好差豬腥味重點咗汁都補救唔返串燒要咗3雞3豬大大串，好多汁肉嫩但係肉個底味未點沙嗲醬已經好濃搞到好口渴我哋個串燒未嚟職員已經趕我哋交枱我都想交俾你但嘢未齊囉而且仲未夠鐘就狂催我地人都未走就開始清我地張枱之後請男職員幫我地加啲水明明個壺都無水叫佢斟滿啲，我地有講唔該有能本事斟到成枱濕曬都唔知係咪特登我未食完佢地就急急腳攞返我雪個蛋糕出嚟一嘢擺落濕曬嘅枱上面我個蛋糕盒自然濕曬仲整到我張櫈都濕曬趕返枱都唔洗咁我都有消費我都係客人嚟呢間分店真係永遠唔會再嚟

好耐無食過泰國菜啦！之前去過呢間既其他分店，感覺唔錯，所以呢次又約左朋友去北京道分店食飯。串燒（6串）有雞肉，牛肉，豬肉，都幾大串，個人認為雞肉最好食～熱食幾滑同香口。跟住就係牛肉啦～都頗有牛肉香味。加埋香濃既沙爹醬，好好食！酥炸香茅魚配青芒果沙律魚肉起哂出黎，切成一條條再拎去炸，入口香脆好味之餘，食得好方便，又唔會撩到魚肉散哂。青芒果沙律調味唔錯，夠味又唔會太辣。青咖哩羊架呢到既青咖哩混和左金不換葉係入面，成個醬都充滿左香味。羊架相對唔膻，相信大部份人都可以接受到個味。泰珍珠椰菜苗炒香菇誤會左佢係球型個種椰菜苗🙈不過呢隻都幾好食，幾爽口。調味相對清淡d，可以清一清味蕾。椰青沙冰原個椰青上！！視覺上好唔錯，朋友亦話好好飲。青檸梳打最簡單既野就係最好飲～味道清清地，加梳打水既氣泡，飲落好清新舒服👍

叮叮叮 今日去左尖沙咀唱k夜晚同表妹約左係新泰食晚餐同朋友唱到差唔多七點幾先去搵佢新泰係尖沙咀有兩間分店佢揀左係北京道個間係太子集團中心8樓上次同朋友食過對呢間味道印象好好我覺得係我食過既泰國餐廳排名都幾高位置👍🏻今日平日加上八點呢啲時間終於可以唔使排好耐隊😬上次食完令我一直記住既酥炸香茅魚配青芒果沙律$(168)👍🏻👍🏻魚肉已經炸好一塊塊 勁方便可以配佢酸酸甜甜嘅醬食青芒果沙律材料大概有(青芒果洋蔥，蒜蓉，辣椒，腰果，魚露等）呢個沙律係非常之開胃😬我自己好鍾意食😋串燒 ($88)有 (雞 牛 豬)各兩串整體既肉都唔會韌個人推介雞肉~一入口好滑😋椰青沙冰（$58）勁大個椰青裝住沙冰🤤我上次飲過好好飲(必點！)青檸梳打（$38）泰珍珠椰菜苗炒香菇（$85）新鮮又美味健康既感覺炒得一啲都唔油但足夠味道青咖喱羊架 ($108)因為我本身真係唔食羊不過我都切左少少食肉質係嫩滑 而且青咖喱個汁正👍🏻幾香羊肉味 但唔會太過騷啱晒鐘意食羊肉既人😏

兩個人星期五無得訂位就早少少上黎WALK IN呀七點前黎到限時90分鍾呀點左~生蝦刺身呢個好似0係呢度第一次食都幾新鮮呀個汁係靈魂辣得黎又開胃呀~青咖哩豬肉朋友點既貪佢青咖喱唔辣豬肉唔會好鞋比預計好WOR咖喱汁味道唔錯典型青咖哩個味~油鬆餅呢個好鬆化呀黎到暖笠笠既佢分開六件SIZE幾好容易D HANDLE呀下次又可以繼續ENCORE呀