鮨一心 (Closed)

平時都很常食日本野，今日就同朋友試佐間唔到你話事既日本餐！間餐廳位於元朗鬧市之中，旺中帶靜。門面装修以黑色為主。入到餐廳內，地板和枱，座椅都系黑色嘅，好有神秘氣氛。吧枱位，就有位日本師傳就自主理食物。好快就選佐個10貫壽司師傅發辦。店員都好細心問你有無對食物敏感。糖心蛋啫喱大熱天時，食個凍凍地既糖心蛋。好味金目錭和瀨尿蝦，呢两樣平時比較少食，但口感同味很好，好爽！海膽， 啲海膽够鮮，份量十足！三文魚子，級數同味道好似系日本食既一樣。吞拿魚, 呑拿魚邊應該煮過少少。不錯！吞拿魚腩，咬落即溶加埋個靚湯同甜品雪糕，已經好飽了

廚師發辦的壽司長向來各有風格，這就正是作為客人的有趣之處，我欣賞這種神秘感，盡情享受過程，一向不加意見，今日千里而來，為了一嚐元朗鮨一心的十貫壽司午餐。 只知道是日本人老闆，香港人主理，日籍壽司長出品，抱着一般吃廚師發辦的心態到來，打算慢吃兩個鐘，原來各有各法，不到半小時，十貫壽司已經逐一而上，不過唔等於食完會有人趕你走，之後我仲坐多大半句鐘，慢慢飲湯喝茶，跟年青主理人傾計。 原來對日本人來說，吃壽司是速食，亦不會慢慢影相，因此上菜速度就是接着來，無需等客人吃完才上另一件，鮨一心刻意按照日本做法，因為據說主力招呼的是日籍客人。 確實不太習慣有點快，令我忙得有點不亦樂乎，既來之則安之，吃什麼魚都無所謂，最重要是美味。 年長的壽司長一直忙碌工作，送上壽司時都會告知魚名，及提及有一兩件無需蘸豉油，但廣東話不正，真要靜心才聽得懂。 兩款小食，蘿蔔絲豬肉，味道豐富爽口，我其實喜歡這樣的前菜，多於酸酸的。 另一款是溫泉蛋配溫泉蛋做的啫喱，半湯半吃，香郁中有丁點兒鹹，感覺良好。 壽司碟上有青瓜鹹豆，初時擔心會否是納豆，但並非極之黏稠糜爛，口感實在有點鹹味，應該不是，亮點在青瓜，非常爽口。

今天相約茶友來品嚐omakase。坐下先喝口熱茶，是綠茶，茶味濃，水夠熱，合格。筷子上手手感非常好。前菜是溏心蛋，平時的味醂被製成啫喱狀，特別而好味。酸薑，我的最愛，美味又消滯。青瓜十分新鮮，配麵豉醬也不錯！每款壽司都吃得出材料很新鮮，最喜歡吃石斑，口感嫩滑夠鮮味。而甜蝦是出乎預料的爽脆，讚！帶子肥美，口感豐腴。其他刺身壽司也很不錯。海膽份量超多，鮮甜味十足！吃過師傅用心製作的壽司後，喝碗熱騰騰的麵豉湯便剛好。甜點以黑芝麻雪糕作結，質地幼滑，味道相當好！

日本料理食得多，今次同友人試下比較少食嘅omakase。店舖門面好低調，入到去更加低調，燈光雖暗，但又坐得幾舒服。坐低後有熱茶，前菜係溫泉蛋。個蛋係凍食嘅，入面嘅蛋白同蛋黃仍處於流心狀態，有水準！另外仲有玉子，甜度剛好，旁邊有酸薑，醃得非常好味！千切大根，係醃過嘅蘿蔔絲，帶甜辣，都幾惹味。麵豉醬青瓜，濃味嘅麵豉配埋清爽嘅青瓜一齊食，味道好夾。然後就開始上10種廚師發辦嘅壽司，我地一路食，師傅就一路整，見佢有好多秘製野放落一個個盒仔度，每款食材佢都好用心揀自製嘅配料，例如梳魚上就配薑絲，帶子就配柚子皮，鯖魚配一塊甜嘅片片等，非常特別有心思。每上一舊壽司，師傅都會用唔純正嘅廣東話講一講個名，好多魚嘅名都無刻意記低，淨係記住食入口嗰種鮮味已經夠了。食完壽司之後會有麵豉湯，味道對我黎講係特濃，好足料！最後嘅甜品竟然有我最愛嘅黑芝麻雪糕，好滿足！

元朗omakase，小妹只試過壽司之神、壽司源，前者印象麻麻，後者喜出望外。再訪元朗食omakase ，想試試新店，於openrice 找到零負評新店「鮨一心」，決定訂位一試。小店好找，是夜訂了7點，入內只見壽司枱放了兩位用餐的擺設，店內只有日籍壽司師傅及一後生仔侍應。安坐後，端上熱茶及餐牌，我們二人選了$1500的omakase。不一會前菜開始送上，我心有點奇怪，不明白此店為什麼沒有問客人有沒有特別喜好或討厭的食物。前菜-啫喱温泉蛋，配搭頗特色，口感味道亦不錯刺身5款-生蠔、𩶘魚、北寄貝、吞拿魚、白身魚，生蠔爽口富海水味，蠔味亦佳，可能我個人不欣賞𩶘魚，是道刺身我不欣賞，另外3款刺身，我最愛北寄貝，味鮮爽口，吞拿魚屬腩位，雖不可以說十分肥美，亦富油香。刺身後到燒物，燒鱸魚魚鮫，鱸魚魚肉太硬，魚皮燒後亦太韌，我對此物不敢恭維。之後兩款煮物，更另我卻步，其中「汁煮吞拿魚」實在太腥，我要請同伴幫我將之完成。另外，「煮蟹肉炸芋球」味道單一，蟹肉味欠奉，調味也太重手，太咸。經過燒物及煮物的失望，我對8款壽司寄望極高，日籍師傅經驗老到，希望不會令我失望。可惜.....𩶘魚壽司首先登場，魚味淡，但

其他元朗出名的Omakase都食過數次，我去過「鮨一心」兩次，一次午市一次晚市，都係日本師傅都主理。先不談食物的質素，環境方面，「鮨一心」比較其他兩間缺乏照明，壽司bar枱及其他枱都以黑灰為主。亦因爲這樣的燈光問題，發生一件令人毛骨悚然的事，當晚跟女友人食生日飯，餐廳只有兩枱客，另一枱客也是兩名女性。點了兩個$1300餐及一支清酒$320，食到第5道菜的時候，手踭感覺到有嘢撩下撩下，我即時向下望，漆黑一片，心諗唔會係個樣野呀，我拎個手機出黎照下bar枱底，OMG 有一隻手指甘長嘅蟑螂隻野仲會飛，我同朋友即時彈起，兩名男職員聽到我地叫聲之後出黎，當時隻蟑螂已經由枱底飛左去我同朋友既手袋上面爬黎爬去......之後職員掃左隻落地再踩死左....之後職員淨係問我地要唔要換枱，響我要求之下，畀左毛巾我擦手踭，職員噴消毒藥水再用毛巾擦下張椅子兩下就走左。坦白講如果唔係因爲朋友生日飯，我想即刻走，個陣只有蟑螂爬過既噁心觸感，完全無心再食。最後無換位，職員亦無表示歉意，只係話「呢度係元朗，無辦法啦，我地已經日日清潔」.......而師傅由頭到尾都無出過聲......職員當成件沒有事發生，直到付款個陣

早前看見雜誌介紹這間位於元朗一個小角落的日式小店的師傅做菜十分用心，於是便訂了位，希望試一試這裡的食物。說實在的，這店的位置離西鐵站有一點遠，不熟識元朗的朋友也許需要預留多點時間；如果可以的話建議大家駕車，因為餐廳門外是停車場，會比較方便！餐廳面積雖然不算大，但坐着坐着還是挺舒服的師傅全晚也在忙忙碌碌的為我地幾位客人準備食物，我們點了兩份omakase晚餐，有刺身、鯖魚壽司、另外有其他熱食，最後還有鮮魚湯和豆腐雪糕我們還試了這支由師傅介紹的燒酒和他們的自家製梅酒，味道不錯啊！

又係老饗我出動嘅時候，今次去食豪dd，嘆翻個餓媽卡些omakase，即係廚師發板。元朗有好多好食店，而今次呢間可謂不同凡響，淨係個前菜已經盡顯廚師嘅心機。有鮟鱇魚肝，千切大根同醬油漬八爪魚大根乾係先曬乾，口感與別不同呢個刺身併盤一級棒，特別一提嘅係個天使海老，呢個蝦鮮味過牡丹蝦好多，但香港人好多都覺得牡丹蝦先係皇道，真係有眼不識蝦。牛油白子超juicy ，由牛油提出鮮味，表面焦黄，完全無火槍味，入口即融。蠶豆海膽天婦羅，軟軟地韌韌地，口感獨特。唔少得嘅係壽司，足8件，店家話唔夠仲可以加！我最喜歡就係三文魚子加海膽，貪心嘅我完全被滿足！最後上一個南瓜凍湯，比普通熱蜆肉麵豉湯有heart得多。食得廚師發版其實係食廚師嘅用心創作，由食物以至於用具都十分講究，係一個食嘅盛宴，加上遇到用心嘅店家，唔試對唔住自己。

本身想去元朗吃鮨文，可惜原來walk in 去係不可能的事。十分好奇為什麼元朗人咁喜歡食壽司。於是立刻找代替品，新開的鮨一心竟然有位。最驚喜的是，餐廳是由日本師傅主理，我頓時有如中六合彩般高興。前菜和玉子都非常精美，充滿日式風格的作品。今次的壽司omakase大概十件左右，大部分都有驚喜，深海池魚和池魚都有食，兩件都厚度適合魚味又濃。甜蝦蟹羔令我想起千両，不過這個驚喜多很多。三文魚籽，每粒都吃下去實實在在的濃烈口感，可以的話請給我一杯三文魚籽杯。帶子加上綠茶鹽，好新鮮好特別！呑拿魚普通得來又不錯，部位雖然不是什麼拖羅，但還是喜歡的。最後的海膽和拖羅都是質素高，沒有什麼處理手法都吃得愉快。幾百元的午餐還有甜品和湯，驚喜度比尖沙咀吃過的那幾間更好，絕對推薦。

2014年首家在元朗供應Omakase 的料理店開業，由於師傅班底來自尖沙咀壽司名店見城，不少食客皆慕名而致，在元朗迅速竄紅，這店名叫壽司之神。2015年元朗又有大事發生，一家超人氣鮨店在元朗橫空問世 ，位於一條偏僻小徑 - 仁樂坊，這家座位不到20的小店，竟在Facebook、INSTAGRAM ，以至Openrice 這飲食平台，都有極大回響，它便是由梁文道師傅主理的鮨文。鮨文榮膺Openrice 2017年最受歡迎日式食肆，如果你在Openrice 的食肆搜尋器中搜尋日本菜，它永遠是新界區的榜首，而在全香港日本菜館的排位，永遠在頭幾名，需知道Openrice 搜尋器中的排名越高，代表食客留下正評笑臉越多，絶對得來不易！梁師傅正正亦曾在名店見城工作。2016年兩位原在壽司之神上班的師傅，離開該店，跟元朗老店永年士多的老闆合作，開了壽司源，這是唯一一家筆者未有光顧的元朗Omakase 鮨店，不是沒有興趣光顧，而是兩次嚐試訂座，皆未能成功，可見該店生意亦甚火紅，該兩位曾在壽司之神效力的司傅，據悉亦師承見城。2017年尾，又一家鮨店進註元朗，它便是筆者這篇食評的主角 - 鮨一心，跟上面幾

元朗的壽司風暴，靜了一排，這幾個月又再出現了小風波，三強鼎立的形勢已久，幾個月前殺出了一個程咬金。 鮨一心，就是指那三大名店後，一再令一眾愛壽司之人趨之若鶩走入元朗朝聖的一間壽司店。 聽過好幾個月，終於有機會來到吃，可惜時間關係，不能夠欣賞這裏的晚餐，只能吃個午餐來感受一下其質素。 傳聞這裏出名的原因是這裡有正宗的日本師傅，幸好這個下午我遇上了。 十二點開門便來到，因一點要撲去尖沙咀文化中心看電影節，就來個快捷方便的早餐，假期瞓醒就食壽司，這個應該是旅行才做的事，原來感覺很幸福。 先來個前菜，蓮藕給你是盛夏的感覺，清涼又愉快。 師傅在壽司碟上放了件甜蛋，那甜蜜感覺不錯，只不過，可能有點冷，如果近室溫味覺會好一點。 然後食海鮮蒸蛋，這個次序，日本式來說正常到不行，滑滑的蒸蛋加上為數不少的海鮮令人對這個廚師發辦更有期望。 第一個深海池魚作見面禮，無論溫度品質味覺，所有的東西都是剛剛好，很喜歡池魚的厚度，吃完一件已經對這裏的師傅手工有非常高的好感。 䲞魚味道濃一點，手勢也重一點，喜歡與否見仁見智，我最喜歡深海池魚多一點。 翻轉頭再吃池魚，在上層加了蔥和芝蔴，薑絲，池魚自然完