鮨蕾 (Closed)

銅鑼灣一向都出名多高質餐廳，特別 V-Point好多知名食府都進駐呢個地方。今次就同同事特登去入面 高級日本料理食Lunch。鮨蕾 Sushi Tsubomi可以飽覽維港海景，再配合室內裝潢感覺相當舒適時尚，而Lunch餐牌亦有多款選擇，當中包括有Omakase或其他日式料理。兩個set都係有更前菜、麵豉湯、雪糕、飲品。同埋而家如果download返佢個Apps就有95折優惠薰‧刺身壽司定食賣相相當吸引，當中有2款刺身、3款壽司以及A4和牛烏冬。整體刺身相當新鮮，而且佢嘅拖羅都好有驚喜，肥美之餘唔會有根。熟成拖羅壽司個人就非常欣賞，因為呢個係師傅 招牌菜，用咗10日去自家腌製拖羅，令到味道更濃郁，而且已經把筋溶化，出色。玉子外貌相當似海綿蛋糕，但係無用麵粉整的。質感食落去相當綿密軟熟，且帶點咸香味。和牛烏冬更是今日的推介，和牛甘白軟綿，入口即溶，配上滑溜嘅烏冬真是一食難忘。滑強豬扒丼吉列豬扒份量都幾多，豬扒亦唔會好厚粉，又唔會好多肥膏，而珍珠米吸晒啲滑蛋汁，成個飯都好好食，最重要滑蛋真係好滑。

今日去咗邊度食lunch佢呢度嘅lunch set都有omakase所以我哋就叫左一個share另一個就帶咗個普通set lunch其實佢每樣野都好高質 我哋兩個set lunch裏面都有拖攞 包括拖羅嘅壽司同埋魚生 都有非常之肥美同埋新鮮omakase佢啦刺身非常之特別 上面有一個好大嘅牡丹蝦同埋啲魚生下便一層就用咗蘋果目木嘅氣加埋柚子汁同埋法國嘅魚子醬配搭你都識佢一拖落呢一個真係非常之特別 同埋佢最尾嘅A4和牛熟悉都非常之好味 係入口即溶嘅感覺 仲有個海膽手卷上邊係一層好厚嘅海膽下面係吞拿魚加埋紫菜非常之好食又新鮮而另一個set lunch佢都係有刺身 刺身都有兩舊拖羅加咗海膽同埋北海道帶子 都係貴價嘅食材 最尾佢哋仲有一碗和牛嘅烏冬 呢一個相爛咗就覺得非常之抵啦只係$480兩個set都係有更前菜麵豉湯同埋雪糕仲有杯嘢飲添同埋而家如果download返佢個Apps就有九五折 咁嘅質素$780嘅omakasa我覺得都係值得嘅

這是我在openrice第一個食評，同時亦是一個負評。原本慶祝生日，來這裡吃廚師發板。但是鄰台食客可能是某員工的朋友，他們一起喝酒發出聲浪令我以為到了吉野家。但問題不是聲浪，而是某員工帶她的朋友外出太平門吸煙，他們回來時的煙味令人作嘔。說回食物，因聲浪加煙味已令我吃不出開頭數樣的味道。最後我們放棄有夜景的台，避開某員工和她的食客朋友到了一個bar台。大廚用心制作壽司令我很感動，亦吃到食物的美味。若果你鍾意潛在吉野家加煙味廚師發板。這裡便是了。4星是給大廚精心制作的壽司。其餘1星主要是給某員工。

同女朋友的周年紀念日原本Book咗同一座頂樓的西餐廳諗住食個靚景不過因為天氣太差所以轉嚟呢度食Omakase兩個人一共叫咗一個大Set, 一個中Set, 一支300ml清酒由晚上8:00食到10:30我好欣賞全個Set的鋪排由淡味清爽開始慢慢步向較濃郁及油香全程同師傅互動交流聽住師傅對每一道菜的細心講解食落去真係另有一番體會只係覺得現場燈光太強可以調整得柔和一些整體都係好滿意嘅一餐(即刻裝App會另有折扣)

昨晚去了慶祝吃了餐omakase，雖然不是我付錢仍然要替老公銀包心痛。不過，由環境、服務、到食物都實在令人滿意，偶爾花費一下也是一種享受。這𥚃除了有一個漂亮的夜景，裝飾走的不是傳統日式，而很型格、現代路線。兩個人，想試多點所以選了一個楓一個堇餐，店員又會問需不需要替我們切開生蠔，準備好所以餐具讓我們share，超級細心。首先上了小食是自家制的炸蕃薯片，很薄很脆，而且一點也不油，一下子我們便吃清光了。前菜分別有醬汁枝豆、水菜腐皮、冬菇配魔芋、山芋。刺身款式兩個餐有點不同，堇餐有五樣但楓餐只有兩款。所以我們吃了很多不同種類的刺身：有池魚、拖羅、蝦、帶子等等。最震撼當然是拖羅配海膽，入口即溶，先是嚐到海膽的甜，隨之而來滿口都是拖羅那種油香。生蠔也令人興奮，超大的一隻，不算是很creamy那種，反而很有咬口，很易入口。其他全部都有很高水準，每一樣都讓人有驚喜。兩個餐的熱食有點不同，吃了個日本冬瓜煮茄子配蟹肉湯汁、用上特調醬汁的燒銀鱈魚、炸物天婦羅。兩個人share最好，又可試多點款式。而且其實堇餐十分抵吃，多二三百元但份量多很多，我一個人吃應該會過飽。壽司（堇餐會多一件）令我最印象深刻的是瀨尿

今晚同女朋友食餐好既，揀左喺銅鑼灣食，方便我地收工過去。餐廳環境型格亦好高尚，大圓形雲石臺，氣派十足。我地叫左一個堇($1,150)同一個楓($850)。先食𩶘魚，然後岩蠔，好大好肥美，海水味濃。再食鱸魚。再之後嘅係3點刺身，鮮帶子、牧丹蝦同大拖羅，師傅好細心咁介紹每款菜式，講解你聽你應該會食到咩嘢嘅味道。鮮帶子口感比較特出，平時食嘅帶子會係淋啲爽啲，但呢度嘅帶子係彈牙。接下黎嘅壽司分別係深海池魚、赤貝、小鱲、鯖魚、鰈魚、伊左目，師傅會先講清楚，邊款魚生較濃味，邊款較淡，可以等我同女友去選擇💕全日嘅主角，一定係6日熟成中拖羅。熟成牛就成日聽過，拖羅都用熟成都係第一次聽。入口即溶，油脂係非常豐富，食完之後會有幾分鐘講唔到野，因為你唔識點去形容，油脂嘅香味喺口腔盤旋。壽司以海膽壽司作結束。成晚食左2個幾鐘，可以喺一個好放鬆嘅環境下享受一餐晚餐！

最鍾意食廚師發板😍香港越開越多，不過質素參差。呢間真係值得推薦👍🏻不論食物質素、環境、服務都一流！今日叫咗兩個餐：一個楓（$850）有前菜、刺身兩點、燒物、壽司六件、味噌湯及甜品。一個堇（$1150）前菜、創作刺身5點、煮物、炸物、壽司五件湯及甜品。首先有前菜，係炸番薯片，係餐廳自己新鮮炸，味道鹹鹹地，而且相當薄脆。楓前菜有毛豆、菇下面有蒟蒻條，幾好食。仲有水菜配腐皮，水菜食落幾爽口，夾埋腐皮甜甜地。章紅魚刺身配海膽拖羅，整得非常吸睛👀賣相好靚🥰章紅魚咬落去好爽口，我幾鍾意呢隻魚，帶點小小嘅甜味❤️拖羅咬落去好肥美，主角呀！感覺非常之有口感，海膽相對地就變咗配角，但係都好鮮甜😋燒物有燒銀鱈魚，銀鱈魚一般都非常好食，呢個食落去唔會好油，而且有魚嘅肥美，味道夠林夠香，個皮又燒得香脆，醬汁惹味😚中場有個小食係核桃小女子，我本人幾鍾意食小女子，甜甜地🙂堇前菜同楓封餐一樣，再多一個麻醬山藥，食落去好爽口，不過帶點苦苦澀味，幾特別。𩶘魚刺身淋淋地帶有鮮味！生蠔非常之大隻，好creamy厚肉，非常之新鮮，呢個真係好食🤩刺身有吞拿魚、北海道帶子及牡丹蝦，吞拿魚呢個部位肉質淋淋地，充滿吞拿魚味。帶子大粒爽

這店的omakase set分為四種：楓momiji，堇sumire ，蕾 tsubomi，松matsu經店員介紹一輪，決定叫了最基本的楓楓momiji：前菜，旬之刺身2點，燒物，壽司6貫上菜前先奉上小食-炸新鮮薯片前菜：有3點，子持昆布，炸蘆筍，魷魚，竹筍，木之芽，有昆布放底，木之芽為辛香食材的一種，是山椒的嫩葉，香氣極盛，生吃其味略苦，但卻能讓舌頭和胃全都醒起來，是開胃健胃的傳統食材，堪稱春天的調味草葉。木之芽不但是裝飾用香葉，食用前放手心輕拍，便能散發香氣旬之刺身2點：海膽拖羅和𩶘魚角切海膽拖羅-拖羅厚切，四四方方好有口感，而且非常肥美，配合馬糞海膽一齊食，鮮味又有多重口感𩶘魚角切-肉質鮮嫩，而且擺盤精緻，𩶘魚與花瓣放在一起，仿佛一朵栩栩如生的花燒物：柚庵燒油甘魚魚鮫-能完全僻去魚腥味，魚肉完完全全吸收到柚子醬汁醃過夜，油甘魚香甜微酸而帶鹹香的，就咁食已經好夠味，亦可用青檸提鮮，配嘅醬汁亦有青檸味。醃過的油甘魚味道很像吃一夜乾那種淡淡、甜甜，有一點點蒲燒甜醬汁，是很清爽的味道。魚味香濃、質感柔軟，能帶出魚肉的鮮美壽司6貫：深海池魚- 魚肉雪白而鮮美，整片魚肉包裹著壽司飯，刺身與飯

這店的omakase set分為四種：楓momiji，堇sumire ，蕾 tsubomi，松matsu經店員介紹一輪，我定決叫了最豐富的蕾上菜前先奉上小食-炸新鮮薯片蕾 tsubomi :前菜，創作刺身，旬之刺身，強肴，燒物，壽司，甜品前菜：深海池魚-師父將刺身薄切至2 - 3mm，外表微微泛紅，魚肉雪白剔透，肉質爽口、鮮美而有韌性，散發出淡淡甘甜，配上特製柚子酸汁將鯛魚鮮味提升至另一個層次創作刺身：上層是牡丹蝦和帆立貝，非常新鮮味美；下層是煙薰中拖羅，一打開先聞到濃濃的煙薰香味，而中拖羅亦煙薰的香味，配以師父特別調配的醬汁加上法國魚子醬同金箔，好高級的享受旬之刺身：刺身‘仙凤趾(semposhi)生蠔’-爽口，重蠔味，蠔味濃郁之外，肉質結實飽滿，肥美，鮮甜，爽口，再配上海膽，三文魚子和酸汁提鮮，層次更多，口甘更持久強肴：魚肉豆腐- 魚肉加豆腐攪均加漬櫻花葉以高湯，甘筍，芋頭，慈菇，秋葵一起燘煮，吸入菜與湯的甜味鮑魚松露飯-澳洲鮑魚味道濃厚、爽滑口感，配以黑松露，擁有獨特的芳香！每一粒米飯都吸收了濃郁的鮑魚味，餘韻在口腔中縈繞不散燒物：燒鹿兒島A4和牛配蘋果汁，A4和牛本身係高級食材

第一次食omakase, 原來同一般食日本菜感覺好唔同！食omakase 既感覺就好似每道菜都係一個驚喜。餐廳提供左幾個套餐，我地第一次黎食，就試左個入門既套餐先，每位$650 既楓Momiji , 套餐包左前菜、2點刺身、燒物、6件壽司、味噌湯同甜品。前菜先上係一個擺得好精緻既醃魚，仲有一個好似啫喱咁既菜，另外仲有一片小黃瓜 同一件生既粟米。其實店員有每道菜講解，不過美食當前，我當然已經忘記哂啦🤪刺身，海膽加拖羅超正😍海膽清甜唔腥，拖羅夠肥美鮮魚。店員話碟上既花都食得架！！全部都係食用花黎。燒三文魚鮫，醃料味道得宜，燒得夠香壽司，六件分左兩碟上，店員都有教我地進食既次序。每件壽司都好精緻，而且用料新鮮，係坊間難求既質素。最後上埋麵豉湯仲有呢個日本蜜瓜，超甜！👍🏻坦白講，價錢一啲都唔算平，不過你計返食物嘅用料、餐廳嘅環境同埋服務員嘅服務，我就覺得都算係十分之合理，呢度每一道菜店員都會細心講解，而且師傅也會跟着你食嘢既進度，慢慢上菜，絕對唔使趕住食，係一餐好有質素嘅日本菜。

同好朋友食飯當然要去食好西喇，上個月去完日本試Omakase，返到香港依然意猶未盡，於是就揀左鮨蕾。食Omakase好處就係每一碟都係廚師精心揀選既食材同做法，每一次上菜都係驚喜。一入到去見餐廳就見到個落地大玻璃對海既景，體心既侍應仲安排我地望海既位坐。除此之外，你都可以揀坐BAR枱，可以同廚師交流下。我地叫左個楓同堇餐，個名好有詩意，令人好期待。前菜一上，我地已經係心入面嘩嘩聲，真係好似一碟藝術品咁，食材非常新鮮，全部唔係黎自日本就北歐。最欣賞係個紫菜包住白面豉醬，豆香同咸香好帶出其他食材既鮮味。仲有隻蟹仔係食得既，感覺好得意好脆口。再上就係有幾款唔同既刺身，拖羅加海膽簡直係人間最好既享受，入口即融，海膽既鮮味同拖羅既甜味互相輝映。另外伴碟既花係食得既，感覺同味道都好特別，值得試下。哩個生蠔又冇得頂，同朋友SHARE一半都能夠感受到佢既新鮮同甜味，真係好想叫多半打比自己食！之後就到煮物，當造新鮮魚肉捲住BB露筍，仲有一隻來自日本北海道既BB茄子。魚肉既鮮同滑配襯露筍既爽同甘甜，食落好有口感同層次。哩兩碟油甘魚燒物真係不得了，唔但之燒到好香脆，魚既油份走晒出黎，又滑又甜，一D都唔腥。炸

呢排天氣悶熱，冇咩胃口，最啱食日本嘢🥰男朋友最近升咗職，話要請我去銅鑼灣嘅V Point 22/F一嚐特色廚師發辦💓餐廳裝修簡潔俐落，落地玻璃飽覽無敵海景，一大張圓形吧檯放置喺餐廳正中央，可以近距離欣賞師傅手藝，邊享受精緻嘅Omakase。我地揀左選左楓Momiji($850) & 堇Sumire($1150)，兩個set share食。先嚟自家制炸薯片，薄薄一片，非常香脆。楓同堇都有既。楓(Momiji)個set裏面會有前菜、刺身2點、燒物、壽司六貫、湯和甜品。前菜有生粟米，沙錐魚，旬菜。生粟米出乎意料嘅鮮甜，爽甜冇渣。而沙錐魚嘅魚味獨特，而且比較濃郁，肉質結實。旬菜滑溜，配汁酸甜清新，好開胃。-𩶘魚刺身就肉質爽口，食落煙韌有咬口，味道帶有淡淡嘅甘甜。至於個海膽拖羅認真美味😋海膽嫩滑，冇任何苦澀或腥味，極之甘甜 ; 拖羅顏色呈現淡粉紅，色澤亮麗，厚切方形嘅刺身，佈滿油脂入口即溶 ; 兩種鮮品同時入口，確實齒頰留香，係一大享受。佢有個自家製既酸梅醬，酸酸甜甜咁，非常開胃👍🏻幽庵燒油甘魚鮫外表非常香脆，但內裡肉質仍然保持幼嫩。醬汁用上清新嘅柚子汁，大大中和呢度菜嘅油膩感！堇Sumire個

香港好多omakasa都係得個名，今次朋友介紹，就黎試下銅鑼灣呢間日本餐廳啦！我地叫左「楓」同「堇」兩個套餐，分別係$850同$1150！小食同前菜都無咩特別🤭 我地仲擔心係咪中伏但係刺身一上，我地就知無黎錯喇～唔單止擺盤好靚，而且材料好新鮮，特別係拖羅同海膽，鮮味係口腔爆發，回味無窮👍🏻熟食既表現都好出色，特別推介油甘魚，魚油超豐富，而且好香口惹味！到全晚我最鍾意既壽司，其實壽司飯要整得好，真係好考廚師功力，呢到既壽司飯岩岩好，配上鮮味魚生，真係好好味啊🤭🤭最後用超甜超多汁既蜜瓜作結！水準真係拍得住日本，唔使特登飛去日本都食到高質omakasa👍🏻

最近日本野真係令人人心惶惶，因為好怕刺身有蟲。但對於女人來講，日本野又不可不食，哈哈。所以我同朋友今晚就選擇左一間高質啲嘅餐廳，希望質素會有啲保證。一入到黎已經好surprised，環境好奢華，感覺自己變了闊太。佢嘅前菜，係真正嘅炸薯片，好重薯仔味，好香。由於當晚朋友帶咗佢嘅小朋友，所以叫咗個滑蛋吉列豬扒飯俾佢，豬扒大件，唔會好厚粉，又唔會好多肥膏，珍珠米吸晒啲汁，成個飯都好好食。刺身，我哋當晚主要叫咗𩶘魚同拖羅，好香魚油味，但又唔會感覺肥膩，質感好新鮮。呢一個炸魚，皮炸得香脆，但魚肉依然又甜又juicy。最後一定要講一講佢嘅天婦羅，喺香港從來都未食過咁新鮮咁彈牙嘅蝦天婦羅，必食。

與朋友共三人訂了七點半枱,不過因為一點事遲了20分鐘(我是有致電餐廳講聲)到了餐廳職員都保持笑容沒有不滿意的態對我們,我們點了支大吟釀因沒有貨,職員便介紹了另一支🥃也不錯。職員亦為我們推介點了魚生剌身, 燒和牛, 海膽, 燒魚🐟同鰻魚炒飯,整體食物都新鮮美味特別是海膽,服務態度亦一流