Video
Read full review
2019-09-11
190 views
9月係我同男朋友既生日月。好耐之前我地就決定今次生日要食omakase。鮨蕾係我地做完research之後決定既，因為佢算係一開比較新派既omakase，會將每一個course都present得好靚。book左5號既7點鐘bar枱位置，可以望住廚師準備每一道菜。餐牌上有4個course揀，我地兩個揀左最平既《楓》，想先試下佢質素有幾高。首先送上左一份小食，係炸新鮮竽頭片。我地就慢慢傾下計，睇住廚師準備我地既晚餐。前菜：角螺刺身配海草，食用花前菜已經好驚喜，基本上係一個藝術品。角螺刺身十分鮮甜，口感爽脆但唔難咬。加上少少酸汁同海草一齊食，好fresh好開胃。一開始我哋對食用花都有啲抗拒，但後來發現原來味道唔難接受，仲真係好清香。刺身二味：拖羅配北海道海膽，真鯛呢件拖羅配北海道海膽非常非常好味！海膽極甜，望住廚師拎出黎全板顏色都好靚。拖羅至少有中拖羅level，同海膽味道極夾，一口size食落口口感好豐富。真鯛係平時比較少食既魚，今次呢個廚師配左一個有辣羅白蓉既酸汁，我鐘意將食用花包係入面，再點汁，好清新，同拖羅係一個好好既balance。廚師仲特別介紹左佢地既食用花全部都係芬蘭空運到港。
book左5號既7點鐘bar枱位置，可以望住廚師準備每一道菜。餐牌上有4個course揀，我地兩個揀左最平既《楓》，想先試下佢質素有幾高。
首先送上左一份小食，係炸新鮮竽頭片。我地就慢慢傾下計，睇住廚師準備我地既晚餐。
前菜：角螺刺身配海草，食用花
前菜已經好驚喜，基本上係一個藝術品。角螺刺身十分鮮甜，口感爽脆但唔難咬。加上少少酸汁同海草一齊食，好fresh好開胃。一開始我哋對食用花都有啲抗拒，但後來發現原來味道唔難接受，仲真係好清香。
刺身二味：拖羅配北海道海膽，真鯛
呢件拖羅配北海道海膽非常非常好味！海膽極甜，望住廚師拎出黎全板顏色都好靚。拖羅至少有中拖羅level，同海膽味道極夾，一口size食落口口感好豐富。
真鯛係平時比較少食既魚，今次呢個廚師配左一個有辣羅白蓉既酸汁，我鐘意將食用花包係入面，再點汁，好清新，同拖羅係一個好好既balance。廚師仲特別介紹左佢地既食用花全部都係芬蘭空運到港。
之後就到燒物啦。今晚既驚喜竟然係鰻魚！一般香港人對鰻魚一d都唔陌生，但鰻魚要好食除左取決食材既新鮮度，更加需要既就係師傅燒既控制。呢方面師傅控制得好好，表皮香脆，加上肉質有彈性，而且係好厚肉，配上唔會過份濃既鰻魚汁。所以當晚呢一個燒鰻魚絕對係一個驚喜，香港食過既入面算係最好味既一個。
同師傅閒話家常幾句，之後就到壽司既部分。一共有六款，頭五款分別係石門貝(右上)，左口魚邊炙燒 （左下），秋刀魚 （左上），鰽魚配紫蘇葉加梅醬，熟成toro配新鮮紫蘇花（右下）。全部都好新鮮，同埋好佩服師傅安排左個次序同埋節奏，令到我哋食每一件壽司都有唔同嘅衝擊。濃淡，口感，油脂含量，每一樣都係完美既balance。
至於第六件壽司，師傅就安排左啱啱食過好好味嘅北海道海膽俾我地。我認為佢係好細心咁留意到我地特別鍾意呢個海膽，所以比我地encore。個種滿足感真係有係北海道食即開海膽既感覺！
吃過壽司，送上一份濃濃的蜆肉味噌湯，食番小小熱野，感覺即刻飽肚左，而且個湯似係煲既而唔係平時個d沖出黎既味噌湯。
呢一件海線蛋係廚師特別推介比我地既，仲叫我地估下係點整出黎。一咬落去就帶着淡淡嘅海鮮香味，原來佢係一個加左海鮮高湯嘅蒸蛋糕。係一種好新鮮嘅口感同味道，估唔到海鮮同埋蛋係可以配合得咁好。
食完一餐咁豐富既廚師發板，當然有甜品啦。係時令水果。甜而不膩既蜜瓜，加上清甜既晴王提子，為今晚畫上一句完美既句號。
食完之後特別想讚今晚serve我哋嘅廚師，佢唔會太多嘢講，係適當嘅時候同我地有交流去介紹食材，令到我哋食得好舒服。呢一間絕對會有下一次，可以帶屋企人嚟食再高一級既餐。Download左佢地個app，埋單有95折，平左差不多成100蚊！而家已經好想再去食
Post
