甜牙牙 (Closed)

夏日炎炎在街行..我實在沒能耐行足一整天..最好就是可中途吃些冰涼+甜..順便休息一下^^我看見甜品就最開心..hee^^自結婚後..很少和弟弟行街..今次和他去了位於尖沙咀加拿分道的'甜牙牙'..看得出是一間花心思在裝修上..環境令客人想久留一點的甜品店..(是好還是不好呢^^)適逢星期六下晝..客人比較多..難得我們有卡位坐..大快樂^O^當日弟弟未吃lunch..他想先叫咸點然後才吃甜..點了'吞拿魚窩夫'..原本它有蕃茄伴碟..但店員說蕃茄缺貨..再看看下午茶上所有咸點都是有蕃茄的..弟弟唯有無奈放棄咸點..轉吃班戟..怎知又無>~<最後弟弟點了「雪地芒芒船」..賣相令人感覺快樂..我覺得這是甜點的首要任務呀^o^份量不少..面層兩球大芒果雪糕沒什麼特別..旁邊餅乾非常香脆..底層充滿芒果肉..芒果啫喱和椰果..好味又豐富..對於食物..我絕對要求好睇又好食..「雪地芒芒船」成功^^(如果是用呂宋芒..我會比更高分..呵~)我是綠茶紅豆的愛好者...當然點了「紅豆綠茶木糠布丁批配綠茶雪糕」啦..綠茶木糠布丁批和綠茶雪糕..都沒有太濃烈綠茶味..所以不特別喜好綠茶

一年前同哥哥去旺角店食個飯後甜品, 當時覺得小店的甜品不錯事隔一年, 再度與朋友仔去了尖沙咀店看....經常都有人龍在門外等候幸好當日去的時間尚早, 唔使等位尖沙咀店比旺角的大, 座位多點, 感覺不算焗促入座後店內開始人多, 所以我地坐的小卡位, 都要給人"搭檯"廢話少說, 即刻介紹我地食過咩喇~先介紹:冰火焦糖燉蛋HK$39食物要好味之餘, 賣相也要得人歡心如果味道差, 但有賣相, 都會給點同情分的呢個Creme Brulee面頭仲加上火焰蛋白及士多啤梨用心型碟子盛載著, 如果是我喜歡的男生order給我, 感覺super sweet呢~上面的火焰蛋白暖暖的, 有點飲燒棉花糖的口感, 不過無咁實在而內裡的焦糖燉蛋是凍的一羹畢哂兩款味道, 放進口中, 真的有點冰火感覺, 雖然溫差不算大, 但也感覺到美中不足的是, 若果燉蛋滑點, 焦糖也稍微減甜, 應該會是perfect!!因為時下的女生 (像我), 又愛甜又怕肥, 如果減點甜, 罪惡感也會減低, 哈哈挑戰唔到千層窩夫那就試試: 士多啤梨朱古力脆脆窩夫HK$50賣相都是good! 幾層朱古力窩夫, 加了一球朱古力味雪榚, 還有一小樽的峰

同朋友去尖沙咀食晚飯，食完之後想來一客飯後甜品。於是去左係附近的甜牙牙。見到佢窩夫好似幾出名，點了一客朱古力窩夫 (2 人份量) $88等左差唔多25分鐘，終於有啦。賣相唔錯，有三層窩夫，窩夫之間夾左啲士多啤梨。上面有三球雪糕，分別係朱古力味，雲呢拿味同埋芒果味。點知係好睇唔好食。雪糕的味道同超市賣的三色家庭裝雪糕一模一樣味。雪糕密度唔夠，唔夠香濃，亦都唔夠滑。用$88 的價錢我期望可以食一啲更加高質素的雪糕。至於窩夫亦不外如是，窩夫焗得有點脆，但係咬落去就好似食緊朱古力蛋糕一樣，但係佢又唔係蛋糕個種鬆軟，只係覺得啲入面的面粉好笠。感覺就好似食緊一個壓貶左的朱古力蛋糕一樣。最後，生果的質素亦都唔好。士多啤梨十分酸。就同超市買到的中國士多啤梨味道差唔多...呢個窩夫真係唔好食，亦都唔抵食...

甜品當午餐@甜牙牙尖沙咀加拿分道46號地下在近美麗華對面有入口, 不要找錯呢一個供應到7PM的下午茶餐連一杯特飲MENU價錢只是三十來元,行完街休息充電時必點另外也可以加錢轉其他奶茶咖啡等還有ALL DAY BREAKFAST, 很多人也是ADB 的粉絲吧本是想挑戰, 但人只有兩個一個人在45分鐘內吃七是免費, 還有証書頒發啦有本事的大胃王來試一下還有是有個即食麵餐, 也不過四十元有時不想吃甜時也可以叫一客醫肚環境牆身的擺設是花了心思的有FIREPLATE營造了一股家的溫暖感再加有一些圖畫等, 也份外親切座椅一半以上是SOFA, 還要是小見的紫色, NICE二人先每人OEDER一份甜的東西冰火綠茶木 布甸甜味竟是集中冰火及紅豆身上瑪莉餅打得很細, 碎而平均而CREAM則加入了綠茶粉一起打發成綠色可是就沒有什麼綠茶味而最面上的綠茶雪糕同樣是綠茶味不足賣相就追回不少分數用蛋白打成的雪山陪份很細滑, 入口即化舖了一層蛋白後再燒成(圖後那杯)當日特飲是薰衣草茶,看見為何不是薰衣草的紫也不是茶色, 就先用鼻子確認一下的確是有陣陣的薰衣草再用舌頭品嚐一下, 加入了糖,因此有少許的甜度士多啤梨雪糕P

好耐以前行過甜牙牙門口, 見到d甜品幾靚下已經心思思想走入去食2013.07.12睇完Eason's Life之後, 即時決定同佢一齊食甜牙牙~其實個環境, 裝修都唔錯如果冇咁多人, 同埋冇咁夜既話我相信可以坐耐D, 慢慢ENJOY我地既甜品服務都唔錯有時係整得耐, 但我地吹佢, 佢可以答到我地依家個甜品整到邊一個步驟LOL最後嗌左呢2個甜品, 勝在新鮮而且好耐冇食過1. 士多啤梨雲尼拿雪糕窩夫呢個唔錯, 賣相一流甜度適中, 三樣配料OK夾, 食得津津有味而且窩夫外脆內軟, 極具口感但d cream好快融, 份量一定冇旺角著名個間咁多2. 冰火Green Tea 木木康布丁呢個布丁我地等左三十分鐘先食到賣相其實都一流份量OK, 內容足夠但係三樣配料就真係唔太夾甜: 雪糕,紅豆咸: 木木康, 口感鬆軟苦: 綠茶冇乜味: 燒過既Cream總結:我會選擇個適合時機再黎呢度食唔同既甜品

睇完<壞蛋奬門人>九點幾，最適合食番個甜品。是但去左甜牙牙，主打窩夫，即管試下個朱古力窩夫雪糕脆脆mixed 士多啤梨 $50，俾賣相呃左，一插入雪球已經feel 到好軟，融得好快，食得出唔係大牌子雪糕，難食，士多啤梨切得鬼死咁薄，合埋都唔知有無半粒，朱古力窩夫硬掘掘，唔甜唔咸咁，朱古力味又唔出，honey 又唔夠honey 喎，所有味道都唔到位。朋友點左桂花梨流心布甸 $40，大佬呀，流水就有，布甸淋支支咁，又唔夠凍，只有個梨係最正常。環境狹窄，無下次

安娜這夜加班工作，心情一般，幸好每次她心情欠佳時，食頓甜品大餐，又能重新注入正能量。所以，等她下班後，我倆一起來到甜牙牙，進行「甜品當晚餐」大計。從前經過甜牙牙的旺角分店，已經想試。但因為太多人排隊，只好作罷。今次，我們選擇等位時間較短的尖沙咀店，剛好有位，連排隊的時間也省下來。尖沙咀分店的面積較大，裝修精緻得多，以白色為主調，予人溫馨可愛的感覺。但座位依然擠迫。奈何香港吋金呎土，這已經是預料中事。坐下後，開始瘋點各種甜品。甜牙牙的窩夫十分出品，幾乎每一檯都會點，但安娜心情一般時喜歡逆向而行，故此偏偏想試試窩夫之外的甜品。　　加點創意，傳統燉蛋亦能變出魔法。這個冰火焦糖燉蛋（$39）共分三層。頂層是軟滑的蛋白火焰雪山，中間是又脆又甜的焦糖，而底層是冰涼的燉蛋黃。同時感受冰火口感，頗有驚喜。個人鍾情甜味偏淡的燉蛋，中和了前兩層的濃甜刺激。　　第二款西瓜甜雪雪（$50）予人好感，是透心涼的消暑佳品。西瓜冰打得幾細滑，質感綿綿，不會過甜。但留意天時暑熱，熔冰速度比較快，須襯早食。伴碟的雪糕、涼粉、西瓜、口感微脆的小珠，是美好的點綴。　　與其說流心芒果粒粒布丁（$40）是芒果布丁，不如說是布丁

星期六的晚上9點幾, 尖咀周圍都係人.. 甜品店門外就大排長龍..次次行過見到甜牙牙都好多人, 所以咪諗住叫埋大家一齊試試等咗15分鐘左右就有位.. 坐係最入既位置, 其實坐左入走廊, 好熱... OPENRICE寫呢到出夠食「心太軟」, 咁有2個朋友仔點咗嚟試吓…呢個外觀幾靚既「心太軟」, 應該叫「心太硬」, 個外層係硬到連folk都唔開..而且個心入面係唔流架囉～ 同個職員講, 話太硬.. 個職員好順口答「可能焗耐咗」我哋再問可唔可以換其他，佢先肯轉… 如果焗到咁硬, 就唔好寫呢到出名食呢個啦！我自己叫咗個「南極香蕉號」，正常味道，一件蕉分兩邊有朱古力雪糕同雲呢拿雪糕，個底有檸味嘅四方果Jelly如果係呢到食，應該食雪糕類嘅甜品最安全..朋友食另一個甜品有朱古力Waffle，唔知點解有D苦 以為咁多人係門口等，應該都唔錯，點知錯咗… 真係無下次～

今晚同朋友gather,一齊食甜品～開心share ～～wah wah~ 呢間鋪頭好多人等呀～都等左成10分鐘先有位～間鋪頭不太大，裝修都幾靚～好LIKE d 裝飾～好得意呀～入到去，d 侍應Keep 住好忙呀～我地諗左好耐，先決定叫兩樣野～因為好多款都好想試～第一樣係宇治金時雪花冰第二樣係Classic 心太軟首先來左個雪花冰先～好味呀～呢個～d 綠茶味雪花冰好正呀～～d 雪糕又好味喔～綠茶味同埋雲呢o都幾好味～仲有個d 透明珠珠都好好味～幾爽～有口感～仲伴埋一o舊仔北海道3.6 奶凍，都幾特別～不過d 雪花冰份量不夠多～比較快食完～如果再大份d 會好d XP至於心太軟～好正喔！入面d 朱古力好夠熱～好正呀～甜度都夠～個兩條脆棒棒都幾好味加埋側邊個d生果粒，清清地～好配合呀～呢幾樣野夾埋，好好味～～食完個咀keep 住個甜味～如果呢個時候先來個雪花冰～似乎會好d～因為綠茶味會清d～加上涼涼地～應該會不錯的：D哈哈～我o地都算坐得耐～見周圍d 人好多都叫心太軟～試過果然好味～唔怪得咁多人叫啦～我o地走啦～見到出面比我o地來個時仲要再多一倍幾的人係度等～真係多人到好緊要～哈哈～ 

小妹第一篇食評 實有不足地方 多多包涵 今次是第三次食甜牙牙 不得不承認，之前都是被其店外貌所吸引(最曉食有的其中一個怪癖:特別喜歡欣賞/留意店內佈置)三次都是與朋友光顧。第一次，是與朋友們吃完午夜再來試甜牙牙的，依稀記得是點了個"冰火Green Tea木糠布丁"，外貌不俗！味道亦廷新穎的，看得出有花過心思，個人認為紅豆偏甜，唯一不足是木糠布丁偏冷，以致較實和硬。明顯是雪櫃中新鮮從拿出   。份量都頗大！女士們基本上可以以此取代午餐。其餘整體不錯！ 第二次，點了個"蜂蜜玉桂香蕉窩夫配朱古力雪糕"，看似普通，還記得那帶熱而脆身而且帶有甜味的窩夫，再配上冰凍的雪糕一起吃，簡直一流！現在想起也想再回味一番！至於今次，因晚上天氣很悶熱，想點些冰冷的甜品，故點了"南極香蕉號"。(最曉食最近一改'相機食先'的行為，吃了幾口才拍照，希望別介意！  )船內有雲呢拿和朱古力雪糕，滿足了最曉食的願望！ 如無判斷錯誤，船底應該是鋪了小量芒果味的啫喱。帶來了豐富的口感！美中不足的是當晚的香蕉似乎偏生，沒有香蕉味。最曉食特別喜歡店內佈置和擺設。但昨晚的確有點擠迫，破壞了整店應有的氛圍！整體三次的光顧

星期六, 來到尖沙咀趕鴨潮 天氣很熱, 人很多, 拍不到甚麼好照片, 不過人就汗流浹背站在室外十分鐘, 男友已經高呼頂唔順, 要坐低抖抖之前吃過甜牙牙旺角分店出品的窩夫, 覺得不錯, 這次就到尖沙咀店翻兜因為是假日的關係, 我倆坐到長枱, 與另外兩對情侶一同搭枱見tea set有想吃的窩夫, 就點了一份香蕉朱古力口味 (tea set包是日特飲一杯)另外也點了一杯桂花冰消消暑先來的是那杯跟餐飲品, 當日的是熱桂花茶熱茶上枱時, 同枱的人不約而同地O咀, 因為那杯所謂特飲只用紙杯盛載(窩夫背後那紙杯就是了)最令人驚訝的是, 杯內飲品是斟不滿的, 只有約半杯的份量, 實在令人摸不著頭腦後來, 更令人哭笑不得的事發生了, 就是餐廳用上不同的杯子裝茶, 分別是不同大小的玻璃杯和紙杯沒有誠意的飲品, 味道可想而知, 就是微甜的糖水一杯, 男友說倒不如給他一杯水會好點接著窩夫和桂花冰也來了tea set的窩夫份量比單點的小大約一半, 不過仍然保留了足夠的香蕉片和一球雪糕球雪糕有朱古力和雲尼拿兩款選擇, 不過當天朱古力味已經sold out窩夫屬脆口類, 上枱時仍是微暖不過相比旺角店出品就少了一份軟

由於朋友們之前來吃過甜品，評價不錯，於是決定在尖沙咀晚飯後專程走來試試。可能是晚飯後的關係(晚上10時左右)，人流不少，要在店外等位。不過輪候時間不超過10分鐘，與朋友聊聊天就可能入座了，所以可以接受。而店舖內環境不錯，裝飾亦有心思，不過可能晚飯後時段客人太多，所以有些嘈雜，相信人流少些時惠顧應該會相當舒適的(有圓梳化卡位的!)。這裡的甜品選擇很多，真的花多眼亂！我們一行3人各自點了一客甜品:一籃子雪糕球 當然主要材料為雪糕！不同口味的雪糕加上一粒粒的水果，色彩繽紛！最特別是配上三小樽的配料－彩色的朱古力碎碎、杏仁碎碎和脆朱古力碎碎，這個一籃子雪糕球的賣相比其他一般的吸引。 芒果森林一個很清新而且極具口感的芒果綿花冰！一放在桌上已經聞到芒果的香味，而味道確實滲出濃郁細緻的芳香甜美。Like!Classic 心太軟其實已經吃過了很多不同款式和口味的心太軟，但今次仍點了一客吃。這個Classic 心太軟實在令人驚喜！個人認為這是我吃過心太軟之中自己最喜歡的一個。沒有太多花巧，一拿起匙直切下去微暖心太軟時，內裡的朱古力馬上流出來 ，最外層的蛋糕仍脆，中間鬆軟！ 而且朱古力流心不會太甜(不會甜

睇完鴨鴨行去甜牙牙o係門口見到都ok多人好在等左5分鐘度就有位2個人坐最後果張枱其實已經出左店ge範圍無咩冷氣但有部涼風機男友叫左芒果菠蘿砂冰配西米"舉弱"涼粉我叫左脆脆朱右力號佢地比返張單我地果陣住21:29落單一路等到21:40後都未有野黎追左2次先黎左杯砂冰味道唔錯亦食到有芒果蓉唔會太甜但唔見有涼粉(當時無察覺, 事後諗返起成杯都無黑色ge野)即係無比到我地la我地無發現佢咁就比少左一樣我地la (唔知無心定有意la)一路等到男友都飲完杯野咁濟我地杯野飲黎左之後先入座ge隔離枱都有野食我個朱古力號都未黎又再追佢la (前前後後第三次)個阿姐應左我地但好明顯無幫我地跟la睇住佢又行左去第二度同呢個阿姐再追(第四次la)佢叫我地比多3分鐘佢一路睇住d甜品係咁出都無個係呢間野好明顯係將唔同枱叫埋同一樣野先一次過做咁係咪無人叫朱古力號就唔整比我ar?又過左3分鐘 (當時已經21:50)再一次同呢個阿姐追(第五次la)叫我比多2分鐘佢真係火都黎埋3分鐘又3分鐘2分鐘又2分鐘人地遲過我地la都有得食la有乜理由五個字都整唔到比我ar漏單就漏單la認左佢唔好side我時間終於2分鐘之後我個朱古

第一次食甜牙牙既時候，係食bailyes牛乳黑糯米布丁。牛乳布丁又香又滑，加上bailyes既咖啡酒味，牛奶同咖啡味互相襯托，而黑糯米煮得好有口感，係軟軟既布丁之中，煙un既糯米帶出多一層既口感，對比之下令布丁顥得更細滑。而糯米同酒亦都係非常夾既朋友，酒味亦帶出糯米香。今次男友都點左，不過佢要mocha牛乳布丁，但上枱既時候唔係mocha布丁，問到出口先話mocha味賣曬。但係你賣曬係唔係應該係落單，或廚房發現賣曬既時間同客人講呢？而唔係“博大務”甘等人問到出口先講。等左15分鐘先有野食，而家上枱貨不對版你先話唔岩既再同我換，客人有冇甘多時間去等你？！   而我今次試宇治抹茶綿花冰。隻碟係凍既，碟上既食物都係凍既，但何解一上枱既時候個綿花冰同球雪糕都已經溶左啲？我相信係廚房整起左，侍應出唔切，放到溶左。如果因為係繁忙時間而keep唔到水準，我覺得呢間食店仲有好大既進步空間。 講番呢個綿花冰既味道。個冰既抹茶味好淡，雪糕球既抹茶味比較濃。個冰既份量適中，但配菜既紅豆，布丁同雪糕球size太細了。當所有野配埋一齊食既時候，我食唔出布丁既牛奶味道。對於此冰有啲失望。   甜牙牙最出色應該係佢

難得第2日放假, 當然要食餐好架啦。食完晚飯後, 特登搭船去尖沙咀食我最愛既waffle. 平時去開旺角總店食, 今次第一次黎尖沙咀呢間試下先。嘩未到十點就已經出現長長既人龍喇。不過好在只係等左約15分鐘到就入得去喇。諗住今日有5個人一齊食可以試下挑戰佢個九層巨無霸, 點知個男職員話賣哂……咁我地惟有再揀過啦, 呢個職員就即刻擺出一臉不屑既表情。喂, 哥哥仔, 咁你無我地梗係要再諗過食咩架啦揀好之後落單, 等左好耐, 差唔多半個鐘都未有咁我地就問下啦, 個哥哥仔以不屑態度話整唔切要等下“一籃子雪糕球”: 賣相menu差少少都唔緊要, d 雪糕比較mini都唔緊要, 但係成籃雪糕都近乎溶左一半咁點食呀…….再等左3個字, d waffle 終於都到喇。Waffle係有水準既, 個人認為原味waffle係好食過朱古力味waffle, 因為朱古力味有d苦苦地, 味太重, 個人認為麻麻地。士多啤梨Pancake 有d太厚, 厚得黎又粉粉地, menu張相中間係cream黎既, 但實物得好少, 士多啤梨又太酸雖然我知道你地日日都咁多人排隊唔憂做, 但係服務態度都真係要正視一下lor, 總店既職員