香香宮煮 (金輝大廈)

Open Now

Now Closed

一直都想去呢間中國宮廷風火鍋打卡，今次幫朋友慶生終於有機會啦！除咗餐廳裝修華麗之外，餐具同爐具都同樣別緻，仲有宮廷服飾提供，成個感覺真係十足十置身於古代咁～✨雍穆公主•花膠雞湯鍋(半隻)花膠雞湯鍋選用咗三黃雞同埋厚身花膠一齊熬製，三黃雞肉質細膩，花膠軟嫩爽滑！湯底醇厚鮮美，真係忍唔住飲多幾碗～✨艾莎公主牛肉寶盒牛肉寶盒相當豐富，有手切牛崩沙、手切本地牛肉、新鮮牛展、頂級雪花肥牛、牛黃喉、牛肉粒、牛舌花等等，一次過可以食晒多種唔同部位，每款都牛香充溢～✨手打蟹籽墨魚丸4粒)墨魚丸爽口彈牙，表面仲有啲蟹籽做點綴～✨伊比利亞橡果豬油花紋路清晰，肉質極度細膩軟嫩，有一種芳香濃郁嘅肉香味～✨香香宮煮響鈴拼盤有普通響鈴同埋即炸黃金響鈴，即炸黃金響鈴外層好香鹹蛋黃嘅香味～✨美濃水蓮水蓮呢種菜平時比較少見，口感爽脆得來又吸收到湯底嘅精華～✨竹蔗茅根一渣打邊爐飲返杯竹蔗茅根清下熱氣就啱晒啦，連個壺都相當之別緻～

之前都想試吓呢間火鍋店，今次終於同姊妹一齊過嚟dinner，佢哋嘅裝修行古代宮廷式，一入去有張金色龍椅，座位都算寬闊，而且發覺餐廳可以直接望到對面大廈個大螢幕，適逢呢排播緊奧運，咁就仲可以睇住奧運打邊爐佢湯底嘅選擇都算多，我哋order咗花膠雞湯，湯底煲得好香濃，仲有花膠喺入邊，未落雞之前我哋都專登飲咗碗吸收下骨膠原至於三黃雞其實佢本身已經半熟，淥一淥就食得牛肉寶盒，打邊爐一定要有牛肉，呢個盒就有多款牛肉，包括安格斯牛肉、手切本地肥牛、牛肉粒、牛舌、牛腱同牛王喉等等，佢上菜嘅時候仲有乾冰，有煙霧瀰漫嘅效果啱晒影相，牛肉就比較鍾意手切肥牛同牛舌，至於牛王喉都幾大塊同爽脆伊比利亞橡果豬用個好靚嘅宮廷高碗裝住，裏面大約有十塊，我覺得豬肉仲好食過牛肉，薄切得來而且肉質好滑好香陳年花雕醉海蝦裏面共有七隻，蝦都算大隻，而且仲有蝦膏，唯一酒唔算太入味響鈴拼盤外層用咗鹹蛋黃醬一齊炸，淥幾秒就食得，食落好香而且咬落仲有少少似蛋捲嘅口感，正！我哋仲嗌咗手帶丸同竹蔗茅根呢啲打邊爐必備嘅食物飲品，好飽滿足

夏天也要打邊爐！今天和朋友相約「香香宮煮」，餐廳主打宮廷風主題裝修，古色古香。🍢木瓜龍躉片魚湯鍋今次試試期間限定的湯底，碩大的木瓜上擺著數片龍躉片，湯底很清澈，裡面放了金針菇與豆芽等。湯頭味道很清爽，魚片新鮮彈牙。🍢艾莎公主牛肉寶盒超級豐富的牛肉盛宴，上桌時以乾冰呈現煙霧，儀式感滿滿。七種部位一次滿足。頂級雪花肥牛入鍋後數秒，帶著粉嫩色澤肉質鮮美甘甜。薄切牛舌相當彈牙，油脂適中。牛肉粒口感Q彈，一口咬下肉汁四溢，好滿足。🍢伊比利亞橡果豬頂級的伊比利亞橡果豬，如大理石般美麗的油花分布，肉質十分細緻，口感嫩且香氣濃郁，品質相當好。🍢松露芝心墨魚丸手打墨魚丸，外觀碩大飽滿，口感清脆彈牙，每口都能嚐到墨魚，裡面包的芝士帶出滑順口感，兩者相得益彰。餐廳以卡位為主，坐的舒適，火鍋湯底真材實料，食材水準高，是適合家庭聚會或朋友相聚打邊爐的好選擇。

上次食完另一間香香宮煮以猶未盡，好想再做多次公主皇帝級食好西打邊爐，今次同另一個frd再戰😍😍伊比利亞橡果豬豬肉片肥瘦均勻，質素比得上牛肉。熟左之後非常爽口彈牙👍👍艾莎公主牛肉寶盒 打開既時候全部都係煙， 又可以打卡😂😂寶盒有七款唔同部位既牛，包括稀有部位-牛黃喉同牛肉粒。牛黃喉非常爽脆，有少少似牛百葉既味道。每一款牛肉都好重牛味非常軟稔😋😋香香宮煮響鈴拼盤侍應姐姐話咸蛋黃響鈴可以就咁食咗先，咸蛋黃味非常濃郁。而響鈴浸左酸菜湯可以解膩，又係另一種風味

Bookmark咗哩間店鋪好耐，今日得閒可以試試。店鋪裝修得好宮廷風，提供數款古裝比客人拍照用，好得意。店家提供9款小料比客人搭配，仲提供好特別嘅炸蔥油，唔錯。自家制足料竹蔗茅根，分量幾大。飲落竹蔗味好重，唔會好甜，好清爽嘅飲品。期間限定鴛鴦鹵水濃湯鍋，今次揀咗鹵水同豬肚湯底。鹵水湯底比較少見，係福建特色鍋底。鹵水落咗大量高湯，飲落醬香味十足，又唔會好鹹。艾莎公主牛肉寶盒，哩個寶盒真係不得了，提供數款牛肉。牛肉雪花分明，睇到都覺得高質。其中手切牛肉尤其出色，油脂分佈均勻，食落軟嫩牛味好香。伊比利亞橡果豬，豬肉睇落好似好肥，食落白色部分脆口彈牙，好似食咁脆骨，食得再多都唔會覺得滯。香香宮煮響鈴拼盤，響鈴分為兩種，鹹蛋黃味同普通口味。兩種響鈴炸得好鬆脆，落到湯底十秒已經可以食。響鈴嗦曬湯底鮮甜，又可以食到酥脆口感。紫菜櫻花蝦豬肉丸（四粒），好特別嘅豬肉丸。豬肉丸餡料豐富，可以食到粒粒蝦肉，口感Q彈。又伴有紫菜鮮甜味道，唔錯。皇帝菜，最後都要食D蔬菜才健康。皇帝菜特別嘅香味同豬肚湯底好夾，豬肚湯味道入到皇帝菜，食落更加鮮甜。

艾莎公主牛肉寳盒 $498公主寳盒仙氣十足！充滿儀式感！打卡招牌之一 💕食足 7 款牛部位的拼盤，有手切牛崩沙、手切本地牛肉、新鮮牛展、頂級雪花肥牛、牛黃喉、牛肉粒、牛舌花香香宮煮響鈴拼盤 $88原味響鈴、未食已經聞到一陣陣鹹蛋黃香的黃金炒響鈴，各3件伊比利亞橡果豬 $188大理石紋油花分布，入口薄嫩軟腍陳年花雕醉海蝦 $98有7隻，有淡淡馥郁酒香，入味又唔嗆口雍穆公主•花膠雞湯鍋（半隻） $328雞湯濃厚，花膠大片，雞件滑嫩店員建議： 開爐滾熱雞湯後飲用，然後將雞件放到鍋中滾煮2分鐘就食得松露芝心墨魚丸（四粒） $72彈牙，一咬芝士流心自家製足料竹蔗茅根 $78重磅的龍頭壺！一壺大約4杯分量_______________香香宮煮 (金輝大廈) (尖沙咀)尖沙咀加拿芬道16號金輝大廈1樓_______________

香香宮煮就算幾耐冇食都係唔會令人失望架~ 佢既湯底真係冇得輸今日同朋友黎食又有驚喜啦位於尖沙咀既香香宮煮地點非常方便, MTR行2分鐘就到, 約朋友聚餐一流~~餐廳環境好特別, 有宮廷式既打卡位, 仲有中式服提供添, 好岩鐘意打卡既朋友!!用餐區都幾大架, 又有car座, 座位闊落坐得好舒服呢~~9宮格醬料~~木瓜龍躉片魚湯鍋香香宮煮既湯底真係冇得頂, 超豐富超足料!!呢個木瓜龍躉片魚湯鍋一D都唔腥, 怕腥既朋友都表示好OK湯底呈奶白色, 有一整個小木瓜&多件龍躉片~木瓜鮮甜多汁, 龍躉魚片細嫩柔滑仲有大量金菇, 芽菜等配料, 非常豐富!!!湯底味道濃郁而不膩, 而且好鮮甜職員會幫忙切木瓜~~龍躉片艾沙公主牛肉寶盒盒內有7款牛: 手切牛崩沙, 手切本地牛肉, 新鮮牛展, 頂級雪花肥牛, 牛黃喉, 牛肉粒, 牛舌花唔同部位既牛肉都有獨特既肉質同風味手切牛崩沙肉質細嫩~手切本地牛肉油花分布均勻,肥瘦適中,口感豐腴多汁新鮮牛展肉質扎實飽滿, 入口鮮嫩爽口頂級雪花肥牛有豐富油脂, 肉質柔軟嫩滑牛黃喉肉質爽口彈牙牛肉粒色澤深紅, 口感軟腍牛舌花肉質柔軟爽口, 清新鮮甜伊比利亞橡果豬呢份豚肉必點呀

細個睇古裝劇成日幻想自己係公主喺度撥條絲巾同擺駕🤣香香宮煮打邊爐之餘 又可以着下古裝衫帶下頭飾滿足下我嘅公主病 👸🏻餐廳入面嘅座位都以唔同嘅宮殿名命名我揀咗慈寧宮 有啲宮殿大啲適合開party湯底揀咗期間限定嘅🐟木瓜龍躉片魚湯鍋✨超級喜歡 魚湯好清甜 龍躉魚片好滑 木瓜非常香甜 最後成個木瓜都食晒😋🥩艾莎公主牛肉寶盒打開寶盒 就有乾冰嘅煙霧效果 充滿神秘感 入面有手切牛崩沙、手切本地牛肉、新鮮牛展、頂級雪花肥牛、牛黃喉、牛肉粒、牛舌花各款牛都好食 牛味濃郁 肉質嫩滑 🤤🐷伊比利亞橡果豬橡果豬脂肪滲透肉入面 肉質嫩滑油花呈石紋 肥瘦均勻 肉味芳香濃郁 👍🏻🍡手打蟹子墨魚丸手打鮮墨魚丸非常彈牙 加埋蟹子口感豐富🥟蟹黃餃皮薄餡靚 成隻餃都係蟹黃 好惹味✨炸響鈴拼盤原味響鈴同鹹蛋黃響鈴 痴滿鹹蛋黃醬 好邪惡口感香脆 可以點一點湯食 味道同樣香口🍹 足料竹蔗茅根打邊爐唔少得竹蔗茅根降吓溫解下熱氣 個壺都好有宮廷感覺

哩間宮廷式打邊爐因為裝潢有特色, 而且有公主服裝同背景打卡位而討論度都幾高!今晚食左個不得了既湯底, 係出面好少有既木瓜龍躉片魚湯鍋, 期間限定唔知幾時完架。龍躉片係連皮, 有豐富骨膠原, 重點新鮮一D都唔腥, 加埋個木瓜越煲越甜, 魚湯對公主們養顏又有益, 我地都飲左兩三碗先肯收手打邊爐。艾莎公主牛肉寶盒公主打邊爐梗係要浮誇少少有噴煙效果啦!!7款唔同部位既牛, 最中意都係頂級安格斯同手切牛, 牛味夠哂香, 另外仲有特別D既牛黃喉, 爽爽脆脆幾得意。伊比利亞橡果豬真係有平時食parma ham個種香氣, 口感係柔軟既, 比平時食既豬肉無論口感同味道都好大分別。 香香宮煮響鈴拼盤新鮮即炸個種鬆脆冇得輸, 咸蛋黃味更加係抗拒唔到會追住食。哩度既丸, 餃仲有竹蔗茅根都係自家製既, 另外叫左份鮮牛丸同埋竹笙, 竹蔗茅根清甜而且都好大壺, 兩個人share都夠哂飲!

📍 香香宮煮今日收工，約埋一班朋友一齊打邊爐聚下舊🍲朋友介紹呢一間充滿中國風氣嘅火鍋店！一入到去就見到張金色大龍椅，好驚喜😙至於打邊爐，最緊要嘅就係湯底，我哋就揀咗期間限定✨木瓜龍躉片魚湯鍋，成個木瓜加貴價龍躉片，充滿豐富嘅蛋白質同埋骨膠原，令到成個湯底都好香濃，烚嘢食之前梗係要飲咗個湯底先，奶白色嘅魚湯，充滿魚嘅鮮味，亦都帶點木瓜嘅清甜，湯底先係精華❤️✨艾莎公主牛肉寶盒成個寶盒都係牛肉嘅唔同部位，每一塊都可以食到牛肉不同部位嘅質感🐮牛肉質鮮嫩，每片油脂瘦肉均勻～✨手打蟹子鮮蝦丸手打丸類最吸引，彈牙而且鬆化，每一啖都可以食到蟹子嘅蛋蛋牙，好過引🤭✨伊比利亞橡果豬豚肉咬落細緻軟腍，帶少少嚼口👈🏻入口多汁香甜✨香香宮煮響鈴拼盤一碟有兩款響鈴，其中一款深黃色嘅係有鹹蛋，黃金響鈴，烚一烚其實同個魚湯都幾夾，兩款響鈴都入味，魚湯嘅鮮甜已經充斥晒入去！✨陳年花雕醉海蝦充滿花雕味嘅蝦，每一啖都會食到酒香味～每次打邊爐，我都一定會飲生啤今次係大大杯Hoegaarden Tumbler好爽😄

香香宮煮的火鍋店，真的讓我留下了深刻的印象。這裡的菜品種類繁多，味道豐富，完全滿足了我的味蕾。嚟到依家香香公主就一定要試吓佢嘅花膠雞湯底啦，因為佢花膠真係好高質，煮完之後勁軟腍，而且佢雞嘅味道都好正，口感滑嫩，湯汁濃郁。另外，他們的艾莎公主牛肉寳盒好令人驚艷，一打開嘅時候勁多好夢幻嘅煙飄出嚟，真係好適合打卡，牛肉鮮嫩多汁，吃起來口感絕佳。每一口都帶來濃郁的牛肉香氣。而佢嘅香香宮煮響鈴拼盤都好正，除咗一般嘅響鈴之外，亦都會有即食嘅鹹蛋黃響鈴。另外，手打嘅蟹子鮮蝦丸，口感彈牙，蟹子和鮮蝦的結合讓味道更加豐富。此外，他們的自家製足料竹蔗茅根也值得一試。這款飲品清甜可口，口感滑順，十分解渴。

呢度好適合一大班人或者情侶拍拖慶祝可以着古裝影相打卡卡位仲好舒服添叫咗個期間限定木瓜龍躉片魚湯鍋真係超值一遞上嚟用木瓜裝住龍躉片賣相已經好靚飲咗啖湯滿滿嘅鮮魚香味加上木瓜嘅甜邊爐都會覺得好滋潤龍躉係真係好新鮮脆口彈牙嫩滑另外叫咗呢個艾莎公主牛肉寳盒一上嚟打開蓋有煙霧出好有儀式感！一盒有商手切牛崩沙 ，手切本地牛肉 ，新鮮牛展 ，頂級雪花肥牛 ，牛黃喉 ，牛肉粒 ，牛舌花牛肉味好出雪花都好靚每樣有啲最啱選擇困難人士伊比利亞橡果豬脂肪滲透肉內肉質清晰大理石紋嘅油花肉味芳香濃郁香香宮煮響鈴拼盤有齊鹹蛋黃味同埋原味勁香口可以浸10秒再食一餸兩味呢度仲有生啤好抵飲！Hoegaarden Tumbler 500MLStella Artois 500ML

-兩、三年前第一次來呢間位於尖沙咀嘅宮廷火鍋 - 香香宮煮呢間打邊爐好有特色 成個皇宮咁佈置一入門口仲有張金碧輝煌嘅龍椅打卡仲有皇冠帶 宮廷衫可以換 俾客人扮下皇上皇后👸🏻🤴🏻今次都已經數唔到喺第幾次又帶朋友過來食.✅建寧公主·特色卜卜蜆鍋呢個湯清清地 完全冇味精嘅味道😍鍋入面超多卜卜蜆 size都算大隻湯底滾起就係蜆打開嘅時候 蜆肉嫩滑🤩好鮮味 ✅艾莎公主牛肉堡盒拼盤有七款唔同牛嘅部位🐮手切牛崩沙、手切本地牛肉、新鮮牛展、頂級雪花肥牛、牛黃喉、牛肉粒、牛舌花每款都大約有5-6片😋整體上牛肉都好腍👍🏻✅伊比利亞橡果豬 豬肉大約有10片左右 好濃豬肉味 肥瘦均勻有咬口 MVP🩷其他仲叫咗幾款火鍋配料 當然仲有必點嘅竹蔗茅根解下膩✅松露芝心墨魚丸(4粒) ✅蟹皇餃✅香香宮煮響鈴拼盤 ✅自家製足料竹蔗茅根

回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️☺️消費指數: 💰💰💰(TTL $1474，人均消費$737)環境質素: ☘️☘️☘️餐廳牌匾充滿左中國風既特色，而且裏面有張皇帝椅，尼食飯既人都可以隨便試著漢服影相📸座位設計就好似唔同廷院咁，十分闊落。雍穆公主 花膠雞湯鍋（半隻）($328)招牌花膠雞湯鍋，用上三黃雞，雞件份量好多，但好多人食既話叫一隻都得😉雞湯飲起嚟好鮮，而湯裹面有好多厚身花膠，男女都啱食。艾莎公主牛肉寶盒 ($498)牛肉寶盒嚟既時候好有儀式感，裏面會有白煙飄出嚟，感覺好似打開一個寶藏咁😂寶盒裏面有七款牛(1.手切牛崩沙2.手切本地牛肉 3.新鮮牛展 4.頂級雪花肥牛 5.牛黃喉 6.牛肉粒7.牛舌花)我最鍾意係頂級雪花肥牛 - 肉質好滑身鮮嫩，而且脂肪分布平均，所以係入口即溶既質地牛黃喉 - 口感係微微既彈牙，但食起嚟甜甜地、好爽口，煮1分鐘左右就得嫁啦。伊比利亞橡果豬 ($188)豬肉片可以清晰見到大理石紋般既油花，而且肉質口感好彈牙，完全唔似食緊豬肉咁。豬肉味濃郁、唔燥。香香宮煮響鈴拼盤 ($98)拼盤裏面有正常&有鹹蛋係面既響鈴鹹蛋嗰款可以直接即食，表面有

一進門口就見到一張龍椅，旁邊還有不同的宮廷服裝，可以讓客人穿上打卡，很有噱頭，而我們坐的位置亦是配有不同宮殿的名稱，餐廳的裝修和餐具，亦見心思配合主題。【醬汁】有多款選擇，最喜歡是蔥油和麻油配少少香醋。【麻辣鴨血鍋】麻辣的香味除了辛辣之外，還帶有令人回味的麻香，鴨血又惹味，而且份量很多，撈起湯底的時候見到辛辣香料份量十足。【花膠雞湯鍋】花膠湯底十分滋潤，而且雞味濃郁，滑溜溜的口感令人一飲再飲，雞件本身已經是半熟的狀態，放在湯裏滾一滾吃起上來很嫩滑鮮味十足。【艾莎公主牛肉寶盒】一打開好像潘朵拉的盒子，有齊手切牛崩沙、手切本地牛肉、新鮮牛展、頂級雪花肥牛、牛黃喉、牛肉粒和牛舌花，最最最正是手切牛崩沙，牛肉粒排第二，好軟熟。【松露芝心墨魚丸】中間的芝士好濃，足料美味，松露味道又幾突出，粒丸彈牙惹味。【伊比利亞橡果豬】有一種甜味是伊比利亞橡果豬獨有的，就算湯底再濃郁，都仍然品嚐到豬的獨特香味。【香香宮煮響鈴拼盤】蛋黃金沙響鈴和普通響鈴各有三舊，我就比較喜歡普通響鈴。【美濃水蓮】好特別的質地，爽口得來又索盡湯汁。【竹蔗茅根】清涼解渴，不過稍甜，如果有低糖版更佳。