越之味 (德民街) (Closed)

近排去開黃埔番工 對呢區認識多左😚原來紅磡德民街入面隱藏咗好多小店 其中一間係座位以吧台形式 主打越南菜嘅「越之味」😛.👉🏻慢煮燒牛肉河粉 ($68)慢煮需時 等大約兩個字時間但會更加保留到原材料營養價值慢煮牛肉顏色呈偏粉紅色肉質口感好嫩 幾有牛肉味湯底方面 好鮮甜🤩餐廳用左牛骨同埋蔬菜去熬製聽講個法包都好出名 可以一試😋————————-越之味 @tastyvietnamhk 紅磡黃埔德民街29號德民大廈D3地舖

堂食慢煮燒牛肉撈檬，6片幾乎是鮮牛肉的色澤，只有邊位是熟牛肉顏色的薄片。肉質軟滑，但就是吃不出什麼肉味。檬粉唔太乾，有咬勁。配上酸甜汁一起吃，又多了一分味道。大蝦蟹膏蟹肉湯河，大大隻烤蝦下是舖滿蟹膏的蟹肉餅，然後放在滿是芽菜、洋葱的湯河上，斎看外型已是很討人喜愛。大蝦雖大，當天唔好彩，大蝦並不太新鮮，蝦肉有些霉。但另一天去吃就很新鮮彈牙。舖滿蟹膏的蟹肉餅，外面焗得有些焦脆，連帶蟹膏也半脆半軟的口感，令不太喜歡蟹膏的人也欣然接受，甚至開始喜吃呢！蟹肉餅外脆內軟，都是真材實料的蟹肉外，亦混有麪飽糠、粟米粒、紅蘿蔔幼條，再灑上少許檸檬汁，更覺清新唔膩。份量相當多的湯河裏放有很多蝦皮，令濃郁的湯底更是鮮甜。鹹檸七，半個鹹檸檬配七喜。外賣比堂食較便宜，但慢煮燒牛肉湯河的份量少些，慢煮燒牛肉經過運送時間後，雖是分湯上，但河粉的熱力仍會令它變成熟肉狀態，但仍保持軟淋。招牌法包，長條法包中夾住：由底至上是沙律醬紅蘿蔔和酸白蘿蔔條，再放有肉批，即醃得入味的肉絲、肉碎。上面是厚切扎肉，比一般的要鬆軟些，味道亦沒那麼鹹。法包依依韌韌，真的是包有包味。一大囗咬下，吃到全部的食材，是非常豐富滿足，不可不一提是酸

呢排天氣真係好熱搞到個人都冇乜胃口所以特別想食啲清新啲嘅嘢食～黃埔呢間小店價錢十分之親民份量仲要好大.😋😋😋越式大蝦蟹膏蟹肉湯河 $78蟹肉味超濃👍🏻😆食入口啖啖蟹膏味～個湯非常清甜～.慢煮燒牛肉撈檬 $68燒牛肉每一片好大塊！睇得出店主很揼本😍牛肉煮得恰到好處！外面熟透，裏面淡紅～正👍🏻撈檬汁夠晒清新，啱晒而家嘅天氣。.蟹膏扎肉米卷 $26份量真係好多😱仲要每一舊都好多蟹膏！真係誠意推介！

都係亂入一間。聞到好香越南湯味就走入去。入到去見到「慢煮」就已唔洗諗就點呢樣。因估計點都會肉質淋滑。都不失所望，係淋滑嘅。雞絲呢...都開既，因係成塊雞胸，一d都唔慳料，68覺得值。Ps#越南咖好味。佢落好夠粉，夠苦！（個人喜好）

朋友想食濛粉，上網見有依間越式小店係附近，一於去支持一下小店。餐廳不大只有十個位，座位為bar枱型式，食物即叫即整。雖然食物款式選擇不多，但大部分都好有特色，有別於一般越式餐廳種類。湯底清甜，河粉好滑，慢煮牛肉質軟腍，牛味重。湯河當中配菜豐富，金不換新鮮、芽菜爽脆清甜。慢煮牛有別於一般生熟牛河嘅肥牛味道，值得一試。蝦新鮮有鮮味，蝦有炭燒香味，肉質爽脆唔會霉，蟹餅蟹膏味香濃，酸紅蘿蔔及白蘿蔔爽脆酸酸甜甜好醒胃，花生及蒜片香脆。

越之味，值得試fusion 越南菜位於紅磡一間fusion 越南店！店舖很少只有大約8人吧枱式坐位。但越南餐廳必有同必食食物，這店亦都有！店鋪出名慢煮燒牛肉湯河見到碗河已經覺得好食，有多已大塊慢煮兩小時的菲力牛柳，但牛柳仍然係粉紅色所非常嫩口同淋再配上芽菜、香草、葱花、洋葱絲，已經覺得值回票價。湯頭同出面越南河係有吾同，湯底以預先烤焗的牛骨和蔬菜熬煮，所以湯頭比出面濃味。同時亦試吃大蝦蟹膏蟹肉湯河價錢貴少少但材料相當豐富，大蝦同蟹高很大，蟹膏炸了外皮包留了裹面juice ！一食蟹膏流入湯㡳中所有湯底充滿蟹膏味道。這店相當有驚喜，值得一試！下次會試下越南法包。

位於黃埔內街的小店, 坐位只有約十個, 像拉麵店以BAR檯形式擺放, 所以晚市不時要等位. 今次午飯時間光顧, 食客不多, 不用等位. 點了一碗慢煮燒牛肉金邊粉($68). 燒牛肉賣相甚佳, 呈粉紅色. 食落肉質腍滑, 並富有香草味和肉味. 牛骨湯底一入口有點鹹, 但食落就OK, 頗濃郁, 越食越覺好飲, 食完又不致於太口渴. 至於金邊粉都值得一提, 煮得剛好, 保持彈牙口感, 不會過淋. 另一招牌菜大蝦蟹膏蟹肉湯河都很吸引, 下次有機會再試.

第一次幫襯呢間越南河專門店，因為紅磡同黃埔實在太多美食，之前都無留意到呢間餐廳。今日嚟到，見到入面位置唔多，但出面都有好多人耐心咁等位，就知道無嚟錯！！我地嗌咗大蝦蟹餅湯河同越南法包。朋友話法包好脆，餡料足，見佢食得好滋味。我自己就覺得個蟹餅幾有驚喜！浸少少湯食，加埋令到個河粉口感層次豐富咗，又香口，最重要係個蟹餅好足料。湯底方面都幾清甜，配埋個大蝦，感覺都幾light，唔會有食完好滯既感覺！支持小店！

✏️本人一向鍾情越PHO- 今次又有特別推介就係FUSION越南🇻🇳PHO首先講一講呢一個🐂慢煮牛肉撈檬$68，因為係用上60度慢煮2小時嘅美國菲力牛柳，牛柳好滑好腍身，口感一流。另外再點了🦐🦀大蝦蟹膏蟹肉湯河- 大蝦鮮甜，蟹餅一啖一啖蟹肉，炸至金黃非常可口。湯底比一般牛河湯底較為清甜，皆因老闆用了接近20斤蔬菜🥬薑和洋蔥等烹調！我差不多喝完一整碗湯底🤤價錢亦都算是親民收$78！既然來到也再試一下招牌法包$48- 以鹹豬手肉批（與豬頸肉和豬耳打成一片豬肉片）和扎肉為餡料的感覺新鮮。法包香脆之餘又不會過硬💪🏼提提大家店舖這是一間小店，所以有排隊的可能呀！

📍越之味 位於黃埔德民街巷仔，店內只得吧檯，同一時間容納八人的小店，餐牌上除了牛肉粉之外，蟹膏蟹肉湯河丶撈檬、法包、小吃，可謂店鋪雖小五臟俱全。👅 慢煮燒牛肉湯河($68)，粉紅的厚切燒牛肉軟腍肉汁豐富。與常吃的生熟牛肉大不相同，是選用美國的菲力牛柳以香料醃製後用60度慢煮兩小時而成。慢煮保留了嫩滑口感，再配上芽菜、香草、葱花、洋葱絲。 湯底以預先烤焗的牛骨和蔬菜熬煮，加入中式和印度香料，如桂皮、草果、八角等共九種，沒有添加精製砂糖及味精。真係用心出品，總括來講性價比確係高👍🏻👍🏻👍🏻👅 菲力生牛肉湯河($68)，選用美國的菲力牛柳，生牛肉薄切可以把肉汁也淥進湯裏，令湯頭的味道更鮮。同樣配上芽菜、香草、葱花、洋葱絲。 👍🏻

今日要去黃埔睇戲，喺睇戲前又係搵食嘅時間喇！男朋友喺網上睇到有介紹過哩間越南小店，話好正好味道。咁又見人少少咁就俾個機會去試試，因為小店喺只得bar枱，如果多人坐得可能會辛苦啲！我哋叫咗一個生牛肉粉同法包三文治🥪估唔到2樣都一定會再去食過

同朋友即興約食飯就簡左黃埔呢到 估唔到有意外驚喜小店開係小巷到 唔係突登搵同食開就真係唔知位置坐到8個到 全吧枱 星期五時間黎食要等一等先有得入座🙈🙈我就叫左個主打大蝦蟹肉蟹膏湯河 可以選擇配檬粉或金邊粉個湯湯甜香草味濃 如果喜歡食酸 可以加個酸甜汁 不過就盡量唔加落湯底以免破壞個湯底味配有大蝦同蟹餅完全唔腥夠香酥而朋友就簡左慢煮燒牛肉湯河 無牛肉既腥易入口 加入青檸夠新鮮大部分食材以牛肉為主 另有雞絲 再黎可以再試一試

放工晚飯永遠都好難諗..屋企又永遠都唔煮飯，所以已經有外出食晚飯10年既習慣 老實講 咩都食過 最鐘意食 越南 泰國 上海 日本野。今次去左紅磡睇下有咩好西食 地鐵站B出口一出 正想行去土瓜灣睇下有無快餐。。。。咁好彩行過小行見到呢間野叫左距既招牌大蝦蟹餅湯濛 加牛丸加杯0 七餸同個麵底都 ok ge.. 牛丸係超市牛丸有d失望。 Crab cake 太乾。Total 100$距仲有個牛肉米卷， I will try it next time!

慢煮燒牛肉湯河•食生牛河食得多，慢煮燒牛肉湯河真係第一次食，慢煮燒牛肉，好香牛肉味，食落好淋，唔會韌，點啲是拉差辣醬食，個湯唔係牛肉濃湯嗰隻，但飲落係冇味精嘅，不過如果再難少少會好啲，配埋粒青檸同香料葉一齊食，個粉好滑，見到法包都好似唔錯，都可以一試！店鋪好似拉麵店咁，全店只有八個位左右，所以都係食完就走個隻。不過我覺得呢度嘅服務可以改良下，雖然店舖雖小但入到去冇人問你幾多位，有冇叫你係邊度等枱🤷🏻‍♀️

又到公司冇高層既日子,撞上開心星期五帶同事黎一嘗越式小店早兩個月前黎試過慢煮牛肉河今次決定食全店最貴的大蝦蟹肉河係排隊時,或是坐低左都有不少人點依個食,哈哈,心諗一定正一上枱,外表果然非常吸引先試啖湯,跟牛肉河是一樣的不同的是佢有塊厚厚的蟹肉餅同大蝦大蝦已開邊,容易食,如果熱少少會更好蟹肉真材實料,整碎佢撈落湯到鮮味立即提升,搞到我飲左大半碗湯唔撈落湯就咁食又得滿滿蟹肉又有少少栗米,一樣好食食完好滿足,飽晒以上食評只反映本人立場,如有雷同,實屬不幸