鉄火堂 (厚福街)

Open Now

Now Closed

去左尖沙咀呢間分店，午市都算多人，但好在早去唔駛等位，自選don飯$68四款刺身，包麵豉湯，性價比高。麵豉湯就比較淡味，正正常常，重點都係放在刺身飯上。上菜速度快，飯量算多，而且暖暖地，唔錯。刺身選擇了赤蝦、帶子、吞拿魚腩蓉、和吞拿魚。坦白講，呢到刺身真係唔係厚切亦都唔係大件，但食落係新鮮既，赤蝦好食，火炙左口魚邊都肥美又入口即溶咁。呢個價錢食四種刺身係性價比高既，平食黎講算係無咩好挑剔，值得一試！

放工約左兩個朋友食呢間日本餐廳 鉄火堂叫左三個丼 同埋一個小食我揀左既係御海丼😍😍飽魚好新鮮，咬落好爽口彈牙，鰻魚冇細骨，大大舊，好好味，入口有溶化既感覺🤣另外兩個丼，沙律風火炙丼, 好多蟹子同埋三文魚好多塊之餘，仲係好大塊。同埋海膽碎蔥吞拿魚丼，d 吞拿魚蓉鋪滿晒成個飯，海膽又係大大舊。朋友話呢兩個都好好味，大家都食到好滿足。小食就叫左黃金香芋丸，外面脆脆，內面軟軟既芋泥，大家都覺得好味，同埋好飽🤣🤣

9點鐘先到厚福街，見鐵火堂終於唔使點排隊就入到去，又有啲丼飯做緊特價，所以就即刻入咗去😋-💛黃色商家-🐟厚切五色藍鰭吞拿魚丼 (特價$188)吞拿魚腩嘅脂肪分布幾靚同幾均勻，不過如果可以有多啲高油脂部位嘅魚肉就更好喇，因為赤身食落味道同口感都相對遜色啲👀同埋魚肉可以再鮮甜啲，炙燒嗰款魚肉有少少過熟🤨另外個飯都有跟少少中華沙律、青瓜同醃蘿蔔嚟中和油膩感，整體而言以呢個價錢嚟講算係不錯😋-🦪築地極上海鮮丼 (特價$188)入面嘅油甘魚唔會好腥，而且口感幾好，咬落唔會覺得太淋☺️不過吞拿魚茸冇乜吞拿魚味，仲有幾塊魚鱗係入面，呢個真係要扣分🥲三文魚子唔算太鹹，鮑魚係有少少調味，唔係刺身而係燒熟咗嘅鮑魚，食落幾有咬口!隻蝦就冇乜蝦味，size適中，不過蝦腸去得幾乾淨，至於帶子就夠晒大粒厚身鮮甜😋飯同海鮮比例啱啱好，唔會有太多飯太少餸嘅情況出現~-之前已經食過幾次鐵火堂，唔同分店嘅味道都差唔多，不過每次去無論咩時間都會有人排緊隊，就算係夜晚九點到都等咗5分鐘先入到去坐🥲味道方面我覺得未去到話真係好好食，不過勝在選擇夠多，同埋仲可以免費添飯😋餐廳都有俾口罩袋，員工服務態度正常，不過佢地好似成日都好趕時

呢間唔洗介紹都好多人知😂可以自己揀野餸😍今次叫左個吞拿拿魚 加4餸碎蔥吞拿魚正到喊😭勁好食 入面仲有吞拿魚粒 唔係搞融晒唔知似咩個啲😂三文魚正常發揮😎不過大少少會開心啲😂油甘魚都唔錯🤔魚香味重嘅劍魚腩😂我個人唔太鍾意 下次會揀其他😂😂全部都好新鮮😋仲可以任加飯😍我就食一碗夠😂朋友加左半碗飯同男仔fd去食唔洗驚佢哋唔飽🤣🤣要食早少少去食🥺🥲如果唔係排好耐😭學生有折記得用啊

叫咗兩個「鉄丼家」，每碗都有五種配料，連飯底都任你揀～～～🔸厚切藍鰭吞拿魚+4️⃣款自選配料 $105🔸厚切藍鰭中拖羅+4️⃣款自選配料 $120兩碗嘅自選配料都無重複，咁就一次過食到10種配料+兩種飯底😎。🍚飯底叫左冬菇飯同黑椒三文魚飯，全熟嘅三文魚都係麻麻地，再加埋飯係白飯，硬係唔似食緊刺身丼咁；冬菇飯係醋飯，加埋冬菇粒更多一種口感👍🏻。藍鰭吞拿魚同藍鰭中拖羅以外嘅八種配料分別叫左碎蔥吞拿魚蓉、穴子、火炙三文魚腩、甜蝦、赤蝦、帆立貝、蟹膏、松葉蟹鉗。每款都新鮮，味道唔錯：吞拿魚唔會有酸味；但中拖羅唔太夠油潤肥美；松葉蟹鉗食用唔夠方便，味道上亦唔鮮甜，係唯一一樣我唔會再encore 嘅配料。💛雖然前路茫茫，可能仲有一點黑暗同崎嶇，但我信你一定撐得過，因為我哋係香港人！

行完街想食少少嘢先返屋企, 本來想去近尖東鐵火堂(感覺少d人)不過可惜佢哋只做立食同外賣, 建議我哋返厚福街比較好彩我地入完座後已經要排長隊, 朋友唔太餓,叫左幾款壽司,而我就叫左吞拿魚丼配自選四款配料 (兩份赤蝦, 吞拿魚蓉同火炙左口魚), 份量唔算好大份同飯比其他食過丼專門店為乾,刺身方面新鮮度可以,吞拿魚片比較細不過鮮甜,而左口魚燒完後油脂感好好味🤤見到隔離枱加咗隻溫泉蛋 蛋漿滲入返飯到好似好好味...下次都要咁叫先

🧚🏽‍♀️厚切五式藍鰭呑拿魚丼($158)有5款呑拿魚~包括碎蔥呑拿魚,藍鰭呑拿魚,2款藍鰭中拖羅同藍鰭大拖羅🤤每款大約2-3塊~大拖羅油脂分布好平均 入口即溶😍抵食！.🧚🏽‍♀️厚切藍鰭呑拿魚+4款自選配料($99)自選配料揀咗:火炙三文魚腩,三文魚子,火炙左口魚邊,赤蝦另外加左$15叫多款配料: 油甘魚🤤一個飯+6款魚生都係$114~抵啊💛仲要每款都好鮮甜 而且仲有舊招牌玉子燒跟飯~.需要加一.📍鉄火堂 (厚福街) (尖沙咀)尖沙咀厚福街10號地舖

鉄火堂 出名平靚正. 係一眾尖沙咀打工仔既飯堂$60-70已經有碗魚生飯重可以自己揀餸真係邊道搵🥰我好怕set死咗餸款既魚生飯. 每碗都梗係有啲好想食又有啲唔食既魚生🥢麵鼓湯原來中午個飯重會送麵豉湯. 個湯調味好好唔會咸. 有好多海帶同豆腐😋🥢蟹肉忌廉薯餅個蟹肉忌廉薯餅熱辣辣. 我食得太心急辣到個口🤭炸到好脆又無咩油. 忌廉好多好正🥢魚生飯揀咗火炙三文魚腩同火炙藍鰭吞拿魚.2份火炙左口魚. 油甘魚 外加三文魚腩😝一見到碗魚生飯即刻嚇親我. 咁大碗既😳今次大獲火炙左口魚油香好重. 加上淡淡火炙味真係好正.底下既飯都有油香火炙藍鰭吞拿同火炙三文魚腩一樣香噴噴. 同油甘魚一樣都好肥美額外加既三文魚腩好大片🤤好厚咁食法都係百零蚊..性價比高到呢..我食到反哂肚… 返到office完全坐唔到係道🤦🏼‍♀️

餐牌好多款任揀，例如自選魚生飯、特選魚生飯、炸物小食、沙律前菜系列、單件壽司（更設有藍鰭吞拿魚專區）是日試左款一. 築地極上海鮮丼$198(優惠價）魚生勁足料，帶子極厚，三文魚籽好甜🥳 反轉睇原來鮑魚切開咗一半，略帶鮮味，但睇得出好貼心🥰二. 四式山葵醬油漬魚生丼$120鮮味十足，個碗同份量明顯比上面貴價版細份，果然一分錢一份貨😂兩個set都送埋麵豉湯（配埋豆腐粒粒）好飽肚😚自私評分：🟡🟡🟡🟡🟡自私評論：下次會再試，午時有lunch set應該會仲抵食🤩，食完感覺好似身處日本東京咁😝😝

💛鉄火堂·我之前試過同同事係首都廣場個間買外賣 但係最後發現都係堂食豐富D好味D😈😈·自選魚生飯 $62(4款) l $72(5款)佢呢度係白飯任添既 不過我自己叫少飯已經好夠😌佢個帶子幾甜 幾新鮮 個三文魚籽份量都好多 而且調味岩岩好😎😎個鰻魚都唔錯既 無咩骨而且個鰻魚汁好好味 不過就細舊少少🤭佢個吞拿魚食落就似赤身多D 佢口感唔錯既 不過就唔算話好肥美 個火炙三文魚就偏淡少少 但係整體黎講性價比都好高既🤑🤑·#rbyeat#rby日本菜#rby💛#rby尖沙咀 #rby旺角·📍尖沙咀厚福街10號地舖📍尖沙咀漆咸道南61-65號首都廣場地下5號舖📍旺角登打士街36號恆威商業中心地下1-2號舖

基本上無論係午市定晚市，鉄火堂都總係大排長龍，除咗香港人素來鍾情食日本嘢，多人支持一定有原因！今次係平日午市嚟食，拎完飛等咗大約15分鐘入座。午市魚生丼自選5款配料，包味噌湯，只係$72，真心好抵食！而且選擇夠多，客人可按個人喜好揀選配料。不過亦因為個個客都揀自選餐，午市比較多單製作需時，要耐心等候食物。壽司飯口感軟硬適中，醋嘅比例亦剛好。魚生份量唔算大片，但勝在夠新鮮！總括而言，鉄火堂食物質素好好👍🏻以呢個價錢嚟講真係超值！而且仲係良心黃店💛絕對值得支持💪🏾

【#肥波日本野系列】🎈呢間相信好多人都食過，因為佢嘅丼飯真係幾抵食，由其係午餐！一百蚊樓下就有交易‼️🎈早幾日我地去左厚福街嘅鉄火堂食自選丼飯，由於我同肥成都唔食呑拿魚，所以我哋就揀返平常嗰種自選丼飯🍚佢哋可以揀飯底/沙律菜底，但當晚因為有少少想食飯，所我就揀左普通醋飯底，肥成就試左冬菇醋飯🍱味噌湯係有驚喜，湯裡面有海帶同豆腐粒，無好似一般啲平價日本餐廳咁咸到死，而且味道仲幾濃添🥣🎈配料方面：我揀左蟹柳+炙燒三文魚🐟+蟹肉🦀；肥成就揀左玉子🥚+炙燒三文魚+帶子🥢🎈蟹柳同玉子嘅份量都幾多，味道正常；蟹肉唔腥，份量ok多，每啖飯都可以有蟹肉；炙燒三文魚燒得幾好，唔會太過熟👍🏻帶子好新鮮(亦都好貴😂)，厚身又有鮮甜味；冬菇醋飯底幾特別，酸酸嘅醋飯配細細粒嘅冬菇，既有咬口又有冬菇嘅香味🍄下次可以試埋黑椒三文魚飯底/沙律菜底🥗都應該會係不錯的配搭‼️📍鉄火堂 (厚福街) @tekka_hongkong 📍尖沙咀厚福街10號地舖

尖沙咀人氣魚生飯😊😊😊平時喺社交平台見人哋食得多，今次終於到我嚟到啦~都幾多人排隊等咗15分鐘先有位！自選魚生丼 配沙律蒸蛋味增湯飲品，有三粒帶子，但感覺較細粒 ，三文魚子份量剛好鋪滿飯，感覺唔錯非常新鮮，三文魚子份量相對較多，粒粒鮮味。感覺清新健康！自選刺身，一次過滿足多個願望😋啱晒我呢個貪心嘅為食人。吞拿魚三文魚肉質厚實，色澤靚。飯嘅份量對我來講啱啱好，唔使擔心浪費食唔晒。配上味增湯，食完啱啱好。

鉄火堂鉄火堂相信真係唔洗我點介紹，應該好多人都已經食過。今次我食嘅係尖沙咀厚福街店。📌吞拿魚、三文魚、火炙左口魚、吞拿魚蓉、油甘魚丼$128今次丼飯底試左黑椒三文魚，好正啊😋比起剩係壽司飯嚟得更有口感。今次叫嘅呢堆剌身中比較推介油甘魚，其他都係正常發揮。不過以呢個價錢嚟講真係十分抵😋📌吞拿魚沙律$78因為個飯其實都唔算好大，所以同朋友叫多咗一個吞拿魚沙律share💓 呢個沙律我就十分推介，有好多件吞拿魚，而且沙律好新鮮，一啲都唔霉😋好味指數：3.5/5

間唔屎時都會成日同男朋友去撐枱腳食呢間，佢啲魚生唔新鮮嘅，而且價錢唔算貴，都算係性價比自選，唯一缺點就係成日都要排隊。我覺得佢哋啲帶子好鮮甜，又大粒，油甘魚都係我黎親都必選之一，一放放落口啲油脂就即刻好似溶咗咁，係幸福嘅味道🥰但係吞拿魚嗰度有一樣缺點，就係成日都會有筋，試過食幾次都係有斤喺度俾人難咬，但個味係唔錯嘅。 而其他嘢都不過不失。