Thai Fire

冇諗過泰國菜都可以整得咁難食⋯⋯⋯每道菜式又貴又唔好食，炒飯好咸、冬陰公湯好酸、金邊粉濕到不得了⋯⋯⋯仲要又貴量又少，$168既湯得個少少，2個人一人一碗都無曬⋯⋯問題仲要係唔好飲！唔明白點解值呢個價！！另外，服務都麻麻地！啲職員做野又慢，叫幾次先有人黎，一入到黎坐低，連最基本既紙巾同水都無！性價比奇低，完全唔值呢個價錢⋯⋯唔明白點解咁多comment，都唔知係咪水軍黎⋯⋯⋯大家一定要擦亮眼睛！！！！

商業大廈隱藏式美食呢排公司太忙，沒有好好地吃一頓正常lunch，同事大推了這間，佢話環境好relex。好彩我地早到唔駛排隊，觀塘食飯真係晏d都唔得，我地入坐無耐已經有人排隊。店員安排了寬敞的座位給我們。餐廳佈置得很泰式風，感覺很舒服。🎀 泰式無骨豬手飯豬手非常淋身，應該熬製了很多小時，伴碟的沙律菜也很新鮮，沒有忽略伴菜的本身，很值得加分。🎀 泰式紅咖喱飯辣度剛好，不是噴火的感覺，我們配的是牛肉，咬下肉嫩入味。🎀 泰式咖喱角啱啱炸起，好香脆，裏面餡料充足，唔會太漏，🎀泰火特飲為了隻熊仔而點的，好可愛，非常少女心。打卡都影多幾張🎀斑斕茶好fresh, 夏天的解渴良品。

好朋友生日，她喜歡食泰國菜就相約到這間泰國餐廳共進午餐。地方唔難搵，觀塘港鐵站附近，入到餐廳，地方唔算大，有些泰國裝潢配搭粉色的傢俬，行簡單嘅西餐廳格調，還有間高私隱度VIP房間，啱晒商務人士。員工推介泰火豬豬豬瀑布公仔麵$108，公仔麵賣相真係好似瀑㳍😂少少偏甜，豬頸肉夠腍滑爽口，還有串燒豬肉燒得香入味。泰火雞絲撈檬跟4件春卷$108，鋪上滿滿的蘿蔔絲、青瓜絲、雞絲還跟四件香脆春卷，淋上泰式酸甜汁，夏天食就夠哂開胃。必食泰式魚餅$32，魚餅鮮嫩富彈性，有好香濃金不換味道，蘸些泰式甜辣醬超惹味👍泰式無骨鳳爪$28夠晒爽脆，酸酸辣辣，配上沙律菜，開胃之選嘅小食。斑斕椰奶不但有香滑嘅椰奶味，成杯飲品粉綠色，視覺上也是一種享受😍泰式奶茶茶味香濃，上面還加上厚厚的cream，增加成杯茶嘅香滑度，但同時也增加了我的脂肪🤣這裏還有很多又好食，又吸晴的美食，三五知己上嚟食吓嘢打吓卡唔錯選擇👍

第一次去這間泰國菜感覺很好，味道不錯，食物新鮮冬陰功湯有爐保持溫度青木瓜沙律好味值得整體食物不錯，可以再次去食。今次再返食比上次差得遠冬陰功無爐保持溫度，又鹹又唔好飲唔夠熱，酸味唔夠，冇辣味。青木瓜沙律太多魚露好鹹冇酸味，冇辣味以上兩款不值得一試，總體嚟講唔值咁嘅價錢，豬頸肉，炸物拼盤味道尚可。總括嚟講唔抵食。其實這間餐廳價錢中上環境不錯，裝修好靚，但係對於食物質素下降真係太可惜希望佢能夠保持食物水準，今次去到味道真係去九龍城食，好過佢好多價錢又平啲

Thai Fire（觀塘）觀塘開源道71號王子大廈9樓A號舖觀塘一向多餐廳朋友生日 。揀咗呢間食泰國嘢叫左2人餐頸肉拼雞牛串燒豬頸肉燒到好香，加埋醬汁超級酸酸辣辣好惹味；串燒每款有三串泰式甜品：這次是七彩椰汁糕，色彩繽紛，打卡一流有軟綿綿的質地另外叫多左個碟豆西米飯顏色好靚，加埋椰汁同芒果肉啖，好味。整個糕點有濃郁的椰香味，味道香甜，當飯後甜品一流！泰式飲品：當然一定要叫呢杯有熊仔造形既特

之前見到有人post呢間餐廳嘅飲品好靚，今日嚟開觀塘就即刻嚟打咭啦。餐廳位於觀塘工廈，不過好近apm同地鐵站，好快就搵到。餐廳裝飾明高，開放式水吧仲裝飾左隻大bear bear。泰火特飲就係比呢杯特飲吸引嚟，隻bear實在太可愛，再加上紫紅色嘅飲品，成杯飲品嘅感覺都好幻。飲落酸酸甜甜，味道好好。水蜜蜜雖然冇左bear bear裝飾，賣相都幾靚，係水蜜桃加上奇亞籽，口感唔錯。泰式青咖喱豬仲叫左個午餐套餐，青咖哩都幾辣，好惹味開胃泰火喇沙豬頸肉好多配料，配上香濃嘅喇沙，食唔停口。酥炸粉絲肉碎春卷酥脆香口，配搭泰式雞醬啱啱好

同朋友兩個約食lunch 諗住試吓新嘢觀塘放飯一向多人 所以簡左間望落坐得舒服原本預左要等 點知去到無咩人 都覺得奇怪睇完餐牌諗住叫個 肉碎炒飯 實無死個飯黎到 我地都覺得個樣唔係好得望落去好乾 隻蛋又熟咗冇香葉冇辣椒冇油 勁似營養減肥餐食完第一啖 完全唔知咩嚟🥲叫佢豆角炒肉 比較貼切唔好話撈飯 就咁食餸都無味明明有肉 但淡到以為自己食緊齋🙃好欣賞佢 豬肉都炒到油都無😌佢午餐價錢都唔平架平均都$90 一位 真心唔值呢個價 我一向好少食剩野 真係食到一半就頂唔順第一次食咁難食嘅泰菜 難食到令我忍唔住 第一次係open rice 落comment

特登過黎行完開倉，個friend話帶我打卡兼食好西~喺商廈入面有啲咁高質餐廳，真係估佢唔到~🔹椰子雞湯🔹 一上枱就勁香~飲落好濃椰香，但又無失雞湯嘅鮮味~🔹香蒜甜酸汁蝦肉餅 🔹個名真係無改錯~蝦肉餅真係啖啖蝦肉~肉質比平時食嘅蝦餅實啲，但反而更加覺得好食有口感~兩個醬都有唔同嘅好味道~🔹泰式醬香蹄膀 🔹份量好大~泰式豬手味道無滷水豬手咁鹹~加埋泰式醬汁酸酸地，再用生菜包住黎食~好開胃~ 食到啲骨都”損”埋~🔹芒果糯米飯🔹熱辣辣即蒸嘅糯米飯~好香糯米味~芒果又好甜~🔹飲品🔹一開始就係為左佢哋而黎~泰火特飲- 藍色bear可愛到暈！碟豆花加荔枝梳打顏色超靚~飲到尾又唔會無味~班蘭椰奶-一飲就係泰國嘅味道~但班蘭味又好有新鮮感~加埋個菠蘿杯，打卡打得好開心~

家人聚餐，於是就係OpenRice 搵食，見食評好似唔差，胆粗粗就去試吓，食物款式不多，味道麻麻，特色飲品較多，但最基本既椰青都無， 服務態度平平，唔會有下次，失望！

莫稱自己是一間私房菜😩從未食過一間咁嘅泰國菜，我不在乎價錢，只享受環境和食物素質。如果大家真係想試，就去食吓啦。我只用四個字去形容呢間食肆（不知所謂）食物一：例牌雞，真係有雞，冇呃食客！不過，除咗見到一隻雞中翼係食得嘅，其他五嚿迷你雞胸。食物二：無骨鳳爪，柚子沙律。五隻唔新鮮有辣到你pK 嘅有骨鳳爪，又少又甜到冇朋友嘅柚子沙律。食物三：豬頸肉炒金邊粉。又濕又甜嘅金邊粉，完全食唔出係泰國菜，出色。食物四：一碟重口味嘅芥蘭苗，碎濕濕，都食得嘅😢成餐飯最開心嘅係，不停有幾隻蚊仔飛落你啲餸度做伴菜😩真係唔明白點解咁多人訂位食呢間餐廳？

第一次食到難食到要立即寫完差評先離開店既晚餐，炒飯淡而無味，咁多樣菜中竟然係蝦餅勝出，食物難食都算，價錢仲咁貴，青咖喱雞薄餅餐$138竟然只配兩塊薄餅，加兩塊薄餅竟然要加48個大元，真係一星都比多佢，但最低評分係一粒星，唯有掩住良心比佢一粒星。

今次同朋友嚟觀塘食飯 我哋都想食泰國菜最尾揀咗呢間樓上舖 地點離觀塘站勁近加上今日落雨天 ☔️ 唔想行太遠呢間Thai Fire地點真係非常之方便 很適合我哋環境都唔錯 圓枱坐得好舒服 空間感十足😌香蒜蝦餅$128賣相好吸引呀！大大碟外皮炸得香脆 內裏熱辣辣超好食而且口感非常彈牙配上酸甜醬真的充滿泰國特色和風味斑蘭炙鳳 $368簡單啲嚟講佢係原隻燒雞🥳燒得唔錯 色澤靚靚 食落仲好惹味添旁邊仲有一碗三色椒沙律 感覺都幾清新雞肉口感嫩滑 一路食都keep住有肉汁底下亦有好多沙律菜同埋三色椒🩵可以balance到食肉的油膩感蝦油海鮮炒飯 $138賣相都唔錯 粒粒分明飯粒偏乾 伴隨着炒蛋以及蝦油香 配料包括有海蝦、青口、魷魚等等每樣海鮮都可以試吓🥰整體以清淡為主 鍾意食海鮮嘅唔可以錯過綠茶奶$58第一次飲呢款奶隻顏色好適合打卡啊🤣🤣清幽嘅花香味 🔥加上香甜嘅甜奶 好適合夏天飲椰子沙冰$58好fresh好消暑 重點係好重椰子味夏天冇乜胃口嘅時候 呢個係必點💦

蝦油海鮮炒飯：炒飯炒至金黃色，蝦油有濃郁的蝦香味，令炒飯香氣四溢。海鮮有魷魚、青口和水海蝦等，魷魚很彈牙，青口十分嫩滑，海蝦夠新鮮，再配上酸甜而帶果香的菠蘿，並以蕉葉墊底，色香味俱全！😄😄😄彩虹椰汁糕：椰汁糕有豐厚濃郁的椰子香氣，由七彩繽紛的顏色糕層疊加而成，共有約十層之多，口感柔軟細緻，另外又有糖漿畫成心心及寫上"Thai Fire"字樣，花費的心機不少！👍👍👍香煎金不換魚餅：魚肉鮮嫩，口感豐富，經過精心的處理和調味後煎至金黃香脆，有豐富的魚香味，外層酥脆得來，內部又能保持肉質的鮮嫩，水準不錯！😍😍😍椰子雞湯：雞湯味道清淡而濃香，煮成奶白色，口感清爽，而且營養豐富，椰子的香氣和椰奶的滑順口感為雞湯帶來了豐富的滋味！😋😋😋泰牛沙冰：以泰式奶茶製成的沙冰，冰涼透心，奶茶口感濃郁，鮮奶和茶葉的香氣融合在一起，味道迷人，配有用茶底製成的卡通牛牛，給人一種可愛有趣的視覺效果！❤️❤️❤️

在觀塘的繁忙街道上，Thai Fire以其簡約而時尚的裝潢和溫馨的燈光，為食客提供了一個舒適的泰式用餐環境。店員的服務體貼周到，每位客人都能感受到賓至如歸的氣氛。從泰式魚餅開始，這道菜的外皮炸得金黃酥脆，內裡的魚肉卻保持了鮮嫩多汁，搭配特製的甜辣醬，讓人一口接一口。豬頸肉炒金邊粉則是一道色香味俱全的主菜，豬頸肉的嫩滑與金邊粉的爽口完美結合，帶來了豐富的口感層次。冬陰鮮菌烤魚是一道令人驚喜的創意菜，魚肉在炭火的燻烤下呈現出獨特的煙燻風味，而鮮菌和冬陰功的香辣讓整道菜的味道更加提升。甜品碟豆西米飯則以其獨特的口感和甜度適中，成為了完美的用餐結尾。飲品方面，泰火特飲不僅外觀可愛，還融合了玫瑰、碟豆和荔枝的清新味道，而斑斕椰奶則是濃郁而滑順，為這頓泰式盛宴增添了最後的風味點綴。總的來說，Thai Fire不僅提供了美味的泰國料理，更提供了一次視覺和味覺的雙重享受。這裡絕對是泰式美食愛好者不可錯過的好去處。

嚟到Thai Fire 當日，好慶幸自己有book到枱，因為係高峰時期都坐滿晒全場。呢度座位寬敞舒適，仲要係我鍾意嘅高級灰同埋圓形設計😍，而食物都啱晒我嘅口味。🤍《香蒜甜酸汁蝦肉餅》蝦餅炸得香口唔油膩，蝦肉紮實彈牙，灑上蒜片、辣椒片，食得好過癮！附上嘅甜酸辣同沙律醬同蝦餅都好夾。🤍《冬陰鮮菌烤魚》條魚經過油炸，魚皮係一個脆卜卜嘅狀態。等冬陰公湯滾起之後要將魚肉浸入湯底 ，等佢吸收曬個湯嘅精華，放入口又香又滑 ，咁就正喇！ 🤍《椰子雞湯》 飲一啖即感受到香茅味撲鼻，尾調椰子既清甜會慢慢滲出， 呢款唔係濃味嘅湯，但係飲吓飲吓，又幾鍾意好似將成個椰子水倒咗落去嘅清甜滋味。🤍《泰式凍奶茶》第一次飲有忌廉蓋嘅奶茶，忌廉融入茶底增添咗幼滑口感，奶香十足又唔會蓋過茶香，有驚喜！ 🤍《粉蜜蜜》酸酸甜甜嘅士多啤梨同梳打係好夾嘅組合，夠晒涼爽，加上亞麻籽有啲咬口，係唔錯嘅特飲