仙人掌 (Closed)

$28一細碟香辣長通粉同凍咖啡都唔算平，但個味道絕對值茄汁，辣味同香草既味剛剛好，好正食完個口仲留有香味@~@;;;凍咖啡一般

我都係下午茶時段行過呢間餐廳，見到下午茶一律$28，六時前離座不加一。下午茶有心太軟，有雪糕伴，可以自己選味道。連飲品都只收$28。咁既價錢，真係好抵！我都有去過另一間灣仔法國餐廳吃他們很出名的心太軟，但午餐連set叫，近日加了價要$25。都無雪糕。加雪糕要加$8即$33。就較貴。下午茶又係叫飲品才可以加錢吃心太軟(+$25)。加雪糕(+$8)加飲品(+20)起碼要$53。淨係要心太軟，唔吃其它東西就照原價無雪糕都要$33，加埋雪糕就要$38。所以呢間吃下午茶真係好抵食，但平心而論，這間的朱古力的質素要較另一間差。但亦可接受，大家不妨一試。

今天好開心, 昨天冇見嘉豪一天, 今天我收早他接我收工, 而且他買了一本書給我, 本書都好好笑, 不過都想食個tea,坐下來看下書, 之後我們路經"仙人掌", 見到個menu的下午茶都好抵食,$28免加一, 凍飲都不用加錢, 於是我們都入enjoy 個tea我們都想了好久, 因為我們都三心兩意, 不過"心太軟"我就一定會order, 因為好耐都冇食了,有朱古力,士多啤梨,芒果,香芋&雲呢拿雪糕可以選擇,不過我都是想食番最傳統的dessert, 都是雲呢拿比較好啲!之後嘉豪order了芝士白汁焗吞拿魚長通粉, 他好喜歡食cheese, 食番個pasta先飲品兩杯iced tea 都好快來到, 茶都好清晰, 預先放syrup, 不會太甜, 都好正!等了一陣, 個penne都好快送上, 好香濃&香噴噴的芝士味已經攻入我們的鼻子裡, 當用叉撥開白汁的時候, 裡面都好足的配料, 有mushroom, tuna, 有生的onion..., 不過愛食芝士的他也要些cheese powder配個penne, waiter都好helpful, 把香濃的cheese powder灑上整個pasta的are

今日去完買野,又吾想周圍去,就去左仙人掌一入去,再次坐係平時坐開果個卡位叫左個炸魚薯條即磨咖啡好快到,注意係即磨!!因為見到佢用咖啡機炸魚薯條等左一陣,不過有杯咖啡飲住等就無所謂啦魚同薯條都係即炸,吾會難食28蚊真係好抵食PS六點前埋單仲吾収加一添

20-2-2009上次約朋友 J 食 lunch 遲到, 搞到食唔成呢間 ^_^", 難得到灣仔「下場」前朋友提議0黎試試 set dinner, 今日終於有機會試試食友 FL 介紹的心太軟喇! 先0黎 starter, 揀了洋蔥湯: 洋蔥腍身, 湯就好稀, 味道太鹹, 有點「豉油溝水」feel, 諗起都打冷震... 反而蒜蓉包幾好食, 烘得脆卜卜又幾香蒜味.朋友的 starter 好似叫「煙腸仔沙律」, 即兩片 mortadella (?) + 泰式 dressing 的羅馬生菜... mortadella 味道正常, 爽脆的羅馬生菜就被橙色的 dressing「害」得「雞毛鴨血」-- dressing 呈 jam / 狀 (!!), 味道十足泰式雞醬 / 加辣版 marmalade, 難吃. 十分麻麻的一道菜!我的主菜好似叫「紫蘇忌廉汁蜆肉天使麵」: capellini 腍腍的, cream sauce 味道淡淡的, 唯有自行落點胡椒粉「吊吊味」;「紫蘇」就唔多覺, 唔通粒粒香草碎就係「紫蘇」? 蜆仔雖然好似好細隻, 但食落帶點海水味, 鮮甜無沙, 意料之外地不錯;

曾經來過吃晚餐，品嚐過其心太軟，感覺水準一般，因此好一段時間沒有再來。是日大概下午三點三十分，路經此地，見到佢下午茶有心太軟供應，決家再俾多次機會佢，推門進去。吃什麼已心裡有數，所以餐牌也不用看，就一份心太軟的下午茶套餐，飲杯熱檸檬茶。服務生指要等十五分鐘，當然沒有所謂。聽住i-pod等，好快十五分鐘就過去，心太軟送上。先講蛋糕，質感濕潤，但不失脆口感覺。將蛋糕切開，朱古力漿澎湃地湧出來，比預期中要流得勵害。暖暖的朱古力漿，味道相當濃郁，配合雲尼拿雪糕，絕對是有水準。若朱古力漿可再熱一丁點，雪糕再多一球，那就無得彈了。近期食過Chocolux、心意屋等，也不及這裡的水準，今次我真的很有食神。埋單三十八元，不用加一，吃得過！

jan 20, 09,3人嚟食晚飯,叫咗3個set dinner : 1) 頭盤/湯i) 煙鴨胸沙律-鴨胸正常,如平時食到嘅美味,唔乾同嫩-不過菜嘅部份就好有創意地用咗泰式嘅甜酸醬作dressing.............真喺唔喺太慣見到呢個配搭 ii) 什菜牛肉湯 x 2-試咗友人1羮,頗鹹,友人話今次就重手咗-反而個蒜蓉包就又大塊,又脆,中間麵包部份就好軟,蒜蓉亦落得慷慨 2) 主菜i) 3文魚扒拼青口-試咗友人少少,沒有腥味,但就好似煎耐咗少少,唔喺好嫩-個焗青口就好有貝殼嘅海產味 ii) 燒羊扒-揀咗拼焗薯皮 (仲有好多其他拼嘅選擇)-個焗薯皮好夠芝士,熱辣辣,所以呈絲狀,連埋薯皮都好軟身,呢個唔錯-羊扒要求5成,但相信都有7成,羊味都濃 iii) 燒德國豬手-呢個喺3個主菜中最有質素,薯角外脆內軟-隻豬手好好肉,唔乾,個皮就又唔厚唔肥4) 甜品 i) 心太軟-要+$28-1cut落去個心唔多流,而且朱古力漿又好似有d鹹味,怪怪的 ii) 雪糕球 x 2-跟餐嘅1球雪球,都有成5款比人揀,有雲呢嗱,朱古力,士多啤梨,豆腐......... 5) 餐飲 x 3-正常 - 服務很

約了朋友在灣仔食飯，在OR努力搜尋後，為著方便大家就決定來這間。Set lunch不算貴又多選擇。頭盤要沙律-是普通的雜菜沙律，加了少許沙律醬，如果改為橄欖油及黑醋就更為健康。主菜是燒汁牛脷配薯菜，有四塊之多，又腍又入味，雖不是厚身，亦不乏嚼口。伴碟有大一埋雜菜外，還有一大球薯蓉，不過似是用粉開的。朋友的香辣蘑菇螺絲粉，只有少少辛辣來吊味，螺粉亦不夠彈牙，蘑菇份量又少，但朋友頗為滿意。與朋友都勁鍾意心太軟，叫一個作飯後甜品，還要求加多一球雪榚。賣相不錯，誰不知切開後，只有一丁點朱古力醬流出來，大家非常失望。而蛋榚外層就烘得幾脆身，不過內裡是乾淨淨的，入口亦不覺朱古力味，是失敗之作。由於心太軟製作需時間，我們未食午餐時已預先落單。侍應哥哥以為我們先食甜品後食午餐，雖然我與朋友是可以甜品作主菜，不過作為一間食肆的侍應，應該有「專業」知識，先問問客人才是。而他們上菜及收碟的速度極其快，有點趕客情況。不過在中午煩忙時間，而所收的價錢亦算大眾化，故不會太高要求了。

一心上「大有商場」, 飲咖啡嘆報紙, 但食左幾日麵包, 看見三文治都飽了三成, 於是隨「譚臣道」繞一圈再算, 誰知未行數步, 便發現新大陸, 回來上網一看, 才知大陸已不新, 足立地五年矣, 只是時運低看不見, 門口餐牌寫著炭燒西泠, 於是入門一試, 可能期望不高, 炭燒西泠跟飯, 牛扒有深啡坑紋, 但炭燒味欠奉, 而且肉質稍韌, 然而入口不覺乾硬, 配汁味道亦算適中, 牛扒當然首選肉質鮮嫩, 但韌口也有另一番味道, 此言絕非冷嘲反諷, 可能各人選擇不同, 也自認口味有些異常, 以麵包為例, 法式百吉長棍, 也喜選脆皮韌心, 因為包心太軟, 鬆散缺乏口感, 沒有嚼口, 無論如何, 牛扒韌口難咬, 也勝於連鎖快餐出品, 那些甚麼紐西蘭牛扒, 以大量蘇打粉醃製, 咬落真如所說海棉般柔軟, 然則有如素館吃麵筋, 唯該店不足之處, 供應韌口牛扒, 理應配以合適切割工具, 可惜沒有對付頑固堅韌扒類的木柄鋸齒刀, 而只是配上對付菠蘿火腿的普通餐刀, 如此武器, 幸好自是男士一名, 若辦公室女士們, 出力流滿汗也鋸不開, 一不小心更隨時飛扒過枱, 認真尷尬死了, 尚欠餐湯餐飲未評, 午餐配以菠菜忌廉

星期一下午放假, 去左仙人掌食下午茶, 之前曾多次過這裡, 看到這間別緻的餐廳, 但通常都是過門而不入. 今次終於可以一嚐這裡的食物.入座時已是下午3時許, 餐廳內只有3 枱 客, 獨自坐在每邊只能容納一人的卡位. 待應便送上一杯水及餐牌, 點了一客香辣煙肉磨菇焗長通粉連一杯咖啡.最先來是咖啡, 原本以為待客人吃過食物後才奉上, 但既然來了, 便算了吧. 待應忘了給糖, 難道我樣子似要飲齋啡嗎?香辣煙肉磨菇焗長通粉是即焗的, 大約15分鐘便上枱 , 通粉有很重的胡椒味, 有不少的煙肉, 算是不錯.這裡令我最深刻的就是那杯水, 這不是普通的水, 是用加入檸檬片浸過的, 很香, 很特別. $32蚊一個餐, 最欣賞反而是不另收費的水.

番學前來了這裡下午茶, 價錢由$26~$38不等, 以前吃過他們的牛扒, 非常的唔掂!! 下午茶也吃過豬扒公仔麵, 平平無奇無咩特色, 今日叫了個肉醬薯仔皮, 但又好好好味喎!! 肉醬面有點點焦, 至於咖啡奶茶等, 這裡也是平平無奇。招呼一般, 勝在不太多人, 座位是沙發座也算舒適!!

今天書展最後一日,當然要去參觀啦!下午約1:00到達灣仔,感到肚子非常空虛,可能因為午飯時間,四處都十分多人.於地鐵站附近走了才找到此處.看見餐牌價錢只是$52還免收加一,就這裡吧.餐廳內環境尚可,坐位約有30多個,套餐有4款:西冷牛扒,瑞士雞翼拼司華力腸,龍利柳及焗飯.最後選了龍利柳(因知道$52一份西冷是怎樣質素)這價錢吃一份午餐所以對食物及服務都不會有什麼要求,但令我意外的是他們的服務不會因價錢便宜就因而馬虎.因為看見酒吧內有一部咖啡機所以於餐後點了一杯咖啡,但送來的卻是一杯用即溶咖啡粉煲的,還有點煲得過了火,於是問店員咖啡不是用咖啡機嗎?他很有禮貌地解釋因午餐時段不想客人久候咖啡而預先煲好,還即時為我換了一杯.

上星期日到灣仔食晚飯, 見呢間環境唔錯, 東亞信用咭又有85折, 所以入去一試... 原本想坐最尾的二人卡位, o個位男經理用不友善態度話"唔坐得"!!!!!! 態度非常惡劣! 之後女侍應解釋, 因為近廚房關係, 怕我地覺得熱, 所以唔安排我地坐卡位... 未開始食已經一肚氣! Order兩個Set Dinner: 周打蜆湯- 入面多料! 蜆肉勝在冇沙!羅馬生菜配泰式醬汁- OK! 咸豬手配黑椒汁- 肉質較硬! 香煎龍利柳- 煎得好香口, 但份量少, 大食D都唔夠. 最後埋單我地簽完張咭, o個位男經理一句多謝都冇, 就咁放返張收據同咭o係檯面就走開... 早知一毫子tips都唔好比佢! 以後真係唔駛我再幫襯! 整體食物質數唔差, 但服務態度真係衰到貼地!

朱古力軟心蛋糕係我既至至至至至愛...有好多貴價餐廳都做得唔夠呢度好(我都鐘意去赤柱"boathouse"食呢個甜品,果度貴好多,用靚chocolate做,但都唔夠呢度好食!?)雖然唔係用上最貴既chocolate或者icecream但我覺得真係物有所值我通常係黎食tea set (好似係$38包飲品)滿足到呢... ^^呢間餐廳既其他野我就無試過,亦都無興趣去試...哈! quota有限真係唔好浪費麻!!(重有:叫朱古力軟心蛋糕要等15分鐘度ga)

誠如有人所言，這間食肆真的有點名不副實，首先佢雖然叫仙人掌，但裡面冷氣凍過北極。其次佢係一間高級茶餐廳，但同BAR & GRILL真係有距離。儘管如此，依度午餐還算不俗，份量適中，52元有餐包，湯，主菜同飲品，仲唔收加一，收費算係好合理。而畢竟係灣仔午市，又唔係貴價菜，好難要求佢俾大餐廳品質同服務。度效率同服務都算唔錯，但坐得比較逼同要搭。食物方面有進步，如怕牛扒整得韌，可以考慮魚或豬。今次食個龍柳算幾好。