大班樓

Open Now

Now Closed

Lunch. Very different deco from before; displaying owner’s collections and art by local artists.Here’s what we had. 金錢蟹盒炭火厚切叉燒- had to ask for some rice to go with it.蟛蜞膏柚皮冬瓜- very soft.雞油花雕蒸花蟹配陳村粉- 陳村粉 was a bit hard and stuck together.魚米粥蝦籽象拔蚌- yums.樟木煙燻黑腳鵝- I was fortunate as server gave me the thigh. Brother was scowling at the bone and fatty bits that he was assigned.豬皮櫻花蝦燉畤菜- brother’s favorite dish. He took over my 豬皮.煙燻馬友銀魚窩飯- Good until brother came across the X’mas present chef left fo

搬左新舖後第一次黎食，裝修幾有特色，啲梳化位好靚好舒服午餐嘅食物喺早兩日已經揀定🦀金錢蟹盒🍖炭火厚切叉燒🍳煙燻蛋配煙燻馬友🦀雞油花雕蒸蟹🐥樟木煙燻黑頭鵝🥪梅乾菜扣肉夾包🥗豬油渣櫻花蝦時菜🍛蝦乾蟹肉炒飯🍨甜品三味前菜三款，主菜三款，最期待係花雕蒸蟹，果然好好食，好濃好香嘅花雕味，蟹肉入晒味，加埋吸晒汁嘅陳村粉，真係好好食另外我麻麻地食鵝嘅都覺得黑頭鵝幾好食，好香煙燻味，肉質多汁軟熟其他菜、飯 、甜品都好好食😋要訂咁耐位都值得，可以再食

再訪裝修後大班樓，裝修高級了，服務更貼心，我們一行六人點了：♦️ 炭火厚切叉燒 👍🏻👍🏻♦️二年陳桂花冰肉豆腐花👍🏻 ♦️羊腩片叉燒♦️凍鹵水花椒小吊桶釀土魷♦️ 大班樓鹹魚臭豆腐🔸豉油王豆豉欖菜煎泥蟹👍🏻👍🏻👍🏻 🔸剁椒鹹肉蒸龍躉魚頭👍🏻👍🏻 🔸魚米粥蝦籽琵琶蝦👍🏻🔸一口湯 （川貝百合雪梨燉赤瘦肉湯） 🔹薑絲肥牛膶腸窩蛋煲仔飯👍🏻 🔹大班樓酸辣甜蒜牛三味 🔹魚湯白木耳浸瓜絲 🔹甜品三味🍽️ 今晚的第一刀叉燒，軟淋到似入口即溶，表面嘅蜜糖烤得好香😋 出色。🍽️豆腐花表面的桂花糖，令我想起上次回味無窮的脆皮迷你糭配菊花糖。🍽️羊叉烤到好香，朋友說騷味太重，我反而覺得還可以。🍽️ 泥蟹是我今晚心中的Number one，蟹被炸過，伴炒的豆豉欖菜很惹味，配泥蟹啖啖肉，不得了。🍽️龍躉魚頭是另一至愛，剁椒沒有想像中麻辣，魚頭鮮美肉彈牙，醬汁小辣非常開胃，讓我忍不住食多幾塊！🍽️魚米粥一貫水準，鮮味十足。🍽️大班樓煲仔飯不會令人失望，潤腸好香，肥牛醃的恰到好處，飯帶有點酒香。牛三味我反而覺得有點酸。🍽️甜品三味的杏仁茶、紅豆餅、一口奶黃煎堆不會太甜，杏仁茶濃香到似飲杏仁茶espresso ，三道都比往時食的杞子雪糕美味。

大班樓已經搬到新地方啦，新址的裝修少了舊有的中式設計改用了時尚的清新風格，而我到訪的時候還在舊址，預約時間大約要早半年的時間才能訂上晚餐的時間，真是一間預約困難店，大班樓亦是米芝蓮一星當中亞洲五十大餐廳的第一名，名銜十分厲害，菜品方面有驚喜有失望的.雞油花雕蒸蟹配陳村粉 大班樓的招牌菜，食得出蟹的肉質非常新鮮鮮甜，底汁用了雞油、花雕酒以及蒸蟹溜出黎既精華，想像到陳村粉吸晒啲湯汁的美味，可惜當晚的花雕酒味過重，令到鮮味減半荔芋鴨盒外皮炸得非常酥脆，芋蓉餡料軟綿，內裡的鴨粒都很多，整體口感豐富香酥七味羊肋骨💓非常有驚喜的一道菜，平平無奇的羊肋骨，外皮香酥味道調教得入味又不會過重，羊肉經過烹調一口咬下去已經離骨魚米湯煮大花蝦球配椒鹽蝦頭💓蝦肉爽口彈牙夠大隻，蝦頭是分開酥炸，整隻蝦都能品嘗到不同的味道，而湯是比較濃稠像粥底一樣大班樓鹹魚臭豆腐與街外的臭豆腐相似，炸到表面香脆，配搭自家製的秘製醬不錯第一刀叉燒飯叉燒今次是比較瘦的部位，但更顯功架，要令一件瘦叉都能有軟淋的感覺不容易樟木煙熏鵝鵝身煙燻的比較乾身，但肉質都不會太柴，味道都好入味梅菜扣肉煲仔飯💓重口味人士都很愛，面頭的梅菜非常惹味，煲仔

新地點新裝修，大班樓2.0以全新面貌出現，地方大了，裝修比較西化，但依然一位難求，今年所有日子都已經full咗。菜式既有保留舊有的signature亦有加入新元素。幾日前已經會通知你填寫想點的菜式，4人建議3頭盤、3主菜(其中一定至少一個海鮮)、1菜、1飯、甜品三味。全部主菜都要慢慢食，蟹要慢慢剥、鵝同魚嘴都要慢慢噒骨，真係少啲手力牙力都唔得，但最愛噒骨的我非常enjoy。上菜速度有點趕，感覺很急，沒有慢慢嘆的機會，明白3點落場但食物份量都多而且每樣都食慢慢噒骨，真係食得有點狼狽。頭盤都點咗最受歡迎的舊有signature，釀土魷鹵水味道剛剛好，配合裡面的花椒帶麻但不會過辣過嗆，土魷非常彈牙完全唔會韌，十分高質。炭火厚切叉燒真的很厚切，剛剛燒出好新鮮熱辣，炭香味濃叉燒軟腍但蜜汁有點過甜同埋會喜歡再燶一點點。臭豆腐是其中我最期待，炸得非常香脆一點兒油都沒有，臭味有但唔會過份，配甜醬同辣椒醬油，帶我回到台灣街頭的感覺。主菜還是最滿意甚至有不少驚喜的一環。花雕蟹一直是最受歡迎但今次非常推薦豉油王煎泥蟹，超大隻，個豉油王豆豉欖菜料頭十分足料而且超級惹味，啲蔥欖菜吸哂蟹的精華再加香濃豉油王，真係

終於book到位，收到email話而家實行 “omakase"，無 a la carte，都笑咗出嚟。套餐就套餐啦，做乜叫自己做omakase姐。仲要早兩日send個Google form比你揀叫咩餸。但都好，上菜速度太慢，如果到時候先揀分分鐘食2.5個鐘。而家揀好曬都要食兩個鐘。3個小菜，3個主菜（兩肉一海鮮），1個菜，1個炒粉麵/炒飯基本價，三個甜品 $880。如果想多d海鮮就要價錢。唔詳細講叫咗咩，揀幾個嚟講。雞油花雕花蟹陳村粉 - 陳村粉痴埋一舊。湯底無以前咁濃郁，無咩雞味但好濃花雕魚米粥蝦子琵琶蝦 - 蝦剛剛熟，所以有少少腥梅菜陳皮扣肉夾包 - 好肥美，入口即溶豬皮櫻花蝦菜心 - 湯底幾香，不過豬皮有豬毛甜品無得揀，waiter話你好彩今日有杞子雪糕。何解比 $880一個人都要好彩先有得食？service好差，茶餐廳咁。上菜唔順次序，上菜時唔會講個餸叫咩，上菜手勢差所以如果叫湯會瀉。未食完就已經想收碟，趕收工咁。懷疑嘢食唔乾淨，未返到屋企已經肚痛，超恐怖。

因為公事關係無意中今日可以去大班樓食佢嘅中菜，首先去之前我完全唔知道呢間餐廳原來係好難book而且係好出名，菜單都係一般中菜飲宴嘅餐牌，前菜主菜飯同甜品，先講下我最欣賞佢嘅黃金蟹餅同埋炒蟹，非常之大隻八人俾兩隻大蟹，我地最終都食唔哂而且佢做得到蟹肉僅僅熟，非常肉汁鮮嫩，另外一個係厚切叉燒，因為即叫即整嘅關係所以都等左比較長時間，但係非常之值得因為叉燒熱辣辣肉汁好軟嫩，喺我食過最好食叉燒其中一間，但係唯一美中不足係佢每道菜之間都等得比較耐食完上一道嘅前菜都隔好耐先等到下一道餸

終於可以一嚐大班樓！須知道這家店絕對是預約困難店，一位難求，網上預約也是2分鐘便fully booked，絕對是挑戰你運氣的一家餐廳！作為米芝蓮中菜，又獲獎無數， $1000頭的價位絕對物超所值。侍應生親切又地道，不會有高級餐廳的拘謹感覺，記得我們致電查詢男士是否必須穿長褲的時候，待應生回答我：'長褲短褲冇所謂，有着衫就可以了!' 😆預先前一天安排好餐單，來到坐下便可馬上上菜了！先來三個頭盤: 凍鹵水花椒小吊桶釀士魷金錢蟹盒台式老腐乳鹹魚臭豆腐最喜歡土魷，花椒的味道非常入味，土魷爽口又juicy, 必食! 其次蟹盒也不錯，外面鬆化酥脆，充滿豬網油香，內裏啖啖肉!再來三道主菜: 雞油花雕蒸蟹配陳村粉- 雞油真的不得了，一口點就滿雞油的陳村粉，一口充滿花椒味的蟹肉，正！剁椒鹹肉蒸龍躉魚頭 (加餃子) - 上菜的時候還真的下了我一條，非常大盤份量很多，魚頭鮮美有咬口，醬料香辣非常開胃，讓人停不住的吃！牛三味 - 牛筋，牛根，牛肚; 相對以上兩個主菜，牛三味這道菜的調味對味蕾相對較溫柔，只專注於突顯濃郁的牛味，不錯!其他: 豬油渣櫻花蝦時菜蝦乾蟹肉炒飯甜品三味炒飯粒粒分明十分出色，而且炒得乾身

大班樓，亞洲頭十嘅餐廳，係將普通食材昇華、然後將味道發揮到極致嘅典範。自從米芝蓮摘星之後更加一位難求，真係托朋友嘅鴻福先至食到。價錢合理，一千元一位的收費比很多有姿勢冇實際的fine dining 來的令人心服口服。等位等半年（有得等已經好好彩）先食到嘅一餐飯，將大家嘅期望拉到好高好高，所幸係唔會令人失望。甚至有好多將近失傳嘅功夫粵菜仲可以喺度食到，實在不可多得。聽講大班樓依家轉咗做omakase制，冇得自己揀食咩，不過都分享吓有啲咩值得一試嘅菜式。先有金錢蟹盒（終於試到呢道手工名菜），以豬網油包裹嘅蟹盒鬆化酥脆。然後有魚米粥蝦籽琵琶蝦，聽講粥水以人手用布過濾數次，先至有咁順滑無渣、但係有好香米味嘅粥水，琵琶蝦蝦肉亦十分嫩滑。嚟到大班樓，點可以唔試佢哋最出名嘅雞油花雕蒸花蟹配陳村粉，不過我覺得大班樓嘅呢道菜整體而言味道較淡，所選嘅陳村粉較厚身，所以索汁同口感嘅爭小小，不過都出色嘅。三蝦炒飯（鮮蝦、蝦乾、蝦膏）飯粒夠乾身，整體夠鮮味，呢個保持到一貫水準！其餘有啲朋友讚不絕口嘅菜式，我覺得都OK的，如此用心費神去做呢啲買少見少嘅懷舊手工菜當然值得尊敬，味道於我而言又未至於要擺上神檯，如炸粽

The revamp of Chairman is probably one of the biggest and most exciting news in HK’s dining scene this year. I was so lucky to secure a table on the first month of operation. The restaurant is more spacious with a totally different look and feel mimicking the Danny’s home. The omakase arrangement is the key of 2.0. It’s actually not really the Japanese omakase you know but you can and have to pre-order from a small menu with selected seasonal items from each section in advance. I would say it’s

這個地方好多人都應該唔會陌生仲未嚟過嘅朋友，一定要試吓呢度食物製作認真，出色👍服務態度非常好新嘅舖頭，坐得更加舒服環境優美本人就喜歡舊鋪多啲有懷舊嘅風味不過最緊要都係食物質素好

讚1 整體菜式係有水準既，豬頭肉拼盤最特別，又肥又香，豆花冰肉相當有記憶，白切雞、煲仔飯雖然簡單，但都做得有水準2 價錢出奇地抵，宜家仲要免corkage fee，更加抵3 環境比以前講究左好多，放左好多飲食書，頂癮在除左食譜，仲有漫畫彈1 嘢食有少少重覆，如果唔食內臟都無乜嘢揀2 甜品係敗筆 ，雪糕同紅豆糕都做得好淡身3 服務係粗糙既，呢種價位既餐廳起碼要主動換碟啩

裝修前再訪#大班樓 ，多謝朋友幫手book 到晚市枱（仲有八折🙊）慶祝埋朋友生日，六人食完扣肉煲仔飯，好似開左胃咁，再叫返前菜，野食叫到多到可以食兩餐😂 好搞笑～～～前菜老陳皮五香牛肉 👍🏻大班樓鹹魚臭豆腐七味香脆羊肚菌👍🏻紅油抄手 （隱藏menu）第一刀叉燒 （需早一日預訂）炭燒豬蹄筋👍🏻👍🏻👍🏻 （隱藏menu）羊肉串 （隱藏menu）主菜魚米粥煮蟛蜞膏琵琶蝦👍🏻👍🏻👍🏻樟木煙燻黑鵝（需早一日預訂）香酥七味羊肋骨👍🏻👍🏻梅菜扣肉煲仔飯👍🏻👍🏻👍🏻 （需早一日預訂）海鹽葱油貴妃雞👍🏻甜品壽桃包脆皮迷你糭配菊花糖 👍🏻👍🏻👍🏻追加前菜大班樓子薑皮蛋👍🏻👍🏻龍井菊花煙燻乳鴿我心目中頭三係 第一：脆皮迷你糭配菊花糖 （個脆皮糭點左糖好食到不得了）二：梅菜扣肉煲仔飯 （朋友曾話大班樓煲仔飯係佢食過最好食，我同意！）三：炭燒豬蹄筋及魚米粥煮蟛蜞膏琵琶蝦 （炭燒豬蹄燒到焦香😍，魚米粥好綿，充滿琵琶蝦膏味😍）

《大班樓》非常好彩🥰又可以去品嚐用心美食，因為搬了新位置，坐位比以前少了，真係一位難求啊！網上訂座，係1至2分內滿晒幾個月訂枱，訂到枱與否要真係好講運氣。欣賞佢地會不斷研究，配搭新穎，每次味道效果唔會霸道，但又有層次的，知道佢地對食材要求奄尖，專向本地漁民、小型供應商取貨，臘肉都堅持自家曬製👍，大班樓係百分之百在香港誕生、紮根，並致力宣揚粵菜的餐廳。今餐個人最喜歡菜式有：二年陳桂花冰肉豆腐花、雞油花雕蒸花蟹配陳村粉、羊腩片叉燒、椒刴鹹肉蒸龍躉魚頭，整個餐單都非常滿滿又滿足🥰🥰#全球50最佳餐廳本港唯一上榜餐廳#世界排名24位#2021亞洲最佳餐廳排名第一位#大隻bowieyim

原本預約既日子因為裝修時間更改而需要改期，店員致電可以改早於舊舖或改遲些於新舖用餐，最後揀左新舖🥰雖然變左每位計價（午餐是880起另加一）需要用餐前幾日㨂好菜式, 不過可揀3前菜3主菜1菜1飯，仲有甜品3款（不用㨂），對於用餐人數不多既我地，可以試到款式更多（最好其實係4位去，因為有部份款式不適合3人或以下）如果主菜3款㨂曬海鮮會貴些少。新環境因為多植物好清新舒服，枱數唔多，難怪咁難訂枱。都係第1次試豆腐花做既前菜，桂花糖同冰肉都好特別用筷子夾開係脆到有聲，而且好多料包在芋泥裡面食左2個前菜突然上主菜，不過當然要趁熱食啦！不愧係招牌菜，真係好好味！食完正想問係咪漏左個前菜的時候就出場啦，店員表示岩岩燒好。果然係正！蟛蜞膏係蟹膏，不過好鮮味唔會太咸，豆係新鮮豆拆既，蝦仁爽口個粥底係勁滑食唔到魚同米，蝦肉放係粥裡面，好清甜健康既一道菜，不過可能我口味偏好濃味，覺得對我黎講太清淡好多櫻花蝦好味，最後我連菜汁都飲曬炒飯粒粒分明，不過鮑魚切到有d細粒，蟹肉亦變曬一絲絲，唔細睇以為食緊普通炒飯，另外覺得可以再鹹少少。最後上甜品三款，杏仁菜，紅豆糕，杞子雪糕。杏仁茶好好飲，微甜係我喜愛既甜度。另外2