一品雞煲火鍋

Open Now

Now Closed

每天煩瑣工作面對很多人，事未必盡在預期，只能夠改變心情，昨日食個間未必岩自己口味，但能轉變食邊間的選擇，自然心情更好。收工後相約朋友係旺角食飯，未食過雞煲所以決定一試。我們沒有訂了位，人不算多，所以等了五分鐘已經入得，原來一品雞煲火鍋獲獎不少，增添了食客信心。入座後先點雞煲，朋友們都不吃辣所以點了一隻唔辣雞煲。我們共四人所以點了一隻雞的份量。等雞煲同時，店員推介的大檸茶，大大杯港式檸檬茶，配三四塊約厚3-5毫米切片檸檬在杯中味道上不會太甜，確實超大杯，份量充足。等左5-10分鐘左右就黎左，整個煲的秘製汁好濃又熱辣辣十分澎湃，未食已經吞口水。。雞肉十分嫩滑汁而且入味，汁亦完全融入雞內，配上香草，十分。而且雞煲一路滾著溫度保持係一定水平能夠熱食，十分香口。大家食到興起時候，叫一個白飯，雞煲汁配白飯，別有風味。食到渾身出汗同時，飲一大啖檸茶，透心涼。小總結: 希望再黎食可以叫埋火鍋一試。

趁著秋高氣爽的季節，我們4個女仔行完山便落旺角搵雞煲，尋尋覓覓，搵到就近的一品。由於時間尚早，入去時并不多人，唔需要等位，入座後起計2個鐘，叫了秘製醬汁雞煲一隻，同一啲火鍋料。講下個雞煲先，份量都幾足，味道較濃，雞肉幾滑幾爽，食得清淡嘅可能會覺得太咸。4個人食完只雞已經有啲飽了，加湯食其他，可能燒太耐，啲汁已經所剩無幾，加入湯後變得淡而無味😑😑😑最後要加鹽🙈🙈其他火鍋料都不過不失正正常常，需要一提係個響鈴，好有豆味🙈同平時去街市買的那種不一樣！👍🏻雞煲嚟講，都算係不錯！😆

朋友好似都等左一陣,我最遲到去到就入得坐,吾記得係咪要人齊先可以就坐.其實我未食過雞煲,因為我吾食得辣,不過朋友好想食,而我又好似愈來愈食得辣,就去左食我第一餐雞煲.為左就我,就叫左最少辣.一上雞煲就覺得勁香,好想快D食,但原來要佢係我地面前再BO一陣...期間會有員工過黎幫你攪幾下得佢熱得均勻D,吾知係咪因為我太期待同太餓,好似好耐都未有得食咁.然後等呀等......終於滾啦~~可以食LU~第一兩舊都吾覺得辣,D雞好多肉好正!!辣度岩岩好,可以接受,同埋辣得幾香.不過食食下發現有一兩舊雞入面有血,放落去滾完都係有血,應該係冰鮮雞固有問題.食食下覺得原來4個人食一煲係冇咩肉好食...好快食曬...之後就到左雞煲後半PART~打邊爐(??)有張紙仔填,張野係我地食雞前就填好,個時好餓就點左好多,點知後尾食完個雞已經吾算餓,(雖然仲好想食雞)有D驚食吾曬後加的東西.加個湯就可以打LU~首先我地係食左牛牛先,好似係最貴GE牛牛??幾好味,吸曬D雞煲汁!!正<3然後係我好鐘意打邊爐個時食GE豆卜~~但食到衣個個時,發覺個煲好似有D燒焦味!!?!??!?!同埋係愈來愈苦,辣到苦?定係D辣

一時即興想食雞煲朋友推介食一品好味，睇openrice最近係旺角，就係賽馬會樓上黎到見已經好多人係度等位，大概等左半個鐘先有得入座2個女仔都為食雞煲黎，點左一只雞唔洗等幾耐就上左個煲，雞係切好同煮到7成熟的，已經可以聞到香味加熱左之後就可以食面頭有好多香菜，為雞煲添加了不少的香味我就覺得一煲雞好似無一只甘多，似半只雞甘 不過D祕制雞煲汁真係好為呢個雞煲加了不少分數肉質也很嫩滑食完會覺得好口乾，可能落多味精

以前想食雞煲都會特登去紅磡食一品，依家先旺角都有，真係方便左好多 我地3個人所以就叫左一只祕制雞煲$200再加D配菜，食完雞煲祿菜食，可以去下D油膩 雞煲加烏冬簡直一流，雞煲汁好快就滲入烏冬裏食雞煲真係要細火! 唔係既話好容易燶底! 我地叫左個微辣，雞肉餣得好入味，加埋香菜係面配料，入口感覺是先麻後辣，另外佢個蟹肉棒超級好食好爽口，我極力推介 不過真係覺得好油，食完之後第日即刻生左痘痘

常聽說一品雞煲是眾多間雞煲中最出名的，小盛女當然也要去朝聖。幸好我們訂了位，所以不用等很久，要注意的是人齊才可以進去，所以有人遲到就一個累全家㗎喇！個人覺得雞煲不辣不好食，所以即使有朋友不吃辣，也軟硬兼施地逼她點了一個微辣雞煲，哈哈！這裡服務不錯，會有人幫你攪吓個雞煲，讓醬汁與雞完美混合。秘製雞煲(一隻)(微辣)(HK$200)，我們共四人所以有一隻雞的份量，雞煲一滾起就好香！雞肉嫩滑而且很入味，不過可能因為我們點了微辣，所以我覺有點不夠辣，但也很惹味，不能吃辣的朋友也能過過口癮。我一向不喜歡一直吃同一款食物，不過吃雞煲一定要吃完所有雞才可以下湯變打邊爐煮其他食物，否則便沖淡了濃郁的醬汁。必食指數：5粒星我們點了很多配料，當中要特別一讚這裡蟹子墨魚滑(HK$78)，非常彈牙又有鮮味，不過價錢也不平宜，必食指數：4粒星；其餘配料包括美國雪花肥牛(小)(HK$88)，肉質腍而且不會過肥，必食指數：4粒星；黑豚豬肉(HK$43)，味道不錯而且好抵食，必食指數：4粒星墨丸配蝦丸及鯪魚丸(HK$85)，墨丸和蝦丸也彈牙好吃，必食指數：4粒星；鯪魚丸則有點腥，不推介。雲吞拼魚皮餃(HK$45)、響

1. 等候時間太長話就話每張枱限時2個鐘，根本得個講字。完全冇確切執行，令等候時間延長。連reception都講有啲人坐左3個鐘都唔肯走。最後差唔多等左成2粒幾鐘！2. 服務態度惡劣我同班朋友已經餓到一個點，執緊枱個陣佢地完全sense唔到我到火到黎埋，佢同我講「呢張你㗎啦，等多陣執埋就入得」。最慘仲要我自己問佢可唔可以order住個雞煲先。有冇搞錯呀！另外，本身諗住訂位嘅，我朋友打完黎，佢地話要10個先可以訂，點知到尋日，俾我發現驚天大秘密。有個訂左10位嘅黎得個8位，啲職員問完一輪，最後又係俾返張枱佢地食，咁我下次都咁做就得啦，等都唔洗，一黎就有。不過應該冇下次！最慘係我地8個人都係俾張細枱我地，人地8個有張10人枱，舒舒服服。好啦，幾經辛苦終於入到佢啦。得6個位，咁我6個朋友就坐啦，而我就同另一個朋友企係到啦，諗住等佢拎張櫈黎。點知等左幾分鐘都冇人理，好啦到有人理啦……俾個侍應吹到啤一聲「先生，企係到有咩幫到你」。嘩，多謝哂，thank you for your question喎。咁我咪回番佢「你估我想企係到呀！都唔夠位坐！」一秒就KO佢啦。最後咪死死地氣推兩張櫈埋黎。啲侍應唔

啲雞啖啖骨 多肉既又五夠嫩 同埋好鬼咸 除左咸味食五出啲咩味 啤酒好大杯 如果兩個人飲起上黎五方便不過呢到既人會幫你影下相 服務都okay 五係話難食既 但可能五係好岩我地食囉

拿！要食雞煲，有幾間一定要食，其中一間就係一品雞煲！食過一品之後，好多間市面雞煲都滿足唔到我既味覺！原店一直係荃灣，5點半就開始要排隊，唔係就有排等，起碼排個幾兩個鐘，但自從開左分店，就好左好多，但係仍然會想去原店，想食番原汁原味。知道係旺角都開左分店，就去試下質素，點知都無令我失望，保持到原店既水準啊！要讚！食得辣既，可以少麻少辣，雞煲汁係無得輸架，麻麻辣辣好正！唔食辣既都唔洗失望，可以叫唔辣雞煲，一樣有好濃郁既雞汁味！都係正架！建議想食牛腩既朋友，可以直接叫一個牛腩雞煲，成個雞煲升左level而價錢係平過叫一個雞煲再加牛腩，上圖正正就係牛腩雞煲喇。另外，必叫雞煲邊爐野食，最鐘意係響鈴，吸晒汁，無得輸。仲有係油麵，一向食開烏冬都覺得好味，但今次試左油麵，意外發現比烏冬更好食！推薦要試下叫！讚！

聞說喺香港好食嘅雞煲嚟講，一品可以講係數一數二，更加有個別仁兄表示絶對係「冧巴溫🏻」同御用雞煲消夜飯堂添！甘就正因為如此，在百聞不如一見嘅興致下，誠意邀請我的叫雞煲專家文仔爸爸一齊在昨晚深夜出動，去就近嘅旺角新分店刺探軍情，看看是否真有其事！到步後，發現地方寬闊，燈光光猛，四周乾淨，格局高雅，而且當時人流不多，枱與枱距離適中，坐得巧舒服，就算高談闊論，大聲地問候別人老母亦不會影響他人，值得一讚。選擇雞煲前，已另有朋友告知，該店名菜鮑魚雞煲當中的鲍魚，實仍係罐頭鮑魚，而且只有數片，懷疑有搵人笨2+5之嫌疑！所以揀選了牛雜雞煲！但到上枱時，卻發現廚房遺漏左那份牛雜，侍應生後補上枱時，卻發現牛雜是早已用雞煲醬汁所烹調過，而非事前白焯了事。味道竟然入味非常，有點喧賓奪主，妹仔大過主人婆，比雞還好吃，頗有誠意！講返主角雞煲先，醬汁是先麻而後辣，而且係要喺滾到中段時間才能明顯感受到層次分明，比較失敗；雞件有如旺角至尊重慶雞煲般太大舊，但肉質嫩滑而入味，唔錯。而其他配料如牛肉粒之甜丶唐生菜之鮮丶豆腐之滑，在雞煲湯底嘅協調下，味道與口感亦得以發揮出來～～最後不得不提他們的特飲檸檬茶，份量超大，非常適合

宜幾日都陰天落雨, 再加上涼風...好有秋意!!!秋天起 雞煲癮又起!!!!宜間餐廳一品雞煲將麻同辣都分左 大中小 3個程度!!我琴晚就揀左小辣同小麻....湯底唔會太咸 雖然係小麻同小辣 但絕對唔會食唔到當中既麻辣!一隻雞太約200蚊度 算係幾大隻同抵食唷!!~煲左15 mins....d雞吸收哂果湯底, 係時候食喇!!每口都有麻...食多幾舊雞, 雙唇都痺了!!!愈食愈痺...但又感受到當中既辣味, 太爽了!!!當然配料梗係唔少得喇...宜間既配料都唔算細碟 而且都係幾十蚊 好抵食!食哂d雞先放配料...配料吸收哂d湯同雞既精華,啖啖麻辣又帶有雞味!!雞煲癮就係咁出現!!><

我又食必吃雞煲，我今次四個人，食一隻雞，侍應一上台幫我地處理個煲，搞掂就叫我地等一分鐘先食，好服務週到，今次中辣唔夠辣，要加辣，麻味足夠，雞肉夠滑，建議食埋洋蔥，因為索晒雞味，仲叫左杯超級檸檬茶，兩個人share好d,否則太大杯，女生可叫少甜，最後點了心頭好墨魚滑同蝦滑，一貫水準，魚滑之中仲食到墨魚肉，好有口感，滿足十分

平時食開總店。。見旺角開左就試下。。雞煲叫了少辣。。還ok啦。。可能有總店情意結。。還是總店好的感覺。。唔知係咪新開原因，個鍋有陣膠味甘。。食食下又無左。。必叫的大檸水同大檸茶。。確實好飲4個人叫左哩d食。。最後係飽到嘔。。碟貴牛肉失望，不會再叫！牛腩煲完幾好味。。但食多一兩件就太膩。。。不過整體每樣配料都好新鮮干淨。。算不錯！

Ok, so the longest wait time to pick from here is 90 minutes. We waited 120 mins (2 full hours) for a table for two. Arriving at 7:40, there was a significant number of people queuing/milling outside on the stairs and 1st floor, which is understandable, given its rush hour for dinner.What was wrong, was that while they have a 2 hours max eating time policy, it is not enforced, and therefore while we were waiting outside, people were chatting at their tables for as long as they wanted after they

已經食過1次, 今次黎新分店再食都keep到水準, 一定要讚下! 一如以往要等位, 20min左右!這裡的雞煲確是名不虛傳的, 獨特的雞汁配方讓濃郁的香氣充斥成間舖, 一入店門聞到便不自覺開了胃!!友人食唔到太辣, 我們點了小辣看! 他獨有的甜味 + 辣味, 真係好夾! 好有趣!!而且, 雖然點了小辣, 但其實也很「麻」. 對我們這些不太能吃辣, 也有麻的感覺, 兩片嘴唇痺哂, 十分爽!個煲好足料, 調味既配料好夠份量, d雞好濃味, 好入味, 雞肉夠嫩滑, 沒有"鞋"!!!!要再幫襯!