我愛慢煮 (普慶坊) (Closed)

又同友好去試新餐廳。今次簡了這間餐廳試下他們的慢煮菜餚。入餐廳前已在街口嗅到濃濃的燒烤肉味。餐廳都算易找，用東華醫院那邊行去普慶坊就最方便。點了一份栗飼黑毛豬加了煎鵝肝片和烤蘆筍作配菜。黑松露蕃薯條。兩杯飲品：水果茶和荔枝接骨木花特飲。份黑毛豬的確烤得好好吃。不過以份量來說收208元一份算是貴了。鵝肝作配菜只得一塊，弄得要和友人把它一開二，都幾尷尬。食完發現唔飽，叫了份焗煙肉芝士通心粉，肉太喊，上枱時見到芝士面焗得有熱氣泡有點似用微波爐焗出來。最後追分以菠蘿/布朗尼/雪糕，因菠蘿烤得美味可口。件朱古力蛋糕和雪糕也可口。水果茶太淡味。友人有點反感。餐廳抽氣欠佳還有改善空間。好大油煙味。甜點的罷位要注意。甜點中最後一道菜令顧客對餐廳留下最後印象。如是馬馬虎虎上場是會影響回頭客的。下次會不會再試？可能會。

聖誕節同男朋友黎食，我叫左牛扒龍蝦餐，男朋友叫左羊架餐。諗住慢煮塊牛肉會好味，點知，伏到爆！塊牛扒超級乾，超級硬，格硬食左一半食唔落去！！！塊羊肉都係，係可以用難食黎形容認真係屋企是但煮都會好食過佢絕對無下次，從未係其他餐廳食過咁難食既肉，想食靚扒既千祈唔好去環境方面，我地被安排坐左係個角落頭，隔離係堆雜物，結果想影張合照留念都放棄左，完全唔明點解會咁多好評…..食完再睇番差評先見到原來有好多人有同感，自問唔係對食野好有要求的人，但都忍唔住要比個差評

The lobster soup too salty, salad is not fresh enough. For main, steak texture is tough and I think steak in Cafe Decoral is even better, lobster meat is in bad quality though I didn’t expect too much from frozen lobster. Side dish is cold. Very bad experience for paying $1000+ and getting food quality of fast food chain (or worse)

黑松露蕃薯條美國安格斯牛扒 五成熟慢煮紅酒香草羊後膝蜜糖香草烤法國春雞 (Half)（$98）意大利香腸鮮菠蘿薄餅（$68）海鮮忌廉芝士焗菠菜苗$68我地一行三個人去試下慢煮,同行有朋友食過呢間,而呢次係佢介紹我地黎食呢間餐廳係fusion菜 食西餐為主 環境有格調同埋好精緻牛扒食落去唔會太過韌,5成熟岩岩好, 有牛味食過慢煮就鍾意左慢煮牛, 因為佢可以保持到牛扒既牛味, 又唔驚過熟燒春雞不過不失, 係細隻左少少,得半隻唔知係唔係我地太肚鵝既關係, 好快就清完呢碟慢煮紅酒香草羊後膝 就好味 幾鍾意佢個口感肉質都好幼嫩菠菜苗好香 好新鮮四隻大蝦 忌廉味道好香

係餐廳附近返工，所以去左果邊食lunch, lunch set 感覺上無咩特別，份量都唔算多，不過係幾好食既👍🏻餐廳位置有d難搵，係西營盤果邊上去都要10分鐘。餐廳入面係工業風裝修，同埋燈光好暗下，建議lunch可以較返光d 🤣叫左烤法國燒雞半隻 溫泉蛋 窩夫肉質幾滑，果然係慢煮 不過好少唔係好夠食，唔知點解會有窩夫一齊擺，有點奇怪🤣all day breakfast~ 配平鐵牛扒 都幾好食 但係無炒蛋😟加錢叫左杯特飲，荔枝接骨木花特飲  好清甜仲有淡淡香味🥰其實lunchset就唔係好值得一試 不過好似夜晚多野食d，夜晚食亦會更有情調🙈

一間環境唔錯既餐廳燈光調得稍暗但又唔會太過環境係幾適合同朋友係度食飽傾下計左🍺 比利時琥珀啤 Belgium Amber Ale右🍺 比利時修道院啤 Belgium Abbey🥩 美國安格斯特級平鐵牛扒 8oz可惜個牛扒質素欠奉因為真係太韌咬唔開... 打哂渣食唔到...Server無問而我地又唔醒起去講幾多成熟最後就變左太老的牛扒了🥲🍗 微辣咸蛋黃單骨雞翼雞翼外皮炸得香口鬆脆而且肉嫩辣辣地幾好味加埋咸蛋黃醬好香🫕 海鮮濃汁藍青口(1 lbs) 加蒜蓉多士青口算厚肉而且新鮮濃汁不過不失配埋多士食好飽肚🍰 慢煮菠蘿、咸焦糖朱古力布朗尼、意大利雪糕呢個朱古力布朗尼對我黎講太過濕潤入口變左1 pat pat😣 同埋份量比較少😣總括黎講比較一般

估唔到中上環都會有間平民價錢既西餐廳，普慶坊依邊算係比較清靜冇咩人。餐廳入面燈光比較昏暗，岩哂情侶黎拍拖傾計。我地今日叫左三樣野，好可惜佢個慢煮牛排賣哂，所以試唔到，我地叫左海鮮芝士忌廉菠菜苗/忌廉雜菌黑松露意大利雲吞/西班牙栗飼黑毛豬梅扒。西班牙栗飼黑毛豬梅扒，賣相平平，但食落都幾淋，都幾有豬味，配埋佢隔離有個柚子醬，感覺好清新開胃。忌廉雜菌黑松露意大利雲吞，食落個汁有D水，不過都重忌廉味同蘑菇味，有D廉價味道但又忍唔住食哂海鮮芝士忌廉菠菜苗，好多忌廉汁，睇落好似好重味，但食落又冇咩味，要配埋上面D芝士先叫岩岩好。

今日同朋友黎左呢間好有情調嘅餐廳，位於上環，餐廳內設計幾特別，又有紅磚做背景，燈光昏暗，打卡一流。我地叫左份安格斯特級牛扒，蜜糖燒春雞配鵝肝，海鮮濃汁配藍青口，咸蛋黃單骨雞翼同炸蕃薯條。份牛扒約5成熟，鎖得住啲肉汁，唔會過老，配埋佢嘅醬汁，口感豐富，味道都唔錯。另外份燒春雞個人覺得比較差，佢係慢煮嘅方式去處理，味道雖然唔錯但肉質太生，觀感上冇咁好，慢煮時間可以再捉摸得好啲。另外加配左鵝肝，但比較乾身，亦冇汁去點綴下，所以都係爭少少。反而份藍青口有驚喜，大大份，而且每隻青口都唔細，湯汁同青口都好夾，食晒啲肉都想繼續飲埋啲汁。青口肉幾彈口，值得一試。最後單骨雞翼同炸蕃薯都唔錯，單骨雞翼炸得夠脆，而且蛋黃醬都好夠，仲有少少辣，有咁上下水準。份炸蕃薯就炸得老左少少，但味道同口感都好好外脆內軟，食到蕃薯嘅甜味。整體上，食物同環境都唔錯，值得推介。

慢煮一向係我嘅心頭好，嚟咗呢間我愛慢煮好多次，真心覺得要為佢寫食評。同老公想有去約會嘅感覺，想去間又Chill又舒服、又容易有位、啲嘢食又好食嘅高質西餐廳，第一時間就諗起我愛慢煮。叫咗個羊後膝，肉質夠晒嫩又唔騷，但又有羊肉嗰種肉感，齋點蘑菇汁已經非常好吃。老公叫咗個烤豬腩，辣汁嘅感覺有少少似叉燒汁，但肉質都好嫩，一啲都冇出邊豬扒嗰種鞋口，不過可能多咗啲肥膏，對於減肥緊嘅老公嚟講，佢要切晒先可以食到，但如果你鍾意食肥膏就不用錯過。小食方便嗌咗炸水牛芝士同埋單骨雞翼，單骨雞翼水準之內，但水牛芝士一想點，夠晒熱，拉絲效果非常不錯，對於芝士愛好者如本人來講，簡直係停唔到口。餐廳裏邊仲有好多㗎比利時手工啤酒，我嗌左修道院，有澀味，但又唔會太過苦，啱哂要有啤酒feel但又唔飲得苦嘅人士。

難得朋友約我食飯，推介這間慢煮很不錯，今次去位於普慶坊的分店，食物種類以慢煮肉為主，去到才知最想試的兩款肉都沒供應😵‍💫由前菜到肉食，我都覺得非常普通甚至有點難食🤧而且餐飯還要吃不飽🥲不過友人表示上次來由於是外國人廚師負責煮的，食物完全不同水準，今次轉了廚師煮很很難食。大家可以不妨碰個運氣🤭✦秘制保濕豬鞍架 $𝟷𝟹𝟾最想試的豬梅扒沒有了，唯有試豬鞍架，肉質厚實不肥膩，口感尚算juicy但偏乾，完全不似慢煮過😂，醬汁也是很甜似蜜糖，兩者不相搭。✦海鮮濃汁藍青口 $𝟷𝟸𝟾首先擺盤很隨便，配上的法包烘過頭變脆片😂青口很小顆但沒沙粒，個醬汁完全不像海鮮汁，嚐起來似中式勾芡的蒜蓉汁….✦ 忌廉雜菌意大利黑松露雲吞 $𝟷𝟶𝟾真的是全晚最伏之選，超難食🤢麵皮硬而不彈牙，裏面的餡一堆蓉，簡直就是假松露味，比較像牛肝菌的味道，醬汁好似平時的罐頭蘑菇湯….超不推薦，我吃了兩顆把全部塞給友人吃😂✦白酒 $𝟷𝟾𝟾/支正常水準，入口較淡偏薄身，不是我愛喝的味道～

又到假日覓食時間喇！今日帶埋媽媽去上環搵好嘢食，然後再同佢慢步舊區！👧🏻👵🏻一於慢活過一天！《蟹肉蝦仁沙律🦀🍤🥗》呢個沙律啱晒啲食肉獸用嚟做健康藉口🙈因為蟹肉同蝦仁都超多超多超多！超抵食！開胃嘅黑醋配搭鮮味十足嘅蟹肉令整道頭盤都非常清新！《美國安格斯特級平鐵牛扒8 oz 🥩》平鐵牛扒是指牛三角肩對上的肉位，平時較少人留意，肉質紮實中帶點柔軟，肉味亦濃，唯一缺點是較多厚筋，處理工序多。經過慢煮之後，牛扒小編認為牛扒嘅口感非常鬆軟，切開後呈粉嫩色，大約看似平時5成熟的口感，但又唔會血淋淋咁，牛味甚至比一般牛柳更濃郁，而且牛扒表面用咗pan煎封返外層，令佢香脆微焦，帶出香味。《慢煮紅酒香草羊後膝12oz🐑》慢煮嘅方式完整保留食材的細胞結構，及避免水分流失及變得粗糙。羊後膝雖然厚身，但肉質依然非常嫩滑，略帶淡淡粉紅色，切開時見到大量被封鎖嘅肉汁同油份噴出，超juicy!! 🤤羊後膝嘅孜然味香濃，加上紅酒香草汁都非常惹味，所以食落冇乜羊羶味。咁大舊肉真係好難煮得好，但從每個細節位都可以睇得出餐廳廚師嘅用心～《慢煮紅酒梨🍐 配 朱古力布朗尼🍫 + 意大利雪糕🍦》紅酒煮梨係著名嘅法國甜品，係生活節奏

放假要𝐇𝐞𝐚下🐌，放鬆身心之外💆🏻‍♀️仲可以配埋食餐慢煮🍽黎個真"慢"活既一日🥱慢慢咁，好好咁享受下生活💃🏻~•~•~•~•~•~•~•~•~•~•~•~•~•~•~•~•~•~•~• ▪Lunch Set☀️ (供應時間 星期一至五 11:00 – 17:00) ▪️🔸主菜🔸凍❄️ / 熱🔥北歐薄荷水果茶 ($0) 或可用優惠價🈹 升級其他特飲🍹 / 啤酒🍺🔸 Add-on 是日餐湯 🥣 / 健康沙律 🥗 (+$10).▫️健康沙律 🥗 (+$10) x2同黑醋更健康🖤.▫️全日早餐 配龍蝦半隻 ($128) 🌞🍽🦞All Day Breakfast w/ Half Lobster（溫泉蛋♨️ • 大啡菇🍄 • 蕃茄仔🍅 • 茄汁豆🥫 • 多士🥖 • 沙律🥗 • 薯條🍟 • 龍蝦半隻🦞）係豪華版💎既港女𝐀𝐃𝐁呀，有龍蝦🦞係咩玩法龍蝦🦞唔係🙅🏻‍♀️俾幾粒肉𝐇𝐞𝐚你，係半隻呀😳龍蝦表面加左拉絲芝士🧀焗，肉質彈牙🤓同前菜既沙律🥗唔同，依款係菠菜苗🌱多士係搽左牛油🧈烘脆既法包🥖.▫️美國安格斯平鐵牛扒 配薯條 ($98)🇺🇸🥩🍟US Angus Flat Iron Steak Fries生熟度🔥控制得好

*美國安格斯牛扒第一次食慢煮牛扒，相當唔錯，美國安格斯牛扒，簡單加上鹽和黑椒，牛扒好有牛味(唔係廢話)，慢煮令肉質保持軟腍。另外配上烤蘆筍，幾好既健康配搭。*咸蛋黃雞翼剩係聽個名已經聞到香味。*慢煮紅酒香草羊後膝原來羊膝好適合用慢煮方式，肉質好嫩滑，加上孜然粉同薄荷醬，配搭得唔錯既fusion菜。*慢煮紅酒梨加意大利雪糕Brownie＆意大利雪糕好味，不過食唔慣紅酒煮梨。

⏳中上環一帶一向都好多隱世餐館，今次我唔去蘇豪區呢啲熱門地段，而係行遠小小去到比較少人比較寧靜嘅普慶坊🤓試咗間主打慢煮肉類嘅小店🥰⏳法式油煮慢封鴨腿 $98 - 呢個價錢上菜有兩隻鴨腿都已經幾驚喜😍整體處理唔錯，保持到鴨嘅香味，嫰滑度ＯＫ，伴碟嘅藍莓醬同跟上菜嘅蜜糖都能夠完美提升到鴨腿嘅味道🤤⏳美式辣油煙烤豬腩 $98 - 大大塊，辣味好夾好惹味但唔會過辣～重點係因為慢煮嘅關係迫到啲油出嚟，所以令到呢塊豬腩肥肉部分變到好爽口😍唔似脂肪層，值得一讚👍🏻⏳炸海鮮籃 $78 - 呢個勁有驚喜😋～平時食呢啲炸海鮮都係貪過下口癮，唔會覺得有咩特別，但今次試嘅全部都可以高度評價👍🏻炸魚好鮮嫰零雪味，炸蝦比起一般西式嘅更出色，小小似天婦羅水準；炸蠔一咬仲保留到好多水份，無怪味⏳加配鵝肝片 $38 - 每款慢煮菜可以做一啲加配，見到鵝肝片咁抵真係一定要加😛肥美度中上水準，$38絕對值回票價！⏳仲飲咗個荔枝接骨木花特飲， 正正常常，鍾意荔枝飲品嘅應該會幾鍾意。值得一提餐廳唔收加一，話想大家用嘅錢都係完全用喺食物上面，而食物又真心係性價比好高，所以十分值得推介🙏🏻

🌸西營盤美食🌸我愛慢煮🍽隨著西營盤一帶有開通港鐵站，交通變得方便。西營盤一帶有各式各樣的林林種種的文青唯美隱世美食，而今晚就相約了朋友到位於間位於上環普慶坊附近的隱世至Chill 西餐廳-「我愛慢煮」享用晚餐❗餐廳鋪面寬敞舒適，燈光非常有情調❗餐廳裝修典雅精美，餐廳以復古風為主調❗有復古紅磚牆及吊燈點綴，食物是即叫即製，絕對是悠閒打卡必食之選❗️我們一行2人共點了以下餐點：1️⃣🌟美國安格斯特級平鐵牛扒8oz $118厚切美國安格斯特級平鐵牛扒肉質鮮嫩，帶啖啖焦香，牛扒容易切割，不會韌，牛扒上帶有黑椒幼粒，相當惹味❗️美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕2️⃣🌟蜜糖香草烤法國春雞（half) $98香草烤法國春雞肉質幼滑，雞肉相當入味，帶香甜蜜糖及清新香草味，不會有油膩的感覺，味道一流❗️美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕3️⃣🌟微辣咸蛋黃單骨雞翼 $68罕有的微辣咸蛋黃配搭單骨雞翼，金黃香脆的單骨雞翼配搭䶢辣適中的咸雞黃，味道相當搭配，而雞肉亦相當鮮嫩美味❗️美味指數：⭕⭕⭕⭕⭕️賣相指數：⭕⭕⭕⭕抵食指數：⭕⭕⭕⭕️4️⃣🌟黑松露蕃薯條 $58份量十足的黃金香脆蕃薯條