越滿 (Closed)

在旺角洗衣街，一直好想試這間越南餐廳。地方方便又算舒適，梳化好軟又可以坐好耐。加上好抵食，食物價錢唔算貴，但下午茶仲有8折，超抵喔品嚐一下出名又多客人推薦的我們叫了越滿和牛湯河好大碗好香，牛味濃郁；湯底好濃又唔咸，真係好正！牛丸好爽好彈牙，是我食過最好食的牛丸和牛（澳洲、日本）好薄又滑，牛味香又腍和牛及牛舌口感不同，牛舌比較爽及有口感！河粉份量剛好，2個人食都足夠！西貢牙車快是有椰菜、芽菜、紅蘿蔔絲、炸蒜絲、雞絲，材料好豐富又健康，以菜為主；醬汁酸酸甜甜又帶一點辣，好開胃，雞絲都好正又有口感蝦餅這個蝦餅超推薦，外面好鬆脆又熱辣辣，蝦味好香又唔油膩，好彈牙好好味呀，點甜酸醬更野味

同男朋友係旺角附近行街點知落大雨，為jor避雨就入jor哩間餐廳我地見裝修都幾後生，點知原來係越南菜！落雨最想食熱嘢所以我嗌jor生牛肉河同一個椰青！男友就嗌jor個豬排飯同埋冰滴咖啡我地仲有嗌米卷同蒜蓉包做小食🤩蒜蓉包好好味！！！！！雖然因為避雨入黎，但係估唔到味道都唔錯而且生牛肉河湯頭非常鮮甜我幾乎飲曬成碗湯～而且份量非常實惠男友既豬排飯都非常惹味！最吸引係佢被冰滴咖啡（越南版）！上盤都仲滴緊！而且味道真心唔錯感覺哩間餐廳應該係年輕人開既～唔錯唔錯～會再黎！

星期日下午與友人在越南餐廳度過一個舒適假日～餐廳座位好寬闊，坐低好舒服，唔會迫到隔離枱。生牛肉河好味，用料好足，啖湯好重牛味。牙車快與炎熱夏天係絕配，酸酸甜甜，加上全部都係菜，開胃兼醒神。豬肉鮮蝦米紙，咬落去口感好豐富，有菜又有肉，而且切得唔大件，方便一口一舊。蒜蓉包好香蒜蓉味，而且係脆口，如果有叫埋咖喱，咁就一絕啦。香茅豬扒飯，都係用比較瘦嘅豬扒，食落去唔有罪惡感，而且炸得好香口，送飯好正。佢有大大個椰青，食完飯，邊傾住計，邊飲椰青都幾享受。最後叫左個滴漏咖啡，我都係第一次試，咖啡會係上面慢慢滴落下面個杯，望住佢慢慢滴落去都幾治癒下。

今日約咗朋友中午喺旺角唱k ，跟住提議去食飯。行下行下，行到去洗衣街就見到有間叫越滿嘅越南菜,就入去坐低睇睇餐牌 ，價錢都好合理！叫左幾款小食同菜式，其中有一款軟殼蟹米紙卷，中間有菜絲沙律同配料，香脆可口有酸甜醬代替沙律醬，夠哂開胃。馬拉盞炒椰菜比炒通菜更勝一籌，非常惹味！河內魚餅裏面有馬蹄粒，好爽甜,跟住朋友仲想再試埋個炸春捲, 呢度嘅春捲炸得好好，金黃色同埋入口又唔會太肥膩。再嚟另一道係最啱我胃口嘅就係咖哩軟殼蟹法包,一般都係用咖哩蟹，但係呢度用軟殼蟹，啖啖肉，配埋個咖哩汁點法包簡直滋味,最後連啲咖哩汁都食到一滴不漏。最後我哋三個人再加埋三杯嘢飲埋單都只係 500 多，可以講係價廉物美，飽到我地郁唔到！

今日經過旺角，突然想食生牛肉河。 經過旺角想起有間越滿，抵吃又好吃。 餐牌好像多了一些二人餐四人餐可供選擇。 選中一個二人餐幾抵吃有齊各款美食也不過$198。 越滿二人晚餐$198 小食拼盤五選三 我們選了河內魚餅，牛油炸雞翼，越南春卷。 河內魚餅 很彈牙結實， 呈灰色好像鯪魚肉。內有馬蹄粒，爽脆又有口感。牛油炸雞翼未食已聞到 一股牛油香。 鬆脆炸皮包著仍然juicy嘅雞翼， 咬開的時候真的流著肉汁，超正! 越南春卷日鬆化脆口， 沾上甜酸汁吃味道一流。 再包上爽脆嘅生菜， 健康又有口感。炒芥蘭苗唔算有鑊氣，不過芥蘭苗都嫩綠爽甜， 用了xo醬炒帶少少辣，勁惹味! 越式生牛肉河 湯底清澈牛味很重， 再加上各樣香料， 越式嘅味道很正宗。 每碗生牛肉河再奉上一杯香葉， 包括 青檸，檸檬葉和芽菜。 不得不提芽菜脹卜卜又肥又粗， 唔會有一種青澀味，相反 甘甜有口感，正! 河粉都滑溜幼身， 一口湯一口粉真的美味無窮!牛肉方面一點不輸蝕， 由粉紅轉到全熟， 牛肉依然嫩滑， 薄薄的入口即溶， 我們兩碗都選了牛肉河， 唔需要試其它了。跟餐有兩杯飲品。 鹹檸梳打和青檸梳打鹹檸梳打味道較濃。 青檸梳打 稍

約左朋友去開倉, 行到腳斷, 先諗起大家原來未食野成9點喇, 餐廳仲有8成幾人, 岩岩有枱卡位客走左, 我地點左2人餐我地叫左a餐: 先黎碟抄芥蘭苗, 5分鐘就上菜岩哂我地咁飢餓, 真係芥蘭既苗好嫩口好爽, 加上小小辣醬油同炸蒜蓉, 味道好夾再黎2碗越南河: 生牛肉河同雞絲河生牛肉叫餐廳煮熟但太老食唔到原汁原味, 牛肉份量唔多, 應該要試和牛河會正好多;雞絲份量多, 河粉好滑配上湯頭清甜好飲每碗河粉都碗大豆芽, 香草, 青檸角, 冇辣椒圈, 問侍應拎好快手就上左一大碟再黎小食拼盤, 我地揀左2份雞翼拼魚餅, 雞翼中好大隻 熱辣辣, 魚餅咬開入面係啡色, 唔係平時食開既橙色魚餅, 所以有d唔慣飲品我點左青檸茶紅茶, 叫左小冰都幾多冰wor。。。 幾好飲整體黎講性價比高, 坐得舒服, 值得一試

同朋友行完街直落食晚餐食越南菜通常都唔會太差質素但衛生就係一個好大既問題, 呢間都做得乾乾淨淨令我地放心食今次試呢間好多客人, 座位舒服, 裝修幾okay二人晚餐b餐: 越式抄飯: 用左菠蘿, 提子乾, 肉粒, 抄成黃金色既飯, 睇落細細既一碟, 2份分原來食唔哂。抄芥蘭苗: 呢個少辣, 好惹味好健康, 加分主菜: 咖哩軟殼蟹, 有成4大件軟殼蟹, 每件都炸過同好多肉。 吸哂咖啡汁, 十分juicy好食主菜: 豬頸肉, 份量十分足, 我食落有d 乾, 朋友叫我點返個汁食岩岩好飲品就冇哂酒, 華田, 菠蘿特飲 就有d失望。。叫左椰青。。 開左一大個洞俾你食埋入面既肉真細心紙米卷: 呢個就比較少蝦, 材料新鮮 每件都好大份總結: 食物好食, 係冇揀錯架

搭車經常經過越滿呢間餐會，次次經過都話去食，呢次終於去食呢間餐廳啦！餐廳門口大大個招牌好搶眼，餐廳又是好多卡位，座位舒服，燈光明亮。二人餐都有兩種選擇。點左$288的套餐。鮮蝦米紙卷外層皮薄，晶瑩剔透可以見到有咩材料，中間又包住大大隻蝦，白色一條條又煙韌，沾上甜辣醬更加野味，又有少少酸甜蘿蔔絲燒豬頸肉燒到好香，又有肉汁，又嫩滑。炒芥蘭苗炒到好幼嫩，芥蘭苗上面舖上炸蒜片好香，又炒到好入味。咖哩軟殼蟹，軟殼蟹肉飽滿，咖哩又甜甜地，配埋青紅綠椒一起更加七彩繽紛。越式炒飯用上黃薑粉去炒，飯炒到一粒粒金黃色，又有菠蘿，提子一起去炒，飯炒到香噴噴。

皆旺商場行完，找個地方填肚，入左越滿。餐廳座位寬敞，裝潢色彩奪目，場內不停播泰文廣東歌😆餐牌有清楚標示不同時段，五半入場，剛好係晚餐時段。餐牌有套牌選擇，豪不猶豫選左二人套餐-A：越式湯河-生牛肉/雞絲/豬耳扎肉湯底應該有用肉去煮過，好夠味。生牛肉夠爽口，熱湯滾一滾就熟，肉質唔會老，荳芽&香草另上，自由調控份量！另外叫個碗要手撕雞絲，雞絲分量都好多，味道也不錯。小食拼盤(五選三)- 扎肉 春卷 魚餅。扎肉有四塊，味道清新，似冷盤;越式春卷外皮炸到夠脆口，內裡香噴噴; 魚餅味道好特別，明明餡料似鯪魚肉，但外面好似包多層皮，感覺好得意。炒芥蘭苗，菜苗幼嫩，火喉十足！套餐包飲品，好味又清新

路過呢間旺角地舖, 見約左朋友時間尚早, 又有少少肚餓,就去搵返間粉麵食順手坐下等朋友,見到呢間門面咁靚, 門口又貼住有午市優惠就走入去試試.一入去見到右手邊排曬大大張梳化卡位, 左邊就有一大幅好sharp醒既壁畫,成個氣氛營造得好高檔, 坐得亦都好舒服.睇左陣餐廳又特級牛又和牛咁好似好西利咁, 我就簡簡單單叫左個生熟牛河試試佢手藝先 (迷之聲: 貪平就貪平la)等左都成15分鐘終於上到碗Pho, 但waitor要問先比配料我, 之後湯底唔夠熱整返熟d生牛肉, 熟牛展又唔夠腍不過河粉夠滑身, 湯頭同牛展牛味夠出都追得返d分睇在佢環境唔錯份上下次可以再泥試下其他野.

夜晚 6 點左右行開附近買模型, 經過呢間越南餐廳, 即刻黎個 Early Dinner, 費事晏 D 又要同人迫｡ 餐廳佈置都好特別, 其中一面牆畫左好大好得意嘅 Q 版越南少女圖畫, 餐廳整體裝飾都係七彩繽紛｡餐牌款式都算多, 有散叫同套餐, 價錢唔算貴｡軟殼蟹米紙卷米紙好薄, 但食起黎非常煙靭｡ 軟殼蟹剛剛炸起, 夠晒香脆, 連埋米紙卷入面嘅蔬菜一齊食, 口感好清新, 一 D 都唔油膩｡牛油雞翼非常香口, 牛油味香濃, 外層脆卜卜, 但 D 肉仍然 Keep 到好滑｡馬拉盞炒椰菜苗平時出面炒椰菜苗都會好硬身, 成日都會咬到好累｡ 今次呢個椰菜苗份量都幾多, 而且炒得好淋身, 用馬拉盞 + 肉碎一齊炒, 食落去非常惹味｡香茅燒雞Order 左半隻燒雞, 但份量一 D 都唔小。外皮燒得好鬼香脆，雞肉仍然 keep 到好 juicy, 配埋特製嘅蔥油醬, 真係好好味, 值得大推｡菠蘿豬頸肉炒飯個飯連埋 D 菠蘿, 提子乾 & 黃薑粉一齊炒, 味道偏淡｡ 豬頸肉燒得唔錯, 但切得比較薄, 令咬落去嘅口感變得有 D 失色｡鹹檸蘇打蘇打水獨立上, 鹹鹹甜甜嘅感覺令人好消暑, 好開胃｡

旺角餐廳太多，隨便一間都可能帶比人驚喜。好似今次呢間「越滿 The Pho」，我地5點半經過諗住食個下午茶，見到冇乜人但又有啲想食越菜，貪佢清靜，就坐低了。店內裝修好得意，牆上五顏六色，小朋友應該都鍾意。睇睇餐牌，雖然喺旺角多人熱鬧的地方，價錢都幾合理wor，下午茶時段仲有八折店員大力推介【特色串燒】，就叫左4串，每款各一串都可以試下。牛 豬 雞 燒得幾惹味，有炭燒嘅香味，肉質都緊實。豬腸燒得黎都皮脆脆。最特別係佢啲汁，有好多配料，唔知係咪青檸味，好清甜，又帶出串燒嘅香味，真係一絕，喺其他餐廳通常都係普通酸辣汁，冇食到過咁有特色嘅串燒汁，唔怪之店員推介了上菜好快，【椰青】應該係開左擺雪櫃所以好快到。涼浸浸唔太甜，椰肉勁厚【越式生牛河】雖然牛肉好似已經半熟，但個湯底真係好好飲！好鮮甜，好濃厚，可以排我心目中no.2（no.1係大角咀一間細細嘅舖頭）（食過其他包括牛肉湯河專門店嘅生牛河都比唔過呢個）真係好驚喜！【豬頸肉菠蘿炒飯】原來係豬頸肉+菠蘿炒飯。賣相幾靓，豬頸肉厚切，肉質鮮嫩，惹味。菠蘿炒飯份量十足，有提子乾，酸酸甜甜好好味。【鮮蝦米紙卷】稍微遜色，個皮好似唔係太新鮮，黐得好實，太煙

越滿，一聽就知食越南野！入度去牆身一邊可愛越南女仔 一邊係越南個d七彩窗身設計，幾色彩繽紛！鮮蝦米紙卷4件，滿粉絲同蝦香料。米紙皮薄，有d煙un，蝦都彈既！粉絲好吸醬汁，開胃！燒豬頸肉好多乾炸蒜同蔥，都算香口。燒得唔錯，外邊脆脆乾燥，入面肉林林滿油脂！咖哩軟殼蟹好可愛上枱，keep住食都熱！好多洋蔥同三色辣椒，好味又健康？軟殼蟹有兩大件，好入味，咖哩香而不辣，肉質因咖哩而多多汁。蒜蓉包4件點咖哩超級一流！加埋三色辣椒同蟹肉。感受到麵包皮脆，入面牛油蒜味都ok，加左咖哩就係咖哩主道啦。炒芥蘭苗份量少，好在炒得都幾林，加返d分。熱鹹檸檬水健康之選，好少有鹹檸檬，一來屋企無整，二來外面餐廳唔係下下有。有時連越南餐廳都無。半粒鹹檸檬，一吉開就有香香檸味。飲落好咸呀，好下火咁。青檸蘇打自己倒soda water，就先整整青檸出出名先倒！青檸比黃檸檬少點酸咁，但個味道清幽點，加蘇打可以清清腸胃又滿足到想飲汽水汽汽既為食，哈！

食物水準唔得，服務更加係差！第一次經驗已經麻麻，唔會想再食，但未到要俾差評地步。第二次係完全不能容忍！我地叫左兩個orders，兩杯水，第一個order後過左30分鐘第二個order未到，懷疑待應冇落單。一問冇落單先去廚房補單，之後眼神十分閃縮並未有任何解釋，最後連熱水都冇上。要唔去自己考慮。

感覺近年越南餐廳開始冒起，街上見到越來越多越式餐廳，就連自己，上年去完兩次越南後，都愛上左越式風味不能自拔聽同事介紹，佢早排試過呢間「越滿」覺得質素不錯，於是今日趁收早就同朋友黎試一下，懷念一下越南旅行既時光🤤🤤淨係湯河既款式都好多😱，豐儉由人但兩個人既話，二人餐真係超值無得輸下次一個人黎，一定要試下呢個咸梅梳打（跟餐）好清新，好夠梅味，非常解渴，強烈推薦生牛肉湯河上枱時已聞到超濃郁的湯底香味🤤，河粉很滑、湯底鮮味又濃郁、沒有多餘味精味，牛肉份量唔孤寒，牛肉入口很嫩滑有牛味👍🏻👍🏻炒芥蘭苗有驚喜芥蘭苗夠幼嫩、爽脆無渣，微辣帶蒜香，十分惹味小食拼盤（雞翼、魚餅、春卷）三款都香脆可口，新鮮即炸，體貼地附送新鮮生菜，包著吃有助減低油膩感！額外點了半只海防燒雞$70，雞肉嫩滑結實，香料味濃郁，雞肉非常入味；較少係出面食到呢種風味既燒雞整體質素很不錯，味道正宗，埋單$300有找非常超值！