越滿 (Closed)

今晚約咗幾個朋友諗住出旺角食越南菜， 逛下逛下一去到洗衣街見到一間 「越滿」的越南餐廳，就入咗去試，食完之後覺得價錢都相當化算同很有水準。我們剛好四個人咁就叫呢個四人晚餐啦!睇下呢碟炒芥蘭好夠鑊氣，差不多食完食先記得分享給大家看。越滿和牛湯河是餐廳的招牌粉， 職員在我們面前將湯水倒在碗中，有三種牛的部分分別有日本和牛，牛小排和牛舌，可一次過品嚐。越式炸春卷，入面餡好豐富而且皮又脆，用生菜包著吃冇咁油膩。

天時暑熱30幾度，係旺角行街行到熱辣辣，真係無咩胃口。見到有間幾新淨的越南餐廳，就試下入去食下消暑餐，食完覺得都幾抵食同有質素!同個friend得2個人，叫左啲小食、炒飯同生牛肉河。小食叫左軟殼蟹米紙卷，每件都好足料，個米紙皮軟身煙靭，軟殼蟹就炸到脆卜卜，加上爽脆青瓜絲，沾埋個越式酸甜魚露汁，口感好豐富，真係幾開胃~炒飯係菠蘿豬頸肉炒飯，一人份量剛剛好，甜甜的菠蘿勁解暑！炒飯有提子乾同少少咖哩調味。豬頸肉燒得幾好，唔會硬邦邦或者過於乾掙掙，瘦肉比較多，適合唔食肥肉的人❤$52幾抵食。生牛肉湯河的配菜(芽菜，青檸，九層塔)都係分上，想要咩味可以自己調較，食得出芽菜勁新鮮，超爽脆~生牛肉味道濃郁，份量都幾多。河粉分量都多，個有少少黏埋一團，等一陣都係可以分開麵條的。消暑梗係要黎返杯青檸核打，梳打罐裝上好夠氣，加上清新青檸勁解渴，透心涼😆總括嚟講，食物質素不俗，環境都幾好坐，價錢都好合理。

嚟到月尾，仲未出糧，唔通食杯麵咩？如果求求其其食麥記，A姐真係唔會放過我，所以今日就去食呢個經濟實惠嘅二人餐選擇，嚟到旺角越滿，真係抵食！鮮蝦米紙卷一碟四件嘅米紙卷，有透薄嘅米紙包住九層塔、生菜、芽菜、檬粉、青瓜條、蘿蔔絲、花生碎同一隻鮮蝦，點埋特制嘅魚露汁，好清新好開胃呀！香茅豬扒豬扒薄身，夠鬆身又香口，香茅味好入味，唔錯。燒雞半隻半隻嘅燒雞，估唔到份量都咁多。雞嘅外皮燒得超香脆，肉質滑嫩。配合埋特製嘅香料烹調，超好味，必點。炒芥蘭苗配合埋香蒜炒嘅芥蘭苗好惹味，不過就略嫌份量太少。越式炒飯越式炒飯有菠蘿、青瓜、提子乾等炒起，夠晒鑊氣。跟餐飲品隨餐仲有兩杯越式特飲。我們叫了青檸梳打同鹹檸梳打，夏天解渴一流。

近排的天氣又悶又熱💦，令人胃口大減，今天約了媽媽到旺角逛逛...想吃下午茶之制剛好附近有一家越南餐廳，就來試過一個酸酸的越南菜吧。店子位於旺角洗衣街從地鐵站D出口應該不用7-8分鐘便到了！…門面黑色格調...挺易找的打開門口...位置在兩旁...餐廳裝修吸引...為什麼？ 因為左邊的牆上有著一幅大大的油畫...畫風可愛配上綠色坐椅...心情十分愉快而且右方牆上色彩繽紛...天花版及地下都有一定越南風格...感覺乾淨亦光光猛猛！不錯喔餐牌差不多十多頁...款式比一般同類型的越南餐廳多...有一張下午茶的餐牌...星期一至六下午茶時段為兩時半！而星期日下午茶時段為3pm後！下午茶就係有8折優惠嘅...其實折左係幾抵食！最後我們選了兩個粉類加追加一個小食！👉🏻生牛肉雞絲湯河🍜生牛肉湯河是越南菜中之王...它不好吃了就那家餐廳好吃也有個限度！！哈哈（這是我的個人想法）媽媽必點的生牛肉...配上雞絲也不錯,湯底非常熱辣辣...把它沖落牛肉當中...慢慢變熟之餘亦令到生熟度剛剛好...牛肉和算是嫰滑...數量一個人食是足夠...share的話變有點不夠喉呢河粉份量就超級多了！絕對飽肚有餘....滑

旺角東站一落行多幾步路就到 地點非常之方便♥️門口仲有20蚊coupon畀你留黎晚市用㗎不過留意番啲條款 有d日子唔用得😁入到去餐廳發現 坐位都幾舒服 空間感好大如果幾個一班人嚟傾計都係個休閒舒適既好地方👍豬頸肉沙律 其實佢唔係好似豬頸肉反而似豬扒多啲 好鬆軟入口唔會覺得好鞋而且肉地都幾嫩滑 夾埋佢哋嘅溫室青瓜雖然切得比較大粒 但食落十十聲而且酸酸甜甜有少辣嘅醬汁非常之開胃😍咖哩軟殼蟹配法包 個咖哩汁好夠味 而且會見到啲蛋花😋一人食到一隻軟殼蟹 而且下面會有個蠟燭熱住 非常貼心法包亦唔會好硬 外脆內軟 夾埋咖哩汁食正😍😍

今天跟大食老友約在旺角越南菜是我們今晚的選擇二人餐可免卻了選擇的煩惱小吃點了牛展冷盤和魚餅牛展有四件味道普普通通魚餅有三件全部剛剛炸起餡料豐富非常脆口炒芥蘭苗用上蒜頭味道香口生牛肉湯河是越南菜中不可或缺牛肉半生熟湯頭清甜羅勒葉足夠也有配上青檸檬是一碗有水準的湯河另加點了燒雞和炸春卷燒雞惹味皮脆肉嫩重點是其蔥油醬汁完全把雞肉的味道提鮮炸春卷配上生菜和薄荷葉油膩感迅速減退最後怎能沒有薄荷青檸梳打呢充滿越南味的星期一就這樣終結

轉了新公司差不多兩星期，工作開始上軌道。有見及此，特意約了舊同事吃晚飯，互相update一下。這間餐廳位於旺角洗衣街，地點十分方便，從地鐵站出不用五分鐘便到。其實之前也經過很多次，覺得裝修吸引，而且價錢便宜，於是今天特意來試一試。這裏的食物多樣化，餐牌差不多十頁，真的令人花多眼亂。對於有選擇困難症的我們，這個越滿二人晚餐便最適合不過。298元在旺角吃二人晚餐，真的非常超值。1) 鮮蝦米紙卷 (⭐⭐⭐⭐💢):一共四件的米紙卷吃起來煙煙靭靭。鮮蝦大隻，而且肉質結實。香草再配合酸醋食吃起來十分清新，令人食慾大增。2) 燒豬頸肉 (⭐⭐⭐⭐💢):豬頸肉的烹調時間控制得十分好，燒得邊邊十分脆，但不會太乾身，吃起來有肉汁。配合炸蒜，香蔥，吃起來有層次感 。3) 燒雞半隻 (⭐⭐⭐⭐⭐):雖然只有半隻，但份量也十分多。雞的外皮燒得鬆脆，而肉質幼嫩。加上師傅用了越式香料醃製烹調，其實不用沾其他調味，雞肉本身也十分入味。4) 咖哩軟殼蟹 (⭐⭐⭐⭐⭐):軟殼蟹炸得香脆，而且是上菜才放入咖哩，所以沒有失去鬆脆口感。咖哩味道也十分香濃， 使用了多種香料炮製， 的送飯一流。5) 炒芥蘭苗 (⭐⭐⭐⭐💢):芥蘭

週六的中午去左屋企附近的越滿吃越南菜~ 下晝三點黎到都幾多客人，餐廳明亮光鮮，感覺乾淨，牆壁旁的油畫亦很可愛好久沒吃越南菜了，所以毫不猶豫地叫左碗越式生牛肉湯河粉！另外叫左碗番茄蟹肉鮮蝦湯濛粉🍜同埋炸蝦餅炸蝦餅有4件，份量適中，爽口彈牙，蝦肉味濃配甜辣醬好好食啊番茄蟹肉鮮蝦湯濛湯底是濃濃的番茄香，惹味開胃。湯面上加了芫荽炸蒜，令整個粉變得香口！蟹肉份量都不少啊生牛肉湯河生牛肉數量極多，被熱湯慢慢浸至8成熟的牛肉片，滑溜溜的河粉好幼滑，非常飽肚，好味道凍越式滴漏咖啡☕️香滑濃香咖啡味原來呢度下午茶時段3pm後黎食仲有8折優惠

雖然坊間越南菜以食生牛肉粉或春卷等小食為主，不過價錢並不算十分便宜。洗衣街越南菜館越滿有兩款二人超值套餐，較貴的B餐有六款餸連兩杯任選飲品也不過三百大元，實在係十分抵食。越滿雖然身處洗衣街，不過裝修也不馬虎，淺木色的牆身配綠色坐椅，加上可愛的公仔牆畫，感覺十分清新。看過餐牌後覺得二人B餐較豐富，就選擇此套餐。飲品可於餐牌上任擇。越式炒菠蘿冰未曾見過，未知是否將菠蘿粒炒過，不過此菠蘿冰甜味適中，甜味不會太過人工化，又有菠蘿粒食，是不錯的選擇。越式炒菠蘿冰及青檸梳打都以一整罐梳打水奉上，可以倒出一杯半左右，十分抵飲。鮮蝦米紙卷鮮蝦米紙卷入口十分清新，點上酸醋及夾上旁邊的醃蘿蔔同食就更加提味。香茅豬扒豬扒煎得乾身，香茅醃得入味，很對板的一道小食。燒雞燒雞雞皮十分之薄，雞肉亦很嫩滑入味，二人半隻份量亦不覺多。蒜仔牛柳粒蒜仔牛柳粒醬汁味道有點過濃，蓋過本身牛肉味，輕手一點食味會更佳。炒芥蘭苗芥蘭苗梗多葉少，爽脆無苦味，炒得不俗。越式炒飯越式炒飯配料有菠蘿粒、提子乾及彩椒粒，有咬口又味道清新，飯粒亦炒得乾身，如果此飯熱一點味道更佳。

去旺角行完街搵地方食飯，經過洗衣街見到呢間越南野都幾多人，裝修唔錯，決定試吓～ 食物選擇都算豐富，我哋兩個大胃王梗係叫個二人餐試吓啦😝 六樣嘢食加兩杯飲品都係＄298再加一，都幾抵食👍🏻 鮮蝦米紙卷有四件，一啖入口剛剛好，味道唔錯～香茅豬扒豬扒薄身，炸得幾香口，唔會太鹹，味道好😋燒雞半隻好足料，半隻雞份量都幾多，賣相好，燒得好靚，外皮脆肉嫩滑，好味👍🏻😋 特製醬汁都唔錯，有啲似廣東人嘅蔥油～咖喱軟殼蟹份量好多，軟殼蟹好大隻，咖喱味道好，好香濃，唔辣，有好多蔬菜，用嚟餸炒飯一流👍🏻炒芥蘭苗芥蘭新鮮爽口，炒得清脆好味～越式炒飯賣相唔錯，有少少似菠蘿炒飯，有菠蘿粒，提子乾等，味道唔錯👍🏻鹹檸梳打/鹹梅梳打本身想叫菠蘿冰，但係賣晒，所以試吓鹹梅梳打同咸檸梳打，兩款味道都好好😋推介👍🏻

今日同老世慶祝生日，諗住去呢間嘢試吓，即中伏。其實門面裝修都幾好，態度亦唔差，雖然漏哂單。我地叫了數碗生牛肉湯河、春卷、蔗蝦、牛油雞翼，滴漏咖啡等。價錢唔平，可惜質素卻差。特級牛肉河68蚊得幾片牛肉，湯低淡，差。，蔗蝦炸到乾哂，柴皮似肉乾，差差。越南春卷本應是白色卻變了啡色，油膩膩，皮不脆，難食，完全不似樣，差差差。牛油雞翼，炸粉極厚，油浸咁樣，差差差差滴漏咖啡，算把啦～沖杯雀X越南咖啡仲好飲找數埋單4位要4百幾，食呢啲咁嘅嘢，要呢個價錢，一定唔會再幫襯。

媽咪一直都好鐘意食越泰菜，見呢間評價好似都不錯就同媽咪黎試下😀👉🏿✨越滿二人餐 298 💸📌套餐包括：鮮蝦米紙卷～個人覺得味道略嫌淡左小小，要點滿成個先有味😳📌香茅豬扒～呢個就非常出色啦！佢啲豬扒係半肥瘦，食落爽口，唔洗點醬已經好惹味📌燒雞半隻～呢個都係我最中意既一款！燒雞非常嫩滑多汁，絕對唔鞋口，點埋醬好越泰風情！啲皮都好食架😍📌咖哩軟殼蟹～如果大家叫呢個餐我都係會比較推介大家叫牛柳粒多啲🤫可能我真係食唔太慣海鮮，所以唔太岩我口味..📌炒芥蘭苗～媽媽最愛🤣正常會有些小苦澀味，不過可接受！📌越式炒飯～呢個都有驚喜既，食過太多炒飯，呢個有小小脫穎而出～入面啲3色椒做得好好，每食一啖都有佢地，咬落好fresh!正📌飲品我就比較推薦越式咖啡，容易入口👍🏿

上日文前去搵食 近近地 洗衣街呢間越南野唔錯架。$178 二人餐。兩個小食 兩碗粉麵 一碟菜 再加2杯飲品 旺區黎講 絕對抵。小食～ 魚餅&牛油雞翼。大食既我地再點了鮮蝦米紙卷。魚餅彈牙惹味 牛油雞翼好香蒜味 米紙卷口感豐富 鮮蝦彈牙 夾著生菜 檬粉 炸蔥頭 青瓜等等 健康得來又豐富。生牛肉河～ 牛肉薄切 肉質幾嫩 半生熟最好食。河粉好抵讚 滑滑！湯底香濃 配上洋蔥香葉 yummy 另一碗既豬耳扎肉都有驚喜 扎肉裡面一粒粒爽脆豬耳 好有咬口。蒜香牛柳粒～ 牛柳肉質好腍 蒜香汁幾惹味 配上沙律菜 有營又有味～套餐飲品選擇好多 滴溜咖啡當然要試 香濃 配上煉奶 非試不可。

越南菜比較少食，今日經過越滿，電視屏幕不停播放著越滿的美食，十分吸引，於是與先生決定試嚇。餐廳裝修顔色非常亮麗搶眼，好喜歡牆上的一整幅滿透著越南氣息的卡通畫，充滿著生氣及藝術氣息。我們要了個套餐B $298。鮮蝦米紙捲。比較淡口，但㸃上醬汁，味道又有不同。燒豬頸肉。燒豬頸肉經過燒烤，顔色金金黃黃，非常吸引，豬頸肉與面上的炸蒜斉食，帶著蒜香，令豬頸肉更好味。燒鷄金金啡啡的皮非常吸引，面上有少少一粒粒的黑胡椒，燒鷄皮不是很脆，但肉質嫩滑，吸收了黑胡椒的味道，比平時大酒樓食的燒鷄又另有一番味道。咖喱軟殼蟹。咖喱味不是很濃，軟殼蟹大大隻，喜歡食咖喱的不錯選擇。越色炒飯。顔色金金黃黃，很是吸引，炒飯帶㸃煙靱，很香口。芥蘭苗。很嫰，夠脆口，蒜容味令芥蘭苗的味道更惹味。平時比較少食越南菜，現在食過才知，原來越南菜都這麼好味哦。

之前來過一次覺得不錯，今晚又來了。座位寛鬆，又坐得舒服。這裡的餐牌加上了套餐，二人餐有兩個選擇，一個$178，另一個$298。我要了$298，有鮮蝦米紙卷，香茅豬排，燒雞半只，蒜仔牛柳粒，炒芥蘭苗，越式炒飯，薄荷青檸梳打和滴漏咖啡。薄荷青檸梳打，薄荷葉不多，薄荷味比較淡，青檸味十足，仲有糖槳可加。飲落清涼帶點酸，餐前飲料最適合。滴漏咖啡☕️，我第一次飲，咖啡味帶點苦澀，攪拌後後，飲落比較甜，原來用了煉奶，都算幾好味。鮮蝦米紙卷，內有檬粉、青瓜、花生、蝦，有種清新爽口的口感，味道不錯。香茅豬排，外表焦香，肉質鬆軟。燒雞半只，外皮不脆，和泰式燒雞差不多。蒜仔牛柳粒，搾了些青檸汁，點些黑椒，味道更皆 。炒芥蘭苗，好像用馬拉盞炒，所以味道好香。越式炒飯，很似泰式菠蘿炒飯。