星海薈 (利舞臺廣場)

Open Now

Now Closed

銅鑼灣利舞臺上面有好多食肆，今次同屋企人黎到星海薈 · 譽宴食晚餐！搭𨋢一上到黎就見到條長樓梯加水晶燈，如果婚宴係度影相都幾靚。鐵板白胡椒煎焗澳洲龍蝦 $598鐵板熱辣辣，未食已經聞到好香白胡椒味，龍蝦肉掛滿白胡椒芡汁，龍蝦肉結實，已經稍微起左肉，食落好方便。晚市孖寶C - 脆皮燒腩仔 + 清蒸龍躉班 $338燒腩仔肥瘦參半，豬皮燒到好脆，龍躉都幾大條，蒸到剛剛熟，肉質鮮甜嫩滑，唔錯！星海薈小炒皇 $128小炒皇好有鍋氣，有多款海鮮海味 - 蝦仁，魷魚，魚乾，蝦乾… 好豐富！雪梨無花果花膠燉湯 $68燉湯好足料，雪梨同花膠都好大舊，飲落非常清甜滋潤，雞腳都燉到好淋好入味，好好飲！

大年初一同媽咪2個人去飲茶， 利舞臺有好多酒樓就算一間冇位同可以去第二間。見呢間都幾多人去就試下，估唔到一早去到都好爆下，好多一家大細團拜。好彩我地只係2個又咁啱有張細枱，唔洗等就入得坐低好快剔好點心，叫左8樣，等一陣都好快上，見到全部侍應其實都好忙，因為真係好多客人。當佢上左一籠燒賣時，我話我地冇叫到喎。因為媽咪唔食燒賣嘅，我亦唔會自己隊一籠咁傻。之後其中一個侍應就叫上菜嗰位拎返去櫃枱嗰邊。以為就咁完，食到中段侍應再拎返蘢燒賣嚟同埋張點心紙，話我有剔到。都懷疑左幾秒，諗住可能真係剔錯啦就話咁放低啦。然後媽咪都諗左陣話肯定我係冇剔燒賣，同時間其他點心已經上齊除左粉果，而粉果喺點心紙到係排喺燒賣下面。我地就諗可能落單佢睇錯落左燒賣，我地冇追粉果，就係想等埋單時對單係咪真係冇入到粉果。而個推測係真，張單冇粉果但有燒賣，嗰刻就覺得佢唔老實！客人點粉果你入錯單，我話冇落但事後你唔想拎返入廚房，就喺我張點心紙剔左燒賣再拎嚟比我睇，等我都以為落錯，叫左嘅冇嚟，冇叫嘅就嚟左仲話你有剔野食雖然唔差，但呢種咁嘅手法就令到我覺得唔係咁舒服，2個人飲左$500， 雖然知係新年，但其實都貴再加上咁樣唔老實法🤦

聖誕節嗰日lunch去飲茶，喺利舞臺嗰邊搭電梯上去，見到有分5樓同埋5M，因為5樓一開門嗰度我哋淨係見到似後廚雜物房咁嘅樣，所以我哋就上埋去5M嗰度，一出就發現佢應該係VIP房嚟嘅，但因為個電梯仲有人所以我哋都被迫出咗嚟先。然後就有個職員好大反應咁樣衝過黎話你哋唔可以咁樣出嚟，快啲入返lift啦！落返去5樓啦！我哋完全係進退兩難，因為架lift其實已經係有人閂緊門，冇可能咁樣沖返入去，然後個職員又好似當你係狗咁趕走。因為佢成層都係得一台客，其實應該係人哋book咗嘅，隔離其實有個樓梯係可以落返去5樓人哋飲茶嘅地方，即係好多人影相嗰個水晶燈隔離嗰條樓梯。咁我就問個職員可唔可以喺呢條樓梯落去，問咗兩次佢都冇答，淨係係咁好大反應咁話快啲走啦快啲走啦！總之好冇禮貌。然後佢就直程閂咗樓梯嗰對門。我就真係完全唔明囉，你唔俾人上樓梯，咁係因為樓梯上邊嗰層係5M VIP房姐，咁我而家出錯咗，我用返樓梯落返去，有咩問題先？唔得你都話聲俾我聽啊，唔係咁嘅態度下話！OK，之後我哋等lift落返去5樓，其實等咗15分鐘已經有位。先講嘢食啦，因為啲嘢食其實都冇咩好講咁一般，講完。另外其實都仲有個插曲，我哋嗌咗個

今晚和老爺提前做冬，去了銅鑼灣一間酒樓食晚飯。酒樓樓底很高，有條很吸睛的長樓梯，宴會打卡一流。白胡椒蟹🦀️通常食薑蔥炒蟹，但白胡椒蟹有種令人回味無窮的感覺。香噴噴的白胡椒香氣，令橙黃色的蟹更添滋味。大大隻的蟹鉗，啖啖肉，鮮味十足。養生木桶雞🐔一般都是食蔥油雞或者豉油雞，養生雞是第一次在酒樓食。雞肉吸收了紅棗、杞子、蟲草花等熬的精華，十分香滑嫩口。燉湯🥣燉湯用了雪梨🍐、無花果、花膠、雞腳等材料，料足湯靚，很滋潤，很清甜。炒涼瓜 🥬涼瓜用了肉鬆和蝦乾去炒，配上豆豉醬，涼瓜更入味，爽而不膩，苦而甘香，十分惹味。

身在熱鬧的銅鑼湾，因私務誤了午膳時間，正想找歇腳的地方，巧見這以宴會酒席主打的食店👏裝修佈置華麗舒適，樓底夠高，入口的旋轉樓梯甚吸睛打卡好位置👍🏼先點了:碧綠冰極蚌炒蝦仁，蜜糖豆，迷你象拔蚌，中蝦仁，熱鑊高温快炒，火候調控工夫足，豆甘甜爽脆，蝦仁彈牙，象拔蚌軟糯，口感各有不同😋再來了:士多啤梨大蝦球，上了脆炸䊢炸得熱騰騰的大蝦球，再淋上酸甜的士多啤梨醬汁，外香脆内爽口，好醒胃😋主食:下午茶精選义燒米粉，义燒夠水平，米粉餸菜分碟上，更原汁原味😋再追加了:鵪鶉蛋燒賣及白飯，三大件燒賣，入味非常，佐白米飯绝妙😋飽滿的一次下午茶👏

這個集團好幾間分店，平時都係歎茶食點心🫖今次去咗銅鑼灣分店試埋晚餐，呢度既環境以婚宴為題，地方比較寬敞，而且有個花花拱門加埋水晶吊燈及長樓梯真喺好靚😍🥢食物1️⃣招牌白胡椒蟹$598: 一隻約斤半重💥好大隻又多肉，蟹鉗已拆殼，只要輕輕一剝就食得👍🏻胡椒味好濃郁，肉質好鮮味，我同朋友都食到舔舔脷🤤2️⃣豉油王蝦乾炒麵$128: 炒得好乾身，沒有一點油膩感，而且食到有好香既蝦乾味✨加上銀芽、洋蔥絲、芝麻令口感更豐富。3️⃣得獎金磚脆豆腐$68: 炸到金黄色已經好吸引，外層薄薄的炸到好香脆，灑了少少鹽令味道唔會甘單調👍🏻最值得一讚係內裏非常軟滑，入面好似食豆腐花嘅口感❗️4️⃣雪梨無花果花膠燉湯$68: 呢個天氣飲返啲花膠湯補一補就最啱啦！飲落味道清甜，夠哂滋潤❤️

今日約了朋友去銅鑼灣一間傳統中式酒樓飲茶，酒樓以婚宴為主打，一進內看到有圓形樓梯，掛滿很多花和絲帶，天花是波浪型的水晶燈，十分有氣勢。我們點了：-蟹粉小籠包 這個是時令點心，每籠放一隻很大隻，蟹粉撈埋豬肉做餡料，蟹味香濃，滿滿的湯汁，一啖食唔曬。-晶瑩蝦餃皇 皮薄，蝦肉爽口彈牙。-海蜇燻蹄 燻蹄肉厚，有口感，調味很好，海蜇爽口，配合食很清新。-孖寶- 海皇炆鴛鴦米米粉幼滑，配料有很多蝦，叉燒絲，蛋和韭王等，相當豐富。-皇子乳鴿 皮脆肉嫩，味道濃郁。

俗語說得個樣，但這句就不能形容這裡了！來到現場就明白這裡的裝飾是多麼豪華的，而且在吃的時候還有不少人看似是實地考察，是準備結婚的感覺！不過那也只是表面，這裡的內在也不能少看，餐點的味道也是非常誘人的！招牌白胡椒蟹（約斤半）用上鐵板來上菜，然後再你前面再倒上白胡椒汁，被鐵板再次加熱後的醬汁，香味更濃郁而且帶點焦香！蟹真的挺大的一隻，看蟹鉗就知道了！這個是裹上粉後再炸的，所以蟹的肉汁很好地保留在裡面，吃起來外面脆脆，內裡非常滑嫩，味道鮮甜，而白胡椒汁更突出了蟹的香味！養生木桶雞（138元）這個性價比不錯，有一整隻雞，而且來到的賣相也挺好，上面放了很多蟲草花，聞起來味道挺香！雞肉吃起來嫩滑多汁，而且除了雞味還帶有很香的紅棗的香味，果然養生真的少不了紅棗！豉油皇蝦乾炒麵（128元）這個挺有驚喜的，炒得非常乾身，而且完全不油膩，但又條條分明的感覺，吃起來味道鹹香，但又不會太濃味的，淡淡蝦香充斥在每一條麵中，所以吃起來非常惹味！而且中間還帶有洋蔥，蔥段，芽菜等來增加口感，真令人回味！

間唔中都會同朋友去觀塘嗰間「譽宴．星海」飲下茶，今次相約一聚，就揀左嚟銅鑼灣呢間「星海薈」。呢間酒樓嘅環境真係一流，唔單止樓底特高，而且佈置得非常瑰麗典雅，配以場內嘅旋轉雲石樓梯、浪漫花海、璀璨奪目嘅水晶燈，裝潢極具氣派，好適合用作婚宴場地。嚟到剛好係下午茶時段，一於剔多幾個點心，坐低慢慢食、慢慢傾。鮑魚汁炆鳳爪 ($58)  鳳爪以瓦煲上，好大隻，份量十足，而且炆煮嘅時間啱啱好，又腍又入味，加上鮑汁完全滲透晒入皮下，入口膠質豐富。紅燒王子乳鴿 ($68)  乳鴿大小適中，送上來時已經切成四件，入口皮脆肉嫩，皮薄多汁，毋須蘸點任何調味料吃，已相當滋味。鵪鶉蛋燒賣 ($38)  燒賣沿用傳統做法，在豬肉上放上熟鵪鶉蛋，再蓋上白色燒賣皮，豬肉嫩滑有肉汁，同鵪鶉蛋簡直係絕配。XO醬炒腸粉 ($48)   腸粉好滑溜，質地軟硬適中，XO醬味道亦唔會太濃，配合銀芽、蔥段同香口嘅芝麻，非常惹味！香菇銀絲蘿蔔酥 ($34)   千絲酥送上時仍熱辣辣，外皮好鬆化，入面釀滿了香菇絲同蘿蔔條。香菇低脂、蘿蔔清甜，食落完全無油膩感。另外呢碟欖菜肉鬆炒飯 ($118)  水準亦唔錯，炒得鑊氣十足，飯粒乾爽，欖

好耐冇食過中菜，所以隨便揀一間食，見呢間都幾靚，就入去試吓啦。朋友叫咗個黑蒜湯，味道濃郁，雖然黑色，但絕對唔係苦茶，鍾意飲湯嘅，可以叫返一碗試。另外叫咗個鮮菠蘿咕嚕肉，鮮菠蘿好甜，點埋啲咕嚕肉汁，食落好開胃，而咕嚕肉更加出色，咬落去又脆又林，鍾意食咕嚕肉嘅，一定要點呢一個餸，再加碗白飯，絕配！仲叫咗藥膳木桶雞，呢個雞就有啲鞋口，唔夠，但藥材味足夠，唔算整得太好，可能因為咕嚕肉太出色了！我哋仲一人叫咗一個蟹粉小籠包，記得食嘅時候放個碗喺下面，因為絕對會爆曬啲汁出嚟，所以最後都係將佢拆解左放落個碗食。蟹油好多，好香，食過返尋味。

平日都有嚟幫襯中午飲茶🫖☕️, 今晚專登嚟吃個晚飯。有2位美女👭知己陪伴，心情特別好💞係換季時候, 所以行完銅鑼灣，肚仔餓，快d撘專上嚟，不用同人迫😆甫一開，朋友就被擦亮眼了🤩🤩🤩眼前是亮麗瑰緻的大型吊燈，沿樓梯裝潢精緻的花海，和甚有貴氣的大雲石樓梯，好適合婚宴之用，好友立即催促我為她留倩影📸呢，呵呵😆雪梨無花果花膠燉湯🍵女人之補🧏‍♀️，襯住秋風起，花膠湯🍵老少咸宜，既能滋陰養血，又可以改善手腳冰冷問題，加入雪梨，無花果，雞脚和瘦肉，滋潤養顏，立即叫上，每人一碗🍵🥰喝上一口，嘩，熱呼呼的燉湯，甜絲絲的味道湧上心頭，妙極👍😍招牌白胡椒蟹🦀好想食蟹🦀😆 招牌白胡椒蟹🦀🦀，肉蟹這季節長得最肥美，叫了只大大的有2斤多，你看柔嫩粉白的蟹肉，令人垂涎三尺, 蟹鉗大大只，相當吸睛🤩🤩🤩👍袪寒佐料以黑白胡椒及紫蘇葉為主要調味料。黑胡椒濃烈刺激，白胡椒芳香不嗆喉, 味道層次相當豐富，加入洋蔥蒜粒, 煮得入味，刺激了我們的味蕾，大家邊吃邊讚嘆呢🫶💯😋😋😋龍躉兩味:碧綠炒龍躉球 及 清蒸龍躉頭腩🐟🐟又是啖啖肉的高貴食材，製作2味，各有特色，炒的龍躉球，鑊氣十足; 而龍躉頭腩，咬落爽滑彈牙，添加少許調味料，

蟹季又來了，周圍都宣傳緊食蟹， 尤其是食大閘蟹季節，不過我較喜歡食肉蟹，鍾意大大隻啖啖肉。今日放工約咗同事就來利舞臺這間“星海薈·譽宴” 拆番隻白胡椒肉蟹，見佢做緊promotion $598一隻非常抵食。平日放工時間這間星海薈都差不多坐滿人晚飯。二話不說先order了一隻白胡椒肉蟹， 這隻肉蟹鐵板上熱辣辣， 大大隻蟹身好夠肉，蟹鉗好巨大啖啖肉，好新鮮又肥美， 白胡椒不會太多刚好令蟹鮮味提升又惹味， 這隻蟹大家都拆得好滿足。還有好多燉湯小菜做推介，這個無花果雪梨燉花膠湯只是$68位，好足料味道清甜，飲完非常滋潤，這個燉湯好合適現在的天氣飲用。還有$38大大隻的蟹粉小籠包都非常抵食，內餡充滿蟹粉湯汁好juicy。中式晚餐最喜歡就是菠蘿咕嚕肉， 這裏的咕嚕肉做得不錯， 咕嚕肉掛滿酸甜汁，能做到外脆內軟有肉汁。金銀蛋扒豆苗，這個金銀蛋比例剛好 配埋上湯一起就浸豆苗好入味。

很久沒有和家人去酒樓食晚飯，今晚選擇了位於銅鑼灣利舞臺廣場的酒樓。酒樓一進門很吸睛，環境亦很舒服。招牌白胡椒蟹有約一斤半重，大大隻蟹蓋和蟹鉗，新鮮又啖啖肉，有白胡椒的少少辣的香味，洋蔥吸收了蟹的精華，很甜。蔥油雞做特價，很抵食。大量的香蔥增加了雞的香味，而雞皮金黃色，有種鹹香，雞肉嫩滑。牛雜以前多數在大排檔或粉面鋪食到，想不到酒樓亦有，五香牛雜很香口，配有很稔的白蘿蔔。竹笙豆腐煲夠嫩滑健康，而雪梨花膠湯夠滋潤。又度過了很開心的一個晚上。

～得閒飲茶「星海薈」～心血來潮好耐冇食點心喇！今次試吓呢間位於銅鑼灣利舞臺5樓宴會中菜廳，裝修華麗，空間感大,座位舒適🫰🏻二個人叫左六個點心，都已經好飽飽灌湯小籠包：肉汁鮮甜蝦餃、燒賣：好大粒，煙靭爽滑鮮蝦炸雲吞：香脆可口春風得意腸：網紋炸蝦🍤、口感層次豐富雪山叉燒包：熱騰騰，叉燒好多推介指數:⭐️⭐️⭐️⭐️/5 星海薈. 譽宴（利舞臺廣場）📍銅鑼灣波斯富街99號利舞臺廣場5樓#foodie #hkfoodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記 #周圍搵食#hkig #相機食先

舊同學相聚當然去飲茶係最好的選擇，一面飲杯茶一面吹水；而且可以叫多欸點心開心share一樂也。銅鑼灣利舞台廣場有間連鎖式 譽宴酒樓，這裡裝修華麗地方寬敞；而食物質素都唔差，是我們疫情前常去的食堂。因相隔巳有兩年多沒幫襯過，感覺有些新鮮和親切。服務員帶領我們入座後，隨即送上一盆熱水來消毒清潔餐具好讓大家食得安心。👍小籠包每隻包子分別有個小竹籃盛載著，好讓客人拿出來時不輕易弄穿；非常貼心。小籠包皮薄餡靚，食時提防爆汁；配合埋薑絲和酸醋更能提升肉味，非常好吃。香菇銀絲蘿蔔酥酥皮鬆化香口，內裡充滿切絲香菇和粗條嘅籮蔔。旣有菇香又有籮蔔清甜好味，外脆內軟係我至愛。Xo醬炒腸粉腸粉炒得乾爽，加上XO醬非常惹味。絕對唔會比其他腸粉遜息。花雕醉雞雞的份量唔少，皮薄肉質嫩滑；食時陣陣花雕撲鼻。南乳粗齋煲原本點個素菜希望清清地，豈料朋友揀選了南乳粗齋煲；無奈都要奉陪。起初擔心味道太濃，豈料採用南乳來煮口感別具一格非常惹味；而且用料十足，最終给我們KO哂！生磨蛋白杏仁茶杏仁茶夠滑一D都唔覺用粉嚟開，杏仁味香濃惟可惜蛋白稀少。