東京天井食堂

Open Now

Now Closed

疫情下已經好耐冇去日本，好懷念日本嘅街邊小店同嘢食。呢間位處尖沙咀隱蔽角落，喺天井下嘅食堂，就非常有日式小店嘅味道。雙重黯然銷魚飯 $158老闆介紹呢到最多人叫嘅係鰻魚飯，因為想食多d鰻魚我哋最後就揀咗呢款雙重黯然銷魚飯，雙倍份量嘅鰻魚加上大大隻橙黃色嘅煎太陽蛋，睇見已經流哂口水。鰻魚的確整得唔錯，冇咩碎骨之餘入口肉質綿密軟熟。煎蛋用咗日本蛋，香濃蛋汁加埋鰻魚汁撈飯食一流。一日10種野菜 +$58想食得健康d，我哋跟鰻魚飯追加咗個炒雜菜。老闆話會每朝去街市搜羅10款新鮮蔬菜去煮，務求客人食到最新鮮時令嘅蔬菜。今日就有好似椰菜、翠玉瓜、蕃茄、紅蘿蔔、粟米、雞脾菇、露荀等等，用咗蒜蓉同黑椒去炒，面頭仲鋪咗木魚碎，簡簡單單就已經非常好食。明太子雞翼 $48雞翼煎得香口，脹卜卜嘅雞翼入面釀咗明太子，辣辣哋夠惹味。燒牛舌芯 $58厚切嘅牛舌芯肉質爽嫩，牛味香濃，唔會燒得太乾，唔錯。鮮檸檬蜜糖水 $24 & 熱情果梳打 $28另外我哋都叫兩杯飲品，分別係鮮檸檬蜜糖水同熱情果梳打。飲品都幾大杯，個人覺得甜度適中，夠哂消暑解渴。。。東京天井食堂 (尖沙咀)尖沙咀柯士甸路15A柯士甸大廈地下D舖。。

真心推介尖沙咀嘅一間日式小店，好隱蔽，唔係朋友介紹真係唔會知，位置比較偏，而且要行入舊式大廈入面，路過柯士甸路都唔會見到。呢間小店嘅鰻魚應該係我喺尖沙咀食到最好味嘅🥰openrice見舖頭12點先開，我哋12點鬆啲去到，點知入面已經得返一張枱，嗱嗱臨坐低先🤣介紹呢間舖頭真係好矛盾，一嚟擔心佢咁隱蔽會冇生意，以後食唔到咁好味嘅鰻魚飯，但係又驚太多人知，以後要排隊先食到🤭雙重黯然銷魚飯唔係得叉燒可以配煎蛋、蔥同飯，鰻魚原來都勁夾呀😍呢度嘅鰻魚好肥美，又勁多汁，好好味，就咁撈白飯已經好滿足，加埋勁流心嘅煎蛋同埋好香嘅蔥花，每一啖都勁滿足，為咗呢個飯，行多幾步又如何☺️全條鰻魚飯，轉 貓飯、前菜、甜品同樣係鰻魚飯，呢個就成條冇切開嘅，好大條，超市就咁買一條急凍嘅都要呢個價錢。我哋就加錢轉套餐，可以配貓飯，係呢度嘅特色，有少少牛油同醬汁，上面加上大量嘅木魚同紫菜，好好味😋套餐仲包埋綠茶蒴餅，好煙韌。吉列大蝦呢個大蝦都好好味，好大條，外層炸得好香脆，內層嘅蝦好彈牙，連頭都一齊炸埋，可以成隻食，正👍🏻👍🏻芝士炸豬扒呢個豬扒嘅芝士勁多，睇相都已經流晒口水，而且大大塊，又香又脆好滋味，鍾意芝士嘅朋友一定要

🇭🇰 Hong KongAverage expense pp: HKD$50-100+📍Address: 東京天井食堂, 尖沙咀柯士甸15 A柯士甸大廈地下D鋪街坊食堂相當有心，食材優質，價格又實惠，已平民嘅價格，已經可以享受到一餐好高質嘅午餐。走入天井，食飯期間同老闆有講有笑，知道小店溫情故事，已經好少餐廳會咁有人情味🥰呢間家庭式日式料理小店，位於柯士甸大廈嘅天井入面，雖然位置比較隱蔽，但係座位寛敞，店門口仲有幾個木椅座位，坐喺度食飯同朋友吹吓水都幾開心。講到食物我第一定推介，雙重黯然鰻魚飯同埋牛肉壽喜起燒。真係有雙重份量嘅鰻魚，厚身肥美，再加上用咗高質日本新紀元曉雞蛋🥚，撈埋蔥花食飯，每一啖都係享受😎牛肉壽喜燒用上洋蔥，非常美味，上面又有我最愛嘅生雞蛋，再加上套餐加配嘅貓飯（貓飯嘅食法係拌好紫菜碎、牛油、木魚碎），一定要加貓飯！小食都做得非常唔錯，牛油煎帆立貝配蘆筍，用2L日本刺身級別帆立貝， 煎到外表金黃香脆，入面嘅帆立貝依然軟滑。一定要點手作免治雞肉棒配蛋黃汁，連串燒跟埋嘅雞蛋都係日本新紀元曉雞蛋，入面有雞軟骨嘅粒粒口感🥰食完野叫番杯熱情果梳打同埋荔枝梳打，入口涼透心

好香嘅鰻魚！定食豐富。呢一間小店一定會再回顧~定食更加可以加配味噌湯，前菜，同埋甜點，自己一個人食都可以好滿足❤原條嘅鰻魚非常誘惑，而且燒汁味道校得啱啱好，用埋嚟撈飯就最正！🐟鰻魚爽口彈牙，每一塊都感受到厚切嘅滋味。今次嘅前菜係中華海帶，我自己好鍾意，拌有小小嘅麻油香~😘甜點係抹茶蕨餅，好有心思，而且都好有和風。見到期間限定，🔥更加有味醂烤雞泡魚乾，點咗一個作為小食，份量都好足，🥢而且烤咗之後，味道更甘香。

好有風味嘅日式小食堂🏮 座位唔多室內只有三張枱同吧枱 但如果天氣凍啲喺出面食都好有風味 小店主打牛肉漢堡同鰻魚飯 我哋唔係好肚餓就嗌咗一個飯一個餃子share蒲燒鰻魚(半) $88 升級和風定食 +$40和風定食包括珍珠米、味噌湯、前菜及甜點前菜當日係中華沙律 甜點就係抹茶日本蕨餅鰻魚雖然得半條 但份量都算多 燒鰻魚汁唔算太濃 肉質偏軟 飯上面都有配少少飯素煎餃子 $38/5pcs另外可選炸 煎餃子面頭放上木魚絲餃子皮薄身 入邊嘅餡就豬肉餡 就係普通日式餃子🥟波子汽水 $18係日本檸檬味嘅波子汽水😛 啱晒夏天好解暑

呢間日式小店以新面目再見人✨！佢叫天井原來係因為餐廳出面可以見到天井(你去到抬起頭望就知🤣)，餐廳用咗近排大熱日本新紀元·曉蛋，蛋味香濃，品質保證😍：-1️⃣「雙重黯然燒魚飯🐟($158) 」超癲❗️有兩大條肥美冇細骨鰻魚，係暗然銷魂飯嘅變奏版，日本米粒粒有咬口，撈埋日本蛋黃汁同香蔥冇啦輸，跟餐(+$8)有多粒糖心蛋，夠入味，蛋黃呈橙黃色~ Double grilled eels and Japanese egg rice：soft-boiled egg (+$8)🥚👍🏻-2️⃣「牛肉壽喜燒 配 和式定食🥩 ($128)」壽喜燒醬汁香甜，牛肉同洋蔥都超入味！🤣不過少可惜係隻蛋黃係d湯度化左，btw呢個餐配左 #貓飯 ，係 #深夜食堂 漫畫入邊嘅菜式，就咁食又得，做茶漬飯又得~Sukiyaki lunch set-3️⃣「牛油煎帆立貝 配 蘆筍🧈($108)」呢個用左2L刺身級帶子，充滿牛油香味而且好爽口，蘆筍都好嫩，不過定價略高~Seared scallops with butter and asparagus -4️⃣「雞泡魚乾🐡($48)」香脆可口，配蛋黃醬~-5️⃣「荔枝紅茶🫖($24)」👍🏻6️⃣「紅茶

在網上睇到介紹這間位於尖沙咀柯土甸大厦天井的日式料理食堂，口碑不錯，今日順路來支持一下小店。叫咗兩個午市定食，包一個主食及味噌湯，可追加飲品及甜品。黯然銷鱼飯$78賣相好吸引，有隻煎得好覯太陽蛋，及烤得香噴噴的鰻魚，配上甜甜鰻魚汁，好惹味，而米飯是粒粒珍珠米，绝配。親子丼，雞 $58有驚喜，超多雞塊舖滿飯面，上面加咗個日本流心蛋，仲有香菇，洋葱。而味噌湯也不馬夫，好濃味。但由於近日天氣酷熱，坐室外座位的確好熱，如加潻一把風扇會食得較舒服。雖然是小店，但製作認真，用料上乘，性價比高，真是開心大發現

真 · 隱世食堂 ⁉️ 估唔到係尖沙咀既鬧市中有一個秘密小天井，而呢個天井下更加藏住一間溫暖既小店💗✺ 黯然銷魚飯即係鰻魚煎蛋飯~ 佢地係用左日本新紀元 · 曉既雞蛋，所以啲顏色好靚🧡 鰻魚肉厚，無細骨~ 醬汁畀得好大方，加埋蔥花配飯食超滿足💕 最驚喜係呢個價錢，白飯係用左珍珠米😳✺ 牛肉壽喜燒 ✧ 和式定食 ✧ 升級貓飯 ✧ ✧牛肉壽喜燒甜甜既醬汁送飯好夾~ 牛肉份量好多，除左有菇，仲有煮到好淋，甜味出哂黎既洋蔥🧅定食已經包埋麵豉湯、前菜同是日甜品既抹茶蕨餅~我地仲升級左貓飯~ 如果你有睇過<深夜食堂>，應該有見過貓飯🐱 即係係白飯上加海苔絲、木魚花、牛油，再淋上鰹魚醬油~ 就咁食已經令人忍不住一啖接一啖🤤✺ 手作免治雞肉棒 🍗 燒到焦香，咬落有啲小軟骨，口感豐富~ 仲要好抵食，大概係平時食開既兩倍size🤣 ✺ 燒牛舌芯口感彈牙，又唔靭💕✺ 焦糖菠蘿燒超級推介🍍💗 菠蘿燒到微暖，上面既焦糖仲脆架~菠蘿去皮大加分❣️✺ 紅茶梳打🅟🅢✎ 門口真係有啲隱世，我經過兩次先搵到🤣 入口係Miss Marble Cafe隔離，穿過寫住柯士甸大廈同嘉華大廈既鐵閘就到架啦~🅟🅢✎ 細食

有冇諗過鬧市中有度地方可以同人傾計，同老闆一齊飲酒呢? 天井-影相就影得多，仲要好似尋寶咁先搵到。係天井入面就有一間日式小店。小店開左7年，係天井入面都經歷過吾同困難。小店位置吾多，但係比人一種好窩心同人情味既地方! 老闆除左健談，所有食物都係親力親為，所以每份食物都感受到老闆既誠意。亦都希望做到深夜食堂既感覺，所以客人都好鍾意有個聚腳點。老闆話聽到客人既讚賞都係堅持落去既原因，而且好希望有一日可以搬出天井! 😍雙重黯淡饅魚飯 $158你冇睇錯，鰻魚份量真係double 咁多，仲要係呢個價錢，真心抵! 太陽蛋用左日本蛋，老闆煎到岩岩好底微焦，蛋黃係流心狀態，撈埋蔥同飯加埋鰻魚，食落有幾重口感同滿足感! 鰻魚舊舊都相當肥美，男仔食都夠飽! 不過醬汁上咸左少少，連飯食會好啲!😆東京大板燒 $128一見到又哇左聲，冇諗過咁大舊同賣相好靚，好似生日蛋糕咁! 🎂 建議share。2個女仔都未必食得哂。大板燒有大量椰菜、粟米、蛋漿，頂層有煎到卜卜脆既豚肉。加埋木魚、紫菜同燒汁夠哂惹味! 呢度既大板燒有別於出面，呢度會重啲胡椒味，食落會比較香口同冇咁膩。期間限定-味醂烤雞泡魚乾 $48小妹好鍾意食雞

餐廳在鬧市中的一角，路過實在不容易察覺，感覺非常特別，絕對是隱世食店，有心來食一定會找到。蒲燒鰻魚：餐廳招牌菜，鰻魚肥美，肉厚又有油脂的甘香，烤的火喉剛剛好，一點點燶邊又不會吃到燶味，配飯吃一流。雞肉串燒：本來以為雞肉串很普通，沒什麼期望，意外地好吃，更新了我對雞肉串燒的感覺。雞肉嫰等來有彈性，證明肉夠新鮮，鎖住肉汁，吃下去不會很乾，外層烤得香脆，皮脂不會太厚，減肥的人士都可以安心食😂新紀元，曉日本蛋8 ：蛋黃超級濃厚，蛋味濃，又帶點醬油和酒香，不會死咸，味道溫和，提升了雞蛋的味道。糖心效果做得很好，老闆還親自介紹，真的很親切，令我想起日劇深夜食堂，老闆又係會同食客傾計，不藏私地交流，食出人情味。

在尖沙咀柯士甸路同金巴利道交界，有個神秘的入口，朋友帶我入去吃個充滿日式居酒屋風味的餐廳吃晚飯，餐廳名副其實是麻雀雖小但五臟俱全～而且食物質素非常好，店員的服務態度亦很友善，令我有個愉快的晚上！🔺忌廉可樂餅($38)：日本居酒屋常見的款式之一，香濃忌廉配有Creamy的口感，外面鬆脆內裏軟滑，層次非常豐富，味道口感都一流！🔺黯然銷魚飯($118)：這碗鰻魚煎蛋飯非常好食，原因是濃厚的鰻魚汁，不會太甜膩與白飯能夠充分融合。另外，鰻魚細嫩肉滑，沒有細骨，有入口即化的口感，與醬汁和白飯拌勻後食用，非常美味。追加🔺味噌湯($15)：味噌湯的味道濃郁帶香氣、鹹中帶甘不死鹹，充滿豐富味噌湯的層次。🔺柚子梳打($28)：柚子的味道清新，又帶一點酸甜在加上梳打的清爽感，在炎熱的天氣，胃口瞬間提升！

呢兩三年疫情大家都追尋「隱世」系列為求一絲喘息🏔今次窮煮婦朋友仔就帶左我去好似迷宮一樣既尖東🚗尋找大廈圍城中真係要「捐窿捐罅」先搵到既深夜食堂🍽...💛東京天丼食堂💛位於尖沙咀柯士甸路雖然地址係大街但窮煮婦都反覆來回三次先搵到😵‍💫今次來到為左一試佢地既招牌🌟黯然銷魚飯🌟🐟窮煮婦可以話比大家知👉🏼價錢﹑份量﹑味道都絕對係💯分...⬇️窮煮婦必食推薦⬇️🔸招牌黯然銷魚飯定食🔸 $78味道偏甜既日式鰻魚汁＋份量有成半條鰻魚🐟再加上品質保証新紀元曉半熟煎蛋🍳米粒裹滿甜鹹醬汁，不知不覺間就會食晒成碗飯🥰🔸芝士吉列豬扒定食🔸 $68炸物絕對係出色！超愛芝士既你就一定要試芝士吉列🧀上菜時豬扒已經切好一件件但完全無損芝士拉絲程度😍因為即叫即炸＋芝士份量足夠先可以做到👍🏼🔸明太子雞翼 & 吉列蠔🔸 跟餐加小食市面上好多明太子雞翼都係現成商品只係翻炸東京天丼食堂呢個明太子雞翼不太鹹食得出係自家釀👍🏼雞肉和明太子十分平均，令人回味🥰炸物吉列蠔外脆內Creamy飽滿，保留海水味🦪...總括來講其實2022年仲想外食日式搵到呢個價錢🇯🇵真係難上加難，相信呢間小店都係蝕本價用心做💛兩位店主態度極友善親切，似足「深夜

午餐頭痕食咩好，諗起今個月自己仲有一個鰻魚飯quota，ok咁直接輕車熟路去天井食堂嚕💛行到滿頭大汗入去，chef見到我咁狼狽？即刻斟咗杯冰水我🥹今次就低調？啲嗌咗黯然銷魚飯定食，加是日前菜（冇錯就係上次食過好健康又好食嘅中華沙律），少飯，少汁，多蔥花😆黯然銷魚飯就第一次食，之前食過蒲燒全條鰻魚飯（畢竟今日唔係上堂日，要克制🤣），但銷魚飯嘅鰻魚都好大塊同夠厚身，已經切成方便入口大小，依然燒得好香口，少汁對我來講啱啱好，夠晒滋味又有少少甜甜der，個煎蛋又係好誘人😍蛋加蔥花同米飯撈勻，飯上擺一舊鰻魚，啊～～～每一啖都食得好開心呀🥹今次chef有推薦新轉嘅甜品抹茶蕨餅，雖然係減肥中但我毫不猶豫？就同意一試😆上枱搖一搖會duang duang duang個樣係好可愛😊入口有淡淡抹茶香，唔甜，煙韌清爽，份量亦都剛好，四舊食完毫無罪惡感🙌黯然銷魚飯 7.5/9中華沙律 7.5/9抹茶蕨餅 7.0/9OVERALL 7.5/9叫天井食堂真係我黎尖沙咀嘅食堂之一啫🫶今次已經有mee可以掃碼積分啦💛

在尖沙咀柯士甸道不顯眼處，有一家彷如日本街頭看到的拉麵小店，店子小小，門前還擺放兩張餐枱，很有日本風味。老闆親力親為，兼任廚師和服務員，十分落力。午餐餐牌主要有定食、麵食、小食三類。我們選了兩個定食和兩個小食。定食有主食和麵豉湯，可自選追加飲品及甜品。日本珍珠米飯任添，最合大胃口的顧客。“黯然銷魚飯”，是加了蔥花和煎蛋的鰻魚飯，鰻魚燒得很香，肉質肥美軟滑，加上甜甜的醬汁，非常惹味。煎蛋用的是日本蛋，特別有蛋香味。飯底是上乘的珍珠米，這個鰻魚飯的水準可媲美高級日本餐廳。“親子丼.雞”，材料有雞肉、豆腐、冬菇、洋蔥，雞肉很嫩滑，分量不少，鋪滿整碗飯和不同的配菜產生多重口感，非常豐富。加上少許七味粉，味道就更上層樓。麵豉濃湯，定食附送湯，味道濃郁。追加的飲品：日本罐裝咖啡 +$6，冰紅茶 +$6追加“是日甜點” +$5，綠茶粉包住的米糕，不太甜，合我胃口。追加小食 ：酥炸生豪 +$18，新鮮炸好，外面炸粉酥脆，裏面生蠔鮮味。雞翼 +$18，非常有心思，有點像釀蟹鉗，在雞中翼去骨，再釀上雞肉，啖啖肉，又美味。這餐廳的食物材料和製作都非常用心，我也很欣賞老闆親力親為的魄力。

第一次食呢間小店，簡而言之，人情味濃，食物精緻，性價比高👍🏻我地叫左鰻魚飯，黯淡銷魂飯，燒牛舌，鮫子雞翼，都幾有驚喜。我成日以為服務態度咁好，一定d野唔好食🤣🤣 點知條鰻魚勁大條，我地叫埋黯淡銷魂飯的貓飯，牛油香好重👍🏻 牛舌真心有料到👍🏻 可惜得3塊太少😓 我地同老闆講笑式咁反映，點知老闆幽默回應，佢話會考慮做牛舌放題🙈 但佢都送左串雞軟骨俾我地，都燒得幾好，所以不得不在openrice 讚👍🏻👍🏻 鮫子雞翼就正正常常，無乜特別最後仲有甜品，好滿足👌🏻 好圓滿又簡單的一餐飯👍🏻 今時今日，遇到人情味濃厚，又唔hea 做食物的餐廳，真係買少見少👍🏻