Tiramisu' Lab (Closed)

Tiramisu Lab 係由意大利大廚Ermanno主理，味道有成30幾款！仲喺中環街市開咗分店，見到好吸引所以忍唔住揀咗幾款試下😍😍 🍭1960經典提拉米蘇係店員推介，而我一向認為食tiramisu 一定要食classic!!! 店員會倒入朱古力粉喺面！tiramisu 加入原隻雞蛋同 mascarpone 芝士製作，芝士味同咖啡味相融，口感順滑！🍭Pistachio Misu鍾意開心果味嘅朋友要試下！入面仲有開心果碎，開心果味香濃，好味道！🍭泰式椰香芒果米蘇幾特別嘅一款！有芒果粒同椰絲，好香椰香味！芒果酸酸甜甜，夾埋甜甜的手指餅一齊食口感豐富！

發現香港有呢個專門店時實在好開心，因為個人一直都超鍾意食tiramisu。店舖位置仲要超級方便，位於中環街市1樓。Tiramisu lab 既tiramisu係以意大利家傳秘方製造，亦有多款口味和包括單人，六人分享，生日蛋糕尺寸等。抹茶米蘇抹茶口味令到個甜度比較平衡，因為茶味都係好濃嘅，茶味嘅甘味好有效令到每一啖食落無咁大負擔，最適合一啲鍾意食甜品但好快會一兩啖就覺得漏嘅朋友。開心果米蘇 呢個真係個人嘅私心推介！從來無諗過開心果味係同tiramisu 咁夾。呢款食落並唔係開心果味加tiramisu咁簡單，而係開心果嘅香味同甜味融合左傳統tiramisu 嘅味道而成嘅口味。一定要試！泰式椰香芒果米蘇呢個味道都幾創新有趣，椰絲同椰漿帶來強烈嘅椰香味，配搭芒果果肉，但用tiramisu 嘅質感嚟呈現，西式甜品但帶來泰式嘅風味，好得意，如果食得多傳統口味，試吓呢種fusion 味道係值得一試嘅。

《Passion is our main ingredient》係店舖嘅宗旨，由意大利大廚Ermanno主理嘅專門店，將Tiramisu創作咗超過30種嘅款式同口味～今日行過中環街市，見到呢一間小舖頭，購入左士多啤梨、曲奇、招牌三款。士多啤梨🍓加入左果醬同清甜嘅果肉係外邊位置，拎上手賣相精緻 ，𢳂起嘅時候，都見到一層一層相當分明。☕️ 傳統招牌口味沿用意大利家族做法，加入原隻蛋、mascarpone芝士，食落更能突出芝士香味，口感亦較滑身貼服。中間嘅手指餅經過濃縮咖啡浸泡後，啡味都幾出，濕潤度足夠，而表面灑上嘅可可粉並冇過多，食落唔會咁易嗆親！鍾意食Tiramisu 嘅朋友，絕對不能錯過，一盒兩個人share剛剛好(⁎⁍̴̛ᴗ⁍̴̛⁎)

2023.5.17 星期三 4:15pm看到由意大利大廚主理的Tiramisu Lab在中環街市。雖然之前吃了很豐富的午餐，但都被吸引，想要個清新的甜品。所以這次沒有選經典tiramisu，而是水果味misu。••••••••••••••••••••| Strawberry Misu' | $45🍓🍰士多啤梨米蘇很清甜，中間有他們自家製的士多啤梨醬，果肉分量足又夠濕潤，mascarpone芝士和蛋的混合令夾層很軟滑，質感恰到好處。| Thai Coco Mango Misu' | $45🥭🍰泰式椰香芒果比士多啤梨酸，可能這次的芒果比較酸。表面有椰絲增加香口感，中間有香甜椰汁滲出來，個人認為少一點會比較好。••••••••••••••••••••包裝盒很美有高級感，味道很好，用來送禮十分不錯🎁

之前一路bookmark咗好耐🥹見中環街市有Pop-up就一定要去試吓🥹Tiramisu’ Lab 嘅misu採用意大利秘製家傳配方同埋意大利材料，有超過20款唔同嘅口味，另外亦都有原個蛋糕可以選擇，個人覺得原個蛋糕適合大家庭聚會多啲 (都有一定份量) ✨除咗即場買之外都可以上網預購❤️‍🔥好方便！不過個人鍾意望住個櫥窗揀味🤪今次買咗三款✨Matcha Misu’ $52個人偏愛茶味，私心覺得抹茶最好食🤣唔會太甜，食完都冇罪惡感🤙🏻手指餅浸得好濕潤，但唔會太重咖啡味，中間一層薄薄嘅紅豆蓉，配上少量抹茶粉喺面💯✨1960” Classic Misu $48可可粉味香之餘唔會苦澀✨另外芝士味超級香濃，手指餅浸得好鬆軟🥹但唔會太濕，質感好好😋✨Thai Misu’ $52泰式芒椰米蘇，手指餅非常軟熟，多層cream夾住一層芒果醬加椰絲，椰味好香，忌廉非常滑，雖然好多但絕對唔會膩🥹而且賣相精美👀✨諗住買返屋企食，就叫咗外賣，不過堂食都有三個位置😬今日一試覺得名不虛傳，雖然定價稍高，但個人覺得值得一試👍🏻🫧

這間甜品店位於中環街市，是全港首間提拉米蘇專門店，主打Tiramisu外賣自取，分為Mono Misu’、Family Misu’、Birthday Cakes及Pre-order Limited time offer四個系列。這些Tiramisu沿用意大利名廚Ermanno Lelli的家族食譜，再由其延伸出其他創意配搭。每日由香港工場新鮮製造。我試了Mono Misu’系列的其中三款。1960” Classic - $48經典傳統原味。單純以原隻蛋黃和Mascarpone芝士製作，有別於坊間加入鮮忌廉，更突出芝士香味，貼服的質感濃郁又creamy。濕潤的手指餅吸飽濃縮咖啡，放於底部和層與層之間，再撒滿香濃的可可粉，層次超豐富。Matcha Misu’ - $52Mascarpone芝士中加入抹茶粉，更將面層的可可粉改為抹茶粉，充滿著甘醇的抹茶茶香，清新回甘，口感更輕盈。Oreo Misu’ - $52這款則混入Oreo曲奇碎，略帶香脆口感，更有半片Oreo餅乾，充滿濃厚的可可粉香。