德家日式燒肉店 (Closed)

喺旺角喺放題天堂，今晚想食燒肉，行進創興商場4樓德家，呢間有日式燒肉及火煱放題，踏進門口，見到地方寬敞，火煱同燒烤分咗二區，而座位多是廂房式卡位，私隱度高，三二好友邊吃邊閑談好地方。自助吧檯有多種蔬菜之外，仲有凍蝦同青口，還有甜品隨意選取，更有汽水，啤酒及梅酒供應。最驚喜還有自助咖啡機。點餐紙，可選牛肉，羊架、豚肉、雞肉。連海鮮都可以任點：蝦、青口、多春魚、帆立貝、墨魚仔。蝦及扇貝都好新鮮，即燒時食，滋味無窮。其中牛魔王至愛嘅極上牛肋肉，一口牛，牛舌，牛脊肉等等一定可滿足晒。幾成熟自己話事，其中我嘅至愛羊排味道啱啱好，燒熟熱騰騰極美味，一件又一件，共吃了三大件。燒肉以外都有熟食選擇，有烏冬、冷山菌，粟米，秋葵燒起來又另一番味道。吃飽後再嘆個雪糕，今個放題飽足又滿足。

以前成日嚟德興飲茶，亦都知佢晚市有得打邊爐，但唔係朋友約我嚟呢到食燒肉我都唔知德興斬開咗一半，另一半變咗德家日式燒肉店！😂我地叫咗個$258/人set，每枱先送五款特選牛肉同生蠔，其他食材就自己點😀沙律飲品自助，自助區係同德興share😮第一次見覺得好有新意！😂燒肉放題真係啱晒我呢啲食肉獸😍牛豬雞羊海鮮都有得嗌，基本上我係每一款都試晒😂😂牛肉方面，牛肋肉、牛脊肉、牛肋條同牛胸腹都好食！但牛舌就略嫌有啲韌，不過薄牛舌就好有口感🤩好味😍海鮮有海老、多春魚、青口、鯖花魚、帆立貝同墨魚仔，我最鍾意個海老🥰啖啖肉！主食有蕎麥麵、烏冬嗰啲，不過我地今次冇食到，淨係食肉同海鮮已經夠晒飽了🐷😂臨尾可以揀movenpick 或Häagen-dazs😍正！除咗雪糕，仲有其他甜品，不過我冇試到🙈

如果一班人想去食燒肉，喺旺角附近，想坐得來可以傾計，會有食美食的話，我個人十分強烈推薦呢間餐廳。平時除咗食雞煲之外都可以試吓燒肉放題，佢仲可以揀埋打邊爐。一入到門口，侍應好快帶我地入位，中間嘅區域有好多小食、雪糕、飲品、配料任揀，而且睇佢哋重新上菜速度都好快， 唔會有空碟嘅問題情況出現，值得嘉許！想到左，侍應好快左半啲嘢食過嚟，落單到上菜唔會超過5分鐘，個人認為所有牛肉，海鮮，豬頸肉，烏冬都值得再叫。燒左幾次，個爐開始變黑，舉手叫侍應嚟換，都好快好方便。值得一提嘅係換完紙之後一定要加油，唔係會越燒越黑。

話說今日係朋友生日，我哋一行8人去到呢間餐廳食燒肉放題！主要係俾佢多款牛肉吸引而去，包括牛小排，牛肩肉，和牛肉，仲有唔同嘅豬肉同雞肉，任叫任嗌！8個人食左超多肉😂除咗肉類方面，丸類唔同嘅選擇，包括腸仔，牛肉丸等等。特別介紹多春魚，好好控制火候的話，魚皮脆卜卜，入邊啲魚子超好食！食到最後，我哋可以憑券去收銀處換Movepick雪糕,仲有唔同嘅雀巢雪糕可以任食。 整體方面，環境安靜，同隔離枱唔會好近，有私隱感，最緊要侍應唔會不斷催我還枱！

食肉獸天堂好耐冇食過燒肉，今次同屋企人試日式燒肉店，地點相當方便，就喺旺角創興商場4樓。一入門口，就見到自助餐同埋打邊爐一部份嘅食物都可以任取。雖然呢度係食燒肉同放題，不過抽風系統都唔錯，食完燒肉都唔會令到你一身都係油煙味。自助吧檯除咗蔬菜之外，仲有凍蝦同青口，都算驚喜。另外仲有點餐紙，可以點算肉類，除咗主打牛肉，仲有羊肉、豚肉、雞肉。最抵食就係連海鮮都可以任點：蝦、青口、多春魚、帆立貝、墨魚仔。燒肉以外都有熟食選擇，有烏冬、冷麵、海鮮粥任叫呢。絕對可以滿足食澱粉質嘅朋友。既然係燒肉，主打牛肉，牛肉都有九款，有極上牛肋肉、極上一口牛、黑蒜油薄牛舌、不想牛隻肉、香草牛肋條……等。咁多款牛肉之中，最啱我哋口味嘅，就係薄牛肉片。博博一片，又容易熟，又容易控制時間。蔬菜方面，平時食放題一定會點甜薯菠蘿，燒肉放題都有得自己燒呢。平心而論， 200幾蚊，款式選擇係好多，雖然質素不算頂級，但一定會食得好飽。

今日去咗旺角食燒肉，原來除咗燒肉餐廳嘅另外一邊仲可以打邊爐，不過今日都幾想食肉所以直接食燒肉啦。估唔到呢度除咗肉類嘅豐富好多之外，佢仲有海鮮可以食，連海鮮都係任叫任食，都係$258嘅啫。 我都叫咗差唔多三四次帶子食，另外都叫咗啲海蝦墨魚仔同埋青口。肉方面都有好多種肉除咗牛肉豬肉雞肉之外，淨係肉嘅話都有成10款咁多，啱晒鍾意食唔同部位肌肉嘅朋友。另外呢度好搞笑仲有啲魚蛋類嘅嘢食可以拎去燒，其中一個麻吉口感好特別類似湯圓咁樣。最尾食多個豆腐花收尾

又來到旺角搵嘢食，星期日1家8口好難一齊出去食飯搵位， 好多地方都訂唔到位，朋友介紹呢間燒肉，店面好大又咁岩比我book到位就試吓。有個食肉獸嘅細佬，一嚟到即刻點左五樣牛先，牛既質素依二百幾蚊放題質素來講都算係咁，仲要係任食添，我就幾鍾意食佢嘅牛舌， 我記住唔好笑得太燶，燒太耐就會硬左。仲叫咗啲蔬菜添其中我先發覺原來秋葵都可以拎黎燒，另外牛油金菇都幾好食，好香。因為有個錫盤裝住所以唔會咁容易燒窿。另外都有好多唔同款嘅嘢飲，有我最鍾意飲嘅解茶。

我是一個放題發燒友，很喜歡吃平靚好的放題。德家真的不去也沒覺得可惜。我只可以用我當日去吃的時候去講述。如果它轉好了，就請再回報。我是平日晚上去的，人不多，但無服務，我們用現金埋單，有9折，每位也要$250。食物質素真心覺得不值。我們吃燒肉放題，但d肉上枱時是灰暗肉色，第一碟是送的，但不吸引力，之後來的，也不太好。連我喜歡吃的燒菠蘿也是超酸的。飲品選擇也ok。吃魚生要加錢。。。地方有點黑暗，真失望。

平時都有去開啲任食嘅餐廳 銅鑼灣同尖沙咀嘅消費比較高 所以我好多時候都係去旺角嘅 今次去呢間飲食餐廳真係值得一講 啲牛肉質素拍得住貴餐廳 肥瘦分明 都幾似人哋食嗰啲貴價和牛 所以我翻叫咗好多次 食完又食好似唔知飽咁 Encore左勁多次其實都食到翻咗本 其他嗰啲食物好似海鮮類我都滿意嘅 因為洗得都幾乾淨而且幾新鮮 尤其係海蝦我比較鍾意 體型都幾大隻 食落口都幾鮮甜多肉 飲品選擇雖然唔夠多 不過任飲嘅是但啦 雪糕選擇都唔多 得雀巢係任食嘅 不過每位有另外送一款貴嘅雪糕 貴雪糕得一杯咋每人

同朋友係旺角搵打邊爐既地方 又想試下啲新野上網一搵之下 就黎到德家了 佢分左兩邊 一邊燒肉 一邊打邊爐既我地今次就簡左$298個餐 有海鮮盤,刺身盤同肉類任食旺角黎講 依個價錢都算係偏低簡左豬骨同蕃茄湯底最鐘意依啲豉油區勁多配料比你自己加 等湯滾既時候就有刺身盤黎左啦啲刺身都幾新鮮 比起出面既放題店質素高特別係個帶子 真係無得頂 肉頖任嗌 有四款簡分別係安格斯牛頸脊 特上美國牛肉 黑豚肉同雞肉當中安格斯牛頸脊最好食 脂肪唔會話太多 食落去有肉加少少肥既感覺最正 海鮮盤方面 又係好豐富 連鮑魚都有打邊爐放題連鮑魚都有都係第一次樣樣都係勁新鮮 而且唔會話有腥臭味咁 抵讚 除左依啲之外 都仲有其他攞既野食 連湯都有得飲 野飲方面凍同唔凍都有 好貼心 食到差唔多 可以攞埋甜品食仲有雪榚食呀 仲要食movenpick同haagendazs加加埋埋依餐真係勁抵食

睇相同其他食評覺得幾吸引（漏睇負評）點知一試🤮🤮 伏到咩咁！！好難食 啲野全部都冇味牛又唔新鮮一口牛係注脂牛🤮帆立貝好細粒 一個5毫子可能都仲大過佢😅個牛胸腹壺漬似係就咁搵水浸住咁⋯⋯我好耐寫食評，但忍唔住未走都要即刻寫⋯⋯因為真係好難食🤮🤮🤮如果大家堅持要黎，會推介大家食黑椒腸， 迷利甜薯同埋湯烏冬其他就真係唔好食啦⋯⋯不過有揀得都唔好揀佢啦⋯⋯因為你真係會好無悔！！如果有得再揀過 我寧願去食譚仔⋯⋯

雖然個名叫日式燒肉，但原來都有任食邊爐一邊係火鍋一邊係燒肉我地揀左$298個餐，可以有埋海鮮除左肉係要落單之外，其他都係自助咁我地就先出去行一轉先醬料都幾齊全打邊爐大路既配料都有係到，連菜都有好幾款有我最鐘意既胡麻醬豆腐，依到仲加左蟹籽揀好餐無耐就有人捧刺身過黎刺身既質素都唔錯湯底方面我地揀左鴛鴦鍋，一邊蕃茄一邊豬骨湯然後就有海鮮拼盤，又幾有睇頭喎我最鐘意蟶子，夠鮮甜一黎都會先有肉上，我就鐘意安格斯牛頸脊每枱都會有個壺比我地自己加湯，個米奇蓋好可愛食飽飽之後就去食甜品嚕有佢地自家製既甜品外，仲有movenpick/haagen dazs位置都幾方便，價錢又合理，質素係旺角放題黎講都唔錯

好似好耐冇食過燒肉放題了，今次朋友話想食緊係揀返間好既。係創興4樓，唔洗等果條人龍搭𨋢真係好。德家除左燒肉之外仲有火鍋嫁，雖然我冇食，但見到有響鈴既放題真係好難得，下次再黎試下！每張枱都有抽煙系統，唔怕食哂啲煙，而且係用紙燒的，感覺比較衛生同埋易換，如果覺得燒太焦了，叫店員換就可以了。我地揀左牛肉盛半放題，一位$258（120分鐘任食），最後甜品有movenpick同haagen dazs揀，價錢都算合理。點解叫半放題呢，事關呢個價錢會包一份精選牛，冇得添加的，其餘仲有42款食材係真放題，牛雞羊豬呢啲基本野都齊全，仲有海鮮同野菜，飯麵類，一定食得飽呢！呢份精選牛包括了5個牛部位，包括：牛肋、厚切牛舌、牛胸腹、牛頸脊同一口牛。全部都好高質好嫩滑，輕輕一燒就出哂味，唔洗點太多醬汁。當中我最愛既就係牛舌，真係好香牛味呢！食完精選部位當然有點其他，上菜都好快好均真，冇走數呢，哈哈。其他食材都一啲唔輸蝕，我encore左幾次牛胸腹壺漬同黑蒜油薄牛舌，所有肉都好夠味呢。野菜方面牛油鮮菌真係冇得輸！除左點菜紙上面既食材，仲可以出去中央區行下，有多款飲品、沙律同甜品可以揀呢。

上openrice睇評論，大部分都好評，生日就一心想去試吓，寫到價錢又公道，食物水準又高點知真係好伏，啲肉真心差，無肉味，又硬，啲肉色仲要唔新鮮，點解同評上嗰啲評論差咁遠，叫左帆立貝，又細粒又有雪藏味，其他嘢都唔敢再叫，未夠鐘已經走，真係伏到一個點，今日仲係我生日，真係得個伏字，我試左原價$258個plan，坐底後又話要加多$10,因為係星期六，但入座前問佢幾錢，佢都係話$258再加一,有啲被屈嘅感覺，唔係10蚊嘅問題，係問又唔講，坐低後焗比咁但不過環境就唔錯，獨立卡位，服務員都有禮貌，我第一次寫食評，因為真心覺得差，我寧願去牛角食放題，比貴幾十蚊，但質素好好多，今次真係一餐難忘嘅生日飯

今日朋友好想食放題但我又好想食燒肉 所以左搵右搵就搵左呢間放題燒肉試八點左右都已經好多人等緊 我都等左大約10至15分鐘 所以建議大家記得book位因為都幾full我講個兩個任食嘅放題俾你揀朋友唔食海鮮所以我哋就揀咗較平 $258套餐而去每個人都會送一份蠔 幾抵食係等緊嘢食嘅期間我仲出咗去bar枱 揀少少嘢食燒添好快就上咗我哋個套餐包嘅牛肉有牛舌牛柳粒 唔錯唔錯 啱哂我呢啲想試好多款但又怕太飽嘅人食完之後我哋就開始係放題點菜紙上不停叫野食是都有好多唔同嘅肉同埋蔬菜不得不提牛舌係必叫!!!我叫咗3 round!!!而佢個燒菠蘿都係必食因為食咗咁多肉之後都想食啲酸酸甜甜嘅嘢中和返好好彩嘅係雖然我哋冇嗌到海鮮套餐 但係點菜紙都包好多海鮮嘅 抵丫!!! 最後食到飽飽佢竟然仲會送埋movenpick嘅雪糕!!!! 真係好正 真心以後雪糕閑閑地都三$40而我仲食咗咁多野 又任飲 呢個價錢我真係覺得好抵