豚燻 (Closed)

雲丹滿開海の幸拉麵 - HKD198#拉麵控 朋友話銅鑼灣有間拉麵店勁多創意, 提供雲丹海膽 / 北海道松葉蟹腳 / 原匹松葉蟹拉麵一講完就心思思想去食雲丹海膽 VS 松葉蟹最終我決定 - 雲丹滿開海の幸拉麵...因為可以獨自鯨吞一板海膽, 呢個舉動好瘋狂同時要求了"粗 + 硬"麵Yeah! 勁多海膽 + 粗, 硬麵...我超愛呀! 😍一片片完整的海膽, 顏色好靚, 仲好軟棉棉咁呀! 先飲一啖湯先再正式開動, 估唔到湯底都已經好有驚喜 ~ 用豚骨湯底再加上蜆煮成呢個充滿海鮮甜味的湯底正當打算開始食麵呀! 用筷子將麵拉出時...咦! 點解有啲石頭收埋咗喺拉麵下, 原來有6隻蜆埋藏咗呀! 有驚喜呀! 即時滿足感大增, 又海膽又蜆我的食法係將拉麵放在湯匙上, 浸湯再加幾片海膽, 之後就一啖放入口, 海膽會慢慢喺口中同拉麵一齊溶化, 海膽好新鮮, 唔會有唔新鮮的腥味食得拉麵當然唔少得燒餃子 - HKD38我好鍾意食餃子, 亦試過喺屋企自己煎餃子, 但真係煎10次, 10次塊皮都係會穿咗😞...其實出街食都有試過....4隻餃子隻隻都漲卜卜, 塊皮無穿窿, 餃子底煎得又脆又甘香😘豬肉饀料肉汁好多

銅鑼灣拉麵店林立， 但每次都食叉燒拉麵真係好悶氣！😕 最近發現有家拉麵店——「豚燻」，  位於無人不曉、來自日本的「一蘭」的隔壁， 見門外介紹多款不再只是叉燒的拉麵， 就試下啦！😜 和日本傳統的拉麵店一樣，裝潢木系和風， 有一排面對着拉麵師傅的吧檯坐位， 好讓食客看得到師傅即場烹調。👀  除了有店家熟成燻製叉燒之外， 還有四款以海膽、松葉蟹🦀和白蜆等特色海鮮拉麵， 每款可選一款湯底；豚骨湯或味噌湯。 麵也有粗幼兩款選擇。  身為海膽控的我怎可以錯過雲丹滿開海の幸拉麵（$198）！ 嘩，拉麵一上枱小編就已經被足足一板的海膽征服左。😍  忍唔住第一啖就要食海膽先。😂 馬糞海膽味道鮮甜，質感軟滑，正！😋 海膽伴湯伴麵食又得，用紫菜包住食又得，就咁大啖擺入口都得！☺️  食拉麵前先喝一口湯， 豚骨湯外層看起來透光，但入口沒有油膩的感覺， 反而入口順滑香濃，帶少許黏口的感覺， 最令我驚喜的是湯底還加配了10多隻白蜆煮湯，  令湯頭多了一層層次感，略帶蜆的鮮甜和醬油的鹹香。 如果覺得原匹松葉蟹拉麵太貴，就可以試下北海道松葉蟹腳拉麵（$178）。  師傅很細心地把蟹腳逐一拆殼，方便食客食到啖啖鮮甜

記得好多年之前已經係謝斐道搵食，之後一般時間附近的餐廳都相繼結業，連成日幫襯既金水壽司都執埋。之後唯一出名的就只有一蘭。估唔到冇行一排既謝斐道又多左新面孔，今日就去左呢間餐廳。拉麵店其實地方都幾細，不過呢個正正係拉麵店的特色之一。可以揀既拉麵款式都幾多，有平有貴，當然貴d既拉麵都會用番好d既食材。北海道松葉蟹腳拉麵 $178主角當然係北海道松葉蟹腳，全部已經拆殼，輕鬆就已經可以食到，蟹腳亦十分鮮甜。拉麵湯有海鮮的咸香，另外除左紫菜，仲有蜆，變相多左樣餸，而拉麵麵質略硬。豚骨拉麵 $88兩塊日本叉燒又大件又腍，食落完全冇韌的感覺，湯底唔會好濃。反而除左蔥，木耳之外，驚喜地發現仲有菠菜，食咁多次拉麵都冇見過。豚骨拉麵麵質彈牙又滑。餃子 $38餃子吃得舒服，很容易已經咬開，餃子皮煎得香口，裡面餡肉豐富，特別喜歡餐廳提供的餃子汁，有別於一般地方。牛舌 $68牛舌上面已經灑有大量蒜片蔥花，令牛舌變得不平凡。牛舌入口多肉又爽口，配上蒜片蔥花更加惹味。睇嚟以後去銅鑼灣都要多d出入謝斐道搵食先得。亦希望呢幾間餐廳能夠為謝斐道生息一番。

位於銅鑼灣的豚燻，是一間主打橫濱派拉麵今晩和拉麵哥哥們來到，一同吃個拉麵後，各自有下場飯局活動。原匹松葉蟹拉麵$298想吃很久的原隻松葉蟹拉麵，吸晴度是百分之百，呃like度爆晒分。採用近一公斤重的北海度松葉蟹，大得基乎遮滿整個大湯碗松葉蟹已細心去部份的外殼，其實進食不太困難。蟹肉超級鮮甜，肉質滑嫩，甜得令我陶醉不已，超級推介。湯頭是豚骨湯底，吸收滿滿松葉蟹的鮮甜精華，鮮美無比，我只能說貴得有道理這次湯頭較首次來的時侯較好，不會死鹹，不像之前濃得過頭師博指湯頭重新調製，相信更適合一般大眾囗味，可以一試哦。可能拉麵被蟹蓋和蟹肉蓋滿，令麵質過腍，食貨們先吃麵後吃蟹肉會較好哦。煙燻玉子$14終於吃到煙燻玉子，煙燻味不算太濃，蛋面滑亮，凍而Q彈，內裡流心，呈亮黃色彩。餃子$38我甚喜歡豚燻的餃子，煎得微焦，賣相吸引。餃皮煙靭，肉餡肉汁滿滿，連大哥們的那份，也不知不覺吃光光

邊個話銅鑼灣食日本拉麵等個一兩間，原來橫街小路都有唔少隱世好野!今次試呢間，見佢有海膽拉麵，睇下可以有幾夾~日式拉麵店設計，望到入廚房，煮麵計時呢d基本啦最後見到師父好小心咁放左成板海膽上去!!!成板!~~雖然d海膽係好細條，色都比較淺，但成板啊!好震撼!~海膽味無咁濃，口感都差不多，係細少少囉麵質有得揀湯唔係出面超濃又多油個d會膽固醇超高爆血管個種係濃得好入味但唔油!!,同平時食開個d好唔同!麵質軟硬適中，份量一人一碗係夠飽的。仲食埋煎餃平時淨係食蒸餃，今次煎到少少焦但唔會硬邊，沾少少酸的醬，類似混合左醋，好正!

非常懷念在日本每天拉麵的日子，回到香港，又不想光顧大集團，又不知有那些新奇小店，行經一蘭附近，見到這間新開的小店又試下，門口餐牌竟見到有lunch set？有ｄ日本小店作風。內部裝修都充滿日式小店feel，一排座位面向師傅，欣賞師傅用心煮麵，好懷念的日式feel，看到牆上的推介餐牌，竟然全是海鮮？原來老闆是漁獲XX，所以主打用海味加入拉麵，好，今日就試下有幾夾先。檯上有一樽生蒜泥。唔奇，香港好多拉麵店都有，再睇竟然有樽辣泡芽菜？正，合哂重口味的我，無限暢加，老婆熱愛海膽，叫了這個雲丹海之幸，麵揀左粗，賣相非常澎湃，差不多有大半板海膽。湯底是味噌再加蜆，而且蜆的份量也不少，充滿海洋味的湯頭，粗麵彈牙，沒有皂水味，不錯。我就試了當季限定，松葉蟹腳，過左秋季梗係食松葉蟹的好時機。一樣是味噌蜆的湯底，蟹腳味鮮甜，幼麵可以啦，個人比較喜歡粗麵的彈牙口感，而麵底的白蜆份量亦不少。海膽平時凍食就多，熱食再加湯又幾特別，可能湯底是海味所以沒有蓋過海膽的味道。白蜆漲卜卜，非常肥美。大阪風炸雞：在炸雞上加上柴魚及醬汁，好似章魚小丸子的味道，幾新奇，而且炸得皮脆內嫩，仲有ｄ汁，不錯。餃子：煎得香口，內涵亦o

很少出銅鑼灣 行街經過一間拉麵店看到門口餐牌的海膽拉麵 很吸引所以決定試試店內到時主打海鮮的拉麵， 我看到有蟹腳拉麵，不過最後都是決定吃海膽海膽份量很多，沒有腥味，拉麵也可以選擇軟硬度， 還有六塊紫菜不過如果喜歡吃糖心蛋的就要另外點了湯底比其他拉麵店不算很濃烈，但是配合海膽味道也不錯朋友點的是味噌湯拉麵，他的湯底比較濃郁，豚肉也很大塊我覺得拉麵份量都較多。我們還點了這個蒜片牛舌牛肉軟硬適中，配合蒜片，味道很香口整體來說價錢是貴一點，但是他們的海鮮材料十分新鮮，所以都值得一試

過百蚊一碗既味噌拉麵 仲要是排長龍到底有d乜野個人之處呢？叉燒紅紅地生生地咁原來係煙燻過口感似食緊煙肉 又幾得意！湯底味噌味道好出 咸得黎唔會口乾而且同個叉燒味道都幾夾 效果唔錯

近年拉麵店越開越多，但是有特色的拉麵店真是可遇不可求，這晚在銅鑼灣逛街後經過謝斐道，被門口有個巨型燈籠吸引，發現這間小店有不少特色海鮮拉麵，一於試試！小店坐位不多，裝修簡約和諧，因為時間尚早所以不用等位，牆壁掛上一些日本掛布及手寫日文黑板，頗有日本風情。季節限定的“松葉蟹腳拉麵”主角松葉蟹腳鮮味無比，再加上份量十足的蜆肉，令湯底鮮甜美味， 濃郁香惹， 提升不少鮮香味道。拉麵選了幼麵，較為扁身，不失軟彈滋味！“海膽拉麵” 嘩！整碗拉麵鋪滿鮮美海膽及紫菜， 用料毫不吝嗇，確是物有所值。啖啖海膽的鮮味洋溢於口中， 熱食海膽還是第一次，風味清新。配料同樣有份量十足的蜆肉，所以湯底同樣清鮮甜美！燒餃子 餃子外脆內嫩， 肉質鬆軟而豐腴，肉汁豐腴芳香入味。

餐牌有點似曾相識，跟隔離的豊勝手丼是同一個設計。和一般的拉麵店一樣，有一張拉麵紙可以選擇麵條的粗幼及硬度，要不要走蔥等等。豚燻與其他拉麵店不同的是，有其他比較霸氣一點的選擇。平常吃拉麵都是叉燒作配料，豚燻有蟹腳又有海膽，比較創新一點。*松葉蟹腳拉麵($178)拉麵的配料就是四條已經半開殼的蟹腳；蟹腳新鮮有蟹味。兩個麵都是選了幼的硬質麵底；麵是扁身的，雖然選了硬身，但個人覺得不太夠硬，煮得軟了一點。*雲丹拉麵($198)「雲丹拉麵」一個很有意景的名字，其實是海膽拉麵。一片一片的海膽，又頗似一片一片的雲朵。不過個人不太愛海膽沽到湯汁，如果可以隔一隔會更理想。海膽一片片完整的，可見尚算新鮮；但是沾了湯汁後，不太吃到海膽的原味。兩碗的湯底和外面的很不同，用上了海鮮湯底，加入了很多隻蜆；每一粒都很有肉，沒有沙。*燒餃子($38)一客四隻的燒餃子，肥肥滿滿的。餃子皮薄，外皮煎得金黃不焦，外脆內軟；中間的豬肉餡很多肉汁，不會乾。*蒜片牛舌($68)炸過的蒜片，配上一舊舊煎過的牛舌。牛舌約煮得八成熟，爽口不UN；厚切令其更有口感。

Before I went, I had a quick look at the reviews to see what noodles they serve because I only like the thin ones but I kept seeing photos of both.When I got there, I found out there was a choice of thin or thick.The broth is clam based so it tastes like the broth you get from clams and sake with ramen added to it.We had two noodles, one with uni and one with pine crabs legs.It just depends on what you favour because the noodle and broth tastes the same.For snacks had the gyozas and ox tongue.Th

銅鑼灣拉麵店繁多，但好食既唔多，今日途經豚王果條街，發現有另一富有日本風既拉麵店，於是就入去試試先Menu既拉麵好吸引，不只是只有豚肉見有季節限定，當然就選擇呢個啦另外朋友就揀左白貝蜆拉麵黎到既時候打個突，紫菜有6塊咁多，完全唔吝嗇而且蟹腳都有5隻，超級足料，仲有好有pat既蟹膏，鮮甜非常，完全無得輸，個湯底更加不在話下，一d都唔會油淋淋，鮮味十足另一出品白貝蜆份量好多，仲有2個大既添我試左個湯同幾隻蜆，同樣係好鮮甜，d蜆同平時係街市見到既好唔同，d蜆肉大d, 而蜆殻係白色ga, 質量一定係好過平時見到果d煎餃子都好唔錯，餃子皮唔會太厚煎牛小排有d遜色，雖然睇落去煎得唔錯，而且都有成8舊咁多，但要咀嚼好耐，咬極都咬唔開，係食咁多舊都係咁既情況另外，我好欣賞放係旁邊果盅辣芽菜，我食左好多

新鮮海膽與熱熱拉麵🍜————————————————————#日本海膽拉麵 (HKD198)✔👅：6.5/10✏ 當新鮮海膽訓左係手打拉麵上面，拉麵的溫度融化左海膽的心，結果... 海膽就好似煮到半熟一樣🙄 有點失望。但係拉麵有軟，中，硬選擇，加上傳統拉麵店的設計，能夠觀賞到師傅既廚藝，風味加分不少 （不過地方偏窄， 最好shopping 前填肚）#手包煎餃 (HKD38)✔👅：7/10✏ 外表上好似同出面一般餃子一樣，但師傅堅持手包，做到皮薄的效果，再加埋師傅的功力，令餃子唔會偏乾或者太油膩。正正子！#日本威士忌梳打✔👅：5/10✏ 無論漫畫定日劇，總會見到主角飲梳打酒，再表露出一臉滿足既表情；就好似韓國人飲燒酒一樣。所以一直都想試一試🤗🤗 可惜飲唔慣威士忌，覺得同藥水一樣😭。 不過佢係日本進口，愛酒人士值得一試☺

男朋友在銅鑼灣返工，星期六接他收工後就去食Lunch，心儀食日式拉麵，於是就試試這間小店～店內比較狹窄，座位不多，而因為Lunch Hour，所以都要等一陣子先可以入座！雖然店內比較狹窄，但就可以近距離看到師傅的用心製作，好有日本流動拉麵檔的感覺！菜單上的拉麵款式選擇不多，不過亦有兩款湯底選擇，除了有傳統的拉麵，還有三款不同海鮮的拉麵，好特別！也有部分的日式小食同飲品～可以以點單紙點菜，湯底、蔥花同拉麵軟硬度都可以自選的！煎餃子（HK$38）即點即煎，煎到底部金黃微焦～餃子的餡料都幾多，以豬肉為主，皮也厚薄適中，沾點餃子豉油十分惹味～蒜片牛舌（HK$68）蒜片牛舌好有驚喜，看著師傅在廚房煎煮，上面有不少脆脆的蒜片好惹味～而牛舌都好厚身，咬落好爽口彈牙，而醬汁也很惹味，咸度適中！豚骨拉麵（HK$98）這裡最基本的兩款拉麵有豚骨及味噌，我選擇了豚骨，因為點了小食就沒有再加其他配料～上次有一半肥瘦叉燒、黑木耳、菜及紫菜～拉麵選擇了粗麵，軟硬度是適中的，可按個人喜好選擇，我就比較喜歡有口感的麵質，煮得唔會過硬及過林，而豚骨湯底好香好惹味，唔會過油或過咸，而且份量十分適中！海膽拉麵（HK$198

今日遲起身，落到銅鑼灣搵食已經3，4點，去左呢間未食過但多人好評既拉麵店.可能唔係煩忙時間人不多小店細細但裝修不俗，心諗都幾好. 點知一坐低，兩個店員就貼身保鏢咁企喺我後面，店面較窄佢地基本企正我後面，我點了基本的豚骨麵加餃子，出菜又係企喺我隔離一齊等拉麵😓諗住食物好食都算，點知拉麵碗係凍既，雖然影響不大但總覺得少了點什麼，餃子得4件要$38，又唔見得特別好食點解要咁貴，拉麵食落味道只係一般，埋單接近$130實在唔抵食😓