Top Blade Steak Lab (梭椏道)

Open Now

Now Closed

藜麥平鐵沙律👍推薦❤️有4g的牛扒，5成熟，細細粒都食到係Juicy，好有肉味，不過好快就凍，因為在沙律上面。如果想要多啲牛扒，可以加多$50，多倍肉。沙律裡面有好多料又大碟，無乜汁，真係好健康有蟹肉、車厘茄、半隻蛋、紅洋蔥、藜麥、螺絲粉、生菜終極漢堡個包夠熱，牛肉好juicy，嫩口，都唔會一食就散，食到舔舔脷！松露薯條好食到唔夠喉，真係唔夠可以加$18要多份。磨茹湯係用熱的杯子裝，好貼心！個湯較creamy，cream味濃。手調咖啡不是太苦，不太濃，少少酸，易入口。跟Set lunch 加$18就有，感覺飲凍多啲，抵啲！坐位舒服，環境好乾淨，服務又好，讚👍

平時行經見到都要排隊，有次冇乜人就入去嚕～ 餐廳主要食牛扒🥩 + all you can eat fries🍟 餐牌選擇唔多，得3款牛扒🐃，1款豬鞍🐖同1款burger🍔少選擇仲好，冇懸念😌/🥩香草平鐵牛扒 $150 大約有五至六嚿，佢已經幫你切好咗🐃，叫medium rare佢都做到，唔會overcook😗 牛扒都重牛味，食得出本身塊牛唔差，碟旁放咗鹽畀你自己調味🧂～ /🥩黑桃black jack flat iron平鐵牛扒(限定) $238呢款比香草牛扒嘅貴唔少，但反而冇香草嘅咁重牛味🥵，牛扒底放咗蜜桃，但兩者有啲割裂🤨 唔係特別夾～ 覺得香草又抵又好食😎 推薦呢個多d🤓/🍟 薯條熱辣辣新鮮炸起😎 會有店員拎住個兜行嚟問你使唔使fill😌 我fill咗三次😂😂😂 因為真係好好食😗

薯條可無限添加，人人食到笑哈哈！Flat Iron牛扒好juicy，黃店的確要支持！💛——薯條迷請注意⚠️薯條可以不停refill，不過其實食一碟已經好夠🤣超級脆，上面有白松露鹽，淡淡嘅白松露味會令你想一啖接一啖🥰.香草平鐵牛扒($150)驟眼睇好似唔大塊，但其實女仔黎講差唔多，因為佢都幾厚肉。+$50就增量50%。我叫咗Medium，圖二見到入面仲係好粉嫩㗎～值得一讚係佢好夠肉汁同好淋👍🏻鍾意食蒜頭嘅我梗係冇放過隔離舊蒜🧄.Overall: 8.5/10Value for money: 4/5——📍Top Blade Steak Lab何文田梭椏道4A號榮英大厦地舖銅鑼灣希慎道2-4號地舖

餐廳唔算大，而且menu 都唔算多選擇，感覺上是一間小店。每位客人最低消費係要嗌一個主食，然後可以任食黑松露味薯條，薯條係幼身，連皮炸，幾香脆，但覺得落得太多鹽，有啲鹹。Burger份量好大，漢堡扒非常厚身，而且多肉汁，但係個麵包就偏軟身，一切burger 就解體了，但味道都唔錯，好有滿足感。黑桃牛扒係限定，所以就嗌咗一份試吓。上菜後，一陣香草味撲鼻而來，切開啱啱好五成熟，口感好嫩，但就調味唔係好啱我口味，一入口就都香草嘅苦味(可能有啲燶)同杏桃嘅甜味，好大衝擊，而且食到最後先食到牛嘅肉味，整體感覺唔係太夾。價錢嚟講都幾抵食，二百幾蚊有8oz ，平嘅$150都有一份。

疫情失控，希望大家記得洗手戴口罩！呢間小店之前已經係各大網上平台見到推介，今日終於有機會嚟緊試吓，以往要大排長龍而家可能因為疫情關係人流明顯變得少好多餐廳定位明確全部都係用上flat iron部位，張圖有寫係牛邊part定期有Special推介，不過我哋就無叫啦薯條係任食，我哋未叫好餐，新鮮熱辣辣嘅薯條已經送上，薯條賣相似連鎖大店，但食落薯味明顯重好多跟餐可以加配湯及沙律，今日呢款係番茄湯味道濃郁，沙律上有蟹肉配上酸醋，味道好開胃香草平鐵牛扒店主推介五成熟，牛味好重肉質適中，香草味略嫌不足，但點上鐵板上的粗鹽，真的不錯不過我個人比較推薦呢個黑桃flat iron一樣都係跟店主推介五成熟，睇圖都見到呢塊肉汁明顯多好多，入口較軟熟，juicy到離譜，配上桃一齊食，又出奇的特別我哋仲叫咗兩杯飲品，一杯係冇酒精的檸檬特飲，味道似檸蜜，令一樣係手工啤酒，正常無太大特別曾經去過英國出名食flat iron地方，呢間質素可比美的！質素唔錯，有機會大家都可以一試

雖然位置有啲格攝 但其實由旺角或者旺角東出發都好快到🙆🏻‍♀️門口位置放置左搓手液比有需要嘅人用 十分有心💛服務員態度同服務都做得好好 值得一讚！餐廳都好受歡迎 大家記住預先book檯😛-餐牌選擇並唔算多 大家主要都係嚟食佢嘅牛扒同埋佢嘅free unlimited fries 🍟今次第一次食 於是揀咗牛同埋豬各一份試試佢-🔸Usda prime 390days grain fed flat iron $268🔸Steak紋煎得好靚 入面嘅肉係好靚嘅粉紅色🥰牛扒order左medium rare 但食落覺得稍微老左少少牛味好重 唔蘸醬都絕對無問題如果肉質嫩口啲會更好🤭呢個係menu入面最high class嘅flat iron 所以自然期望較高 整體不過不失 只係性價比不算太高下次應該會食價錢平啲嘅herbly flat iron steak價錢更加親民👍🏻-🔸Spain chestnut fed pork rack $160🔸豬胺架比牛扒更出色😋 豬嘅肥瘦分佈岩岩好！肉質爽彈 煎到皮香肉嫩！呢個價錢 十分抵食❤️-另外啲薯條都幾高質 係幼身薯條 有啲似la vache!個種店員見你差唔多

農曆新年撞正肺炎，盡量少出街食野，忍左個幾月，今個星期五忍唔住點都要出去食番餐好。平時屋企唔會整西餐，所以特登揀左間西餐廳，加上見到有任食薯條，身為薯控既我當然唔會放過啦!!原本諗住6點去食都算早，但估唔到有唔少人比我更早，6點呢個時間已經半滿，好彩朋友仔book左枱，如果唔係有可能要等位。入座後職員會問係咪首次光顧，如果係既話佢會介紹下個MENU，不過我見網上好多人都推介香草平鐵牛扒，所以同友人各點左一份。是日忌廉蘑菇湯&藜麥沙律 $48湯既味道有D似罐頭忌廉湯，而且偏鹹，不過勝在多菇，食落都幾飽肚。至於個藜麥沙律望落D菜都幾新鮮，味道正常。Bless 冷壓蘋果伯爵茶 $35蘋果味好香，飲落又唔會好甜，不過伯爵茶味偏淡。香草平鐵牛扒(5成熟) $150雖然望落份量唔多，但不竟係蛋白質，食食下會頂胃，而且少食多滋味。不過如果真係想食多D肉，都可以加$50牛肉增量50%。師傅煎得岩岩好，牛扒好Juicy，啖啖肉汁；調味方面，少許鹽加rosemary，無蓋過牛味之餘又令佢帶點rosemary香，調味天然又簡單。平時既我唔太中意食蒜，但今次見到個焗蒜幾靚仔都試左幾粒，蒜味唔會好濃，質地比較粉

$150 flat iron steak加多$48 有salad and soup食果日既湯係mushroom cream soup, 好濃味，粒粒蘑菇好新鮮😍 沙律就無乜特別薯條係最驚喜，未食之前都聽過係任食，但無估到原來有黑松露。 好香，食左2 round薯條 又脆又有薯味 仲熱辣辣塊牛扒上面有香草 仲有個蒜頭🧄喺隔離，鍾意食蒜既朋友一定要食，因為個蒜頭好香店員推介medium, 我食開medium rare既，不過都照跟佢推介。 我覺得好食既，無介紹錯。提一提大家要訂枱 因為好多人等 ，間店唔大🤣

哩間餐廳有啲難搵，一間隱世小店， 感覺好似 去咗外國😊 原因係佢嘅啤酒同埋係任食薯條！！！雖然等位都要一啲時間， 但係員工態度非常熱情， 好用心介紹畀我知道牛扒分別， 等我唔使花多眼亂揀得咁辛苦。 佢係嗌一個牛扒煮食再額外加錢要餐湯沙律同任食薯條， 我建議加因為薯條真係好抵食😊 雖然我哋兩個女仔食到後段已經好飽， 我叫咗個 blackjack牛扒，我未食過桃汁整嘅牛架！原來咁好食！ 另外我個friend就要咗另一款牛扒， 我都食咗佢一嚿蒜頭好好味，最重要係我要七成熟真係七成熟， 食落係好淋同埋有牛肉汁。另外我叫咗個手工啤， 食牛扒飲啤酒真係一個享受， 不過用餐時間有限， 雖然上餐都好快唔會話急住食 ，但都唔可以慢慢歎。整體嚟講雖然有少少貴同埋要等，但我覺得都值得

早排男友生日，經朋友推介，揀左呢間。其實之前經過銅鑼灣個間，都成日見到大排長龍架啦。至於何文田呢間，位置就隔涉啲，唔係大街大巷，真係唔特登搵都唔會搵得到。之前睇過篇訪問，老闆話為左可以令食物價錢合理，所以特登揀租金平啲既地段。為生日做好準備，早幾日就經餐廳網站預訂左座。好彩一早book定咋!當日去到，店外已經大排長龍，因為店面比較細，目測只可以裝到20多個人。店入面比想像中細，如果兩個人食的話，係無卡位坐，坐得無咁舒服。呢度比較適合聚餐多過二人世界甫一坐低，就有侍應幫我地fill新鮮炸既薯條。我係超級薯條控黎，所以無限薯條都係吸引我黎食既原因。薯條本身灑左白松露粉，所以食起黎有淡淡松露香。如果想加茄汁食，都無問題。食左少少薯條填住肚，就嗌正餐食啦!我地一人要左一個平鐵牛扒，我係black jack，男朋友就食貴啲既穀飼牛。老闆?定唔知侍應會推介幾成熟最好食，我地跟佢建議。我地亦嗌左個沙律餐湯set,48蚊，好抵。唔駛成餐得肉咁寡，平衡返。是日餐湯係蕃茄忌廉湯。蕃茄味岩岩好，唔係罐頭個種茄膏味，個湯亦都夠creamy。藜麥沙律我唔記得左影，醬汁係黑醋黎。份量係正常一人size，唔駛驚食兩

今日見經過開呢邊，係附近搵下有咩食，見到呢間扒房既分店，見人少少就入左去食😛一坐低店員就介紹佢地係主打牛肩，跟店員介紹，今次就揀左今日限定既香草平鐵牛扒。加$48就有藜麥沙律，同湯😋而且黑松露薯條任食🙂沙律好足料好多藜麥，沙律菜都好鮮甜😋香草平鐵牛扒$150 (5成熟)生熟程度岩岩好，肉質整塊都非常軟淋而且有牛香😋再沾一沾香蒜味，味道更升華👍🏻整體牛扒既性格比非常高，加上薯條仼食，幾抵食👍🏻😛

話說上次po完依間扒房之後身邊嘅朋友係咁叫我陪佢地試🤣所以我又黎咗幫襯啦 但今次就去咗何文田分店😝-🥩usda prime 390days grain fed flat iron $268友人比較麻甩 鍾意食比較重牛膻味嘅扒所以我推介咗佢食依款佢好鍾意 因為真係好軟腍同勁重牛味同埋真係好建議叫三成熟 見到粉嫩色嘅肉真係好治癒☺️-🧄herbly flat iron steak $150我第一次試依款扒 好重好重香草味對比起上面嗰款扒 佢relatively瘦啲啱哂我依啲健康仔👍🏻☺️配埋燒蒜頭一齊食 惹味又多汁🤪-今日比較肚餓 所以係咁食黑松露薯條🤣好彩佢地任食唔嬲 開心仔😝Btw佢地晚刻都幾多人排隊 唔想等嘅記著book定位啦🤓

一直極具人氣嘅Top Blade Steak Lab，今日終於的起心肝拉埋朋友陪我一齊排隊去食。初初上網見到嘅時候都已經好想去食，結果等到佢開埋第二間分店嘅時候，先至真正第一次去食🤣餐廳主打Flat Iron Steak，另外仲有薯條免費追加，加$48仲會有埋餐湯沙律。我哋兩個人叫咗兩個set，一個食香草平鐵牛扒，另一個叫左美國390日穀飼平鐵牛扒。店員都好細心逐一介紹每一款牛嘅味道、口感同埋推介熟到，非常友善。$150香草平鐵牛扒，價錢超抵食！！呢個價錢平時都冇可能食到啲好少少嘅牛，味道同烹調技巧絕對超過呢個價錢。好味濃郁，而且充滿肉汁，火候控制都好好。$268 美國390日穀飼平鐵牛扒個樣似牛柳，味道更濃郁！建議兩個人黎嘅話其實升級一個套餐都夠晒食

聽人講呢間既牛扒好好食兼有得任食薯條，今晚就黎食晚餐。今日係星期一，門口都有人排隊，我地都排左一陣先有位。佢限時食90分鐘。我地叫左最平既香草平鐵牛扒同最貴既美國390日穀飼Prime級平鐵牛扒，都加左$48要藜麥沙律同餐湯，再叫左dirty檸檬特飲同真dirty檸檬特飲。今日餐湯係忌廉蘑菇湯，好足料。藜麥沙律份量多，沙律菜新鮮，有少量蟹肉，配以橄欖油同醋汁，好食。期間侍應會俾薯條你食，見你食完會主動問你仲要唔要。薯條係黑松露薯條，枱上有樽番茄汁，好食得黎又唔會覺得油膩，炸得乾身，最正係有得任食。香草平鐵牛扒同Prime級平鐵牛扒都好好食，兩者都有肉味，多汁，唔會韌，熟成度岩岩好，的確唔錯。兩杯野飲好有特色，以檸檬汁做底，同威士忌都幾夾。呢間餐廳果然好值得推介，正

同朋友生日食生日飯，佢話想食牛扒，我即刻諗起何文田梭椏道呢間Top Blade Steak Lab ，之前朋友帶我去食過，呢度嘅牛扒做得非常唔錯，而且order咗任何一個扒餐後，薯條🍟係可以不停refill任食架，呢度真係岩晒牛扒控同薯條迷😋。餐廳主打食 Flat Iron Steak，原來Flat Iron係牛嘅博頭位置，係隻牛第二最諗嫩嘅位置，用人手切割根膜就成為Flat Iron Steak 🥩 用黎做燒烤最為美味，唔係度度有得食架😋。餐廳除左牛扒外，仲有西班牙栗飼豬同漢堡🍔選擇，加$48仲可以有埋餐湯🥣同沙律🍹。最重要再提📢📢呢度嘅薯條🍟係可以不停refill，薯條外層炸得脆脆，入邊好粉好有薯味，仲有☝🏼薯條加入左白松露鹽，非常可口，會不停一條接一條咁追住食😋😋餐湯、沙律🥗蕃茄湯夠熱，好濃郁嘅茄味。沙律菜好新鮮，最鍾意係有好多藜麥，除咗增加口感外仲好有益。Herbly Flat Iron Steak - (medium)上枱已經切好一件件，肉質諗滑juicy，好有牛味，伴碟嘅燒蒜頭🧄亦好出色，食落好粉帶小小糯性，燒過嘅蒜頭冇咗果種刺辣味但仍保留濃郁蒜香味同甜味👍🏻。Black