上品火鍋料理 (Closed)

裝修好靚，格局適合三五知己圍威喂 一入到去就有12款既調味料，照顧不同口味的人湯底得地叫左個椰子花蛤蟹湯個湯底真係超讚，十分甜，濃郁加湯都係20蚊一大樽淨係飲湯都抵呀頭盤炸豆腐 分量都好足 香脆之外 仲好滑依到既刺身材料都超讚，刺身拼盤，有泰式生蝦，帶子，北寄貝，三文魚，鮑魚仔，仲有好新鮮好爽口既象拔蚌必叫牛肉拼盤一共有六款牛肉，安格斯，牛胸尖，手切本地牛，牛柳粒等等。安格斯牛肉超滑勁有牛肉味，牛胸尖睇落好似肥膏，但食落一樣爽口響鈴又係打邊爐必食既，浸落濃郁既椰子湯！超正另外仲配一個醬汁，係甜酸醬咁既味道，響鈴點嚟食都值得一試墨丸蝦丸拼盤，入邊有一款流心芝士，另一款咸蛋黃正爆

今晚食打邊爐喇，同媽咪慶生梗係要圍埋1枱啦，今次又發現到超正湯底打邊爐喇，之前食過幾次手工火鍋聚，佢地既魚湯湯底一樣咁正，未淥野已經飲左2碗湯喇，呢次椰子花甲膏蟹湯底 198蚊 超大鍋，有大量秀珍菇粟米，落埋海鮮好甜，加20蚊仲可以加原湯，唔會落清湯溝淡哂，正。頭盤金磚豆腐$58夠哂鬆脆，特點是平時會切到細細粒，呢度就大大條，可以食到豆腐香滑質感。新張刺身併盤做半價 $220 就食到，有象拔蚌，三文魚，泰式生蝦，大甜蝦，北寄貝，鮑魚，帶子。最正係象拔蚌，鮮甜爽脆，推介! 安哥左個特價例牌都係$194，滿足。火鍋料推介肥美的9肚魚，即炸響鈴，同流心墨魚丸，彈牙墨魚入面有蛋黃流出黎，小心膽固醇爆升，牛肉併盤可以試足咁多款牛，家人鍾意多樣式，如果我會建議問問店員，選擇喜歡的口感再揀最想食既2款做雙併。食飽仲送甜品椰汁糕，仲有70蚊優惠券下次用。

在香港，火鍋從不是冬天的專利。香港人都鍾意三五知已打下邊爐，今時今日，火鍋店已經開到成行成市。要搵間好的火煱店，相信都需要考慮好多。今日朋友同我來到上品，裝璜十分新潮，而且地方十分整潔，有別於一般的火鍋店。一行四人，點了不同食物，讓我來分享一下。刺身拼盤這個分別有三文魚，鮑魚，帆立貝，甜蝦，北寄貝，象拔蚌和泰式生蝦的刺身拼盤，睇頭十足，絕對要相機食先！整體刺身新鮮，最令人欣賞是泰式生蝦，爽口加上香辣的醬料，是九龍城的一大特色吧。另外惠顧拼盤就可享用$68鍋底！不過刺身份量不夠多，如果多幾款感覺就更抵食！鍋底方面我們選了冬瓜豬骨鍋，清清地。內除了有紅蘿蔔，還有粟米。豬骨為數不少，有豐富的骨膠原，一流也是女性的恩物。本地手切牛肉 很有牛味，店員先提醒因為有筋所以有少少韌。不過我地就覺得幾好，年輕力壯韌都不怕啦，食落個口感好特別！從來店的自家製手打乜乜都係我火鍋的必點之物，因為定有自家特色。在上品也不例外。今次有幾款我都十分滿意。蟹粉手打墨魚丸墨魚丸真材實料，十分彈牙，加入少少蟹粉認真香口！比一般普通手打墨魚丸更為出色！手打蝦滑這個不得了！必點！蝦滑下的調味不多，而且可以食到完整的蝦肉，新鮮

人地話「秋風起，三蛇肥」，但我本身就唔食蛇，今晚天氣已經轉涼，秋意起，想暖身最好當然同朋友打個邊爐啦~ 今晚又走左入黎九龍城，見前兩日買串燒經開上品火鍋料理好似環境唔錯，開得夜又有啲優惠，反正未食過，食下無妨。望住menu湯底種類都幾多，鐘情蕃茄既我地揀左蕃茄薯仔牛粒湯，估唔到都幾好飲，比一般火鍋既蕃茄湯底濃郁，就好似飲緊西餐廳蕃茄牛尾湯，牛肉粒冇滾到糊糊爛爛，而且牛味重，仲有大量草菇，薯仔，洋蔥煮，未點餸已經大把湯料食😂唔怪得個湯點滾仲咁重蕃茄味。上品打邊爐有樣好處，就係好多種類加5至10蚊就可以變雙拼，最岩我呢啲想有咁多試咁多既人叫。原本想食芝心鳳尾蝦，點知賣哂😭唯有選擇其他，芝士爽蝦丸同流沙汁釀墨魚丸，兩款丸都值得一讚。蝦丸，墨魚丸彈牙不在話下，蝦丸芝士味濃郁，而且只係咬左一小口非常澎湃流出。至於流沙汁釀墨魚丸更為邪惡，金黃鹹香蛋黃源源不絕湧出，成粒墨魚丸由雪白變得黃澄澄。打邊爐無牛不歡，一定要叫番一碟先係打邊爐，要食到咁多款牛，唔叫牛肉拼盤點得😏牛柳粒油花不絕，肥牛雖然叫肥牛，但一啲都唔肥膩，脂肪分佈非常平均，安格斯牛肉入口即溶，牛有嚼勁，手切牛肉最濃牛肉鮮味，牛胸尖爽口，真

聽聞上品打邊爐性價比高，特意嚟同媽咪慶祝生日，呢度裝修好新，帶點modern, 座位亦寛敞，火鍋嚟講算幾舒服頭盤叫左脆皮豆腐，份量好多，砌到好高， 脆粉又脆又薄，豆腐好滑呢度出名海鮮、刺身同牛肉，叫左個湯底都同海鮮有關，椰子花蛤蟹鍋，滾起就好香椰子味啦！之後放埋蟹同花蛤，好鮮甜香口，未打邊爐就飲左2碗但原來加$20就可添一壺原湯，呢個質素抵到爛! 一於盡情飲再加湯!蟹雖細，但好多膏，大花蛤4隻，原來海鮮配椰子湯咁夾店員悉心介紹，原來今日海鮮刺身拼盤半價，$438減至$219，即刻試一個拼盤內有象拔蚌、三文魚、北寄貝、鮑魚、帶子、泰式蝦，好抵食! 泰式蝦汁酸辣度剛好象拔蚌好鮮甜，爽口，呢個價錢，4~6人份，真係好抵!是日亮點係芝心蝦丸，芝士流心到爆蝦肉爽口結實。流沙墨魚丸，流心既係蛋黃，好在店員溫馨提示左唔好一口咬落去，因為一拮就流心，湧流出嚟!牛肉拼盤$398，有7款牛肉，份量好大，有雪花肥牛、安格斯牛片、牛柳粒、新鮮手切牛肉、牛、牛胸尖。安格斯雪花得嚟，竟然食落口好滑，新鮮牛就勁爽口，最推介係牛胸尖，樣似肥膏，粉白色的，但原來係爽口的肌肉出面打邊爐未見過，口感好特別白肺片$58，

香港人一年四季都鐘意打邊爐,火鍋亦都成為熱門,各家火鍋店都會出盡法寶黎到吸引食客,有用靚湯底啦,高級食材,價錢平,特色食材等等,其中好多火鍋店會用刺身黎做主打,今日就同大家分享呢間以新鮮象拔蚌刺身同高級食材做主打既上品火鍋料理其實上品有好多分店,今日就去左九龍城呢間,地方唔算難搵,好快就去到餐廳,黎到可能時間都早,未見有人龍出現,我同小胖女當然一坐底就開始睇食乜啦坐位佈置好好,點解特別要咁捉呢,因為有好多火鍋店通常一碟二碟上到菜,迫迫夾夾坐得唔舒服呢到真係抵讚當然唔小得係食物資素啦,我地叫左一個象拔蚌三寶,一個澳門豬骨鍋,一碟安格斯牛,一個菜,響鈴同一渣竹蔗矛根,係未上菜前店員比左一大盤醬料比我地自己慢慢混醬第一道菜就係刺身三寶啦,有兩款配醬比我地,一款係日式,一款泰式,當然醬料都只係輔助真正架勢堂係刺身,非常鮮甜,鮑魚同三文魚都好肥美,作為開胃菜真係無可挑剔之後就真係打邊爐時間啦,先黎一個足料既澳門豬骨鍋,入面齊哂栗米,大大舊豬骨,其他朋友係食既時候不訪好似小弟咁飲返啖靚湯底,好清好甜,當然打邊爐又點會少左肥牛個份呢?仲要係安格斯牛,真係要肥有肥,夠哂牛味,用料夠哂足料,其他響鈴同菜

　　天口開始涼，朝早出去到寒寒地，今晚放工重要同娘娘出去微服出巡，貼心既婢女一定係拎定件外套。　　娘娘早日提到想入九龍城食飯，食下串燒咖哩咁，不過最後見到好多火鍋鋪門外既魚罐海鮮生猛，所以入左去一品食火鍋。　　一品入面裝飾偏暗，不過頗有情調，暗暗燈光之下與友人把酒言歡，實屬一件樂事。　　我們被編排到卡座就坐，卡座相當闊落，如無意外，每邊坐下三位成人亦不會覺得有壓迫之感。　　就坐後職員奉上調味架，讓人可以隨意調配合適的醬汁。選類眾多，比街外其他同類型火鍋店更多選擇，而且當中的XO醬汁，非常惹味，蝦粒與瑤柱粒絲的鮮，加上小許辣油，非常惹味！　　點餐的時候，原想點花膠的湯底，可惜今天廚房沒有，只好另選澳門豬骨湯底。其實杏汁白肺湯亦想一試，可惜友人對杏汁的味道敬而遠之。　　其他火鍋材料亦種類浩繁，我們兩人亦想每種亦嚐個鮮，但自知眼闊肚窄，所以最後亦因食量而點單。　　店家的菜單多可單點或是雙拼（雙拼需要加幾蚊）不過對於我們兩人來說，非常值得加小許錢，轉為雙拼。　　材料方面，我們點了鮮蝦芝士丸拼墨魚滑，手打豬肉丸拼生根，單點響鈴，櫻花牛刺身（小），珍珠蠔等等　　鍋底先上枱，奶白湯色上飄蕩著大葱，心

其實一直都聽朋友講係銅鑼灣同天后都有分店既上品 刺身同火鍋都好正但礙於要過海既原固 一直都未有機會試上星期去九龍城覓食時竟然發現上品既足跡即刻放棄泰菜 轉投火鍋既懷抱記得朋友話過上品既剌身係必食我同小胖男友又想食象拔蚌 又想食鮑魚 於是揀左個象拔蚌剌身三寶三樣都超美味 ( 新鮮程度爆登 )象拔蚌爽口, 鮑魚好彈牙, 厚切三文魚夠肥美~ 仲夠晒凍 刺身果然無得彈打邊爐又點可以唔飲返杯竹蔗茅根下下火 40蚊有5杯 抵飲豬骨鍋底好多料 除左豬骨,仲有雞腳,粟米,蘿蔔等等 牛魔王出黎打邊爐又點小得安格斯牛唔單止滑 仲好有牛味 讚!!響鈴本身無咩特別 同比日食開既差不多但重點係跟埋黎既甜酸汁 配埋響鈴十足十食緊錦鹵雲吞一樣 好過癮最後仲送上一人一碟甜品椰汁糕 為是夜晚餐畫上完美既句號

好好奇在九龍城一條不算十分文化界的街看到這張招紙很吸引上品就是古人火鍋因為這樣料子會鮮味火鍋來源源遠流長一真是有文化於入了這上品然後是因為這個非常美容的櫻花牛肉也就被打動要了一客小型148真的帥，接近20片不太敢生吃遂order一個連湯底的蟹鍋這樣一大鍋椰子蘿蔔熱湯內含大量海底椰粟米秀珍菇類，叫湯送禮超飽一只小小鮮蟹仔幾只蜆，198元也可足夠2人飽腹恰好這蟹有膏加分雖小猶榮老土的我把雪花櫻花牛輕拖在椰子湯一二秒美味安心90分他們提供一種超級類Xo的醬大量虾米瑤柱，只是不辣飯後又敬送甜頭樹葉型芒果布丁很夠冰凍算計畫經濟的一餐火鍋在此時此地的九龍城

好想叫刺身，可惜朋友仔吾多食，唯有淨係食火鍋啦好彩有咁多款牛肉，仲有海鮮，下次先嚟試過刺身啦想食晒咁多款牛肉，最好緊係食個牛肉拼盤啦牛肉肥瘦相間，入口林香，牛胸尖爽口無比，牛柳粒有口感，牛香味十足桶蠔，夠大，淥完都冇縮，入口清甜吾腥，一口係咬吾晒咖蓮藕餅，夠特別，有創意，中間夾著虾膠，虾膠中又有蟹籽，口感同味道都一流嚮鈴係新鮮炸嘅，可淥，或醮酸甜汁即食，正呀侍應不時會替我們加湯，舀湯上的油，服務態度很好呢，值得一讚

招牌夠搶眼睇到寫住半價，咪入去試下囉只要叫個正價湯底，就係$219,真係超值呀有象拔蚌，甜虾，帶子，三文魚，北寄貝，泰式生虾，鮑魚鮑魚鮮甜爽口，吾韌北寄貝顏色鮮豔，新鮮之選爽甜泰式生虾擺放特別，酸酸甜甜，爽口味美帶子厚，甜，吾使醮醬油都已經好好味三文魚亦肥美嫩滑，食完個刺身都飽左一半囉㨂左杏汁豬肺湯，奶白色，好香的杏仁味，先飲左湯先再淥嘢食，啖湯好香好潤，豬肺又洗得好乾淨，冇豬臭味，再飲埋湯又飽多一成唯有叫啲冇咁飽肚嘅珊瑚蚌夠爽呢叫多個芝心鳳尾虾，真係飽飽喇賣相一流，虾肉又爽啲芝士仲流晒出嚟添食埋呢餐，真係要減肥先得囉

今日同男朋友兩個人去左上品到打邊爐。本身都驚好多人，但由於今日係平日，所以就唔會好多人，去到唔洗等就有位坐。一去到就即刻叫左個泰式生蝦黎食，本身都好鐘意食生蝦，有時放工都會特登叫個生蝦外賣翻屋食，今次尼個生蝦，佢係點埋辣汁上，食第一隻果陣食隻食 真係勁辣！之後我地叫左什菌花甲湯，真係好多什菌😂花甲同個湯係分開上的，咁你想幾時落花甲都得，又唔怕「陸」太耐會唔好食～之後我地分別叫左蝦滑、墨魚滑、肥牛、醉雞、聖子同埋海中蝦～整體黎講：上品既價錢係九龍城咁多間邊爐店黎講算係中等喇，佢一份既份量都幾多，如果同一大班朋友黎食都好划算，食物質素都好好，而且上品環境都好好，安靜加舒適，店員服務都好好，周不時就會幫手清左台上既碟同殘骸。不得不提，佢個廁所相當之乾淨。

一大班人想打邊爐，在九龍城找著找著，被門口紅黑陪襯加大落地玻璃吸引了，就決定入去試一試。侍應安排了一間房子給我們，一行八人就間房子，真的綽綽有餘。叫了東西後，大家閒話家常，一會兒整個枱子也放滿食物了。普遍食材也很新鮮，放進醉雞窩湯底裡，很快便香氣撲鼻。值得一讚是安格斯牛肉，真的是入口即溶，但想彈的是，我們叫第二碟安格斯牛肉作encore之用時，很不幸，第二碟和第一碟相比，真的水準差太遠了。。。算是這頓火鍋有點失色的地方吧。。。

都有大約...年幾2年冇食過上品打邊爐, 近排天氣凍, 好想食~~ 約成班朋友一行8人去九龍城上品~因為多人, 可以叫個貴D既湯底 椰子花蛤蟹湯唔好講笑, 真係好好味, 一直以黎都好鍾意上品D湯底真材實料, 建議一開始飲左D湯先 因為後來加湯會慢慢冇左D椰子味~因為唔係加椰子湯.之後可以推介既野食係蟹粉墨魚丸~芝心蝦丸 (芝士真係好濃的, 唔係間間都會有呢個質素)我鍾意食上品D花膠!  (好多野食都可以雙拼, 咁睇好似冇咁貴 )牛拼盤, 我唔識分咩部位, 不過整體都好食, 多人叫呢個真係唔錯~乜都有D因為叫拼盤, 可以半價加象拔蚌~可以就咁食! 可惜上wasabi 都唔係立即黎... 黎到時.. 已經得番幾舊未食.. haha!大家真係太肚餓了 lol...仲有其他... 但因為太肚餓, 好多都冇影相了XD上品響鈴都好好味的 ^^但好似同以前唔同左, 薄左好多, haha!仲會附上平日配炸雲吞既甜酸醬!!! 正 上品價錢唔平, 8點半入席有8折, 每人埋單$310, 但係絕對值得~~打完都想再快D再約去食, hahaha!

今日又試新野，呢間開咗冇內！見門面同裏面都幾好環境，就試一試！今次坐樓上！原來上面有幾間房 我哋叫了番茄薯仔牛粉湯，湯底都好甜！裏面啲牛粒都好食！ 再叫咗海鮮拼盤、上品牛肉拼盤、象拔蚌、墨魚丸拼蝦丸、鮮腐竹，啲拼盤個擺設好靚，唔可以唔影相!個牛肉都唔錯，不過個象拔蚌重因為好新鮮！如果想坐得舒服，食物水準又唔錯，不防係一個好選擇！