鳥世一

Open Now

Now Closed

最近發現咗呢間隱世串燒居酒屋🏮 地方唔算大座位亦唔算太多，但好有氛圍，岩晒同朋友一邊食一邊談心😌 仲可以即場睇住師傅料理！Menu有不少選擇！叫得鳥世一咁梗係一定要叫鳥(雞)啦😋 雞翼怪叫咗二節雞翼，外皮燒得好香脆，內裹就好嫩滑，而且食落會有啲炭香！豬嘅部分揀咗豚五花腩蘆筍卷，平時食燒五花腩都會覺得好油膩，蘆筍就可以好好咁中和返嗰油膩感！點少得我每次食串燒必叫嘅牛舌，非常厚切，但唔會韌都咬極都咬唔開，個人幾中意！燒宮崎和牛串嘅油香不得了，牛味亦好香濃！可以另外再點柚子胡椒，相比會冇咁漏！網燒牛肉嘅份量比我想像中多，肉味好香而且幾juicy👍🏻另外仲叫咗兩個飯，分別係親子丼同鰻魚飯🤓 親子丼，雞肉同雞蛋都一樣咁嫩滑，雞蛋仲食到蛋香！見到隔離枱叫咗鰻魚飯，我哋都忍唔住跟機😂 鰻魚幾厚肉，而且燒到外脆內滑，食落都一樣有少少炭香，醬汁亦控制得岩岩好，唔會過甜，整體黎講不錯！最後仲有自家製嘅抹茶布甸，抹茶味食到後尾都幾出，而且唔會太甜，最重要係嗰碗好得意啊！岩晒打卡😌

鳥世一位於中環隱世地點，完全係行過都唔會知佢存在LOL入到去就似串燒OMAKASE咁，師傅會一台一台咁呈上食物。既然出名食雞就叫左兩串試下先所有肉類都會保持返食物原鮮味，調味都簡單以鹽同胡椒吊起肉鮮。雞翼及雞軟骨都燒到脆皮，加少少鹽味，新鮮好味。滑蛋雞肉飯一個定食咁，隨飯配miso同漬物;滑蛋煮得岩岩好，再加上燒烤雞粒，都可以令人食多幾啖飯~厚燒牛舌牛舌唔會有難咬感覺，入口即用，加上柚子胡椒，不錯!宮崎和牛和牛係入口即溶，油脂感較重也不失牛肉味，兩啖就食完，好想再食!網燒牛肉成舊RIBEYE油脂同肉分佈平均，經燒烤後帶出甜甜地又有油香既牛味。鰻魚飯原條鰻魚好似就比晒我地，鋪係飯面~鰻魚新鮮，而經燒過既皮更係脆脆地，再送日本飯食，好飽肚

Cozy & New Yakitori Place in Central🍢🍢🍢💫..朋友係要見既🤗！今次朋友推薦黎到中上環一間隱蔽既日式串燒居酒屋🏮。地方不大但卻精緻，感覺寧靜舒服可以放鬆聊天，而且所有燒物即叫即燒，可觀賞廚師即席係專屬烤爐♨️，用上備長炭燒更有風味，期間值得等待。其中，當然不少得Omakase 廚師發辦👨🏻‍🍳：品 $880 or 御 $1080 per head，9道菜式涵蓋前菜至最後甜品，唔想諗亦可一試喔。🐥：雞翼 (二節) $55、雞心 $38、雞尾 $48、紫蘇練梅雞胸肉 $48；🐽：豚五花腩蘆筍卷 $56；🐮：厚燒牛脷 $88、燒宮崎和牛串 $148；🐟：蒲烧鰻魚(半尾）$238每款燒物都燒至恰到好處，而且上菜時間亦比想像中快呢。調味剛好保持保味，亦充滿應有肉汁，其中雞翼外皮燒得金黃可口喔！另外亦推薦蒲烧鰻魚🐟，用上新鮮鰻魚生燒，外皮超香脆而肉汁嫩滑，淨食感覺醬汁過濃，但配飯效果不錯呢！另外2款丼飯亦精緻份量不少，ll $98 雞肉蛋份量十足，而滑蛋不會過熟，加上甜甜醬汁可口。而 ll $180 串燒有：雞頸肉 (柚子胡椒)、雞胸肉、紫蘇梅醬雞柳、免治雞肉棒配

想品嚐一下正宗嘅日本明火備長炭燒烤，要有質素，又要有服務，還可以見識到大廚的功夫，今夜來到中環呢一間隱世小店<鳥世一>，實在令人忘卻自己原來還在香港這個地方，還以為自己已經身在日本，享受住正宗的日式烤肉料理。餐廳的正門，其實是從威靈頓街轉入鴨巴甸街，再走進九如坊，便會見到。餐廳若有十多個座位，唔算好大，客人全程可以睇住廚師如何操刀，由日本廚師主理炭火燒肉料理。餐牌上面嘅燒肉有好多選擇，豬、牛、雞、魚、海鮮都有。另外亦有供應甜品、酒類、飲品等等。<雞腿肉>雞腿肉烤得非常之嫩滑，外面嘅雞皮微微香脆，有燒烤醬汁嘅味道，還有蜜糖嘅香味，非常好食。<蘆筍豚肉卷>外面的豬肉烤得非常之香口惹味，包住嘅露筍可以中和豬肉嘅肥膩感，更為美味。<銀鱈魚>銀鱈魚本身的魚肉非常高質素，而且煎過嘅銀鱈魚肉質依然非常嫩滑，咬落去仲有肉汁同充滿魚油香，外皮金黃，微微脆口，連皮都非常之香同惹味好食，絕對滿分！！～<網燒牛肉>餐廳將高質素嘅牛扒，放在備長炭上烤好，熱度完全能夠鎖住肉汁，外面焦香，內裡鮮嫩，非常好食。<鰻魚飯>雖

係唔係世一都好，我係咪吹奏緊都好，呢間「鳥世一」一定要撐一波。無論隱世小巷至到闊巷橫街，只要你有一顆為食既心，或者對燒鳥有執著既你，都會為之動容，有無咁誇？食過你咪知。👇📌燒 鳥 - ▪️ 二 節 雞 翼 - $55▪️ 紫 蘇 練 梅 雞 胸 肉 - $48▫️ 「二節雞翼」姐係雞全翼啦，燒得均勻香脆，表面油香十足，食落肉質嫩滑，幾有水準；而「紫蘇練梅雞胸肉」表面紫蘇葉香味夠突出，吊到雞胸肉香味，配搭練梅醬，份外惹味！▪️ 雞 心 - $48 ▪️ 雞 尾 - $38▫️ 燒鳥無可能唔食內臟呀麻，呢個「雞心」好爽口，但比雞腎多左一份軟腍感，唔錯；「雞尾」香味濃郁，有少少似雞腿肉，但食落肉質更加滑溜，我幾鍾意。📌串 燒 -▪️ 豚 五 花 腩 蘆 筍 卷 - $56▪️ 厚 燒 牛 舌 - $88▫️ 仲試左幾款串燒「豚五花腩蘆筍卷」、「厚燒牛舌」，五花腩油脂比例平均，燒出黎香而不膩，加上配搭蘆筍夠哂清爽；牛舌口感柔軟，肉味香濃完全唔韌，幾好食。📌廚 師 推 介 -  ▪️ 蒲 燒 鰻 魚 - $238 (半尾)▪️ 燒 宮 崎 和 牛 串 - $148▫️ 黎得呢到必食之一「蒲燒鰻魚」，師傅真心燒得好出色，

鳥世一既廚師發板好好,可以試到好多唔同口味,岩晒胃口唔算好大但又乜都想試既人。黎食晚餐要預左留低2-3小時,因為廚師會一樣一樣咁上菜。前菜係大蝦刺身同油甘魚。大蝦好甜,油甘魚肥美、凍螺既醬汁好入味。南瓜都好特別。而銀魚脆脆好特別,係點醬食的。燒既肉讓我試到雞既唔同部份,有雞胸肉,呢個唔洗點豉油,因為跟酸酸地既果醬。我食完第一個串燒,店員就問我會否過咸或淡。好欣賞佢會跟了解我口味去叫師傳調整。係等下一個串燒期間又可欣賞下師傳燒野既畫面,見佢同炭去燒野,仲要拎住好傳統既扇,正!其他雞串燒跟既醬都唔同,有D係mustard seed sauce,可以突顯到果部份既好。食雞軟骨就可以加檸檬汁提味。食到咁上下就有熬了10小時既雞湯,太正啦!未飲過呢個口味。日本既小洋蔥甜甜地,又係好好味。雞翼既面燒到金黃色,好香口。有d雞肉跟住大蔥,好好既配搭。去到咁上下,就係無花果沙律解下膩,然後就有燒牛油粟米,甜既甘薯,鹽燒鰻魚、入口即融既燒和牛同一碗迷你既鰻魚飯。最後就係MATCHA雪糕同師傅親手整既綠茶布甸,滿足到我呢個綠茶控。好滿意呢度既服務,真係好細心,經常加茶、加濕紙巾、換碟,儘量令我有美好既體驗。

經過九如坊有間燒鳥店，竟然有午市套餐，雖然種類唔多，見價錢都合適，於是同朋友試吓，結果非常之有驚喜😆我哋叫左一個鰻魚set 同埋串燒set有沙律前菜漬物，個沙律汁酸酸甜甜十分開胃，再加上有啲雞胸成件事感覺好健康好適合OL👍🏻😁，漬物味道就普普通通正正常常啦~個重點係廚師會喺前面嘅炭爐幫我哋燒串燒同鰻魚，估唔到一個普通嘅午市套餐都會為我哋起個炭爐，牆上面寫住備長炭使用，真係超值回票價👍🏻👍🏻絕對值得一試。聽講鰻魚係用新鮮嘅鰻魚，所以肉質非常之彈牙，師傅燒到個皮脆卜卜，串燒都算大路，唔食內臟嘅人士都唔怕每一樣都燒到恰到好處，皮脆有肉汁，仲有好香嘅炭味最後，原來甜品都兩款，綠茶布甸好濃郁，柚子雪葩酸酸甜甜可以消除油膩感，又可以食多餐

每件作品都回味無窮！師傅精心炮製，色香味俱全，循序漸進的給味蕾一個超級享受回烤物配上清酒；加上服務員殷勤招待，絕對是和閨蜜聚會的好地方！件和牛都係個句，入口即溶，溶咗

嚇死人的一餐。。。一行六人慶祝朋友生日，book咗呢間新嘅日式串燒店，店舖面積細，有約十多個位。望落裝修都正常，餐具都幾靚，餐牌又整得幾有心思，點知食物差嘅程度簡直驚嚇！我哋叫咗5個set，約一千二百一個，其中一人單點唔食set。個餐有前菜刺身，刺身質素似放題，切都唔識切，切到一岩一忽咁，其他小食前菜都好難食到最難食嘅嘢嚟啦～～～串燒，有雞唔同嘅部位，牛同魚，冇一樣嘢入到口，仲講到啲雞係日本邊度邊度嚟，超勁鞋，一陣雪味。隻雞翼收成四五十蚊隻，都可以口咁難食，仲細過我隻手指尾再來有雞肝，燒到黑炭咁，食都食唔到，聞落仲有陣腥味，直接掉咗個set有個A4和牛，咬咗勁耐，好似咬唔開咁，唔好呃人話係A4啦，連茶餐廳嘅沙嗲牛肉都不如所謂嘅雞肉棒，其實真係好難整得好難食，呢度真係要比個叻佢，又係成陣雪味，仲要好鞋嘅，真好嘢最後有個鰻魚飯，個鰻魚好多骨好腥，都唔想再講，真係離晒大譜我哋都未等啲嘢食到齊，我諗食咗3分2啦，都忍唔到走，唔好浪費時間同個肚，錢咪照比，搵第間嘢食算。其實佢呢間串燒都係平，埋單都6千幾，但佢真係想賺得太盡，用低價食材去充高級食店，唔好當啲客係傻啦，咁劣質嘅食物，點會有回頭客，被

Lunch with Lawyer at new yakitori place in Kau U Fong; part of a group which includes the relatively new Thai place Tommy Yummy in Central. Entrance is opposite the hotel. Counter seating 8 (max 14) with a view of chef at work, plus table for 4.Friendly chef introduced his grill, saying that the charcoal could sometimes cost more than the ingredients. 2 set menus to choose from ($680 or $880). Picked the former. Here’s what we had. Appetiser of marinated lotus root.Sashimi of hamachi, shrimp and