鳥世一

Open Now

Now Closed

最近一個叫T Concept嘅集團開咗四五間食肆，地區遍布中環，銅鑼灣，九龍灣，旺角，菜式包括泰國菜，四川菜，日本串燒。記得鳥世一入口在九如坊，喺威靈頓街兜咗一圈都搵唔到門口。餐廳大約可以坐到10至12人，主要以吧枱圍住service counter同埋個串燒爐，但餐廳好細心我哋整個串燒爐係落地玻璃圍住，加上吸力強勁嘅抽風，客人完全唔會聞到油煙味。Menu好似一本聖子，有燒雞燒豚燒牛海鮮等。海膽魷魚豆腐，海膽好濃，配上日本豆腐剛剛好。燒牛脷好厚身，入口好有質感。免治雞肉棒配上日本蛋黃，橙色嘅日本蛋黃味道濃，聽到雞肉棒更加滑口。燒銀雪魚大大塊，皮脆肉嫩，師傅嘅功夫好了得。

唔係朋友介紹都唔知道呢間餐廳，佢係九如坊嘅一條後巷中，唔係咁容易留意到。入到去真係幾有驚喜，店員服務好好，幫我哋好好咁掛好啲袋。我哋坐bar枱，可以好清晰咁睇到師傅燒啲食物，平時一般串燒都可能係加熱返本身已經熟咗嘅食物，但呢度真係由生嘅燒到熟，所以口感會更加好，亦都好感受到誠意。我哋揀好要嘅食物之後，店員會拎晒嚟俾我哋睇吓。海鮮就叫咗個帆立貝($128)同銀鱈魚($98)。帆立貝鮮味好重，再加上啱啱先燒熟又有好多鮮汁出嚟，師傅再加埋啲配菜一齊更加好食。銀鱈魚亦都燒到啱啱好，魚肉好滑好好食，我諗呢個我其中最鐘意嘅一道菜。雞肉我哋就嗌咗個免治雞肉($58)。豚肉就叫咗個黑豚五花腩，脂肪同油分比例啱啱好。菜就叫咗個洋蔥仔($35)Balance吓！最鐘意嘅牛我哋當然唔放過，叫咗個宮崎和牛串($148)同埋網燒牛肉($258)，牛肉熟度啱啱好，出面勁熟，入面小小生。呢間餐廳好好就係佢嘅牛肉都會配返兩隻調味料可以俾我哋加上去食，一個係柚子胡椒，另一隻就係法式芥末，呢個配搭都係出面比較少見。最好食埋個甜品～好完美！

今晚同朋友happy hour 發現左呢間隱蔽新開既日本居酒屋，入面座位唔會好多，但勝在可以同朋友慢慢傾計吹水，絕對唔會催趕人。佢個Menu有兩種選擇一個係廚師發板嘅高質日本串燒另一種就係自己散叫，因為我朋友唔係好食生是，所以都揀咗散叫串燒就算啦。非常推介係免治雞肉串，由於師傅都係即叫即燒所以都製作需時，大家都要耐心等候，個雞肉串燒完之後雞肉彈牙沾上蛋汁10分惹味。亦都推介大家要點特大鰻魚飯，佢嘅鰻魚有兩大條仲要係厚切多汁，剛燒起外皮焦脆，魚肉滑嫩，配上日本珍珠米，能夠抒鰻魚嘅油膩感，非常值得一試。仲有亦都推介大家要試佢嘅西京燒，我師傅用牛油焦糖去燒過，所以食落去有點帶牛油香及甜味，佢係我食過咁多間最好食嘅西京燒，再配合埋沙律醬完美配搭！另外都要推介啲大家要試佢嘅日式甜品佢個賣相非常精緻帶有傳統日本風都係一啲比較日式嘅糕點例如柚子雪花同抹茶紅豆布丁，宇治抹茶味道回甘，令人可以一解思鄉之愁

朋友邀請我黎到九如坊既呢間日式居酒屋到食晚飯 店鋪位置都有少少難搵 黎個陣都搵咗一陣先搵到入口店面係好傳統日式風 真係好似去咗日本咁🤩🤩店內面積唔算好大 主要有一張L形既吧枱可以睇住師傅燒串燒餐廳主打燒鳥 所以menu上都有好多雞既唔同部位可以簡今次我就簡咗雞軟骨 雞翼 免治雞肉棒同埋雞腎 雞腎 - 燒得好好 好爽口又完全唔un😋 雞軟骨-脆脆地 調味都剛好👍🏻 免治雞肉串- 點埋啲醬汁食加咗超多分～鰻魚飯 - 呢個飯既鰻魚份量都唔少 有差唔多成半條 師傅慢慢燒燒到啲皮都好脆 不過鰻魚就唔會好肥美同埋比較多骨 燒帶子 - 大大粒仲好有鮮味🤩 整體黎講呢到環境坐得好舒服 通風做得好好食完唔會成身油煙味 店員都幾好態度💁🏻‍♀️💁🏻‍♀️

今日係上環呢頭搵到呢間隱世串燒鋪，佢入面座位唔多，但格局顯得呢度係隱世食店一樣，佢呢度主打雞嘅串燒，選用咗備長炭嚟燒，果然係打住世界第一嘅級數名號嚟做！我哋揀咗唔同雞嘅部位串燒嚟試，有呢個雞腎，燒得好爽口，唔洗點加配料，鹽燒已經好夠惹味，食得出係好新鮮。另外有呢個雞頸肉，啲雞肉好滑，一啲都唔會覺得肥膩。雞全翼賣相燒得好靚，真係睇得出師傅嘅功力，雞皮焦香，但內裡雞肉仲係好嫩滑，好多汁！仲有個免治雞肉，啲醬汁同蛋香撈埋一齊食簡直一流～除咗雞之外，我哋都仲有點咗呢個牛舌，呢個係我食過最好食嘅牛舌之一，入口有陣陣嘅牛香奶香味，好爽口，仲有配搭埋啲黑椒嘅調味！另外點咗個黑豚五花腩蘆筍卷，啲蘆筍吸收曬五花腩啲油香，食落又唔會太膩，呢個配搭好fresh！全晚重頭戲係點咗呢份網燒牛肉，份量好夠，絕對兩個人份量，配搭埋呢個原粒芥末同柚子胡椒嘅醬，好重牛香，一啲都唔鞋。另外個銀鱈魚都一定要試，燒得好香口，啲魚肉好嫩滑，配埋啲沙律醬，真係越食越開胃！我哋都有叫咗啲主食嚟配埋一齊食，點咗個滑蛋雞肉飯同稻庭烏冬嚟試，烏冬好滑個湯底都好新鮮，而個雞肉飯就蛋香一流！

最近天氣一時一樣,食街邊小食唔方便,朋友就話帶我去D 舒服GE地方嘆住食串燒。我一直都知道上環多小點。今次佢帶我嚟嘅e一間唔係喺大街旁邊，可能要睇住Google Maps先至會識黎。。舖頭入邊嘅燈光偏暗，營造出嚟嘅氣氛好有格調，點會入邊嘅座位唔係太多，以吧枱為主。呢度有濕紙巾同埋乾紙巾，我開源包濕紙巾利用之後，侍應見到就主動俾個另外一包濕紙巾俾我。右上角嘅係放串燒嘅竹籤，而左手邊嗰個木製品竟然係餐牌最特別嘅係佢依度師傅會喺個玻璃入邊燒烤，客人坐喺出邊係完全問唔到啲煙味。而且我見到隔籬枱嗰啲人仲可以將佢哋嘅手袋放喺店舖提供嘅透明膠袋入邊掛起，避免染上任何燒烤味 （但係其實我真係食咗成餐都聞到有任何嘅燒烤味出咗嚟😂😂😂）蘆筍豬肉卷好Juice，唔單止係個蘆筍好多汁，連豬肉卷佢都只係燒到啱啱好，一啲都唔乾，一口咬落去兩種汁係個口入面炸開，幾好食雞翼燒嘅時間會多少少，佢嘅皮燒到好脆天婦羅三盛有南瓜，番薯，同埋日本嘅小青椒（？）其實呢一個都幾抵食，佢嘅天婦羅粉唔厚，食落去脆脆地薄薄地一層。但係佢嘅南瓜同埋番薯都係厚切，其實如果一個人食晒成份都幾飽下燒帶子用嘅時間都會比較多，佢嘅帶子隔離仲有一啲配

呢間餐廳地點方便！裝修又靚好適合同朋友過嚟吹吓水慢慢食下串燒！✨海膽海哲豆腐（前菜）海膽好鮮甜，而且唔腥！豆腐質地偏向硬身而且比較濃郁✨雞肝生熟程度啱啱好！有啲甜甜地嘅醬汁正！✨豚五花腩 鹿兒島黑豚佢已經配上獨有嘅芥末，酸酸地可以消除油膩感所以不需要再沾檸檬✨鵪鶉蛋甜甜地嘅嘅醬汁係出邊，好食！✨燒宮崎和牛串簡直係今晚嘅亮點，好重牛肉味，入口即溶✨大黑本菇好獨特，而且一牛口爆汁！菇嘅味道濃郁😄✨燒飯團 外面脆卜卜嘅質地有啲似香港嘅煲仔飯，不過入邊就會有木魚碎同埋已經調咗味！✨燒鳥世一丼串燒幾豐富，最適合啲鍾意食飯伴惹味嘢食嘅人！呢個丼有雞翼手羽(二節）、免治雞肉、雞腿肉 、雞中翼 ！全部都係外脆入邊超級多汁！最鍾意就係雞頸肉 ，其他地方好少食到！雞頸肉充滿油香啖啖肉有冇骨！✨日本黑芝麻雪糕好滑，而且兩大球適合同朋友分享

中環近九如坊小巷有間隱蔽嘅日式炭火燒鳥專門店 選用日本備長炭 明正言順地做到室內都可以BBQ🤣 餐廳格局非常有趣 以Bar枱圍繞著燒烤處 玻璃相隔嘅設計令食客可以看到師傅燒烤的過程 間中會見到虹虹大火🤣不過當日午市去只有一個師傅逐樣逐樣燒 所以都要等奈少少 建議大家預進餐時間奈少少————————————————————————🐕 串燒🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯午市其實幾抵食 但最後為咗食多幾款串燒 散叫咗🤣個人推介以下串燒😚🐔 免治雞肉棒見到師傅即場握成串 燒到焦香肉內混了脆骨 食落索索聲 頗有口感上枱時配埋以日本蛋和醬油而成月見汁濃香豐富 是燒鳥的必食之選🐷黑豚五花腩蘆荀卷喜歡這個是因為它的蘆荀煎得香之餘 與肥膩的腩肉相輔相成脆又爽 清且甜🍠蕃薯普通的材料卻成了我心頭之好蕃薯熟度剛好 軟身濕潤燒得非常香甜 比donki更好吃！🍙燒飯團飯團是大大的一個有飯焦是必需的但想不到裏面包了柴魚醬油登堂值回票價 用來填飽是不錯！🍚世一串燒雞飯呢個性價比真係高好多$180包咗4串串燒同飯即刻覺得自己散叫蠢了🤣串燒有雞頸肉 雞腿肉 雞肉棒和雞翼肉地嫩滑軟稔 燒得剛好雞翼嘅雞皮脆卜卜

經過九如坊，無意中發現呢間隱世日式餐廳，就入左去幫襯。入到去見到座位不多，有bar枱位可以見到廚師為客人燒烤。所以我地都揀左bar枱位，可以欣賞到廚師嘅手勢。燒物分左唔同嘅類別，例如有雞、豬、牛同埋海鮮。我哋唔同類別都揀左D試吓。雞就揀咗雞腿肉同埋紫蘇雞胸肉。雞腿肉真係超級juicy, 超好味！雞胸肉一啲都唔鞋口，而且有紫蘇同練梅嘅調味，酸酸地幾開胃。豬肉方面我哋揀咗豚肉五花腩蘆筍卷，蘆筍非常爽口，配埋帶點油香嘅五花腩，配搭得好好。我覺得最好味嘅係燒宮崎和牛串。和牛果然真係唔同啲，入口即溶，好多肉汁，好嫩滑。超正！海鮮方面，係我哋揀得最多嘅種類。叫咗帶子、銀鱈魚同埋鰻魚半條。帶子好大粒而且好鮮甜😍銀雪魚好滑，調味係甜甜地。鰻魚半條份量好多。冇我想像中咁重油份。冇咁油膩。樣樣都覺得好好味🥰下次再黎一定會再揀雞腿肉同埋和牛串！十分推介！

平時食日本野，都會叫烤肉串做爲小食。今次燒鳥就做主角啦，呢間位於中環嘅日式炭火燒鳥專門店，有超過30年烹調日菜經驗嘅廚師坐鎮，更用上備長炭，瞬間鎖住肉質原本嘅甘甜與新鮮，使食物受熱均勻，質素和味道有保證😍我們選擇圍繞著一個開放嘅炭火烤爐坐，可以欣賞師傅精心準備每樣菜式☺️食果陣都感覺到食物質素好高，用炭火燒真係唔同d，師傅對食物很用心，餐廳服務都好細心，會不停增茶同換碟，中意食燒鳥嘅不妨一試😍燒鳥✨雞軟骨 $38✨雞翼 手羽先 $48✨免治雞肉 $58雞軟骨香脆惹味，雞翼外皮燒得金黃，肉質香口，食落更帶有炭香🤤免治雞肉配左雞蛋，同餐廳精心調配嘅醬汁，燒至恰到好處，肉質嫩滑有口感，配上醬汁同蛋更加好味🤪燒豚✨豚五花腩蘆筍卷 $56蘆筍好香甜，食落十分爽口，五花腩烤得香口，兩樣野配埋可以中和油膩感😚野菜✨番薯🍠 $35✨茄子🍆 $75番薯外皮燒到脆脆地，食落好甜~ 燒茄子口感軟滑, 仲好juicy😋燒牛✨厚燒牛舌 $88牛舌好有嚼勁，口感軟嫩，充滿肉汁，都可以加d柚子胡椒/檸檬調味😆海鮮✨燒銀鱈魚🐟 $98魚皮煎得金黃香脆，魚肉嫩滑， 食落充滿肉汁和魚香，好味🤤食事✨燒鳥世一丼 $180✨野

朋友知我最愛日本串燒, 話有間好正宗既串燒帶我去試下。依間餐廳既位置係好隱蔽, 平時都有黎開依頭食飯, 但完全唔覺佢存在, 感覺去左d隱世小店甘。中午時段佢原來有午餐set, 但係一場黎到理由唔食佢地出名既串燒。串燒menu唔算多款, 但唔同既肉類同蔬菜都算有得選擇。厚燒牛舌牛舌軟熟配埋柚子胡椒, 調味剛剛好。網燒牛肉依個係最抵食, 好大塊先$258, 可惜係老火左少少。雞全翼唔係睇佢甘普通, 真係燒得好好食, 皮脆肉嫩滑紫蘇練梅雞胸肉梅醬既調味好特別但唔會怪, 同雞肉配合得天衣無縫, 雞冠依個係第一次食, 以為口感好怪, 原來係軟軟甘少少似雞肉質地豚五花腩蘆筍卷味道普通唔算太特別, 但都係好食既總括黎講依度既串燒係燒得幾好, 睇得出師傅好用心去燒, 但價錢就少少偏貴。

係呢間舖頭到，我重回起日本既感覺， 餐廳起香港站附近，距離大館幾近下，打完卡嚟食啱啱好。🤤🤤🤤本來唔知呢間舖頭，係咁啱行開畀佢居酒屋嘅風格裝修所吸引，餐廳出面掛住日本燒鳥招牌， 好似大多數真係喺日本既餐廳一模一樣，起出面聞到陣陣嘅燒烤香氣。一入到去，就類似係omakase感覺， 師傅企咗喺客人嘅中間。餐廳除咗可以叫師傅主辦之外，亦都可以用散叫。🥰🥰當然如果係Omakase會有啲特別嘅部位可以食，餐廳主打去燒鳥嘅料理，所用嘅部位亦都係好特別，e.g 雞心，雞肝。另外，餐廳嘅炭係用備長炭，聞同埋食落都冇一般咁重炭味，反而就係炭香可以帶出雞肉嘅香味🐥🐥餐廳嘅服務態度都好好，每一次燒之前，店員都會拎每一樣嘢畀你睇，唔使擔心自己食緊咩都唔知。強烈推介佢哋嘅四鳥飯，四種部位係廚師根據當日最靚嘅部位挑選， 食完真係大滿足呀。😍😍

臨近生日，朋友話請我食好西，就約我嚟中環居酒屋，間餐廳主打炭火燒，朋友上網搵到，餐廳位置比較偏僻裏面座位唔多，中間有玻璃睇到廚師燒烤，不過環境幾舒適，幾啱情侶同朋友嚟傾計談心，menu有兩款Omakase，分別880同1080，不過我同朋友想試吓其他野食就決定散叫前菜有田螺，幾新鮮幾Fresh海膽豆腐，味道幾特別，海膽新鮮唔腥苦呢間居酒屋出名炭火燒鳥，梗係要叫串燒，我哋叫咗冬菇雞翼豚五花腩大䓤雞軟骨牛舌，全部都燒得好香口好入味我哋唔食內臟，所以冇叫雞嘅內臟，仲有燒銀雪魚都唔錯，鰻魚飯好大份，鰻魚好足料好厚身又燒得岩岩好，食完個飯都飽咗，另外燒帶子好大粒，個殼嗰個湯係廚師調製，好飲最後叫埋甜品，有綠茶雪糕同埋柚子雪芭，個紅豆加係雪糕唔會覺得甜，味道剛好，又好滑溜，雖然份量唔多，但真係好好味值得推介總括嚟講，呢間餐廳唔錯，佢嘅串燒用炭火燒真係比較好食，好有炭火味，價錢雖高但物有所值

今日去左大館遊歷, 順手約埋朋友喺中環食Lunch, 去到九如坊, 見到有間小店 “鳥世一” 主打串燒, 咁就不如食呢間啦.餐廳裝修得好似日本高級居酒屋, 中間有一間透明廚房, 廚師就喺裡面主理串燒, 客人可以望到廚師點做菜. 簡簡單單點左: 稻庭烏冬, 海膽海哲豆腐, 網燒牛肉, 雞冠, 紫蘇練梅雞胸肉稻庭烏冬, 選用幼細烏冬, 好滑, 一啜就直落喉嚨, 湯底清甜.海膽海哲豆腐, 海膽海哲味道較濃, 配上味道較淡嘅香滑豆腐, 配合得剛剛好. 網燒牛肉, 好大塊牛肉, 牛味濃, 有質感, 肥瘦適中, 網燒做到少少微燶, 更加香口. 雞冠, 好少地方有得食燒雞冠, 因為雞冠比較稀有, 加上唔係人人接受, 當我之前食過一次後, 就愛上食雞冠. 雞冠燒得好香脆, 收哂水, 好似食薯片咁, 入口真係唔知食緊雞冠紫蘇練梅雞胸肉, 啖啖肉, 雞肉味較為清淡, 但肉質香口, 好林好軟

同事話九如坊開左間日本串燒隱世小店， 主打用明火備長炭燒烤， 用料上乘，Lunch 食串燒都係第一次， 咁就要記低佢啦。食店裝修得好高格調， 有日本feel, 餐廳中間造左一個透明廚房， 可以睇到廚師主理燒烤時嘅手勢。 另外，就可以免除客人吸哂d炭火味， 設想周到。是日午餐燒鳥世一丼銀鱈魚厚燒牛脷雞翼豚五花腩蘆筍卷燒鳥世一丼， 有免治雞肉， 雞翼， 雞腿肉， 每一款雞肉都與別不同， 雞翼非常香脆野味， 免治雞肉， 雞味濃， 啖啖肉， 雞腿肉彈牙，真心正。銀鱈魚， 燒得金香， 魚肉嫩滑， 魚皮煎得香脆， 好似薯片咁。厚燒牛脷， 肉嫩彈牙， 牛味香濃。雞翼， 同燒鳥世一丼一樣， 雞皮燒得非常香脆， 咬落去索索聲。豚五花腩蘆筍卷， 利用蘆筍中和返五花腩嘅油份， 蘆筍好香甜， 五花腩味道香濃。