鳥世一

Open Now

Now Closed

個日咁岩同朋友差唔多時間收工 講起食串燒 諗起呢間位於上環的隱世小店 小店好似去左轉日本咁 小店的座位唔多 好岩兩個人黎食 有唔多種類既肉類同海鮮 尤其係日本燒鳥 全部新鮮炮製 餐單既設計好似扇咁慢慢打開 和式的風格 燒串燒之前仲會整齊地擺上碟比我地影😍 好有心思！ 最尾仲有甜品 為晚餐劃上完美的句號-厚燒牛舌 （$88）牛舌必點！厚度適中 串燒必叫之一🤣-燒宮崎和牛串（$148）肥美得很 脂肪比例平均 雖然價錢貴少少但物超所值的-帶子（$128）保持到鮮味！ 如果再大粒d就好了 😍-燒蕃薯（$35）同平時唔同 以為係一粒粒既蕃薯點知係一片片的☺️ 燒到軟心的效果 -鰻魚飯（$238）肥美鰻魚配上秘製鰻魚汁😝☺️ 撈飯一流

我們這些為食之人，為了美食真是捐窿捐隙都去到，在中環返工的朋友介紹我有一家在威靈頓街的日式串燒店非常不錯，但衹給我門牌號碼和店名，去到卻找不到，原來是要從九如坊進入後經過一條冷巷才找到，真是隱世。進去後感覺完全不同了，充滿日系氣息。日藉廚師隔着玻璃為客人即場燒烤。餐牌也特別過人，翻開有不少選擇。我們點了很多食物，準備拿去燒烤前，侍應會先整碟端上來給我們過目。我們實在叫了太多款串燒，有宮崎黑毛和牛，非常軟滑入味。有黑䐁五花腩生菜卷。有大黑木菇，厚肉嫩滑。有明太子，鮮香味美。炸物我們分別叫了日式炸雞柳，外脆內滑。當然，炸物怎少的了天婦羅，完全是日式風味。最後再來一個滑蛋雞肉飯，剛好把肚子填得滿滿，十分滿足的離開。

去到中環又唔想去咁多人嘅地方食飯嘅話，其實九如坊係一個唔錯嘅選擇，特別之處係佢上一條街同下一條街都相對多人，但係正正九如坊自己入面呢個角落頭，人流就比較少，正宗大王，好適合同伴侶拍拖。今日book咗呢一間文明不如見面嘅鳥世一食午餐，之前有雜誌介紹過雖然佢細細間，但係所有嘢都做得好仔細，detail位好足。特登揀咗1:30呢啲午飯之後嘅時間去(要注意午市收3:00pm)，但係入邊已經有兩三組人。雖然係食串燒，但係餐廳做咗入爐式設計，封住咗師傅同埋燒烤爐喺入邊，抽風系統做得好好，入到去完全唔覺得有任何燒烤嘅味道，唔擔心自己啲衫會一浸味。鳥世一沙律($80): 一嚟就上咗個沙律先，上面嘅雞件好友炭烤味，食落去好亂畫，雖然份量唔算好多，但係作為前菜兩個人食都啱啱好。 醬汁有少少柚子味，好開胃。 雞腎(砂肝 $48): 呢度亦都出名唔同雞嘅刁鑽部位都會食到，自己好鍾意食腎，呢個雞腎一串有四粒，師傅調味啱啱好，少少鹽就已經帶出食材本身嘅味道。佢冇牛脷咁多汁，亦冇雞軟骨減除，兩者之間嘅一個平衡。番薯($35): 一串有兩舊，同樣全部嘢都係即叫即燒，呢個番薯望落去已經好吸引，糖度應該好高，顏色清橙黃色

環境充滿和風巷弄小店氣氛，引人去一探究竟，原來是位在九如坊的鳥世一💡顧名思義就知這是一家日式雞串燒專門店，更新潮地冠上了世一之名，對自家出品相當有信心，店內只有10個坐位，圍著一個玻璃房，日本師傅就在裏面使用明火備長炭去燒制食物🔥晚市餐單有兩種，Omakase就是每位880，串燒和間場料理不斷，木製A lart carte如同古代奏摺般翻開，分了數個類別如燒鳥、燒豚、燒牛、海鮮、野菜、下酒菜、主食和甜品🍮後場備好料後就會先將所有串燒砌成一盤向客人介紹，燒鳥類統一使用三黃雞，因為它肉質嫩滑，皮脆骨軟，脂肪豐滿和味道鮮😍為何不用日本雞最主要的原因就是新鮮度有差別，味道已經先贏了三分雞雞提燈 | 68被譽為串燒之王，因為非常稀少，其實是母雞的卵巢和未覆殼的蛋，穿在一個籤子上，看起來就像是一盞提著的燈籠，一咬開蛋汁湧出😆帶點肉香，香港只有極少數燒鳥店供應手羽二節 | 55性價比很高，中翼加上翼尖只是貴中翼7蚊，看著雞翼在炭爐上慢慢變成金黃色帶點焦香☺️入口雞油香氣十足，皮有點脆免治雞肉 | 58加上日本醬油醃製的蛋黃，輕沾就加了滑溜感，味道有點甜，帶點碎軟骨夠爽口😍雞冠 | 48又一稀少產品，雞

係人都知港島區美食林立，近排心情好好，想去多啲唔同高級餐廳試下感受下，上網見到呢間日式串燒店好正，就搵左今日去食入去坐低，正正對住個爐，可以見到師傅係到燒野食坐左一陣都唔見有店員比menu我地，心諗黎得呢啲高級地方，唔係連都要主動問先記得比我地咁失策呀點知原來面頭個塊木塊就係menu好有新意，有驚喜食串燒前整個前菜沙律先，燒雞胸好軟身入味，沙律醋酸酸甜甜咁好開胃，沙律菜唔會好乾身做得日式餐廳，天婦羅都一定有呢個雜錦天婦羅炸得好靚，好少炸粉，顏色金黃，咬落好脆有聲終於黎到主菜串燒啦師傅燒好逐串逐串上，全部熱辣辣新鮮製作，唔洗食得急，可以慢慢品嚐。每一款串燒面頭都配上左唔同調味料，調味之外仲增加左唔少色彩，睇見都食慾大增除左整野食，呢到竟然仲有自家製清酒，經理比我地試飲，入口比一般清酒甜，勁易入口，怕酒精味太濃既朋友都岩飲！

日式串燒一直係我最鍾意嘅食物之一，近排俾我發現有間新開嘅日式串燒店喺九如坊小巷入面，小巷兩邊都係香港舊式鋪頭，唯獨呢間串燒店嘅門面係日式木門設計，別有一番風味😍。 入面係L字型嘅吧檯座位，可以排排坐望住師傅用備長炭燒烤，好有氣氛🤩。呢度嘅串燒係以燒雞肉為主，有好多唔同嘅部位，中午都可以單點串燒。個人覺得下面幾款都好好味😋。 ❤ 燒鳥世一丼一個丼飯包咗四款串燒，包括免治雞肉棒、雞翼（連雞翼尖）、雞胸同雞腿肉，好有碳火嘅香味，仲有漬物同湯，如果諗唔到食乜嘢嗌呢個丼飯餐就最啱㗎喇👍。 ❤ 免治雞肉棒肉質非常之腍，雞軟骨嘅比例唔係太多，出面燒到脆脆地，沾上橙黃色嘅月見汁，蛋香味濃郁。 ❤ 雞頸皮平時雞皮就食得多，雞頸皮都係第一次食👀。雞頸皮比起一般嘅雞皮要厚身同埋彈牙，所以燒完之後除咗有焦香味之外，仲有膠質感，有少少似魚皮嘅感覺，比較有咬口。 ❤ 鹿兒島黑豚五花腩呢個五花腩真係好好味😋，腩肉油脂分佈平均，燒完之後加上芥末粒粒醬喺上面，味道好香食落好有滿足感🥰。 ❤ 鹽燒鰻魚串呢個係餐廳推介嘅串燒之一，同平時嘅蒲燒鰻魚好唔一樣。  膠質豐富嘅魚皮被燒得焦脆 ，脆皮下面係鰻魚肉嘅細緻鮮嫩，油脂香氣

碌ig成日見到啲fd出去食好西，忍唔住問佢係邊到食到啲咁正既野，佢就介紹左我黎熄間「鳥世一」行到門口勁有feel，個感覺真係好似去左日本咁入門地方不大，全部都係類似bar枱咁對住中間，一路望住師傅燒野食，一路自己食，幾正menu多數都係食串燒，不過都係其他classic日本野，天婦羅、枝豆等等，做前菜都唔錯不過一場黎到，緊係主打串燒啦估唔到叫完之後仲會執好晒比我地影相打卡，睇見都覺得開心呢個燒A5和牛真係無得彈！切左開一分為二，每邊用左唔同調味，一邊係wasabi，一邊係蒜，好夾，而且又唔會cover左啲牛味另外要一讚係呢個提燈，去過好多日式串燒店，明明menu有但次次叫都話賣晒，今日終於有幸食到前面蛋黃一咬落去爆汁好正，後面卵巢好軟身，第一次食，好驚喜！最後想起身走既時候，經理叫住我地，原來仲有個甜品送比我地係紅豆抹茶布丁，好香抹茶味，好正呀

今晚去中環接老婆收工，順道去一間新開的日本串燒店，入口位於九如坊的一個小角，有如隱世小店一樣，估計新開業不久，裝修非常之新淨，感覺也幾舒服，而且有點貴氣😆。我倆坐bar枱，一陣可以睇到師父燒串燒的功夫🤣而且標明係用備長炭👍🏻。先來一點串燒，燒雞頸，燒雞翼，落鹽吊味，皮脆卜卜，香口👍🏻，日本洋蔥仔賣相燒得靚，食落好甜😋，免治雞肉串-本身肉燒香再配上日本蛋，嫩滑口感👍🏻正。燒帶子真係要推介下，本身師父燒得恰到好處，帶子啱啱熟，咬口一流，最緊要係個汁，用左清淡鰹魚湯底，成件事都好夾👏🏻👏🏻，再來個燒銀鱈魚，燒到有少少脆邊，幾好，加上魚油多👍🏻係正。最後來個親子丼，份量不多，但蛋香帶起左成個飯，加上有紫菜提升味道😋，甜品押尾，紅豆綠茶🍵大滿足😊

放工最鍾意食串燒飲啤酒🍻同朋友聚一聚。搵咗中環呢間位於九如坊附近嘅串燒小店。入到去好快就有茶及餐牌，坐低慢慢睇。串燒種類好多，嚟呢度當然要試吓串燒。叫咗雞翼、牛舌、燒明太子、燒鰻魚、帆立貝柱、天婦羅。雞翼燒到卜卜脆，外皮香脆雞翼入邊又夠油份。牛舌有咬口又爽口，面上仲有芥末醬。燒明太子整得好靚，切成一小件，明太子辣辣哋送酒一流！另外仲配有青瓜片。燒鰻魚好好食，鰻魚皮脆脆地，而且鰻魚肉有少少彈牙嘅口感。燒海鮮揀咗帆立貝，帆立貝連埋個殼一齊燒，燒到剛剛好，唔會太老。帆立貝大大粒又有牛油香，仲配有金菇、大蔥。雜錦天婦羅有大蝦、紫蘇葉、魚、南瓜等。甜品抹茶紅豆布甸，布甸夠彈，紅豆甜甜地。呢間日本備長炭串燒真係不錯！

中環隱蔽小巷裡亮著一個「鳥世一」的燈箱，木製的和風門框前有紅色日式布簾半遮掩起來，進門後裡面是三邊吧台的座位，這就是是次專用備長炭的高質串燒居酒屋🏮木製的餐牌更添和風氣氛，串燒品種應有盡有，除串燒外還有主食同甜品選擇，一目了然。主打的炭火燒鳥點可以錯過呢！二節雞翼，雞頸肉，雞腎，免治雞肉都係我至愛，肉質鮮嫩炭香，精緻可口。另外鹿兒島黑豚蘆筍串燒、燒銀鱈魚、網燒牛肉等水準到位，搭配滑溜嘅洞庭烏冬，滑蛋雞肉飯等主食，真係大滿足，食過返尋味。最後嗌咗個日本綠茶雪糕，餐廳當日仲另外送左個類似紅豆綠茶奶凍嘅隱藏菜單甜品哦，好好味😋 推薦加入菜單甜品上。

呢間位於中環嘅隱世日本串燒店，門口細細，入到去全部吧枱。中間師傅即場燒串燒俾你食，具有日本居酒屋風味！揀咗幾款串燒同燒物！厚切牛舌$88 呢個燒得好香好好味，牛舌夠爽口有口感。和牛串$148 和牛燒得熟，但係肉質非常腍，有和牛香，咬落去非常有肉汁！又有炭火烤味！銀鱈魚 $98 我鍾意佢嘅醬汁非常有日本風味，甜甜地又帶點醬油風味，而且銀鱈魚肉質非常嫩滑！燒河豚干$128 呢個我覺得相當好食，河豚乾肉質非常Juicy，唔同出邊嗰啲會燒到乾爭爭。呢個真係好好味😋就算慢慢食放咗一陣都唔會硬！雞軟骨$38 雞軟骨有咬口，帶點鹽香風味！燒飯團$38 非常之大個，外邊燒到飯焦卜卜脆！雞翼$48 雞翼正常發揮燒得都幾Juicy! 最後食埋個甜品係紅豆抹茶布甸，抹茶味非常香濃！

沒有識途的為食朋友引路，也不知道原來在高級食店林立的中環九如坊中，有一條神秘的小巷弄，當中隱身著一家感覺滿正宗的日式燒鳥專門店「鳥世一」。.餐廳由資深日藉廚師主理，以「備長炭」火及「燒鳥」亦即雞這種食材做主題。基本上絕多數可供享用的燒鳥部位，大家也可以在這裡找到。.傳統帶有神秘感的日式門面，裝潢以型格紅黑做主調。全場是吧檯格局，餐廳員工興食客間接觸會更緊密。餐廳一邊希望可以保留廚師與食客間之互動，但亦需顧及炭火油煙與防火安全，所以特意將燒烤位置改在密閉的玻璃房間，食客可直接欣賞到廚師準備美食的情況，提升用餐體驗。.由於串燒的份量不算大，所以今天晚上有能力把絕大部份燒鳥部位也試一下。下單後，餐廳細心地把食材整理好，會先端出來向食客簡單介紹，然後再把食材拿給日藉廚師即場燒製，不時見到火光紅紅的場面。.🐔 燒鳥➰ 特色部位✿ 雞頸皮 💲55✿ 雞頸肉 💲55✿ 雞尾 💲48✿ 雞冠 💲48.在餐單上有很多很少見甚至首次見到的串燒部位，例如雞頸、雞冠、雞尾，甚至雞頸皮獨立處理來作串燒。這些部位細小，相信一隻雞最多只能取出一、兩小件作串燒之用，感覺特別獨特珍貴。雞冠、雞尾的油脂感很重，感覺是最香

個個都book機票去旅行，我未出發先去鳥世一感受下日本氣氛！店舖係比較少人嘅後巷，仿如昏暗小巷等一盞明燈(⁎⁍̴̛ᴗ⁍̴̛⁎).入面主要收bar枱設計，亦有數張餐枱，但黎到呢間餐廳一定係坐bar枱，日本廚師一邊燒，客人一邊食，別有一番風味！.小店有2位廚師、2位侍應，串燒全部都係即叫即燒，以碳火慢慢燒熟，非常細心烹調！..主打串燒係雞類，雞嘅每一個部位都可以叫，其中有一款叫雞提燈，可惜當日無貨，無緣食到ε-(´∀｀; )，好彩仲有好多其他選擇，大推雞頸肉同免治雞肉，咬落去嘅口感同爆汁程度真係令人刮目相看！.仲有豬、牛、海鮮、炸物等等食飯可以選擇，每一樣野都出免，店舖仲好細心照顧埋殿粉質人，有飯團、烏冬、丼飯等等，2-3人食又得，一大班人食都可以💛

講真香港真係好少甘高質嘅烤串店，鳥世一位於九如坊一條小巷內，真係要比小小心機先搵到。不過好酒不怕巷子深，有實力嘅店真係唔洗care開係邊。我今次係食lunch，自己散叫。不過都好推薦大家試下佢嘅lunch set，真係好抵食又可以試好多唔同嘅串物，CP值好高。每項串物都係日本師傅係你面前即叫即燒，充滿誠意。🐥手羽二節 🐥紫蘇練梅雞胸肉燒雞全翼真係必食推薦，第一啖食落係爆汁。雞皮燒得好脆，但內里雞肉係好嫩。唔好以為雞胸會好柴，佢係出乎意料地諗，而且紫蘇嘅香味好出。🐖豚五花腩蘆荀卷五花腩係厚切，烤到流油香口，配上爽脆香甜嘅蘆筍，絕配。🐄厚燒牛舌🐄宮崎和牛串激推牛舌，好有嚼頭，充滿肉汁。和牛串一入口即化，牛油香氣充滿住口腔。🦀蟹籽沙律🐟鰻魚飯蟹籽沙律份量感人，配上柚子醋好清爽。最岩食到中段配黎解膩。鰻魚飯我覺得係最充滿誠意同最考師傅實力嘅菜品。原條鰻魚燒得岩岩好，佢係用半白燒半蒲燒方法，鰻魚嘅香氣唔會比蒲燒汁蓋過。鰻魚油脂經碳火燒出黎配上白飯，令人食唔停口。