清溪川韓國食堂 (Closed)

2個人叫左個"2至四人餐" 6百蚊.豆腐海鮮辣湯--好辣好咸!唔係個個人食得掂!牛肋骨--唔算好有牛味!!佢右成日唔出聲同我地煎...搞到我地要趁熱趕住食晒佢!仲有大蒜同生菜包住食既!海鮮蔥餅--好一般.石頭鍋飯--有人幫我地撈下D飯!!呢個飯係咁多樣野之中最好食既.多飯焦份量夠有突..但2個人食600蚊既價錢..食韓雅林/梨花園/名家會好味得多!!

第一次去呢條韓國街食韓國菜，叫左石頭飯、人參湯、牛肋骨、炸醬面(睇完茶煲阿四就好想食)、另外其他燒烤食，食物係普通，無咩特別，但當然比自助式那些好，人參湯完全沒人參味，牛肋骨不錯，有肉味，炸醬面..........普通，其實中國人d炸醬面好食d。全晚價錢唔平，如果這價錢，可以係銅鑼灣區那幾間食了。服務方面，全部人無表情，雖然無咩特別唔好禮貌，但這個無表情樣，令到我這食客，感覺他們不想service我地咁

我地2個人, 叫左牛肋骨,魷魚,泡菜飯,煎餅...樣樣都好難食lor, 牛肋骨d味好怪, 又有穌味, 魷魚d肉質仲衰過街邊車仔檔, 泡菜飯係全晚最難食既, 煎飯好少少, 不過都係唔好食...以咁既價錢, 一d都唔抵食, 有被人昆既感覺...最差既係全冇服務可言, 成晚都唔幫我地加茶, 服務態度又差, 貼錢買難受lor~~一定唔好再去!!

年初四,K場高歌三小時後, 在尖沙咀金巴利街附近覓食, 發現此地已成"韓國殖民區". 晚上七時半每間韓國食堂門口都已大排長龍.跟朋友挑了清溪川, 韓籍伙計不記紙條, 只在門口看一眼認認客人的臉, 哈, 草率及不禮貌一貫是韓國男人的特性.三個人點了, 蒸鯽魚煲, 燒韓國五花豬肉, 大蝦薄餅及石頭飯.先上十碟前菜, 相信是過年多客人, 十分隨便.蒸鯽魚煲跟"蒸"沒關係, 兩大條鯽魚浸在地道的辛辣湯中, 鯽魚鮮嫩, 還有魚春及魚腸, 吸收了湯汁, 真是愈吃愈香. 不過, 鯽魚多刺, 張愛玲說過: "人生有三大恨事，一為鯽魚多刺；二為海裳無香；三為紅樓夢未完." 怕刺的人會十分苦惱.石頭飯亦十分不錯, 一鍋上桌, 伙計下辣醬及雞蛋攪拌, 辣醬帶點甜, 米香足鍋熱夠, 十分正宗.可惜燒五花肉及大蝦薄餅則令人失望. 建議以海鮮蔥餅替代, 至於燒烤就真的"有待改進".

本小姐於27 Jan 08 下午3pm 去到此店訂4位於當晚7:30pm。我們一行4人準時7:15pm到達, 事頭婆竟然話佢伙計無寫日期(但當時我有留電話), 當無訂, 要我們從新排隊。我們都照等了半小時, 其後我男朋友再問事頭婆時, 她還好無禮貌好不耐煩地回答。第一, 你伙計寫錯, 並不關客人事, 理應立即安排坐位, 還要當無事。第二, 事頭婆此人好無禮貌。第三, 抽風極差。

上次6個人去食, OK 呀~~!!叫o左海帶湯, 石頭飯等, 老板娘有來幫我地搞D 飯, 食物相當唔錯, 好正宗~~ 不過都配菜係少左d~~個KIM CHI 薄餅超正~!!! 又香又脆~~!! 一定要叫~~!!其實韓國人係比較cool~~ 唔好因為佢地唔笑就覺得服務態度差~我會再去~~I will go to this restaurant again~~!!

今日平安夜諗住食好d.. 就走左去金巴利道搵野食.. 我地八點幾去.. 得佢一間韓燒.. 我又想食韓燒.. 唯有等位.. 等位已經有問題.. 唔係派飛都算.. 又話要入去同個人講幾多位.. 但係佢又唔會寫低.. 之後又話要排隊.. 十分十分亂..入到去坐低啦.. 最經濟就係$400 2-3人餐~ 今日得我同個朋友食飯.. 都唯有叫呢個.. 其他食物都偏貴.. 我地點左[ 五花腩+ 雞腎+ 炒年糕+ 海鮮辣湯] 五花腩只係普普通通.. 雞腎係最正常既一道菜.. 炒年糕我好期待.. 因為我好鍾意食上海炒年糕.. 不過呢個韓國炒年糕真係好差.. 賣相差味道一般.. 我地又唔係好食辣.. 佢就成碟紅卜卜.. 冇計啦鬼叫自己唔食辣.. 不過就咁食年糕又有少少甜.. 幾過穩.. 食得辣既可以試下! 海鮮辣湯都係少辣.. 我唔食開辣都飲完再飲.. 但係太多沙.. 除左主菜仲有十碟小前菜.. 幾碟o岩食.. 幾碟奇怪的東西..服務嘛.. 很奇怪.. 侍應一個講英文一個講中文一個唔講野.. 佢俾左d 生菜黎我地又唔知點食.. 係食哂食剩d 菜先行埋黎教我地.. 一開始已經問左佢點食又話等陣.. 等到食哂

尋晚(9-11-2007 Fri)約o左女友人CL,男友人EC同O再來一次飯局,今次由O做東,8:00pm到尖沙咀,O叫我o地到寶勒巷金悅海鮮酒家,我o地到來有卡位,不過我o地由一入去到卡位坐低後,都有陣酸縮味,且唔想打邊爐,於是即拉大隊轉場.由CL帶我o地o黎’韓國街’睇睇莊園韓國料理有冇位,o黎到,噢!都幾多人等,因為唔想等,唯有到幾個舖位之隔o既呢間,冇人等,且即有最入面o既一張卡位.呢o度食物價錢真係偏貴,我o地叫o左個$400.00 o既2-3人燒烤餐,揀o左牛肋骨,青衣魚柳,豆腐湯同炒木薯粉絲,只包三罐飲品.先o黎多碟前菜同生菜,前菜有多種,當然包括泡菜,但我冇試呢個,因為明知辣,而且o係韓國都已經食過.但黑豆味道好吃,甜甜地o既,被我一人掃晒. 不久,先o黎牛肋骨,牛肋骨只有兩件,侍應替我o地放o係爐上並攤開,原來係差唔多有一尺長o既牛肉,燒好後,自己用利剪剪,唔……覺得OK啊.之後到青衣魚柳,只有八件,燒好進食後,覺得一般,唔好食又唔難食.紅紅o既豆腐湯到o左,內裡都有連殼o既蜆,同上次一樣,除CL外,我o地三人都唔食得辣,不過都試小小,豆腐OK滑,試小小湯,覺得已經算

上星期四同朋友黎呢到食飯,我從來都未食過正宗韓國菜諗住試下.一睇個餐\牌好貴,樣樣食物都成百蚊,仲差唔多全部都係燒烤,因為有d唔舒服,所以無叫燒烤.好辛苦先叫到三樣嘢,不過......無甚特別.個石頭飯都ok好味,但成百蚊只係得d紅蘿蔔絲菜絲就真係唔抵.仲叫左個泡菜煎餅,除左佢\係紅色,我完全唔覺得同蔥油餅有咩分別.一句講晒,絕對唔抵食,無下次!!

我地一行10條友諗住去啲特別既地方食吓飯我FD就係網上搵到呢間嘢仲BOOK咗枱,個日係6號晚星五食就真係... ...唔算係好差既但係真係全部都係對啲雪肉俾你自己嚟,冇"業"過服務真係差啲啦,我地啲水飲晒又冇添講真個MEUN個個都200-300埋單1900,但都叫飽既,但成枱既餸都唔係好多囉"梨和園"既招呼、食物選擇同地段都好過佢但平過佢囉

其實清溪川都食過幾次,因為朋友鐘意食,但係食親都要受氣,為咩呢,想好好食一餐飯,仲要係貴既價錢no way~基本上入面得一個女人識少少廣東話,但係次次都粗聲粗氣,好似想趕客多d囉,辣豆腐泡菜湯用膠碗上~~~~搞錯,一d都唔正中~~~~牛筋骨,都算可以放入口,但係120蚊得幾件,真係唔知想點喎~~~問佢拎凍水又俾熱水,....點呀~排隊又冇"飛仔",入面d人又冇記性,成日都唔知邊個黎先,唔係字都唔識寫呀?離譜.唔想受氣既就唔好去食~一肚氣一個字~~~~爛~~~正黑店~

說穿了, 又係被抽風系統呃左入去的。因為聞到門口香香的燒烤味, 故決定吃烤肉。二人餐中, 選了牛舌及牛肋骨, 湯要了辣海鮮湯, 澱粉質選了炒粉絲。一來便有一小鍋麵豉, 生菜數片, 香葉等伴烤肉吃。本人覺得麵豉醬比醬油好吃惹味多倍! 就咁食都好正, 相信如果有一大碗白飯來撈就更不得了! 叫牛舌是錯誤, 一早都知道牛舌不厚不好吃, 而這裡的切得薄薄, 咁又無可厚非, 不過唔好吃囉。牛肋骨有專人為你烤, 不過所謂專人, 只係有位姐姐拎住較剪亂舞, 求人倒不如靠自己, 所以我決定不假手於人。牛肋骨伴上原粒大蒜, 絕無不好吃之理。最後conclusion係, 白飯是烤肉的好拍檔。海鮮湯幾鮮甜, 味道唔錯, 有幾件豆腐, 單吃這鍋湯都飽左一半。炒粉絲幾重胡椒味, 炒得惹味, 唔錯, 份量都幾多。韓國啤酒淡口左少少, 伴刺激之物就幾稱職。侍應不諳廣東話, 溝通有少少困難。好似泡菜想添吃, 小男生就nono, 老闆娘就yesyes。水準只係不過不失, 畢竟同區大把選擇。雖說洗手間在冷巷都幾恐怖, 入到去又驚喜地乾淨, 見微知著, 衛生的5分是應得的。

韓國料理，是吃煮物多，認真的吃韓烤也真是無幾次，大概是身邊的朋友不太喜歡吧。約了友人吃飯，以個人性格而言，是少有的「煮到埋來就食」即是即興的想吃什麼便吃什麼去，揀了清溪川，一來是友人想吃烤物，二來未試過，一試無妨。二人霸了四人檯，幾舒適的，若四人來的話，就另作別論。夠光猛抽風功作亦做足，玩燒烤的話是不錯的。玩韓烤是走不了牛肋骨，白忙了一會侍應終於走來寫單，就點了烤牛肋骨、帶子，韓烤玩味居多，最後加添了石頭飯及海帶湯填肚。前菜一大堆，就是沒有甜薯，不爽！泡菜感覺麻麻，夠爽但不夠味道。牛肋骨分量是預期的「二人分」，還好，起碼不是單數，否則分的話也夠煩的說。被斜紋界開，輕烤到7成熟便撿來吃，甜味不知走到那裡去，肉質麻麻，粉粉腍腍並不討好，友人叫的帶子唔錯，算不上大粒，但幾鮮甜的，抱著鬧著玩的心態「一試」，叫做玩過下，下次韓烤的話，還是伽椰及錦城對版。煮物的話，是較有興趣研究的課題，海帶湯加了豬肉，與草苑的海鮮湯底不同，無加蒜子，是鹹多於鮮，印象麻麻。而石頭飯，生牛肉加野菜，材料幾足的，說石頭飯，要加醬油撈到色澤勻循才對版，只問功夫未到家，最後要拜託店小二幫忙，三兩下功夫，白色的飯底變成橙橙的

呢間野呃神騙鬼，咪以為貼幾張蔡瀾食評響門口我就上檔～ 打開manual, 無樣平, 一個石頭飯120蚊, 但個度地方普通, 甚至有d up dup, 無樣叫得落手, 加上個度勁多人食韓燒, 就揀左個至cheap韓燒套餐, 盛惠400, 夠2至3人食 每人一罐野食, 有韓國啤, 味道一般, 似jolly shandy. 前菜得咁多碟(有相), kimchi又醃得差, 勁無誠意. 師傅係韓國人又點, 唔代表佢煮得好既韓菜. 主菜牛肋骨得3條, 陰公, 我同朋友你眼望我眼, 心諗, 一陣出去食多餐都得喇....第個主菜鱈魚得8舊, 仲真係要雪既, 無味無道, 好彩佢有碟豉油點下. 牛肋骨先得3條, 佢仲叫你搵生菜包下, 邊有人咁食, 咁食邊可以試真舊牛, 家陣食填鴨呀...海鮮辣湯叫最似樣, 個炒年糕就似豬腸粉無味無道, 反而碟野有d類似炒蛋既物體仲好食. 地方up dup, 份量少, 價錢貴, 服務係大家樂式既, 佢恨不得你快d食完快d走做第轉, 料又唔係正野, 屬流水作業式既快餐貨, 加埋一2條友要440, 即1人220, 咁我不如去銅鑼灣times square食通天對面既紅樓

有生以來第一次食到無味?韓國燒烤!!!D肉根本就無醃過，一的味道都無！！仲有D肉燒完都係凍，都唔知佢係咪未解凍!!!豉油又無味，D服務又10000個bad!!!!有個黑口黑面?男waiter,放低前菜時撞瀉左我碟豉油，我望住佢，佢望住我!!跟住仲大大力放低其他前菜!!!!??都無?!!!有無攪錯!!!之後燒烤啦，我自己燒緊，佢竟然幫我放晒成碟牛肉落去!!!有無攪錯!!!使唔使趕客走趕成咁!!!最後個人蔘雞湯，放低左就走左去，分到唔幫我分!!!!埋單我一亳子tips都無比!!!呢間野完全唔掂!!!!