廿一前 (Closed)

今日同老婆一齊放假，特登去大鴻輝睇吓有乜嘢食，見到有間新開嘅叫做廿一前，見到OpenRice有九折，咁當然馬上去試吓啦，首先餐牌有兩個價錢選擇，一個是普通牛肉，一個是各牛，咁我哋就試過普通先啦，之後選湯底，有多個免費俾你選擇，亦都有收費嘅湯底，值得一讚嘅就是鴛鴦湯底唔需要加錢，同出邊啲日式放題差不多，都是有部份是出去攞嘅，但係佢出邊啲嘢食我覺得比較特別，例如有些比較西式啲嘅芝士煙肉，仲有青口，凍蝦俾你任攞，他不是一般嘅火鍋店，他還有刺身，串燒，炸物可以住食，其實見到張Menu都知幾多選擇，反而牛肉，豬肉等等變咗配角，之後我同我老婆仲加咗$80叫個海膽試下，都唔錯，最後埋單每人約$200左右，好抵食，仲有甜品都幾多選擇，有啲都幾好味，值得推介

入到去落咗湯底等咗成20分鐘到先上火鍋湯，個爐又廢，仲要等咗勁耐先滾，其他燒物串燒嗰啲又係等勁耐又成日落錯單，又唔係特別好食，火鍋料又少，飲品選擇吾多，有少少對吾住個價。其實上菜時都算有禮貌，但叫勁多次先應你嗰種，上菜速度都慢。唔太推薦大家去試，呢個價錢食到更好質素嘅放題。食完成餐飯好燥，因為唔知自己食咗啲乜，等多個過食

好耐冇打邊爐啦...今日係openrice search咗有咩打邊爐嘅推介,知呢一間餐廳係新開兼零負評,有啲期望， 決定一試。餐廳環境尚算闊落 ，我哋一行三人坐咗近窗邊嘅卡位 ，地方不算太清潔，地上還有之前嘅食物垃圾。 我哋點了最基本嘅豬骨湯底送1個 海鮮拼盤。豬骨湯底一開始已經比較鹹，越食就越口渴 ，唔推介。海鮮拼盤就尚可接受。第一round 唔使落order就已經黎左牛肉，雞肉同豬肉 各一份。 雞肉豬肉一般，牛肉偏肥無咩牛味。其他丸同菜類可以自己出去拎，但係選擇不多，refill比較慢。 呢度仲可以食埋串燒，炸物同埋刺身。串燒比較出色嘅係露筍豚肉捲， 應該話我只係食過炸雞軟骨串同埋牛肉串， 因為漏單情況嚴重，落左10款串燒各1都只係嚟咗3，4款。炸物方面，炸蝦 嗰漿比較厚，好硬。炸洋蔥圈就比較鹹，仲要唔熱嘅。冇咩好推㗎刺身有十款選擇 ，可接受， 算係比較正常。服務一般，侍應睇唔到我窗邊呢個位置，遞紙order 都睇我唔到。 總括而言 ,真係令人有啲失望。

住港島返工又係港島究竟係啲咩驅使我放工都黎荃灣？係美食呀！！七日內第二次為左打個靚邊爐黎到荃灣既廿一前 除左打邊爐同食刺身今次仲食埋佢地既炸物同串燒（如果想睇火鍋食評可以留意前幾日既post）🍤炸物餐廳嘅廚師好有誠意分開普通炸物同天婦羅兩種今次每樣都叫咗少少試下全部都新鮮炸起夠曬熱食物嘅質素都好唔錯推介炸蝦同茄子天婦羅🍢串燒同樣做得好有誠意嘅串燒每樣都有得揀要醬燒，鹽燒，定味噌燒雞肉串同金菇肥牛卷非常香口食完仲想再叫薄燒牛舌串就好爽口，完全唔硬🍣刺身刺身方面就試多咗唔同款除咗上次食過超好食嘅甜蝦榮螺片，帶子，北寄貝都相當好食當然仲有肥美嘅三文魚啦終於暫時試曬佢地大部分既野食整體而言都高質過普通火鍋店同放題店價錢又唔貴絕對可以食多幾次

受到疫情影響已經有一段時間沒有外出打邊爐了這次去了位於荃灣大鴻輝21樓新開的店舖，店舖在新張期裡還有優惠☺，所以午市時間有很多人來吃東西🤭。店舖環境挻大，可以一邊吃東西一邊飽覽荃灣景色。可以選擇一人一鍋/大鍋，職員會因應客人所需而安排座位。我們選擇了午市120分鐘放題 HKD$128/位，集合自助餐/火鍋/刺身/放題，價錢相宜性價比高🤤。我們選擇了鴛鴦湯底，可以一次過品嚐兩款不同的味道☺，等待食物時先去拿點前菜吃吃，拿了巴馬火腿和凍青口，巴馬火腿咸咸的配飲品很棒，凍青口口感新鮮😋。套餐預先會安排第一輪的食物，所以不用急著點食物。預先送上美國頂級牛小排/日本鹿兒島頂級黑豚/美國特級牛肉/巴西豬梅肉/雞肉/海鮮拼盤。肉類新鮮煙韌，很快就吃光光了🤭。👉自選湯底：黑松露牛乳湯，黑松露片/黑松露醬/黑松露油/牛乳/金菇/冬菇/旺菜/西蘭花。養生花膠湯，雞/花膠/京蔥/豆腐/蕃茄/小棠菜。兩款湯底味道各具特式，而且材料豐富，所以味道很香，而且可以不放醬油直接吃食物呢☺。個人較喜歡黑松露牛乳湯，因為不常見的湯底，而且味道清甜很喜歡❤。👉自助區：沙律吧/，前菜：巴馬火腿/凍肉腸/凍海鮮/芝士，火鍋配料

疫情減退，係時侯出街打邊爐啦🥰🥰位於荃灣大鴻輝21樓的廿一前，靠窗位置全都望到荃灣市景🥰（雖然我今次坐唔到😂），除左打邊爐，仲有放題紙可以點刺身、串燒、炸物等，自助區仲有火腿、芝士、冷盤、蛋糕、雪糕雪條！種類繁多。晚市成人每位（$198），已經包任食火鍋、放題、自助區....難得質素都唔錯，性價比好高啊。-火鍋湯底選擇多而且特別，可以揀⭕️一人一鍋！！毒毒的我最愛！我選了龍蝦櫻花蝦湯底，非常濃郁！朋友則選了清淡的香菜鍋，莞茜控可留意🤣 肉類上枱，+$128升級了的⭕️頂級美國牛小排，望一眼就知掂！肉其實真係好簡單，一分錢一分貨，呢個係肉質軟又有牛味。難得的是就算唔升級，普通的美國特選牛都唔差😋，真心好抵食。升級了的豬是⭕️日本黑豚，肉質都好好👍🏻自助區有邊爐基本配料，丸類全都很特別，細心一望，竟然全部都係⭕️振興丸！！！！哇，我平時買9粒振興牛丸都$30幾蚊呀！呢度竟然係任食！！😱😱😱😱😱除了邊爐料有海鮮，有蝦、蠔、帶子等外，自助區都有海鮮冷盤，仲有幾款⭕️火腿芝士😂😂😂😂火鍋放題都比到自助餐感覺😂凍櫃有成⭕️11款蛋糕甜點，選擇好多啊。雪糕雪條都好多款，有我愛的⭕️蜜瓜melona!放題紙有串燒、

.🔺廿一前Twenty First最近同朋友試左呢間火鍋放題店😗除左火鍋任食 仲有刺身、炸串、串燒等等.火鍋湯底揀左黑松露牛乳湯同養生花膠雞湯👍🏻黑松露湯底好香濃 花膠雞湯好足料😀好多花膠 個湯清清地 但雞就有D乾😯.炸串小編最推薦嘅係炸芝士🧀麵包糠好薄 食落好脆唔油膩 .串燒串燒有好多選擇 不過就有啲失望送到上嚟唔係好熱 仲有D乾🤐.火鍋配料嘅丸類都幾彈牙😀剌身就正常發揮吧👌🏻沙律吧、餐前小食同埋甜品都可以自己任拎😝

唔知點解呢排好想食火鍋，所以等到有番晚市堂食就拉埋男朋友去食❤️.好多時去食任食火鍋包既就係火鍋配料、飲品同軟雪糕，但廿一前火鍋放題包既食物種類真係好多👍🏻一個價錢就包左前菜、火鍋配料、小食、魚生刺身、飲品同多款甜品，性價比高，而且食物質數好，所以我地食完真係覺得好滿足!!! 我逐一介紹下有咩食啦😋.前菜:款式比較西式，有沙律、凍青口、凍蝦、芝士、火腿同麵包，一次過滿足埋我食自助餐既癮🤤小食&魚生刺身:有多款串燒、炸串、炸物、天婦羅揀，我最推薦大家食燒露筍腩仔卷、燒金菇肥牛卷同炸芝士! 刺身方面，我地食左甜蝦、帶子、北寄貝同三文魚，全部都好夠凍，好新鮮!!!火鍋:我地今次揀左鴛鴦湯，一邊要黑松露牛乳湯，一邊要養生花膠雞湯，兩個湯底都各有特色。黑松露牛乳湯好香，無諗過原來牛乳湯同肉類都幾match，食落都唔會太膩。養生花膠雞湯有杞子、蟲草花同好多塊好厚身既花膠係入面，足料之餘，十分滋補。同出面食既花膠雞湯有別，呢到加左冬菇、蕃茄同菜，令到湯底更加清新。火鍋湯底上枱既時候，餐廳已經幫客人準備左一份牛肉、豚肉同雞肉，整體肉類質數都唔錯，尤其係牛肉同豚肉片，好少肥膏但食落唔會柴同韌，好味又健康。

估唔到依家喺廿一前真係唔止打邊爐咁簡單！除咗有一般嘅火鍋配料 加埋特選牛肉豬肉雞肉任點仲加設咗個buffet bar 可以自取海鮮冷盤 ham同芝士佢地亦有任點各式串燒 炸物 天婦羅我哋叫咗花膠雞湯底 湯底好濃厚仲有勁多花膠☺女仕必點！另一邊就叫咗我最愛嘅 香菜山盛勁多芫茜好滿足佢哋嘅特選牛肉 肉味比較濃郁 肉質軟滑而牛小排 油花就比較多 分佈均勻 入口又香又嫩滑不過今次吸引我嘅除咗牛肉之外 佢嘅串燒 炸物同天婦羅都同樣令人驚喜！所有食物都係即燒即炸 口感香脆👍🏻雖然佢哋之間有幾款重疊嘅嘢食但係用唔同嘅整法又有另一番風味☺廿一前嘅用餐環境都好舒適闊落就算任食 佢地嘅食物質素一啲都唔hea！絕對唔係覺得求其搵嘢質飽你嗰種😂而佢地服務態度都好親切❤覺得約會或者同三五知己聚會都可以係一個好選擇～

餐廳：廿一前 (荃灣)地址：荃灣眾安街55號大鴻輝(荃灣)中心21樓B號舖至抵$98就可以一次過食勻哂串燒🍡、海鮮🦐、火鍋🥘、刺身、甜品等美食😍？仲要係由一班年青人開嘅本地良心餐廳💛今次同大家介紹嘅係荃灣大鴻輝中心21樓，一間性價比好高嘅本地火鍋放題餐廳——廿一前(真係好耐無食過咁高質嘅火鍋放題🤤)廿一前疫情下除咗推出$42-$60不等嘅西日式全日套餐，堂食、自取、外賣送貨都一樣得🥡，而中午同夜晚都有做fusion西日式嘅火鍋刺身放題🍢，晚市成人最平都係$158🤩，升級仲可以試埋美國頂級牛小排🇺🇸，同日本鹿兒島頂級黑豚🇯🇵，睇下佢地嘅雪花❄️，真係睇都知係高級貨👍🏼，食入口肉味香濃，唔試真心走寶現場有buffet bar，有過百種嘅野食飲品飲你揀😋，tick tick紙上面嘅刺身、串燒、炸物等都係即叫即整，非常新鮮，所用嘅食材大部分都係香港製造🇭🇰，仲有好多少見同特別嘅野食，例如秋葵、蟲草花、Parma Ham and cheese🧀，仲有各式各樣嘅夾心丸等🧆呢到嘅湯底大部分都係自己熬製，好有西日式風味，打破平日中式湯底為主嘅觀念，有黑松露牛乳湯、黑蒜油豚骨湯、相撲鍋等。我就試咗個櫻花龍

荃灣區嘅朋友有福了因為價錢親民而且嘅高質既廿一前 @twentyfirst_restaurant 已經開左啦有別於一般火鍋放題廿一前淨係頭盤已經爆曬分🥗🦐海鮮冷盤有蝦，蜆，青口同各種沙津仲有火腿，莎樂美腸，芝士，蒜蓉包全部出面任夾完全係酒店自助餐既質素😍火鍋湯底：🌸🦞櫻花龍蝦湯必點既手工龍蝦湯湯底極為鮮甜而且龍蝦味重特別係用黎淥肥牛濃郁既湯底更能帶出肉香🐔🥣養生花膠雞湯一上枱已經有驚喜花膠同雞放滿曬成個煲湯底濃郁有老火湯既感覺我飲左好多碗湯底但之後完全冇口乾😍絕對係真材實料唔係靠味精🍲火鍋美食打邊爐點少得肥牛？🐮美國頂級牛小排厚薄適中肉香而且完全唔硬🐽日本鹿兒島頂級黑豚肉質唔油膩而且咬落爽口彈牙係我既至愛😍🥘其他配料方面海鮮拼盤有帶子，生蠔，蝦等等美國特選牛肉同巴西豬梅肉係任食質素不俗完全唔會肥菜，丸等都可以係出面任夾推介秋葵，蟲草花，松露魚蛋小籠包同牛筋丸🍣刺身因為火鍋料太吸引只係略試左少少刺身幾新鮮，質素唔錯㗎推介甜蝦🍤除此以外餐廳仲有名款串燒，天婦羅，炸物同炸串今次未試到唔多唯有下次再黎試過😋以上提及左咁多高質美食其實佢既價錢只係同一般火鍋放題差唔多特登入黎荃灣食係絕對值得㗎😋最

大鴻輝呢度有好多間放題😚食次嚟咗21樓食放題，晏就最平$98(加一)就可以食90分鐘😆我地就食120分鐘就係$128(加一)😙夜晚就貴多小小🌛.想平食可以嗌普通啲嘅湯底，如果想試特別啲湯底就可以加錢，例如龍蝦湯/黑蒜豚骨湯/相撲鍋等等……出面就有啲蔬菜同丸可以拎另外仲可以寫紙仔嗌刺身或者小食，每個種類大概有10零款左右啦🥳出面就有啲凍海鮮、火腿同埋芝士等可以食住先😚飲品櫃入面嘅飲品都係大多數放題見到嘅🍹我地嗌咗黑松露牛乳湯mix養生花膠雞湯(+$186)黑松露片、醬同油，一嚟到朕到好香😳不過食落去就唔重味~推介呢個養生花膠雞湯😍入面都有幾多花膠同雞，個湯好鮮甜😆🥩牛 豬 雞雞同牛肉質素就普普通通，都係啲美國牛肉反而豚肉就幾好味，入口比較淋😚🦐海鮮拼盤有蜆、蝦、墨魚、帶子同埋蠔😛蜆冇沙🥰海鮮唔會話好細隻，整體嚟講ok😈🍣剌身由於食到好飽嘅關係，淨係嗌咗三文魚、北寄貝同埋甜蝦🤣幾新鮮的~🍤天婦羅 炸物其實我覺得呢兩款都係同一樣嘢🤣 因為佢個天婦羅唔係平時去日本餐廳果啲鬆脆炸衣。選擇都幾多，正正常炸粉算太唔厚，冇乜嘢好講🤪🍢串燒推介大家食串燒，唔會燒得好乾，啲肉唔會韌😚有啲係醬汁、有啲係鹽燒

-廿一前(荃灣）放寬咗晚市堂食，梗係第一時間去食我最鍾意嘅打邊爐啦，今次試吓呢間串燒炸物放題打邊爐先。環境非常闊落，又乾淨！-一個放題價錢包冷盤、火鍋、海鮮、甜品、串燒、炸物、天婦羅。.-火鍋湯底有免費或加錢版有好多唔同嘅選擇，山盛香草湯，養生花膠雞湯，麻辣湯，黑松露牛乳湯、櫻花龍蝦湯，黑蒜油豚骨湯，相撲鍋 。-今次揀咗養生花膠雞湯&黑松露牛乳湯，勁大陣黑松露味，材料好足！但湯底味道濃d會更好。-炸物冬菇，蘆筍等等，佢哋嘅炸物值得一讚係用麵包糠炸，外脆內軟。-海鮮拼盤有蝦，花甲，生蠔，帶子，墨魚仔 。-值得一提係侍應服務態度非常好，不定時會幫你調教火鍋嘅熱度同收盤！👍🏼

岩岩開放晚市,趁住呢個機會出去放下風,好耐無係出面食過晚市,好多餐廳都FULL左, 係大鴻輝見到呢間新開既火鍋店就入去試下 做下白老鼠成人每位248普通牛肉豚肉  每位加百令蚊就可以升級牛小排&鹿兒島黑豚 我地加左希望食得開心D唔記得影湯底..我地選左鴛鴦鍋 係蕃茄&清湯蕃茄鍋入面好好好多蕃茄粒 非常之濃 拍得住海底X清湯就正常普通.係呢到食野 真係滿足晒一個貪心既人 食到刺身,炸物,串燒,火鍋,甜品.但唔好expect每樣野都好好食先講火鍋~ 恬兩款係升級左既豚&牛我自己覺得肉質唔錯 但牛味欠奉 每盤都唔同質素 但影相呢盤無咁靚後面個幾碟比較靚丸類選擇唔係話好多 但幾特別 有隻麻辣丸同埋黑松露丸最印象深刻但竟然無餃子.....菜類都算多&新鮮仲有沙律吧 如果有水果更好仲有幾款凍海鮮 完全無味...質素不好...甜品方面 都幾差下 只得一款叫幾好 係朱古力蛋糕  係切件蛋糕另外又有麵包 芝士 火腿刺身 完全唔掂  質素好好好好差 無味 完全無味!!炸物&串燒 中等 唔難食亦都談唔上好食飲品種類唔多 好多都有汽 我本人對無茶既放題係扣分總結就係除左加左錢升級既牛&豚其他都真係中等 仲有好

真的有一段很長時間沒有打邊爐、吃放題了🍲😭，忍不住要解放🤗。這店除了火鍋🍲放題，還有很多其他食物以放題方式供選擇，就像火鍋加日式放題。例如有刺身、串燒、炸串、天婦羅🍤、沙律🥗、凍肉、麵包🥖、自家甜品等等。種類繁多🤩，一次過滿足你多個願望。•午巿$128一位吃120小時。選擇了鴛鴦鍋，湯底選了麻辣湯🌶和養生花膠雞湯🐤。麻辣湯不會太辣。養生鍋非常足料，整半個鍋也是配料，包括雞肉、花膠、豆腐、杞子等等。打邊爐前可到沙津吧選些沙津、巴馬火腿、蒜蓉包🧄等作前菜。每枱會有海鮮盤、雞🐔、牛🐮、豬🐷供應。打邊爐🍲配料中有丸類、蔬菜🥬類和麵。當中最欣賞它們的麻辣丸和黑松露丸，兩款丸也非常彈牙，麻辣味和黑松露味也很到位。炸串、串燒、天婦羅🍤選擇也很多，賣相吸引。串燒可選鹽燒、醬燒和味噌。鹽🧂燒較淡味，滿足不了重口味的我🙈。最後還有自家甜品吃，當中我最愛它的朱古力大福餅，軟綿綿的，一口氣吃了三件🤣。店舖座位很寬闊，通氣可很好，不會煙霧彌漫。服務也很好👍🏻。