廿一由八 (Closed)

最近朋友在facebook見到介紹『廿一由八』呢間cafe，一向喜歡木製家具既我好感興趣而且食物係由法國藍帶廚師👩‍🍳所烹調真想試一試。位於歡塘工業區🏭近海濱長廊，地點唔算難找。電梯一岀就見到牆上掛住『廿一由八』的招牌，門的手柄都係木製 很特別。一入去就見到有很多木製擺設同家具。陳列架上既木製品係縮細版家具，好可愛假如有一日自己搬出黎住都好想訂製一張屬於自己嘅木製坐椅。再行入一點會見到甜品櫃，網上也有推薦過可惜今次未能品嚐。這張坐椅設計很特別，坐上去也蠻舒服的。看到他們自家木工場後回想起中學時上堂的日子。食物選擇不多，午餐有3款可選。前菜是沙律🥗新鮮蔬菜配上黑醋，酸酸的幾開胃。我點的是Latte，佢既奶味比較少，以Latte黎講比較苦。挪威煙三文魚藜麥番薯餅配牛油果醬 非常美味和健康，番薯和藜麥這個配搭我等一次嘗試，不像一般番薯蓉口感特別。但我覺得柚子醬有點甜蓋過牛油果嘅味道。軟殼蟹發達芝士扁意粉意粉煮得軟硬度適中，有少少咬口，配上一整隻炸軟殻蟹，賣相好吸引。這裡環境好舒服😌好適合同朋友來品嚐美食閑聊一番。P.S 圖中的不是我😝😝岀賣朋友

朋友食過話好，大熱天時由公司行左10幾分鐘過黎，環境係靚同舒服，職員都nice，但食物真係好麻麻。我地叫左軟殻蟹乾蕃茄芝左意粉，賣相正常，食落個味怪怪地，同埋無乾蕃茄，得少少芝士粉同一隻完整軟殻蟹，最差係，啲意粉超淋加痴埋一舊⋯⋯⋯跟餐有嘢飲沙律，正常，但唔明點解要用即棄杯，應該唔會再黎食正餐，tea都可考慮下。

原來這個餐廳名不是由英文"21 from 8"命名的, 而是「黃」的部首拆開來1字排開。（讀其他人的食評得知）Menu轉咗選擇，價錢加咗d。。。所以我又貪心選了2款side dishes (煙3文魚apricot菓粒藜麥餅及洋蔥鰣魚小pizza) instead of 1 set lunch. 藜麥餅保持水準，堂食新鮮些較好吃（上次食係買外賣，自己焗番熱食）pizza 的鰣魚anchovies 是第1次這樣生吃, 混著甜甜的洋蔥條餡吃，很迎合今年這麽炎熱而胃口不大的蘑況。set lunch 果然抵好多，又包前菜salad 及餐飲（餐飲加$20有醒神的桃茶及石榴茶選）阿姐則選了辣肉腸香辣茄醬直通粉，細心多嘢挑嘅佢冇講乜嘢，所以應該ok 好食。另外旁邊的木工workshop 都裝修了，比之前整潔了。對木物有迷戀的朋友（比如我阿姐）來說，是個很舒服的地方，享受食物，寧靜及書本。（呢段字都係同阿姐一齊上excel 堂時打的，返工時咁樣1心2用，實比佢鬧爆，喺佢間房打橫出番嚟）

見到雜誌介紹有法國藍帶廚級的女廚操刀，本打算和朋友來試，可惜雜誌推力令我們沒訂位就不能幫襯，所以我唯有之後2天fb msg 訂位，終有機會一嚐藍帶廚師廚藝，卻只需付非天價價錢。廿一由八，在說這workshop好勤力，朝8晚9嗎？上來見到木工workshop, 才感到木工是主打，餐飲生意是後來加添上來的。（這裡歎迎訂做木工傢俱及租埸搞function）在這裡能感受到埸主對木工的迷痴，另1邊的是木工workshop的製造工埸。說回餐飲方面，女店員有禮細心，未食巳印象分不錯。把握機會試這裡的食品（這裡沒有晚市），點了這幾樣:焦黑魚配檸檬扁意粉 $106: 魚被切成心形，顯出廚師表明用心在食物上的心意，魚肉面上的黑色醬沒太搶去魚肉的鮮味，擠了檸汁伴吃，醒胃令人愜意。意粉有點點硬，還是可以的。乳酪菠菜雞肉餡餅$78: 乳酪搶味過菠菜，好飽，味較平淡，但勝在健康及好足料。熱檸茶 及 石榴茶: 後者的石榴味很清新，茶面上浮著幾條新鮮的rosemary 葉，倍添清新。挪威煙3文魚藜麥蕃薯配牛油果醬 $68 :（表明是Gluten free）配上apicot果乾肉粒，好醒胃，很好的配搭，相信堂食更好味。

四周不是地盤便是川流不息的貨車，但踏進此店尤如忘掉時間，來到工廈綠洲一樣。這裡是傢俱陳列室Ｘ咖啡店，著重空間感，所以座位不太多，午餐最好先行預訂。食物的價錢跟星巴差不多，但每款食物都是即叫即做，慢工出細貨，味道柔和。最好的是那杯咖啡，時間許可的話叫人坐上２，３小時也不為多。需改善的地方是派送餐點方面，因為人滿時發覺他們多次把食物端了出來而不知該送往那枱食客。。。離開時發覺旁邊的工場有工匠正在打磨木枱面，這正是「香港製造」，若自問工藝造詣不錯的人，更可親自製作自己的傢俱呢！

友人推介這家位於觀塘的咖啡室。不負所望，我愛環境休閒舒適，正是我心水！環境舒適雅緻，舖內滿是木做傢私，有點北歐風格。點了個set , 沙律🥗配黑醋！軟殻蟹 feta cheese 意粉風乾火腿意粉再配 side dishes 法式洋蔥鯷魚玉米餅！健康 美味 清新

觀塘而家真係好多cafe仔，梗有一間喺左近。今日同朋友黎試下呢間廿一由八，原來個名係拆開既黃字。餐廳環境好靚，簡約質樸，佢有一邊係做workshop同埋賣傢具，食野位置唔多，全木製嘅家具裝潢好有質感。餐牌選擇唔多，set lunch得三款揀，我地點左軟殼蟹芝士扁意粉同埋西班牙辣肉腸茄汁長通粉。個餐包左餐飲同埋沙律。沙律菜都幾新鮮。個軟殻蟹都幾特別，表面焗到好鬆脆，feta cheese味好濃。西班牙辣肉腸好食，不過略嫌料唔夠多，茄醬亦唔太夠味。身為大胃王嘅我叫多個side dish，三文魚藜麥蕃薯餅，呢碟好有驚喜。蕃薯餅煎得脆，加埋藜麥好有口感，個汁甜甜酸酸，有啲好似果肉咁嘅點綴，我地麵食晒。呢餐埋單一人$150，唔錯，如果多啲選擇會更好。

今次是來欣賞木創作+美食+‘大衛’我不是瑪嘉烈，他是我感到有趣的主角-大衛，你有看「瑪嘉烈與大衛」系列嗎？我之前來 廿一由八 巧遇他，未知今次能遇上嗎😊講回正題 我今次來是要好好欣賞這兒的木製藝術品，你可稱 ‘他們’是家俱。設計師由自學成師 到現在是木匠達人，更創立了木製家具品牌 廿一由八，來這裡你也可以感受到那份誠意。正題中之正題 是來享受一下 廿一由八Pantry 的美食，今次SET LUNCH 選了菠菜雞肉餡餅 Yoghurt Marinaded Chicken Quesadillas ，非常滋味。先來一個沙律配意大利黑醋，沙律清新可口，是餐前最好的美食。菠菜雞肉餡餠饀料豐富，墨西哥餅烘得好香脆，包着自芝士、蕃茄、菠菜、嫩滑的雞肉及些少醬汁，非常好味及健康之選。你可試下佢哋嘅甜品 如香蕉蛋糕，香梨薑黃吉士蛋糕🍰 相當好味亦唔會好甜。

最近看到一些文章介紹「廿一由八」這個木製家具店，介紹的除了是這裡的家具，還有這兒附屬的cafe這個cafe的其中一個亮點是法國藍帶廚師。作為foodie，我當然想來一試，另外我還被網上照片中的那大木桌吸引。這𥚃空間感充足，加上有自然光和大木桌，絕對是一個舒適、令人放鬆的地方電梯門打開，看到「招牌」，已經感覺到那濃濃的文青氣息～ 推門內進，會先見到一些木製擺設和家具，再往內就會見到甜品櫃，陳列著美美的甜品Menu走簡約路線，選擇不多，午餐有3款可選、咖啡都是基本款，以一間小cafe來計其實足夠，但建議可設有素食午餐～菠菜雞肉餡餅($78)：餡餅相當之香，餅皮脆身，雞肉柔嫩多汁建議盛載的碟子可以大一點，切餡餅時碎屑才不會容易彈到枱上午餐會配一小碗沙律～Latte ($38)：中規中矩的一杯咖啡，但畢竟這裡不是主打咖啡的地方嘛香梨薑黃吉士蛋糕($32)：蛋糕的表面略嫌有點過焦，不過影響不大。蛋糕口感濕潤，薑黃味不重，梨片甜甜的很好味白色的醬微酸，正好可以降低膩感，如果多配一點醬就更好

香港咁多人，星期日想搵個地方好好傾下行程，去各大商場都無乜可能。一路都有去試下觀塘工廠區既樓上cafe，但原來好多星期日都休息，喺openrice上面搵到呢間廿一由八。Cafe食野既地方只有一部分，其他位置放滿左木做既傢俬，另一邊係木工studio，真係有人喺度整緊木工。Idea真係好創新，而且環境又寧靜又舒服。食物方面選擇唔算多，我地叫左軟殻蟹意粉同埋菠菜雞肉墨西哥餅。呢個係set lunch，包沙律同埋餐飲。意粉煮得剛剛好，係我鐘意仲有少少硬，有少少咬口既，配上一整隻炸軟殻蟹，賣相好吸引，但隻蟹食落有啲腥，有啲美中不足。菠菜雞肉墨西哥餅，餅皮焗到好脆好香口，入面既芝士溶化，連同菠菜雞肉，仲有蕃茄，一啖咬落口，好夾好配合，好味。飲品方面我地加錢叫左latte同cappuccino ，沖得都好好飲。另外佢仲有甜品蛋糕，下次再試啦。成日都好羨慕韓國呀台灣呀既cafe好靚，所以超級支持香港都可以開多啲高質既cafe！！

一入到去，感覺好寧靜，整間cafe以簡約設計為主調，係一個全手工木製傢私環境😱，有好多木家品display，仲有個木工studio提供workshop👨🏻‍🎨，真正嘅cafe只佔全店約4份1位置，希望人去感受．細味．慢活。☺1. 德國風乾火腿青醬扁意粉（＄95）🍝德國風乾火腿薄薄2/3片，鹹度適中，扁意粉完全鎖住青醬汁😋，同火腿配合得好好，將意粉鹹淡味更提升👍🏻不過就真係又貴又細份，雖然附送左一份細黑醋沙律同熱飲，但都係只能填飽細食嘅人😅彤樂評分：8.5/10

廿一由八是很有藝術氣息的cafe去觀塘工作，累了倦了，最好是揀好的食物慰勞一下自己。上網看下 廿一由八 手工藝術木工場登陸了觀塘 還帶來了美食🤗小時候讀書 老師也曾告訴大家 廿一由八的意思 ，那麼見到老板可跟他們打個招呼了。我來的時候正是午餐時段，一進去好像有好多吉位，在餐廳盡頭則坐滿了客人，原來前方的木櫃、木桌、木凳、木椅等是他們的售賣品而不是坐位😂先來醫醫肚 點了挪威煙三文魚藜麥番薯🍠餅配牛油果醬 Smoke Salmon Quinoa cake （Gluten-Free) 非常美味和健康的選擇。Gluten-free 無麩飲食在飲食界非常流行，特別是素食及提倡green飲食的餐廳，但如果沒有對麩質敏感的健康人士就無需戒吃。講番個藜麥餅非常有層次、口感豐富，淡淡的藜麥有甜味的洋蔥粒、番薯相伴 加上滑滑的牛油果🥑醬及乾果粒，又有香味濃郁的煙三文魚，簡直係嘴巴的享受。Cappuccino 也是上佳之作。今日因爲要趕時間，未能仔細欣賞這裡的木製品，下次一定要來慢慢欣賞。好開心今天在餐廳巧遇我喜愛的文化媒體藝術工作者，昔日報導新聞，之後又參與大衛的演出，他跟老板在傾談 還有品嚐手中的咖啡。

俾佢個名嘅特別吸引今日同朋友去坐下飲下野叫左一個lunch and 一個小食過左2點半就冇午餐set但就有小量cake and side dish揀嘅個度好多窗好夠光，可能係因為做木工studio所以好多桌椅都好特別嘅，全木制！坐係度傾計好舒服，野食味道俾想像中好。而且staff 態度好好，雖然得一個廚房一個樓面，但好勤快同臉帶笑容。最後坐左2個幾3個鐘先走。工廈係有少少難搵，但係把方裝修取勝！想試個cake但今次太飽，下次會再黎

無意中發現到觀塘開左一間叫廿一由八嘅餐廳，上網睇完發現原來係一間集合賣木匠、木家具，搞木工工作班同有野食嘅餐廳! 💫廿一由八由地鐵站行去大約五分鐘左右，係觀塘嘅工廠大廈入面，一上去出lift就會見到好靚嘅字體寫住EST廿一由八2014。入左去之後會有部份位置係用嚟放置廿一由八自家製嘅家具，全部都係全人手製作，而且仲可以訂造唔同嘅傢俱。圖中左邊會有一塊大玻璃可以見到workshop嘅上堂情況，右邊位置就係食野/飲咖啡位置，無論係一個人黎放鬆定幾個人嚟吹水都可以🙌🏻食品方面其實選擇唔多，Set Lunch只有三款，而我同朋友就簡左「挪威煙三文魚藜麥番薯餅配牛油果醬及黃梅果醬」同「軟殼蟹番茄乾發達芝士扁意粉」。「挪威煙三文魚藜麥番薯餅配牛油果醬及黃梅果醬」($83連餐飲)🍴除左三文魚藜麥番薯之外，個餅入面仲有洋蔥，個人覺得洋蔥個味有小小重，會搶去左本身食物嘅味道，三文魚味道不過不失，牛油果醬加埋黃梅果醬係幾好嘅配搭，牛油果本身唔係一個味道好出嘅食物，所以配搭得剛好，黃梅果醬唔似係自家製，但係果肉同個醬配落個餅度係唔錯! 😋另外仲會配左啲簡單嘅沙津同醋，整體不錯，但如果自己一個人食依個set

朋友喺網上睇到有網媒介紹呢間新既Cafe，睇相已經好有文青味道，就約左星期六去試吓。嚟到既時間大約喺點零兩點，一打開lift門就已經見到門口有佢哋既餐廳名並連同非常簡約既設計，而入到去應該喺因為新開既關係，餐廳唔算有太多人，上到嚟都喺清一色女仔，大概都知道大家都喺俾佢清新簡約既設計吸計而嚟。因為餐廳唔止喺餐廳，亦都喺一間專賣手工木製家居既舖頭，所以有一半地方都喺放置左木製家品，而佢地俾客人坐既坐位都喺木製品嚟。入到嚟需要自己先搵位坐，再去Counter落單，我地兩個人食各叫左一個「挪威煙三文魚藜麥番薯餅」同「軟殼蟹發達芝士扁意粉」嚟Share食，我自己亦都另外叫多杯Latte。食物嚟講我覺得兩個都不錯，「軟殼蟹發達芝士扁意粉」喺一隻完整既軟殼蟹放喺面，食落去都好軟熟，而意粉都有淡淡既芝士味，但又唔會令個味道太膩。「挪威煙三文魚藜麥番薯餅」- 藜麥餅呢樣嘢好少食到，我都喺第一次試，口感好似食緊再軟啲既薯餅咁，小小甜但又唔會太超過。兩個菜都有配返沙津喺底，令成個菜式更加健康。而唯一有啲美中不足既喺個Latte可以更有進步空間，佢既奶味比較少，喺Latte嚟講算喺比較苦，應該可以再放膽落多啲