橋底辣蟹 (雅閣大廈) (Closed)

話說我同女朋友2個口痕想食d香口嘢，然後去到鵝頸橋，就黎到lee間平時成日經過但未食過gw橋底辣蟹🤭入黎個setting同平時酒樓差唔多，睇都唔洗睇，那那臨叫個蟹先，因為我最近跌親隻腳，跌打話唔食得辣，所以叫左唔辣黎食😋當我仲諗緊唔辣會唔會無咁好食，黎到發現原來唔辣都好香「避風塘」味，個蟹多椒鹽得黎入嗮個蟹到，食到lam lam利（5/5）涼瓜炒蛋當然蟹唔會食到飽，所以叫左d小菜。我自己本身唔太鍾意食涼瓜，怕苦，但佢炒蛋個鹹味中和左，所以幾夾（4.5/5)白菜仔個白菜仔用蒜頭爆香，撈飯幾好（4/5）黎完食蟹，覺得佢咁出名都有原因。下次食蟹再搵佢先🤪

同朋友食黎食去都係西餐，佢今日開聲話要食蟹，就黎左橋底辣蟹啦先黎左碟椒鹽雞翼，炸到熱辣辣同撒滿椒鹽，一碟八隻份量都唔少👍🏼腐乳通菜又係勁大碟，腐乳醬好惹味，菜亦無炒得太老叫左兩次蒜蓉蒸扇貝，黎到即時哇左一聲，非常大隻，本身仲覺得48蚊一隻有d貴，但見到個size就知點解收依個價扇貝肉質彈牙味鮮，撈埋一堆蒜蔥粉絲食，一人一隻實在唔夠喉哈哈主角終於出場，叫左細size既避風塘炒蟹，其實細size已經好大隻，兩個人絕對夠食避風塘+蟹依個組合實在太正，首先避風塘依D香口野都好難唔好食，而且佢既蟹亦新鮮多肉，好食😋👍🏼👍🏼👍🏼

放工行去SOGO，順便搵埋夜晚果餐飯食。同朋友行行下大家話有啲想食海鮮，但係又唔近鯉魚門，結果就去咗橋底辣蟹到食海鮮。其實住咗香港咁耐，聽過呢間鋪頭好多次，但係食就第一次。食肆鋪頭始終處於遊客區，所以佢都擺放左好多同明星嘅合照嚟招徠客人🥰蒜蓉粉絲蒸海鮮蝦 $168蒜蓉粉絲蒸扇貝$48 x4 豉汁蒸鱔$138金銀蛋上湯浸時蔬 $78豉椒炒鵝腸 $78 乾燒伊面$68最令我surprise嘅係佢會有飯後水果送 😍價錢中規中矩，本身食海鮮嘅價錢都係比較貴，而且佢位於銅鑼灣咁方便 🤩

呢間餐廳好幾年前曾經去過，都係一個外國朋友介紹我先識哈哈。個時已經好回味，所以決定返去食多次。黎到已經想點蟹先，咁為左佢黎呀嘛🤗。我地2個人，點左最細個隻。因為係跟巿價，呢隻$499一隻，其實已經好大隻，4個人分仲可以叫多1-2個餸。個蟹炸得唔會油，出面有少少脆，入面既肉好滑嫩，配埋避風塘炸蒜粒，好野味。蒸扇貝。都係跟巿價，一隻大約40幾蚊，我地叫2隻一人一隻。上面好足料，加埋金菇，其實都幾送飯。扇貝本身好鮮甜，好味。椒鹽雞中翼。炸得好飽滿同埋好大隻，椒鹽味非常濃，又係好送飯，其實單係做小食都好正。碟菜真係無敵多，好似食極都唔完咁😂。Overall都正，個人覺得海鮮更正，黎到真係要試下啲海鮮。

一直住在港島區那麼久亦都未曾到這間橋底辣蟹吃過飯，今晚終於有機會了，朋友叫埋我去食menu有非常多的精美小菜，海鮮貝殼類，大部份都非常抵食，估唔到就係份量係好大份，食物性價比非常高！椒鹽海中蝦，炒蒜粒非常香脆惹味，惹味完全慘入蝦！蝦肉質爽彈，非常惹味泰式醬爆鱔球，外面比較食到這款菜式！手工菜式鱔球嫩滑，外層粉漿唔會過厚，又係幾惹味的蒜蓉炒白菜仔，菜幾新鮮靚菜，份量多得挎張招牌橋底炒飯，份量亦係多得挎張我諗有約5-6碗飯，炒得好乾身有鑊氣特別之處係有咸蛋黃粒增加咸香感覺，非常滿足！還有免費糖水增送，2了2碗很好味唔會過甜店員服務亦招待很週到，比個讚呢！

今日放工近近地同家人去銅記搵食 同得佢地長輩食中菜穩陣d一坐底放低左個花生 咸香又脆口 我係錦拎黎食蒜蓉蒸開邊海中蝦（$168）：超級多蒜蓉 蝦都新鮮又夠大隻 仲要有膏 上面放咗金菇 下面放左粉絲 兩樣配料都吸曬蒜蓉嘅味道 十分惹味酥炸生蠔（$158）：蠔黎講佢真係勁大隻 炸粉唔厚 包住既蠔 唔會過熟 仲保留住肉汁 好香口椒鹽九肚魚（$58）：每一條魚都充斥着椒鹽味 上炸粉上得非常均勻 魚肉10分軟滑 一條骨直洛 容易入口粟米石斑球（$98）：冇諗過真係用咗石斑 而唔係魚塊 佢仲要貼心到將粟米汁放埋一邊 令唔鍾意食粟米汁嘅客人冇咁困擾 欖菜肉鬆四季豆（$65）：好耐無食欖菜 質感好似雪菜 加上肉粒同埋少許辣椒 炒出黎既四季豆好有獲氣 滑蛋蝦仁（$128）：滑蛋真係好滑 唔會過熟 仲要大大粒蝦肉比你 唔會過咸 食到蛋既香同蝦既彈牙 十分推薦脆皮牛坑腩（$85）：呢碟菜好特別 味試過係中菜館食過 佢將牛坑腩用炸粉包住 入面仲食到一絲絲既牛肉 肉質仲係腍腍地既 估唔到炸左都錦好味炸子雞半隻（$110）：半隻黎講都好大碟 基本上有8成都係肉 雞件好大件好抵食 佢有奄過 但唔會過咸 個皮香脆 菠

久仰大名嘅「橋底辣蟹」一直都很火，終於有機會一試，外國朋友建議食呢間，主要是因為想食到地道小菜家常便飯。餐牌提供中英對照，富以大量食物圖片，款式多至中菜小菜，大至粥粉面飯🍲🍚應有盡有❤️蒜蓉蒸開邊海中蝦🦐：蝦🦐新鮮無比，頭部滿滿快溢出既蝦膏，呈現金黃色，非常吸引😍配試大量蒜蓉粉絲底，吸曬蝦汁既精華，一流👍🏽酥炸生蠔：當然要叫番個小食，啤一啤佢🍺，炸粉吾太厚,好欣賞，蠔大得嚇親，炸完之後入面竟然仲咁juicy🥢食得出新鮮椒鹽九肚魚🐟：好惹味，佈滿一堆椒鹽係魚既表面，九肚魚肉質鮮嫩多汁，每個部分都只得一條骨，魚🐟既鮮甜吾會比椒鹽蓋過🐠粟米🌽石斑球：🐠呢碟簡單既家常小菜，好巧功夫，石斑魚吾係普通急凍斑塊，係食得到一絲絲魚肉既靚石斑，真係無戲場🍴滑蛋蝦仁🍤： 蛋味香濃，蝦🦐爽口彈牙，大粒到好見食👌蛋炒得好滑嫩💋脆皮牛坑腩：🐂呢款手工菜好特別，竟然用上牛坑腩炸起，黃金外表賣相吸引📍食到牛肉可以一絲絲縷縷，證明用料上乘，而且牛根部位好有咬口，助酒🍺👍🏽炸子雞🐥：滾油直淥雞既表面，令雞皮色澤光滑，雞好夠味，夠曬咸，根本吾流蘸華鹽🧂泥猛粥🥣：大大條泥猛，好足料，粥底好棉密，熱辣辣好好味😋總結：太多小菜不

橋底辣蟹，多年都位於堅拿道天橋底， 因為我每天都會搭過海巴士過紅隧， 幾乎每天塞車都會見到辣蟹店。 但一直都未曾試試，今晚和朋友吃飯，終於可以一試。辣蟹實在是必點。今天是星期一的7點，想不到已經滿座， 辣蟹是時價，要問問先知價錢。蟹可以選擇大蟹，中蟹，小蟹。除了炒蟹，還可以選擇其他煮法，薑蔥等。但是一場來到，當然要選擇炒辣蟹。辣度可以選擇，如果你不能食辣，選不辣都可以。 今次我就選擇了微辣。 一上菜時，我都想不到這是細蟹，因為實在一點都不細，蟹炒得好香好香，但完全不會掩蓋鮮味，蟹的鮮味，完全食得出。 作為招牌菜，實在沒有令人失望。蒜味，辣味，每啖都是濃香味道，如果伴酒，真是一件樂事。 而且十分欣賞無論蟹大細，辣度都可以揀，隨你喜歡。在挑選麵食時，見到了楊州窩麵。我已經好多年沒有見過出現在餐牌。只有在舊式酒樓才見到，想不到今日可以食到。窩麵比炆麵，炒麵都好吃。蛋麵，配上湯，再加上鮮蝦，魷魚，豬潤，菜心，成個麵既簡單，但又好好食。如果你都想懷舊懷舊，可以一試。另外又叫了一份，魚香茄子煲，港式小菜，茄子加上濃濃肉碎，既香口又好食。雖然今日沒有叫飯，但是都好好食，食出有港式小炒味道。再加了一個

最近少左到港島區逛街，特別是在銅鑼灣、灣仔一帶，一來怕人多，又加上大熱天時，勉得過都是少出街，一日工作完，都想快回家休息。最近在灣仔附近，擴張事業，又忙著寫字樓的裝修、佈置，好難見到面，何況是食飯。臨近中秋節，為左遷就我的時間，於是，家人到灣仔附近提早做節，慶祝中秋節。在灣仔街頭，走來走去，唔知食咩嘢好？我家都是喜歡食小菜的，見到呢間有火鍋、小菜、川菜，都好適合我地的胃口。海鮮、橋底辣蟹、金牌燒味、小菜、火鍋，樣樣都出。特別喜愛的椒鹽味道，總會點上兩、三椒鹽的食物。椒鹽九肚魚，這味小菜，在家是做不出效果，一定要在外面食，才食香脆口感，魚肉嫩滑、一條主骨都炸得香脆，外脆內軟，魚肉像啫哩質感，鮮甜嫩滑。鎮鋪九肚魚湯，好回味嫲嫲常煮這個湯的味道，真是有十多年沒喝過了。雖然食材用料不多，只有九肚魚、芹菜、粉絲，就能熬出奶白色的湯底，一點都唔醒味、湯味鮮甜、潤喉、粉絲爽口、唐芹帶出香味，喝不停！脆皮牛坑腩，又是一道手工小菜，先將牛腩炆煮腍度適中，炸槳粉加上咖哩後，掛上薄槳再酥炸，做出外脆內軟，肉質夠腍，味道香濃美味。整晚都是點左香炸的小菜，脆皮炸大腸，兒時常在街邊檔的食物，現在都好少有得食，見到

久聞「橋底辣蟹」嘅大名細細個就有時間但冇金錢大個咗畢業後又忙於工作直至去到今日先的起心肝，會一會佢.餐廳吾係新裝修，但仍然乾淨企理除咗正門店，仲有偏門店大大話話有三間大酒樓嘅SIZE而且幾乎滿座，生意十分旺盛又非常熱鬧呢.餐牌款式多到我睇得眼花撩亂以海鮮為主，如蟹，蝦，貝殼，魚當然亦有不少小炒，鐵板，煲仔等而且圖文並茂，淨係睇圖片已經流哂口水啦.🔸招牌橋底辣蟹 既然招牌辣蟹咁出名，點會吾叫一份黎食呢😈當日蟹價係$480同$680我地就小牛試刀，嗌細份啦由於係即叫即整，所以我地都等左三十幾分鐘但我可以話係絕對係值得等待架比一個手掌仲大嘅巨蟹鋪上大量嘅炸蒜同香蔥未拎上枱，香氣已經四溢！師傅好貼心咁將巨蟹切好再落油鑊炸到金黃色直至外層微脆大量嘅碎蒜，蔥頭，乾辣椒亦炸至微焦起脆最後再同巨蟹一起爆炒蟹身微微焦脆，食落好香口炸蒜嘅精華滲入哂蟹肉中，非常入味一絲絲嘅蟹肉，仲係好鮮甜嫩滑！而成碟嘅亮點吾係係個蟹度反而係避風塘炸蒜炸蒜嘅口感好特別一般嘅炸蒜，食落雖香但較脆身而呢個炸蒜嘅口感係香。酥。脆！酥香嘅口感，濃厚嘅蒜香，微微嘅香辣真係一食難忘呀.🔸蒜茸粉絲蒸海中蝦蒸蝦同樣都好有水準一碟約有十六隻開

本以為主要做遊客生意，味道不會太地道，這晚外國朋友建議過來吃，我們這些隨行的卻未有吃過。朋友主要想嚐地道小菜，家常便飯。雖然價錢中上，但份量多，水準也蠻高。餐牌有中有英，又有食物照片，非常多選擇。菜圃涼瓜煎蛋角：菜圃不多，好像我只吃到幾粒，反而涼瓜較多。沒想過煎蛋味道出色，蛋黃味香濃。不過唯一要改善的調味方面，真的有點太鹹，配白飯吃也有點重味。薑蔥爆啫啫田雞煲：蔥薑爆香，田雞份量多，肉質嫩口，數塊大薑片，薑味挺濃烈的。水煮鱔片：一窩水煮鱔，底下有很多雜菜如芽菜、白蘿蔔、青瓜、大白菜、木耳、浸泡在辣油裡之中。鱔片煙靭，麵包糠包裹著鱔片，炒香過再放入紅油裡面。辣度中等，不過會越吃越辣，很過癮，味道不俗。果皮蒸泥鯭：平日很少吃這道菜，到酒樓就點來吃吧。7-8條小條泥鯭，肉容易去掉，不多骨。滾油加數匙的蒸魚豉油，蒸陳皮絲鋪在魚面，有助辟去魚腥味，而且果皮味濃烈，絕對是絕配。

以前讀書果陣 已經話同同學約黎呢度試下 但成日都約唔成 今晚 終於可以約得成黎呢度試下喇！鋪頭有3層 我地係地下層用餐 入黎既時候 有個屏風 覺得幾有風格 古色古香 入面有幾個大紅燈籠襯映住間店鋪懷舊風 我個人覺得幾適合外國遊客和老人家黎呢度 講番野食先 對我黎講期待已久既係 辣酒花螺我經常性想自己煮 但因為需要買嘅材料都比較多同複雜所以今次一定要食返夠本係味道方面 我本人就唔太食得辣 點果陣都有d驚 但原來佢比想像中唔辣 唔好見佢紅噹噹咁樣就怕左佢 不過我就覺得 可能好多人都會失望對於辣度上至於另一個我幾期待既係 魚湯勝瓜浸蜆我急不及待咁飲左半碗魚湯，一啲腥味都冇同埋好鮮甜 有少少糊椒既味道 幾好味 不過蜆肉就有少少唔夠新鮮 可能因為同湯一齊時間比較耐 不過呢 勝瓜好出色 可能因為浸係魚湯 佢鮮甜到我覺得唔夠喉 爽脆鮮甜 正朋友就點左呢個蠔仔泡飯鮮味十足 蠔仔都好多 另外有方魚 有鮮甜味 我最怕係食到有沙石碎 但呢個真係無 抵攢！另外點左燒腩仔同香脆牛坑腩個人認為牛坑腩比較如果有醬汁提供會比較好 因為佢都有少少油膩 不過佢真係啖啖肉 岩晒食肉獸 而燒腩仔 我覺得肥瘦適中 配上芥茉漿

想吃海鮮? 不用遠赴離島那麼遠，去港島橋底辣蟹吃海鮮方便多了。朋友公司經常在這裡飯聚，說海鮮款式，煮法較其他餐廳多，絕對可以滿足各人脾胃。豉椒炒鵝腸因鵝腸新鮮，故口感爽彈，只需豉汁，青椒，洋蔥等熱炒鵝腸，就能變成一道滋味小菜，好不下飯，我們忍不住大吃特吃。健康晚餐不應只吃肉，也要吃些蔬菜，故我們點了一份蒜茸炒菜心。菜心翠綠爽綠，只是簡單的用蒜茸香炒，全是天然清新的好味道。蒜茸粉絲蒸扇貝超合喜歡蒜香的朋友，扇貝密鋪蒜茸，讓扇貝帶些許蒜頭香氣，突出它的鮮甜度，此刻我們沒有講話，各自低頭猛吃，扇貝下的粉絲吸收了扇貝與蒜茸的精華，還有豉油，微甜微鹹，瞬間被我們秒殺清盤。豉汁炒花蛤可謂海鮮人氣之選，肥美的花蛤經豉汁爆炒，花蛤通通打開蛤殼，惹味的豉汁均勻地吸附蛤肉裡，入味極致，深受海鮮控的喜愛。打開錫紙，砵酒焗桶蠔的酒香蓋也蓋不住，香味四溢。每顆桶蠔均份量十足，相當飽滿，光看已令我們食指大動。桶蠔一入口，盡是酒的醇香，亦不失蠔的鮮美，我們一口又一口吃下肚，一致覺得這砵酒焗桶蠔水準不賴。避風塘炒蟹，炒蝦能都比較常吃到和聽到，但是避風塘鱔球就比較少見。廚師先將鱔球油炸熟透，然後再加入炸蒜，辣椒粒，蔥花

好耐無食過炒野同大排檔，今晚特登約左鐘意飲啤酒既朋友一齊傾計食d小菜。呢間橋底辣蟹都幾出名，但一直都無試過，今晚就bk左試試佢。一入去見到有個屏風擋住，幾有隱私度，而佢既裝修都相當有氣派，掛滿紅燈籠，好有中國特色，如果係遊客黎一定會好岩打卡。我地今晚決定豁出去，要飲飽食醉。首先，我地叫左招牌燒腩仔，份量都幾多，個皮卜卜脆，而且肥瘦得宜，配埋芥辣幾惹味。既然有青島啤酒，我地試埋脆皮牛坑腩，佢果然夠鬆脆，用黎送啤酒就剛剛好，但略嫌乾身，如果多d肉汁更好。仲有辣酒煮花螺，辣辣地一啖螺肉，一啖啤酒真係好麻甩好正。另外，我地驚太heavy，所以叫左個蠔仔窩飯同勝瓜浸花甲。份量都十足，蠔仔夠鮮味，而勝瓜亦好甜，中和煎炸野既油膩。總括黎講，呢間橋底辣蟹作為小菜食海鮮相當不俗，岩曬邊飲酒邊食小菜吹水。

橋底辣蟹，多年都位於堅拿道天橋底，因為我每天都會搭過海巴士過紅隧，幾乎每天塞車都會見到辣蟹店。但一直都未曾試試，今晚和朋友吃飯，終於可以一試。辣蟹實在是必點。今天是星期一的7點，想不到已經滿座，辣蟹是時價，要問問先知價錢。蟹可以選擇大蟹，中蟹，小蟹。除了炒蟹，還可以選擇其他煮法，薑蔥等。但是一場來到，當然要選擇炒辣蟹。辣度可以選擇，如果你不能食辣，選不辣都可以。今次我就選擇了微辣。一上菜時，我都想不到這是細蟹，因為實在一點都不細，蟹炒得好香好香，但完全不會掩蓋鮮味，蟹的鮮味，完全食得出。 作為招牌菜，實在沒有令人失望。蒜味，辣味，每啖都是濃香味道，如果伴酒，真是一件樂事。 而且十分欣賞無論蟹大細，辣度都可以揀，隨你喜歡。在挑選麵食時，見到了楊州窩麵。我已經好多年沒有見過出現在餐牌。只有在舊式酒樓才見到，想不到今日可以食到。窩麵比炆麵，炒麵都好吃。蛋麵，配上湯，再加上鮮蝦，魷魚，豬潤，菜心，成個麵既簡單，但又好好食。如果你都想懷舊懷舊，可以一試。另外又叫了一份，魚香茄子煲，港式小菜，茄子加上濃濃肉碎，既香口又好食。雖然今日沒有叫飯，但是都好好食，食出有港式小炒味道。再加了一個腐乳通菜，家