御前牛盛日式涮涮鍋 (Closed)

係旺角行街行到攰，朋友建議打邊爐坐下傾下計，咁岩行過呢到有啲阿姐係樓下派傳單，刺身同火鍋加埋都唔貴，好啦就上去試試一上到去，成個場好多人，但做野既人就少，好不容易先等到有人帶位，但見到嗰個刺身部，我地2個即刻決定淨食火鍋，因為刺身部你係唔會見到好似其他放題咁，放左刺身係櫃入面，你要咩就切咩執咩，呢到都係你叫咩，執咩，但佢係係後面雪櫃拎一坐低，枱面既落order紙係得半張，我地落左湯底後，帶位嗰個又行黎話幫我地落湯底，我地話落左，但佢都再落，算啦…不過呢一個麻辣加豬骨湯底，我地竟然要等左成25分鐘到火鍋材料，叫佢寫上面既海鮮，除蝦之外，畫左都冇上過，仲有出面配料區(即辣椒，芫茜，蒜等)，全部盤吉哂冇人refill，但眼見間野好多人食，點知原來所有人都係團購呢到真係我食過最差既一間火鍋，所以真係唔會再返轉頭

見到食評的評價好好，食完之後完全覺得中伏，直頭係唔會再食黎到等一時間食刺身先！極普通的仼食刺身，不過我地無特別期待，始終價錢平。叫左2轉，第1轉無黎到的以為係miss左，第2轉都係無，應該無貨，不過無人通知我地。未有野食，去左拿d炸物，全部都係凍的，部分放到有益味。點餐單上的炸物，熱的，無特別。肉類，身為肉食獸的我，都無興趣。牛勁肥，肥到口感好似食唔到肉咁，覺得我講得好誇張？我食的時候都覺得好誇張豬，有陣穌味，好似羊咁，又係誇張，不過真誇張！呢間野最好食，叫完可以再叫就係響鈴同炸魚皮！無了...可能有的，但我地食唔到，就係丸類！係落左3次單一次都無黎，我地唯有問店員，原來無貨，我無打錯，你無睇錯，係真係無丸！係0！得腸仔同芝士腸，無了！未試過打邊爐係0丸仲要0通知，唉。總結:極不推薦除左呢幾隻字，我已經無言。 當天220元(連加1)一個人，說實話，仼何一間差不多價錢的火鍋(就算係大家樂)都比佢好。

上網見呢間D人話幾好，鍾意四圍八試新嘢嘅我，又走去試吓啦，星期五晚收十點就走上去，去到門口見冇咩人已經開始覺得有D伏，入去坐低侍應就行埋嚟講有宵夜時段，淨要火煱就$148,要埋刺身就$178,見差唔遠就要埋刺身啦，調味料係自助嘅，但只見一款豉油，側邊放住葱，辣椒，蒜，日本介辣等等，咁得一款豉油究竟係火煱用定刺身用呢？填嘢食就話聖子冇，海蝦冇，芝士魚旦冇……冇嘅嘢太多，不能盡錄，火煱料嚟到，D肥牛肥到一半以上係白色，田鷄完全冇味，跟住再嚟刺身，冇咩好鮮甜，仲有燒肉食嘅，但無論燒咩都只係食到一口油，完全冇咩，加埋一大約二百蚊，宵夜時段唔算特别平，只係特别唔好食

一到星期五晚又係時候尋覓美食趁天氣仲凍凍地，繼續選擇火鍋上網搵到呢間火鍋放題大約七點半到，沒有訂位都能夠馬上入座店員介紹有兩款放題$169只係得火鍋，$209會另有炸物串燒刺身放題最後我地選擇$209，但我地都後悔選擇這個湯底都算多選擇且特別，連龍蝦湯底都有每人另加$10可選擇鴛鴦湯我地選擇左牛乳牛骨湯同椰子雞湯椰子雞湯，椰子香味濃，雞肉都幾多牛乳牛骨湯，都是滿滿的奶香，但可能是牛奶關係，需要多少少時間先滾起火鍋材料都多選擇，還有數款海鮮至於刺身方面，平時放題一般刺身都有但不算新鮮，象拔蚌甚至有少少腥串燒不錯，但有部分會漏單所以我們先後悔選擇$209但整體都不錯店員主動加水，態度很好好著重湯底的朋友，不妨來一試

聖誕假收費貴左但係好多野都無得供應，平安夜去食晚餐，侍應話呢兩日都無炸蝦天婦羅，然後打邊爐嗌左牛柳粒、海蝦、聖子、芝士丸等等都無黎，嗌左嘅野食份量唔啱，俾左d冇order既野食，有d失望。

為免再有人中伏而第一次寫食評，因為本人係睇左頭幾個好評而幫襯，想不到都是廣告而已環境一般，我們先被安排到一張很擠的4人枱，沒地方放袋，外面有前菜自已拎，三盤前菜有兩盤是見底的，可以夾到螺肉和零星的中華沙津。。開始先來刺身放題，賣相還好，有三文魚，甜蝦，天使蝦，虎蝦都有，玉子沒來，點到大約第三轉的時候，待應告知三文魚沒有了，何來任食？！任食並非真任食，好多食物無黎，要追問侍應才說無，例如蟹子丸，鱔片，烏東，雲呑，米線，薯粉，魚滑等等，唔抵食之如，蕃茄龍蝦湯更是全無味道，友人懷疑龍蝦頭更是翻用，因為頭內全無蝦膏或任何蝦香，蕃茄亦毫無味道。即使再加入蕃茄亦煲不出味道來。雪糕柜都見底，只有豆腐和蜜瓜味，友人試了蜜瓜雪糕更覺得一陣膠味。。火鍋無味+刺身放題食物種類有限 $218 絕對不值！質數如些差的假任食放題希望大家不要中伏！

呢間御前牛盛其實一年前食過一次，當時覺得非常之好，食物種類多、上菜齊而且快速，沒有漏單，味道也不錯，所以留下很好的印象。一年過去，見他好評仍然keep到，朋友生日，毫不猶豫便推薦了這間。想不到便出事了！一、座位問題上一次坐窗邊的卡位，非常闊落。沒想到多人的時候安排坐另一邊的位置非常擠迫，擺上爐之後更是少了一個座位的感覺。出入攞食物都要閃身而過，非常之不方便。二、漏單/減量其實這裡食物的種類頗多，但是經常出現漏單的情況。寫了墨魚滑、玉子，全晚冇出現。寫菜，黎得兩條，寫響鈴，一係唔黎，一係黎好多。好難捉摸啊！長期冇野煮的鍋。三、難食又污糟當晚中伏之選係豬紅，有一陣好臭的香煙壓味，吃一口不禁要吐出來。冰豆腐霉霉爛爛，未吸水已經散開。天婦羅入邊隻蝦仲未熟，又冇天婦羅汁。認真可怕！最可怕的是聖子，入面全部都係沙，洗都唔洗，好過分！每一口咬落去都卡嚓卡嚓，食都食唔到！四、人手不足非常長的一段時間，全邊廳一個侍應都沒有！寫單仲要自己攞出去。碟又冇人收。仲要見到你枱面已經冇位，都唔識幫你收碟，又唔識幫你加湯，仲要壞卡機冇得簽卡！差唔差d?總結我冇諗過一間餐廳一年之間可以退步咁多，我絕對唔會再黎，亦都奉

第1次睇到這間餐廳名稱，以為是專門食火鍋專門站。我睇返相片先知道，這間餐廳提供放題及火鍋，不過吃完之後，有以下幾點，大家可以參考:1) 除了火鍋食品及剌身較少漏單，其他熟食基本只是吃到炸物。漏單情況確實很多2) 剌身除了三文魚及無頭甜蝦還可以，北寄貝及鮑片都有怪味，其他剌身。。。3)第一次吃炸物，竟然可以咁咸，真心覺得可以改善。4) 醬油及醬油配料對面長期擺放食物可以改善。

今晚飯局諗住龍蝦湯底好味道，點知一入座就發覺無暫停供應so sad ！之後又亂七八糟，第一轉order嘅食物可以係臨走先嚟！漏單漏到你唔會知佢係漏單定係沽清！成件事好難觸摸⋯⋯btw朋友們都覺得漏親嘅都係貴野⋯⋯燒物、海鮮等真係要睇下好唔好彩先食到！

同幾個朋友見加每位幾十蚊可以打個邊爐之餘仲有放題啦，點知入座起不斷入紙+吹單，頂....一係話已經上曬野食，一係話整緊，但其實從來無出現過放題野食囉，直到埋單話佢無比過放題野食又要收放題加錢先上幾粒放題野食，依d係咩服務，咁我地加錢喇把鬼呀，都食唔到d放題刺身、燒物、炸物仲要打邊爐d料都不停漏單，已經唔多人在場食,d員工好L得閒囉，真係無下次，大家都唔好中伏真係越諗越嬲，我地黎打邊爐唔係只想任食菜、麵、牛肉幾片囉⋯⋯説好的蟶子之類海鮮，影都無，好搵笨

本人於晚上6:30打去問7:30有沒有位，回答的女士説有，留下了姓示叫我7:30 上去。上到去她叫我和朋友等一下，可是等了很久也沒有人理我們，再一問之下，跟本冇位。不知所謂。永不錄用！

上次食已經2，3個月前，有港島蠔，牛肩好靚，食品款式多又新鮮，但不好地方，三文魚刺身，會比埋灰色位置人食，我知道可以食，但買相冇咁靚囉，空調不夠冷，整體來講，值得一讚

約埋成班同事宵夜，當然選交通最方便的旺角❤️人多，又要夜晚十點半，其實選擇真是不多。最後選了這間有火鍋又有少量刺身小食的sabusabu🍖🍗🍣🥘龍蝦湯底+牛乳湯底❤️❤️❤️海鮮好大隻丫，成隻食指一樣長，超新鮮，煮一分鐘已經可以食了☺️重點‼️無沙‼️墨魚滑/蝦滑，明顯是手打的。蝦滑入面重有蟹子，脆脆的👍🏻松葉蟹棒唔好煮太耐，會散晒+糊口😉打邊爐只要加$30就可以食埋佢地的日式放題⭐️刺身很不錯哦，推薦大家點「天使蝦」，超脆口😝鳥貝也不錯的說，一點腥味都沒有。其實還有炸雞翼/串燒/天婦羅等等，都很好吃😋不過每次一上桌，大家就馬上把他們消滅🙈來不及拍照哦🤣食飽飽當然要吃甜點啦，有雪糕亦有雪米粃🍨🍦🍮雪糕味道一般，雪米粃encore 左兩次大家估下食禁多野我地要俾幾錢❓開估啦，💲1️⃣8️⃣9️⃣咋😜天啊，真係平到無朋友丫，又平又好味，下次宵夜聚會再黎過😋

我承認，好多時我都係睇openrice 黎揀食咩，覺得佢係一個幾好既指標，但遇上中伏的時候，我不咁歎一句：究竟係我問題定餐廳有咁多打手？香港人無論咩時節，任何天氣，都鐘意打邊爐happy 下，經過幾星期辛苦工作，都想食番餐好慰勞下自己，上網睇完一大輪食評，揀左呢間有特色湯底的黎試試，心諗咁多笑臉，無事既，結果。。。先禮後兵，批評前先讚賞下員工都幾nice,招呼唔錯，靚女waitress 雖然無咩表情cool cool 的，但做事快手細心，要讚一讚至於湯底方面亦很好，龍蝦湯拼椰子雞，既真材實料又美味，椰子雞比龍蝦湯更出色，又香又鮮~戲肉黎啦，點解覺得伏呢？伏位一： 嚴重走單，傳說中好色的芝士丸order 左幾次都無形伏位二：成間餐廳好似k 房改裝咁，餐具不太乾淨，而家自取冷盤係暖的，又有怪味伏位三： 多款火鍋配料極不新鮮，芋絲乾到變色，青口死的煮極都開不了口，最過分係成碟蜆一倒入鍋，竟然瀰漫住一種臭味，不新鮮程度可見一斑，我地慌慌忙忙將所有蜆清走，但難聞氣味長存，最後我地決定放棄走人，互常囑咐大家，邊個肚痛請即通知其他人。。。最後其實無事，不過做火鍋生意，食材新鮮與否真的非常重要，希望餐

如果以價錢黎講食品尚可接受,我同兩個朋友都係第ㄧ次上去,服務態度好,坐得都舒服!食品方面選擇唔太多,刺生唔夠新鮮,賣相都ㄧ般,而飲品選擇都算多!邊爐方面湯底夠味,食材方面牛肉唔夠鮮,但海鮮唔差😉如果對食嘅要求唔高或只係想聚下傾下計都可以,須然話限時兩小時,但個場唔爆都唔會叫客人走!