海港薈

Open Now

Now Closed

午飯每次去酒樓食飯，總係有大事發生，有悲有喜。所以係特別嘅時候更加需要食好啲啲。結果每次都覺得又真係唔錯喎海港薈。相比一大碟炒飯炒麵，我個人對點心更加情有獨鐘。每次都帶住期待試下唔同嘅點心，而家可以話係對邊款好食啲都瞭如指掌，僅限我嘅個人喜好。只推介好吃，個人第一款要柯打嘅係水晶鮮蝦腸，但其實呢度嘅牛肉腸粉，各式腸粉都唔錯！皮滑厚度適中，材料十分足，做到咁已經非常可以；另外酒樓更細心甜豉油另上，咁就完全避免腸粉浸到林哂又或者索光哂，甜豉油唔夠等問題。其次！腐皮素鵝個人覺得都係好好食要推介，份量大件亦同樣剪好上菜，腐皮外脆內包住嘅熱辣辣素鵝，餡料調味出色，必叫。而點心之中，如果你認同鳳爪都有水準之分，咁你就要試下醬汁蒸鳳爪，花生鋪底，鳳爪多肉份量有多無少，味道水準穩定，新鮮即蒸唔乾身。鮑魚燒賣皇，賣點面頭一隻鮑魚無花假，雖不是超大鮑魚，但同平時食開燒賣大小差不多，熟透到適中不會過韌，味道整體唔錯。至於黑金流沙包，出於好奇柯打咗一籠，賣相果然係特別，非常少有酒樓用黑色去製作點心，但結果又幾高貴，至於流沙包的確流沙，但感覺奶皇餡少咗啲，整體不俗。其實除咗以上都仲有試不同點心及小食如燕窩鮮蛋撻

地方大，人唔多，就算父親節都冇話分兩輪。格局偏”娘”，同friend去就唔會，成掤親戚就 ok，熱熱鬧鬧都係唔錯嘅選擇！食物水準 ok 嘅，不過不失，正常，價錢都合理親民。龍蝦麵，汁幾好，龍蝦肉就實咗少少，不過都過得去。蒸斑不錯，好大條，好鮮味！比較欣賞乳豬，皮好脆，香口又滋味！蒸長腳蟹，我覺得唔係好新鮮，麻麻哋，少少腥，冇下次。海鮮炒芥蘭，芥蘭爽脆，不錯。冰鎮甜酸骨，好清爽，都幾大盆，好有份量！皮好脆，好味道！燒䳘就鞋咗啲，都係麻麻哋，可以更好！可以一試，不過要識嗌，因為唔係樣樣都好食。

今日又有口福，老闆請我哋去食lunch。這是我第一次去海港薈，初到貴境，讓我細心觀察欣賞，寫寫感受。這間酒樓很大很深，可容納很多很多人，非常適合擺酒。如果冇book位，臨時找地方吃飯，這裏應是好選擇。茶水方面，首先不要對茶葉要求太高，我們叫了壽眉，我覺得都算「水滾茶靚」，尤其水滾。食物方面，我們叫了成枱食物。以下是我的推介: 1) 鮑魚燒賣皇 - 鮑魚大大隻，燒賣皇很飽滿。2) 煎釀青椒 - 辣辣地，很野味!3) 黑金流沙包 - 流沙包不要太早吃，太流沙會少了口感。4) 鮮蝦飄香荷葉飯 - 真正有鮮蝦肉及荷葉香味的飯。多謝老闆!

服务差 可能是不会说广东话 给了一张最小的桌子 这就算了 态度无比差 还碎碎念 菜品还可以 味道中等 但菜量非常大 不是传统广东点心 分量很足 总而言之不会再去了有种花钱买罪受的感觉

是晚一行7 人，就近灣仔，放工為了蟹而來的一早打電話留定若莫兩隻5 斤$288/斤但人數臨時減左，到最後食兩隻3斤既，都大隻，唔會話強逼你叫大隻。我諗十個人可能就要3 隻細架啦一隻花雕蛋白一隻清蒸各有千秋，都好味！不過蟹膏我鐘意清蒸果邊多d.同時我地又叫左5 個菜牛柳粒好食，值得叫

臨近灣仔碼頭，海港中心沿扶手電梯上3/F便是酒樓。由於是商業區，周日較少人光顧，所以正午也沒有太多人等位。點心水準佳，松露上素粿皮薄餡多，墨魚餅不乾，帶子腸粉皮薄有小粒帶子，滋味。燒味也很好味，燒肉肥瘦相間，皮脆，叉燒也稔，但若嚐肥的就麻麻了，太瘦吧！

星期六中午喺灣仔商業區，想搵一間坐得舒服又唔使排長龍嘅酒樓食點心。 我會推介呢間自成一角 而且有少少海景嘅酒家， 佢個入口喺平台中間嘅扶手電梯上一層。 我推介嘅點心有:鮑魚燒賣、 雪山叉燒包、 脆皮素鵝。

灣仔食午飯真係選擇包羅萬有，中西意法日樣樣都有，由於是日落大雨關係揀左比較近既海港薈飲茶食點心一盅兩件必食燒鵝今日人少所以只係叫左例牌叫一隻佢會有個爉燭熱住黎食味道好好肉嫩有汁，塊皮仲有啲脆鮑魚燒賣飲茶必食蝦蝦肉爽口另一必食主角：蜜汁雞翼新鮮熱辣辣半煎炸再加少少蜜蜂上面甜得黎脆皮…肉嫩有汁最少一人一隻腐皮卷，都唔錯夠脆又有蝦金錢肚，入味唔似橡筋最後個甜品爆珠燉蛋，啲珠堅爆整體以飲茶黎講算唔錯…價錢每位一百鬆啲算係幾抵食質素又唔錯會展附近番工既人落雨食午飯又唔使淋…遮都唔使帶順帶一提：一定要book枱，book左都要等一陣，唔book我就提意你搵定第二間

埋枱6:30，6:50 叫起菜，食套餐，7:15見第一碟，9:00雞都未嚟。冇咁多人手就唔好接咁多單啦。4888 返屋企要煮麵，細路食麥記。PS. 隻乳豬柴皮咁，條魚根本未熟。

大約12:45到，首先坐落位打開杯，諗住洗下佢，點知一大枝煙頭，想點勁無奈....大約13:00落單，共落左12-15樣野，三催4請，直到14:10只來了5碟，極度無奈！。。。。

今晚係屋企人生日，故打算請佢食餐好既～全家都係海鮮控，就黎左呢度食蟹。之前係fb 見朋友去食左好正好多肉，所以應該都唔差～到酒樓後可以自行到魚池揀蟹，d 蟹編晒號碼及佢地既重量最後揀左隻4斤11 既17號，見佢係水中郁黎郁去好生猛 （即係$880）煮法揀左清蒸，有佢既原汁原味😊D 蟹肉好飽滿，好鮮甜，好食😋😋新鮮既蟹不用花巧清蒸已經好正另外仲叫左幾款小菜花膠娃娃菜煲蒜片安格斯牛肉粒芝士鵝肝茄子呢款佢話係得獎名菜，都幾有創意。煎完茄子，上面有雜菜粒同鵝肝粒既醬汁我嫌佢太少鵝肝粒啦😜最讚都係隻蟹👍🏻

Went there for family dinner tonight. Okay, I understand this is a Sunday night. But there are Sundays every single week and this isn't a public holiday or anything - there really is no excuse for service like this.We ordered an Alaskan crab paired with baked crab rice and everything else came except for the rice. We asked them about it for at least five times, including one of which we specified we'd like to speak to the manager. The manager only showed up after we asked for her the second time

腦細心情好收工請食飯，決定近近地去附近食，開飯網睇左一陣見呢度都阿拉斯加長腳蟹吾錯，所以建議黎試一試。平時lunch 都有黎食過，夜晚都係第一次。侍應服務殷勤有禮，耐心地介紹各款菜式。第一道菜就係今晚的主角: 阿拉斯加長腳蟹。主角出場氣勢磅礡，超大隻蟹下面放著乾冰營造出騰雲駕霧的感覺，相當吸睛，連旁邊食客都不禁發出讚嘆的聲音。一開始當然相機食先啦，影完剛剛乾冰散去，就開始大餐了。才疏學淺， 形容詞不多，蟹膏澎湃，蟹肉肥美極鮮甜。師傅已極細心地將大部份蟹殼弄碎，非常輕鬆的已將整個蟹肉取出，十分方便。不消一會已將整隻長腳蟹處理完，接下來是金牛蒡花膠燉響螺湯。 湯清甜，感覺到真材實料，相當吾錯。海膽醬焗龍蝦龍蝦都算大隻， 肉身鮮甜爽口。可惜海膽醬只有海膽色沒有海膽味，感覺似芝士千島醬。招牌燒鵝呢隻燒鵝應該是呢度的名品，當晚差吾多每枱都會叫一份。上菜時碟下有小爐火熱住， 令燒鵝可以長時間保持微熱。肉嫩吾羶，重點是皮脆卜卜。咁大隻燒鵝，就算就算幾個大胃王都要d時間先可以將佢完全消化，但鵝皮可以長時間都保持脆卜卜，抵讚。杏仁茶燉蛋白最後是甜品了，本來心想: 太飽了，不能再吃甜品了。 但甜品一上，想

※本文以用餐當日的環境、服務和食物質素為準，口味亦因人而異，文章只作參考之用。 -小妹食中菜既次數真係兩隻手都數得晒，始終中菜要多人先可以叫多點菜式，兩個人既話真係兩個菜都填飽你。最近友人極力推薦海港薈的長腳蟹，而且好耐無見了，所以我們又湊夠了半圍來個晚飯聚餐。海港薈既位置就係灣仔會展附近，不算就腳，好少可會特登入黎食就真。餐廳環境很大很闊落，比平時的酒樓坐得較為舒適。今次黎的目標係要狂食亞拉斯加長腳蟹 （凍食），一大盤上檯時底下的乾冰營造出仙境般出晒煙，整整一隻長腳蟹在藍色玻璃大碗上，賣相好得，要快手相機食先。為方便享用，蟹腳蟹身餐廳已一早為大家剪開晒，只需用餐具輕輕一拉，整條蟹柳很容易已拉出，不需多點蟹醋，食落啖啖肉，肉質爽口，味道相當鮮甜，連蟹醋都唔使點，真係好好食！揭開蟹蓋裡頭有大量黃色的蟹膏，不過味道同平時食開的蟹膏味稍有不同，所以小妹都係主攻鮮甜蟹肉！金牛蒡花膠燉響螺做女時成日有媽媽靚湯飲，而家就通常食中菜先會叫個湯黎飲。不得不說好鍾意呢盅燉湯，湯料好足，又有女士們至愛既養顏花膠，飲落相當甘甜，真係好好飲。海膽醬焗龍蝦用海膽醬焗成金黃色既龍蝦，龍蝦肉食落啖啖肉又夠爽口，不過

當晚，跟一班 80後好友及他們的另一半，一行 7人走到灣仔海港中心的 <海港薈> 食晚飯！當日是平日星期二的關係，相對少食客！包括：家庭客、商務客...等。 這裡以白色及紫色為主，裝潢舒適優雅配上華麗水晶燈！就連調味料架都很精緻吸引！空間感充裕！女侍應殷勤體貼有禮！值得一讚！海港晚餐 $4,386/6位 全包茶芥亞拉斯加長腳蟹 凍食以乾冰墊底，送上來還不斷出煙，弄得煙霧迷漫！ 未嚐先有視覺效果！長腳蟹配日式蟹醋，其酸甜度提升蟹鮮味！ 蟹膏很甘而肥美邪惡！ 配上鮮甜的蟹肉同食簡直絕配兼一流！蟹肉鮮甜肉質柔軟不腍散！金牛蒡花膠燉響螺包括：金牛蒡、花膠、響螺、雞腳、紅棗、豬肉…等；很足料！以花膠為例，色澤金黃、厚身夠體面，也有一定柔韌度，充滿骨膠原， 味道鮮甜濃郁帶藥材味！而且少油，相當滋補！海膽醬焗龍蝦海膽加沙律醬焗龍蝦，口味上有畫龍點睛之效！龍蝦爽彈鮮甜啖啖肉！令我食得津津有味！ 米皇鮮百合黑雞樅菌浸勝瓜師師傅很花心思把菌削成鉛筆狀，食落爽口，配上勝瓜，是一道清新味蕾的菜色！所謂米皇原來是米粥，的確健康！蛋白杏仁茶 質感濃稠，杏仁打成粉末混合其中，杏仁味濃郁，真材實料，剛