牛摩 (都會駅)

Open Now

Now Closed

牛摩喺好多地方都有分店，今次終於嚟到將軍澳調頸嶺，牛粉們有福啦！我和朋友緊喺第一時間去幫襯吓啦！😋😋😋. 我哋就叫左美國牛小排套餐，可以任食牛小排，牛肩胛，和牛，爆醬瀨尿蝦牛丸，翡翠螺，扇貝，廣島蠔。。。。等等，都有好多好多選擇。外面仲有各式各樣的飲品，同唔同類型嘅蔬菜，瓜，粟米，你估到估唔到，就連壽司都有任攞，真係包攞萬有。火鍋緊喺要講吓湯底嘅。骨膠原啫喱雞白湯，簡直是女士恩物。湯底濃厚，好creamy呀，而且造型可愛😍講明牛摩，就喺多款牛肉同埋部位可以選擇，呢個套餐，就有5，6款你選。唔駛單一味咁悶。真係睇見都興奮。牛小排肉味濃，而且都好滑，好新鮮。正。和牛好鬼正，好滑，好重牛味，記得點多幾碟啦！💖羊肉卷一d騷味都無。唔錯呀。總括而言，我哋會再嚟朝拜。🤩🤩

試過好幾間食牛嘅火鍋放題，但就係未試過“牛摩”，所以今晚約左朋友黎試下先。之前都聽人話啲牛好高質素，果然冇令我失望。套餐款式都算多選擇，揀左個“極品美國牛小排套餐”$349，湯底要左個幾得意嘅“博多美人骨膠原喱雞白湯”，湯面有個牛摩啫喱公仔造型，好可愛。朋友就點左蕃茄湯底。打邊爐最好先食菜再食肉，佢啲配菜選擇都唔少，有蓮藕、栗米、芋頭、南瓜、苦瓜、冬瓜…….最開心竟然有superfood羽衣甘藍。小食有炸帶子、雞翼、炸餃子、壽司……，但估唔到有爆谷，因為其他火鍋放題好少有爆谷。牛控必選：美國牛小排、和牛、極上黑豚肉、IBP牛板腱、特選牛肩肉、牛舌仲有羊肉卷。佢啲牛果然並非浪得虛名，色澤鮮紅夠新鮮，脂肪比例平均，唔使利用醬油帶出鮮味都已經好重牛肉味，羊卷亦唔會帶有羊騷味道。海鮮同樣新鮮，尤其廣島蠔，夠肥美，蝦又爽又彈牙，翡翠大螺夠巨型。甜品有乳酪，細細件嘅cake同一口泡芙，食多左都唔覺有罪惡感🤣🤣🤣下次要再約朋友食過

今日經過調景嶺開左間新既牛摩😍之前係其他分店食過都唔錯👌🏻最鍾意佢一人一鍋既設計👏🏻。湯底我地擇左「博多美人骨膠原啫喱雞白湯+$10」同「蟲草花雞白湯」，博多美人湯底真係超重骨膠原！好好味，蟲草花雞白湯就清清地咁。。套餐我地擇左「極品美國牛小排 $349」，跟餐會有：極品美國牛小排、SRF美國和牛、豚肉雞肉，任叫任食！極品美國牛小排高質！牛味超重，厚薄適中，表示好欣賞。。海鮮類仲有帆立貝同白鱔片可order，鮮味十分。仲有炸物食都好正😂炸得好有誠意，樣樣野都熱辣辣，包括：七味雞翼、炸雞軟骨、炸池魚仔、鹽酥雞😍。自助區應有盡有，菜都有幾十種，仲有甜品區，乳酪雪糕🍦又有原味/朱古力泡芙😍😍 。呢個價錢一人一鍋，食咁多唔同種類，算收貨啦😝😝👍🏼

啱啱先知原來呢一度新開左一間牛摩🤩即刻試！餐廳野食幾多，好吸引佢仲有爆谷食！！！我趁d 鍋未到（ps. 依度係一人一鍋）就拎左d 黎食味道真．OK似影院個d,岩曬我平時叫一桶又食唔曬嘅人雪糕味道正常，有兩款味嘅醬+各種配料有我鐘意嘅jelly. 上面topping 有花生/紅豆，底係芒果布甸奶茶好可惜冇得較甜度，我平時係街都飲開走甜好似係cheesecake, 朋友話好味～牛肉有牛香，豬肉好正。牛有幾款，豬&雞各一款。三種肉都好味有d 驚喜見到有螺係幾特別，味道都比想像中好。個人覺得肉比海鮮好食我地兩款鍋都揀左清淡口味，我覺得咁樣先更好品嚐到肉嘅原味😎😎😎日式火鍋相對地冇咁heavy 我幾鐘意依間野值得翻兜

牛摩都有好多分店，新開左間係調景嶺都會駅，地鐵站格離，方便至極。好耐冇打過邊爐，牛摩好既地方係一人一鍋，叫左個極品美國牛小排放題，湯底升級左，試下博多美人骨膠原啫喱雞白湯，一黎到個賣幾得意，同埋都夠食得出好膠，有黏着既口感。一黎到先上豬、牛、雞，食完個極品美國牛小排真係番唔到轉頭，試埋牛板腱同美國和牛，都係極品好食好多，脂肪比例好均勻，肉質軟腍，唔會鞋口，夠牛味又薄又唔肥，牛肉淨係食佢都夠。豬都係好高質，都係要叫美國極上黑豚肉。海鮮係另一重點，海蝦夠新鮮又夠大隻，叫幾多黎幾多，冇取巧；半殼扇貝又係好新鮮；連埋大大隻既廣島蠔，質素好高絕對要encore多幾round。估唔到食物款式仲要勁多選擇，仲有小食同炸物，炸物岩岩炸起，夠哂好食。自助區仲有基本火萊食材，菜呀丸呀麵呀，應有盡有。估唔到仲要有埋壽司，而且壽司既選擇都算係咁，三文魚、蝦、八爪魚、蟹柳，真係比足貨。甜品又係勁多選擇，有基本既泡芙、蛋糕等等，仲有爆谷同乳酪雪糕，記得真係要留番小小位比甜品呀。🍲極品美國牛小排放題 $349

朋友生日，選擇了牛摩作為他的生日飯。由於調景嶺分店是新開張，店舖門口有幸運轉盤給每枱客人玩。由大獎到五獎不等。餐廳食物質素正常，種類亦可接受。最特別最吸引的是有乳酪雪糕！！！有機會會再光顧。

牛摩有好幾間分店，食物質素都有保正，最近新店登陸調景嶺嘅都會駅商場，我緊係要黎捧下場啦😋。90分有放題套點亦有好幾款，豚肉雞肉餐、特選美國牛肩胛餐、美國IBP牛板腱餐、美國和牛餐、極品美國牛小排餐，重有最超級靚嘅日本佐賀霜降黑毛和牛餐。自選食物區有好多選擇：蔬菜，什菌、丸類凍櫃，都有成三十幾種食材，每樣都好新鮮，最估唔到係連羽衣甘藍呢啲貴價菜都有👍🏻；凍櫃側邊就係壽司同冷盤，令我最驚喜除左有雪糕機，仲有沙冰機同爆谷添🍿😋。呢度嘅人氣別注版湯底，博多美人骨膠原啫喱雞白湯，只須加$10就可以升級享用，緊係要試下啦😋，有個公仔造型嘅啫喱凍湯好得意，慢慢溶化，就變成奶白色嘅雞白濃湯，試一啖，飲落有些小黏口，好有骨膠感。-美國極品牛小排，脂肪油花比例好均勻，入口嫩滑，牛味重；其次係牛舌都係不停追加，薄切牛舌只須係熱湯淥10秒8秒，入口非常軟嫩；黑䐁同雞肉質素都唔錯，唔食牛嘅骨朋友可以選䐁肉雞肉套餐。-羊肉片，羊羶味唔會太重，肉質軟嫩。-海鮮方面有海蝦、廣島蠔、扇貝、青口、魷魚、帆立貝、膳片全部都好新鮮，膳片同蝦滑我最鍾意，不停refill左幾次🤭。最後緊係要食埋個爆谷同雪糕啦🤭，爆谷係焦糖原味，

知道牛摩終於係調景嶺開分店啦!!即刻黎試試~大約6點半到 已經好多人排隊入座 新店環境真係滿分 周圍有好多牛摩公仔做裝飾座位夠闊落 光猛又乾淨 有6個放題套餐可以揀揀左美國極品牛小排套餐 呢個套餐已經包含左多款唔同既肉類、海鮮連羊肉都有 好少放題會有羊肉任食呢個套餐真心抵食湯底一個揀左博多美人骨膠原啫喱雞白湯用湯底整成左一個牛摩公仔 超可愛 另一個揀左壽喜燒湯底 會跟埋一粒雞蛋極品美國牛小排貌相好吸引 油脂分泌好平均輕輕淥10幾秒 就食得 肉質好軟腍!!就算唔小心淥耐左 口感都依好好肉味本身已經好濃郁 再點小小配料味道更突出美國極上黑豚肉黑豚肉切得薄 唔洗淥好長時間口感同樣好嫩 有肉香牛舌雖然牛舌係薄切 但係食落好爽口有驚喜!!除左自己叫既肉類 仲有自助區蔬菜、丸類、冷盤、熟食、甜品、飲品可以自取款式真係好多

今日行完山，落山人已在調景嶺肚開始餓了，記得附近新開左間牛摩，肚餓嘅我已經好想去試吓話說食牛摩已經係好幾年前嘅事，時至今日，裝修越嚟越奢華坐得舒服咗好多！望吓個餐牌，一樣有放題任食邊爐仲有好多款唔同嘅湯底，好好味好香我哋揀咗極品美國牛小排，仲有多款滋味小食可供選擇，隨時喺手機落單非常方便。我哋叫了長野蘋果湯底和關東風壽喜燒湯底，兩個都唔會躁底而且撐貴出邊仲有好多小食可以揀，甚至有熟食都冇問題所以我哋揀咗壽司暖暖肚竟然仲有爆谷可以提供簡直係最愛好啦，係時候食正餐啦，我哋叫咗牛舌、美國極尚黑豚肉、特選美國牛肩胛其實仲有好多海鮮，可以選擇有墨魚玩、帆立貝、扇貝仲有美國生蠔同埋海蝦全部都係我嘅favourite嗰度仲有好多罐裝飲品，另外仲有沙冰、鮮榨生果汁，同埋咖啡奶茶可以選擇放題式嘅享受，完全令我覺得好滿足最後，我哋決定食杯日本3.6牛乳乳酪真係非常非常好味！今時今日牛摩已經係極高級嘅享受，今日呢餐我覺得好開心希望下次嚟嘅時候，仲可以試埋佢嘅宵夜時段，價錢仲好吸引添

將軍澳區開第二間牛摩! 開正屋企附近，於是去試試! 新店裝潢寬廠光明，二人台都唔會好細張! 做會員優惠都幾多，即時入會送$100現金卷，最正係之後逄每個月最後一個星期四去食有75折! 套餐有6種Level，全部限時90分鐘，最平$169，就可以任食出面自助櫃既壽司、日式前菜、甜品同飲品。叫左第5 level ($349/ppl) : 極品美國牛小排，同最貴既分別就係少左霜降黑毛和牛，但已經包左6款牛肉、所有海鮮同特別款既丸，性價比高啲。湯底簡左雞白湯，上台時有個牛摩樣啫喱，幾可愛! 另外試左新出既長野蘋果湯，帶蘋果既酸甜，味道較清淡，感覺健康啲。6 款牛中，除左牛舌，每款都叫左，冇對比冇傷害! 牛小排係最正，肥瘦適中，食落柔軟，牛味較重，第二中意係牛板腱，帶板筋位，多啲口感。叫左隻温泉蛋，點牛肉食一流!海鮮有7款，選擇算多，整體新鮮，最推薦廣島蠔，蠔肚肥美飽滿，田螺都係放題少見既，都幾大隻。丸既選擇有驚喜! 如醬爆瀨尿牛丸、皮蛋紅薑貢丸、牛骨濃汁牛丸同蘑菇芝心堡... 唔係伏，粒粒都有內饀，一咬爆汁。出面自助區既蔬菜新鮮，refill速度快，特別啲既有羽衣甘藍，出面賣好貴架!壽司正常發

去左搵住將軍澳嘅朋友仔食飯，朋友推介去牛摩打邊爐。之前食過都覺得質素唔錯，價錢合理，所以就揀左食呢間！😝晚市90分鐘任飲任食，極品美國牛小排$359，有牛、雞、豚肉、羊肉、海鮮等等，而牛小排嘅脂肪比例好平均，入口好軟腍，牛味濃郁，一定要encore😙😚鐘意食羊肉嘅朋友就唔好錯過，唔係咁多餐廳可以任食羊肉，味道都唔會好膻😜海鮮選擇亦唔少，有廣島蠔、海蝦、青口、帆立貝、魷魚仔、扇貝，食落幾新鮮，夠鮮甜！湯底有9款可以揀，我地就揀左昆布鰹魚清湯同博多美人骨膠原啫喱雞白湯，雞白湯雞味都幾濃郁😝自助區有多款汽水、飲品供應，連沙冰都有，真係幾有驚喜😍蔬菜、丸類、粉麵都可以係自助區任拎，餐廳refill食物嘅速度都幾快。甜品有好香滑嘅乳酪雪糕、泡芙、cake,打完邊爐必食🥰

知道調景嶺商場又開咗新火鍋店，🔥 最鍾意打邊爐的我， 即刻拉埋老友一齊試新。 驚住中午多人冇位， 我哋兩點先至嚟食， 好彩有位 。🥳🥳帶位嘅哥哥仔非常之有禮貌， 熱情招呼， 介紹不同的火鍋套餐 ，我哋揀咗中間價錢， 極品美國牛小排餐 ，299一位 ，內容非常豐富， 睇見都開心。 湯底都有好多款 ，識飲識食嘅我哋自然係首先揀呢度嘅招牌湯底 ，骨膠原豐富 ，博多美人骨膠原啫喱雞白湯。有濃湯自然就有清湯，另一個湯底我就揀咗昆布湯， 我知道昆布湯係可以令到肉類同海鮮嘅味道更加突出， 所以湯底一濃一淡，就係最好嘅選擇 。揀完湯底就去自助區揀調味料同埋飲品， 仲有蔬菜 ，呢度嘅自助區選擇真係太多啦，調味料區非常整潔 ，每樣配料都係乾淨企理新鮮亮麗， 見到就想畢多幾羹。 火鍋蘸料自然少不了蒜蓉， 芫茜， 麻油，乾蔥 ，新鮮辣椒， 豉油 ，最特別就係有柚子醋。 跟住就去攞蔬菜 ，我習慣打邊爐係先食少少蔬菜 ，咁樣就冇咁容易食滯， 呢度嘅蔬菜都係好新鮮 ，我哋就揀咗羽衣甘藍，油麥菜， 南瓜 ，芋頭，苦瓜，冬瓜， 響鈴， 蓮藕 ，金菇，雲耳 ，五顏六色乜都攞啲， 攞完蔬菜我哋點嘅火鍋料就已經上臺 。首先亮

《 調景嶺火鍋新店開張五重優惠 》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧今次去左調景嶺探左一個好耐冇見嘅朋友，於是乎就一齊去左都會駅搵嘢食。好一段時間都冇嚟過都會駅，發現開咗好多新嘅餐廳。見到有一間新開張嘅日本火鍋店《牛摩》，餐廳用咗好多牛魔公仔做裝飾，感覺環境好舒適，即刻排隊入去試下。牛摩晚市90分鐘放題，每人一鍋可以有六種唔同嘅湯底選擇，另外可以再升級三款精選湯底，長野蘋果湯，博多美人骨膠原啫喱雞白湯，麻辣雞血湯，我就揀咗骨膠原雞白湯，勁Q有個牛摩個樣印係上面，今次去到依間新店環境好新，有唔同嘅燈籠同埋漫畫喺出邊，顏色配搭好新穎繽紛。見到佢有個新嘅套餐係日本佐賀霜降黑毛和牛，晚市時段$509，九點之後就特價$439！難得嚟到，當然要食返餐好嘅。呢個套餐真係好豐富，多達30款食物。肉類方面首選日本佐賀霜降黑毛和牛、極品美國牛小排、SRF美國和牛、美國極上黑豚肉。其中黑毛和牛嘅大理石油花好靚，於是乎我都叫咗幾盤食過唔停。海鮮方面就可以試下廣島蠔、加拿大翡翠螺、扇貝、海蝦、青口、帆立貝。之後就到咗自助區嘅環節，蔬菜方面有白菜，羽衣甘藍，油麥菜同埋生菜，其他配料仲有蒟蒻粒，土豆

今日約咗個舊同學去將軍澳食嘢，我哋揀咗都會駅嘅牛摩食放題，由於我朋友都係擦得之人，所以我哋揀咗極品美國牛小排呢個餐，呢個餐係5個餐之中最貴嘅，但係食完之後就覺得抵食，物超所值。我哋揀咗一個蕃茄湯底，令一個係蟲草花雞白湯。個蕃茄湯酸酸地，湯味好濃，個蟲草花雞白湯，湯底好滑好香👍👍佢提供肉類有好多選擇，有極品美國牛小排、美國和牛、極上黑豚肉，牛板腱、牛肩胛、牛舌、羊卷肉、雞肉。佢提供嘅肉好滑，特別係牛小排，就算滾得耐咗啲牛肉都唔會韌，但係啲肉又唔肥，肉味好濃，好juicy, 唔似而家外面嗰啲火鍋提供嘅肉類，淡而無味好似食柴咁，呢個餐嘅食物太多選擇，但係牛小排係主力推介，係要一試再試，真係好好味👍👍👍佢嘅薄牛舌都係好好食，好爽甜。雞肉都係又滑又有雞味。海鮮其實都好多選擇，廣島蠔係要極力推介，滾完之後啲蠔肉都唔縮，又滑又冇渣。帆立貝都係好大隻，又甜又冇喳。魷魚仔都好爽口好甜。醬爆瀨尿牛丸、皮蛋紅姜貢丸，同牛骨濃汁牛丸都係好好味好特別，肉質好彈口，好Juicy。餐廳提供嘅雪糕好滑好香，記得要試👍👍👍呢度有好多醬料，總有幾種醬料係啱你嘅口味。食完之後，我哋都覺得好滿足好開心，呢個餐真係好美滿，一定

今日放工去咗調景嶺搵朋友食飯，佢話樓下商場開咗一間新嘅日式火鍋放題。日式火鍋我都食唔少，一於等我會一會佢😎今次我哋叫咗$349嘅極品美國牛小排餐，呢度湯度選擇都唔少，今次就揀咗最大路嘅鰹魚同壽喜燒。我平時食日式火鍋除咗著重肉類，配料都係另一重點。自助區有兩個大雪櫃放配料，選擇都幾多，丸類、菇類、蔬菜樣樣都齊。估唔到嘅係雪櫃隔離仲有個位放壽司同沙律，打邊爐打到悶悶到用嚟轉下口味都幾好😂坐低無幾耐店員已經上咗第一碟肉。牛小扒望落脂肪比例均勻，最重要係切得大大片分量十足！因為牛小扒有一定厚度，碌嘅時候唔會縮埋一舊，肉質軟腍得嚟又唔會失去口感，加分👍🏻除咗肉類之外，放題竟然係包埋海鮮！有海蝦、廣島蠔、扇貝、青口、魷魚等等，雖然係火鍋放題但食落好新鮮，種類咁多但呢個價錢其實已經超值🤑食到最後緊係要食雪糕同甜品啦！同大部分火鍋放題一樣，都係放咗部雪糕機比你自己整。今日嘅雪糕係北海道低脂乳酪雪糕，唔會太甜又有牛奶香，仲要低脂真係忍唔住食多一兩杯😂#牛摩 #調景嶺 #放題 #任食 #打邊爐 #優惠 #火鍋 #wagyumore #wagyumoreplus #Metrotown